पुणे शहरात राष्ट्रवादी काँग्रेसचे वर्चस्व कायम ठेवण्यासाठी शहरातीलच उमेदवाराला संधी द्यावी, अशी भावना कार्यकर्त्यांकडून व्यक्त होत आहे. मात्र दुसरीकडे पिंपरी-चिंचवड आणि पुणे ग्रामीण भागातील नेतेही उमेदवारीसाठी इच्छुक असल्याने पक्षासमोर मोठे राजकीय गणित उभे राहिले आहे.

दीपक मानकर यांच्यासह नाना काटे, माजी आमदार सुनील टिंगरे, विलास लांडे, रमेश थोरात यांच्यासह अनेक नेते आणि पदाधिकारी विधान परिषदेसाठी इच्छुक असल्याची चर्चा आहे. त्यामुळे अखेर राष्ट्रवादी काँग्रेस पुणे शहर, पिंपरी-चिंचवड की पुणे ग्रामीणमधील कोणत्या चेहऱ्यावर विश्वास दाखवणार, तसेच उपमुख्यमंत्री सुनेत्रा पवार काय निर्णय घेणार याकडे आता संपूर्ण राजकीय वर्तुळाचे लक्ष लागले आहे.

सत्कार समारंभात भावना व्यक्त करताना सुवर्णा पवार म्हणाल्या, “सर्व अधिकारी, मोकादम आणि सहकारी सेवक यांच्या पाठिंब्यामुळेच मी रात्रपाळीच्या शाळेत प्रवेश घेऊन दहावीची परीक्षा उत्तीर्ण होऊ शकले. या यशाचे सर्व श्रेय माझ्या सहकाऱ्यांना आणि मार्गदर्शन करणाऱ्या अधिकाऱ्यांना जाते.”

सुवर्णा पवार यांचे बालपण अत्यंत हालाखीच्या परिस्थितीत गेले. त्यांचे माहेरचे नाव सुवर्णा लक्ष्मण अवघडे असून, मोलमजुरी करणारे आई-वडील विमल आणि लक्ष्मण अवघडे यांच्या पोटी त्यांचा जन्म झाला. माहेरी नववीपर्यंत शिक्षण घेतल्यानंतर त्यांचा विवाह मजूर कामगार सोमनाथ पवार यांच्याशी झाला. आर्थिक परिस्थिती अत्यंत बिकट असल्याने त्यांना शिक्षण अर्धवट सोडावे लागले. लग्नानंतरही परिस्थितीत फारसा बदल झाला नाही. पतीचे १३ वर्षांपूर्वी अकाली निधन झाल्यानंतर संसाराची सर्व जबाबदारी त्यांच्या खांद्यावर आली. मुलीचे संगोपन आणि उदरनिर्वाहासाठी त्यांनी कचरा वेचणे, धुणीभांडी करणे, बांधकामावर मजुरी करणे, डोक्यावर वाळू-विटा वाहून नेणे अशी अनेक कष्टाची कामे केली.

त्यानंतर पुणे महानगरपालिकेच्या घोले रोड क्षेत्रीय कार्यालयात सार्वजनिक स्वच्छता विभागात कंत्राटी महिला सफाई कामगार म्हणून त्या काम करू लागल्या. कामगार युनियनच्या माध्यमातून त्यांचा “आता थांबायचं नाय” या चित्रपटाशी परिचय झाला आणि त्यातूनच शिक्षण पूर्ण करण्याची प्रेरणा मिळाली. “मला शिकून वेगळं काहीतरी करायचं आहे. माझ्या मुलीला चांगलं शिक्षण द्यायचं आहे. तसेच इतर कामगारांनीही शिक्षण घ्यावं,” अशा भावना त्यांनी यावेळी व्यक्त केल्या

पुणे : पुणे शहरातील पर्वती पायथा परिसरात दिनांक ०५ मे २०२६ रोजी ९ वर्षीय बालिकेवर अत्याचाराच्या प्रयत्नाची धक्कादायक घटना घडली असून, अलीकडेच नसरापूर येथे साडेतीन वर्षांच्या चिमुकलीवरील अत्याचार व हत्या यांसारख्या अमानुष घटनांमुळे संपूर्ण पुणे शहर व परिसरात भीती व असुरक्षिततेचे वातावरण निर्माण झाले आहे. या दोन घटनांच्या पार्श्वभूमीवर नगरसेवक हर्षवर्धन मानकर यांनी पुणे पोलिसांकडे महत्वपूर्ण मागणी केली आहे.

पर्वती आणि नसरापुर येथे घडलेल्या घटनांची पुनरावृत्ती रोखण्यासाठी प्रभावी प्रतिबंधात्मक उपाययोजना करणे अत्यंत आवश्यक असल्याचे मत नगरसेवक हर्षवर्धन मानकर यांनी व्यक्त केले आहे.

कोथरूड परिसरात मोठ्या प्रमाणावर निवासी वसाहती विकसित झाल्या असून, बाहेरून वास्तव्यास येणाऱ्या नागरिकांची संख्याही सातत्याने वाढत आहे. मात्र संबंधित व्यक्तींची पार्श्वभूमी, ओळख, कायमस्वरूपी पत्ता, भाडेकरू नोंदणी व पोलीस पडताळणी याबाबत आवश्यक माहिती अनेक ठिकाणी उपलब्ध नसल्याने सार्वजनिक सुरक्षेचा प्रश्न अधिक गंभीर बनत असल्याची बाब मानकर यांनी निदर्शनास आणून दिली आहे.

नगरसेवक हर्षवर्धन मानकर यांनी पोलिस प्रशासनाकडे केली महत्वपूर्ण मागणी

या पार्श्वभूमीवर बाहेरून वास्तव्यास येणाऱ्या नागरिकांची सक्तीची पोलीस पडताळणी, भाडेकरू नोंदणीची कठोर अंमलबजावणी, संशयित व्यक्तींवर नियमित निगराणी तसेच स्थानिक नागरिकांच्या सहभागातून सुरक्षा समित्या व जनजागृती उपक्रम प्रभावीपणे राबविण्याची मागणी नगरसेवक हर्षवर्धन मानकर यांनी पोलिस उपायुक्त संभाजी कदम यांच्याकडे केली आहे.

महिला व बालकांची सुरक्षितता ही केवळ प्रशासनाची नव्हे तर संपूर्ण समाजाची सामूहिक जबाबदारी आहे. नागरिकांमध्ये सुरक्षिततेची भावना निर्माण करण्यासाठी प्रशासनाने केवळ तपासात्मक नव्हे तर कठोर, सातत्यपूर्ण व परिणामकारक प्रतिबंधात्मक कारवाई तातडीने राबवावी, अशी मागणीही त्यांनी पोलिस प्रशासनाकडे केली आहे.

औंध बोपोडी परिसरातील महापालिकेच्या खेडेकर रुग्णालयात डायलिसिस, फिजिओथेरपी, मुलांसाठी आयसीयू अशा अत्याधुनिक सुविधांनी सुसज्ज झाले असून आगामी काळात शेवाळे रुग्णालयात कर्करोग आणि दंत रोगावर उपचारांच्या अत्याधुनिक सुविधा उपलब्ध करून देण्यात येतील. त्याचप्रमाणे संजय गांधी रुग्णालयाच्या खाजगीकरणाचा डाव उधळून लावला गेला असून कॉर्पोरेट सोशल रिस्पॉन्सिबिलिटी निधीच्या माध्यमातून या रुग्णालयाचे देखील आधुनिकीकरण केले जाणार आहे, अशी घोषणा आहे वाडेकर यांनी यावेळी केली.

या कार्यक्रमात डॉ. झिब्रा इस्रायल यांचा त्यांच्या सामाजिक कार्यासाठी डॉ बाबासाहेब आंबेडकर जीवनगौरव पुरस्कार देऊन सन्मान करण्यात आला. औंध बोपोडी परिसरातील महापालिका रुग्णालयांमध्ये आधुनिक सुविधा उपलब्ध करून देण्यात डॉ. इस्रायल यांचे मोलाचे योगदान आहे. रोटरी क्लब ऑफ पुणे डाऊन टाउनच्या त्या असिस्टंट गव्हर्नर असून या माध्यमातून देखील त्यांनी केवळ औंध बोपोडी परिसरातच नव्हे तर संपूर्ण पुणे शहरात वैद्यकीय, शैक्षणिक आणि सामाजिक क्षेत्रात उल्लेखनीय कार्य केले आहे. या कार्याची दखल घेऊन त्यांना हा पुरस्कार देण्यात आला. आपल्या कार्यामध्ये माजी उपमहापौर सुनीता वाडेकर व विद्यमान उपमहापौर परशुराम वाडेकर यांचे मोलाचे सहकार्य असून या पुढील काळातही समाजासाठी योगदान देण्याचा आपला प्रयत्न राहील, असे डॉ. इस्राएल यांनी यावेळी नमूद केले.

महोत्सवाच्या समारोपानिमित्त “लोककला दर्शन” या कार्यक्रमाचे विशेष आयोजन करण्यात आले. या कार्यक्रमात भाकरी गीत, पोतराज, शेतकरी गीत, भारुड,, लावणी, शाहिरी, भीम किर्तीचा पोवाडा, जागरण गोंधळ अशा विविध लोककलांचे दर्शन कलाकारांनी प्रभावीरीत्या घडवले. रसिकांनी या कलांचा मोठ्या उत्साहाने आस्वाद घेतला.

कोथरूड :  २०१६ रोजी पुण्यात मेट्रो प्रकल्प आला, तेव्हा हे अनेकांना दिवास्वप्न वाटत होते. मात्र मेट्रोच्या वर्तमान स्थिती मुळे मेट्रो पुणेकरांच्या जीवनाचा भाग बनली आहे, असे प्रतिपादन राज्याचे उच्च व तंत्र शिक्षणमंत्री चंद्रकांत पाटील यांनी केले. हिंजवडी मेट्रो मार्गिका ही लवकर सुरु व्हावी; अशी अपेक्षा ही त्यांनी यावेळी व्यक्त केली.

कोथरुड मतदारसंघातील कर्वेनगर व वारजे परिसराला जोडणाऱ्या मेट्रो ४ आणि ४ ए प्रकल्पाच्या प्रस्तावित आराखड्यास नुकतीच मंजुरी मिळाली असून, सदर प्रकल्पाची माहिती स्थानिक नागरिकांना व्हावी, यासाठीचे सादरीकरण पुणे मेट्रोच्या वतीने आज करण्यात आले.

या कार्यक्रमाला राज्याचे उच्च व तंत्रशिक्षण मंत्री चंद्रकांत पाटील, पुणे मेट्रोचे व्यवस्थापकीय संचालक श्रावण हर्डीकर, महाराष्ट्र मेट्रो रेल कॉर्पोरेशन लिमिटेडचे संचालक (कार्य) अतुल गाडगीळ, नगरसेवक राजाभाऊ बराटे, पुनीत जोशी, नगरसेविका मंजुषा खर्डेकर, रेश्मा बराटे, तेजश्री पवळे, माजी नगरसेवक सुशील मेंगडे स्थानिक नागरिक मोठ्या संख्येने उपस्थित होते.

बैठकीच्या सुरुवातीला मेट्रोचे व्यवस्थापकीय संचालक श्रावण हर्डिकर यांनी पुणे मेट्रोचा विकास, सद्यस्थिती आणि प्रस्तावित मेट्रो ४ आणि ४ एचे विस्तृत सादरीकरण केले. पुणेकरांचे जीवनमान उंचावण्यासाठी, तसेच कुटुंबासोबत योग्य वेळेची उपलब्धता वाढवणं ही मेट्रोच प्राथमिकता आहे. ‘लास्ट माईल कनेक्टिविटी’साठी  चंद्रकांत पाटील यांच्या पुढाकारातून कोथरुड मध्ये सुरु असलेल्या शटल बससेवा आणि प्रीपेड रिक्षाचेही हर्डिकर यांनी कौतुक केले.

तसेच, प्रस्तावित मेट्रो ४ आणि ४ ए प्रकल्प आगामी चार वर्षांत पूर्ण करण्याचा मेट्रोचा संकल्प असल्याचेही त्यांनी यावेळी नमूद केले. तसेच, प्रस्तावित मेट्रो ४ आणि ४ ए प्रकल्पाबाबत नागरिकांच्या शंकांचेही निरसन केले.

चंद्रकांत पाटील यांनी या सर्व सादरीकरणाबाबत समाधान व्यक्त केले. २०१६ मध्ये पुण्यात मेट्रो प्रकल्प आला, तेव्हा हे अनेकांना दिवास्वप्न वाटत होते. मात्र मेट्रोच्या वर्तमान स्थिती मुळे मेट्रो पुणेकरांच्या जीवनाचा भाग बनली आहे. मेट्रोच्या यशस्वीततेसाठी पंतप्रधान नरेंद्र मोदीजी आणि मुख्यमंत्री देवेंद्र फडणवीस यांनीही भरीव आर्थिक पाठबळ दिल्याने आज पुण्याच्या मेट्रोचे टप्पे पूर्ण होऊन नागरिकांच्या सेवेत कार्यरत आहेत.

ते पुढे म्हणाले की, मेट्रो ४ आणि ४ ए हा प्रकल्प पूर्ण झाल्यास कोथरुडकरांचा वेळ, पैसा वाचण्यासोबतच वाहतूक कोंडीतून सुटका होईल, असा विश्वास व्यक्त केला. तसेच, पुण्यातील आयटीयन्ससाठी हिंजवडी मेट्रो मार्गिका देखील लवकर पूर्ण व्हावी, अशी अपेक्षा व्यक्त केली.

पुणे : पुणे महानगरपालिकेच्या सन २०२६–२७ च्या अंदाजपत्रकावर झालेल्या चर्चेदरम्यान नगरसेवक हर्षवर्धन मानकर यांनी शहराच्या विकासाशी निगडित विविध महत्त्वाच्या मुद्द्यांवर ठाम आणि मुद्देसूद भूमिका मांडली.

यावेळी बोलताना हर्षवर्धन मानकर यांनी शिवसृष्टी प्रकल्पाचा मुद्दा विशेषत्वाने उपस्थित केला. ते म्हणाले, “माझे वडील, माजी उपमहापौर दीपक मानकर यांनी कोथरूडमधील कचरा डेपोच्या जागेवर शिवसृष्टी उभारण्याची संकल्पना मांडली होती. पुणे महानगरपालिकेत यावर ठराव करण्यात आला असून तेव्हापासून दरवर्षी अंदाजपत्रकात निधीची तरतूद केली जाते.
मुख्यमंत्री देवेंद्र फडणवीस यांनी बी.डी.पी. झोनमध्ये शिवसृष्टी उभारण्याचे आश्वासन दिले होते; मात्र शासन स्तरावर अद्याप कोणतीही ठोस कार्यवाही झालेली नाही. पुणे शहरात मोठे प्रकल्प राबवले जात असताना शिवसृष्टी प्रकल्पासाठीही आग्रही भूमिका घेऊन तातडीने कार्यवाही करण्यात यावी.”आहे ते म्हणाले.

पुणे शहराच्या वाढत्या गरजांचा विचार करता नियोजन वास्तववादी आणि परिणामकारक असणे आवश्यक असल्याचे त्यांनी नमूद केले. अंदाजपत्रकातील सकारात्मक बाबींचे स्वागत करतानाच अंमलबजावणीबाबत स्पष्टता आणि जबाबदारीची मागणी त्यांनी केली. पायाभूत सुविधांबाबत बोलताना शहरातील वाहतूक कोंडी, अपूर्ण रस्ते आणि खड्ड्यांच्या समस्यांवरही त्यांनी प्रशासनाचे लक्ष वेधले. पाणीपुरवठा विषयावर समान पाणीपुरवठा योजनेची प्रभावी अंमलबजावणी, पाणी गळती रोखणे आणि टंचाईग्रस्त भागांना प्राधान्य देणे आवश्यक असल्याचे मानकर यांनी सांगितले.

पुढे बोलताना त्यांनी घनकचरा व्यवस्थापनाबाबत बायोगॅस आणि झिरो स्लजसारख्या योजनांचे स्वागत करतानाच प्रत्यक्षात मनुष्यबळाच्या कमतरतेमुळे समस्या गंभीर असल्याचे त्यांनी निदर्शनास आणले आणि तातडीने उपाययोजना करण्याची मागणी केली.आरोग्य क्षेत्रात मल्टीस्पेशालिटी रुग्णालयांच्या घोषणांचे स्वागत करताना त्यांनी मनपाच्या अनेक रुग्णालयांमध्ये केवळ ओपीडीपुरत्याच सेवा उपलब्ध असल्याची बाब मांडली आणि सर्व सुविधा कार्यान्वित करण्याची मागणी केली. त्यांच्या प्रभागातील दवाखान्यातही विविध सुविधा उपलब्ध करून देण्याची अपेक्षा त्यांनी व्यक्त केली.

महिला सक्षमीकरणासाठी जाहीर केलेल्या योजनांचे स्वागत करताना जुन्या सार्वजनिक स्वच्छतागृहांची दुरवस्था दूर करण्यावरही त्यांनी भर दिला. शिक्षण क्षेत्रातील उपक्रमांचेही त्यांनी कौतुक केले. पर्यावरणाच्या दृष्टीने १० लाख झाडे लावण्याच्या संकल्पाचे स्वागत करत त्यांनी ती झाडे जगविण्यावर भर देण्याची गरज व्यक्त केली. तसेच आदरणीय अजितदादा पवार यांचे नाव शहरी गरीब योजनेला दिले त्याबद्दल दादांचा कार्यकर्ता म्हणून आभार व्यक्त केले.

बी.डी.पी. झोनमधील जागांचा वापर करून सीएसआरच्या माध्यमातून वृक्षारोपण केल्यास अनधिकृत बांधकामांवरही आळा बसेल, असे त्यांनी सुचवले. आर्थिक बाबींवर बोलताना मोठ्या थकबाकीदारांवर कारवाई होत नसल्याचा मुद्दा उपस्थित करत, सामान्य नागरिकांप्रमाणेच मोठ्या व्यावसायिकांवरही कठोर कारवाई करून थकबाकी वसूल करावी, अशी मागणी त्यांनी केली. चर्चेच्या शेवटी त्यांनी स्पष्ट केले की, “अंदाजपत्रक कागदावर आकर्षक असले तरी त्याची खरी कसोटी अंमलबजावणीत आहे. पुणेकरांना केवळ आश्वासने नकोत, तर प्रत्यक्ष परिणाम हवेत.” प्रत्येक प्रकल्पासाठी स्पष्ट वेळापत्रक, जबाबदारी आणि पारदर्शकता आवश्यक असल्याचे त्यांनी अधोरेखित केले. पुणे शहराचा विकास सर्वसमावेशक आणि सर्व घटकांपर्यंत पोहोचणारा असावा, हीच अपेक्षा मानकर यांनी व्यक्त केली.

उच्च व तंत्रशिक्षण मंत्री चंद्रकांत पाटील यांच्या संकल्पनेतून साकारलेल्या या महोत्सवाचे संयोजन नगरसेवक पुनीत जोशी आणि अजय धोंगडे यांनी केले आहे. विशेष म्हणजे, ख्यातनाम नृत्यगुरू शमा भाटे, मनीषा साठे आणि सुचेता चापेकर यांच्या मार्गदर्शनाखाली ७५० हून अधिक नृत्यांगना एकाच वेळी मंचावर अवतरणार आहेत. हा नयनरम्य सोहळा अनुभवण्यासाठी सांस्कृतिक कार्यमंत्री ॲड. आशिष शेलार, केंद्रीय राज्यमंत्री मुरलीधर मोहोळ, माधुरीताई मिसाळ आणि इतर अनेक मान्यवर उपस्थित राहणार आहेत.

यापूर्वीच्या तीन पर्वांमध्ये रमा वैद्यनाथन, वस्वती मिश्रा आणि प्रीती पटेल यांसारख्या जागतिक कीर्तीच्या कलाकारांनी आपल्या नृत्याने पुणेकरांना मंत्रमुग्ध केले होते. यंदाचे वर्ष हे ‘वंदे मातरम्’च्या दीडशे वर्षांच्या प्रवासाला समर्पित असल्याने, हा महोत्सव केवळ एक कार्यक्रम न राहता तो राष्ट्रभक्ती आणि कलेचा एक सुंदर संगम ठरणार आहे.

“भारतीय संस्कृती आणि राष्ट्रभक्तीचा वारसा नव्या पिढीपर्यंत पोहोचवण्यासाठी हा महोत्सव एक उत्तम माध्यम आहे. जास्तीत जास्त पुणेकरांनी या सांस्कृतिक मेजवानीचा आनंद घ्यावा,” असे आवाहन संयोजक पुनीत जोशी आणि अजय धोंगडे यांनी केले आहे.

पुणे : छत्रपती शिवाजी महाराज जंयती नाचुन नाही वाचुन हा उपक्रम मोरया मित्र मंडळाच्या माध्यमातून दरवर्षी राबवण्यात येतो. यंदा ही छत्रपती श्री शिवाजी महाराज यांच्या जीवनावरील शिवचरित्र पुस्तके  विविध शाळांमध्ये भेट देऊन महाराजांचे विचार व पराक्रम नव्या पिढीपर्यंत पोहचवण्याचे काम मंडळाकडून करण्यात आले.

यावेळी शिवव्याख्याते सी ए प्रसाद मोरे यांनी आपल्या व्याख्यानाच्या माध्यमातून छत्रपती शिवाजी महाराज यांचे विचार विद्यार्थ्यांपर्यंत पोहचवले. शिवचरित्र विद्यार्थ्यांसाठी कायम प्रेरणादायी राहणार असून विद्यार्थ्यांनी शिवचरित्र वाचले पाहिजे. शिवचारित्राचा अभ्यास करून विद्यार्थ्यांनी ते आत्मसात केले पाहिजे आणि शिवाजी महाराजांना आदर्श त्यांनी डोळ्यासमोर ठेवला पहिजे असे ते म्हणाले.

मोरया मित्र मंडळाच्या वतीने  कर्वेनगर भागातील, पोलीस अधिकारी, प्रशासकीय अधिकारी, आणि वारजे पुल ते डेक्कन भागामधील ४० शाळांमध्ये जाऊन  छत्रपती श्री शिवाजी महाराज यांच्या जीवनावरील शिवचरित्र पुस्तके भेट देण्यात आली.

ह्या कार्यक्रमाचे आयोजन मंडळाचे संस्थापक केदार वसंत मारणे यांनी केले होते. यावेळी ते म्हणाले मोरया मित्र मंडळ सतत सामाजिक उपक्रम राबवत असते. गेल्या काही वर्षापासून शिवाजी महाराज जयंती नाचून नाही वाचुन साजरी करावी हि संकल्पना पुढे आली आणि मंडळाने ती उत्स्फूर्त राबवली. शिवाजी म्हणजे
शि म्हनजे शिका
वा म्हनजे वाचा
जी म्हनजे जिंका
म्हणून शिक्षण घेणाऱ्या मुलांना शिवाजी महाराज कळावे म्हणून आम्ही ही पुस्तके त्याच्या पर्यंत पोहचवत आहोत. आम्हाला शिवछत्रपती आणि संभाजी महाराजांच्या विचारांची पिढी निर्माण करायची आहे. विद्यार्थ्यांवर संस्कार व्हावेत म्हणून आम्ही हा उपक्रम राबवत आहे. शिवचरित्र हे प्रेरणादायी आहे. भविष्यात विद्यार्थी शिवचरित्राचं वाचणं केल्यानंतर जग जिंकल्या शिवाय राहणार नाही असे वाटते.

ही पुस्तके भारतीय इतिहास संशोधक मंडळ सभासद मंगेश नवघणे, व्याख्याते प्रसाद जी मोरे, मयुर बनकर, राहुल विभुते यांच्या हस्ते देण्यात आली. यावेळी सिनेअभिनेत्री पायल गणपत जाधव, डी.सी.पी संभाजी कदम, मंडळाचे अध्यक्ष अथर्व भरम, अमृत मारणे, रोहिदास जाधव, संदिप शितोळे, प्रमोद वारशेट्टी, अनिल कडू, गणेश शिंदे ,विजय औजी, ब्रम्हानंद टाक , कैलास सरतापे आणि मुख्याध्यापक, शिक्षक उपस्थित होते.

हर्षवर्धन मानकर यांनी म्हंटले आहे की, आर्थिकदृष्ट्या दुर्बल घटकातील विद्यार्थ्यांना इंग्रजी माध्यमाच्या शाळेत प्रवेश देणारी ही महत्त्वाची योजना असली तरी पालकांकडून अनेक तक्रारी प्राप्त होत आहेत. नर्सरी किंवा पूर्व-प्राथमिक शाळांचा पर्याय ऑनलाइन उपलब्ध नसणे, १ किलोमीटर परिसरातील शाळांची नावे न दिसणे, संपूर्ण शाळांची यादी पोर्टलवर न दिसणे, अर्ज भरताना सर्व्हर स्लो होणे किंवा लॉगिन समस्या येणे, कागदपत्रे अपलोड करताना तांत्रिक अडथळे, अर्ज स्थिती वेळेवर अपडेट न होणे, स्पष्ट मार्गदर्शनाचा अभाव, काही शाळांकडून अपुरी
माहिती तसेच हेल्पलाईन निष्क्रिय असल्याच्या तक्रारी गंभीर आहेत.

या त्रुटींमुळे आर्थिकदृष्ट्या दुर्बल घटकातील पालकांमध्ये संभ्रम व अस्वस्थता निर्माण झाली असून सामाजिक न्यायाच्या दृष्टीने महत्त्वपूर्ण असलेल्या आर.टी.ई. योजनेच्या अंमलबजावणीवर प्रश्नचिन्ह निर्माण होत आहे. ही केवळ तांत्रिक समस्या नसून विद्यार्थ्यांच्या शिक्षणाच्या मूलभूत हक्कावर परिणाम करणारी बाब आहे. या पार्श्वभूमीवर १ किलोमीटरची अट शिथिल करून पूर्वीप्रमाणे ३ किलोमीटरपर्यंतचा पर्याय देणे, पुणे शहरातील सर्व पात्र शाळांची पडताळलेली संपूर्ण यादी तात्काळ प्रसिद्ध करणे, तांत्रिक सेवा प्रदात्याची जबाबदारी निश्चित करून प्रणाली सक्षम करणे तसेच विशेष तक्रार निवारण कक्ष व मदत केंद्रांची संख्या वाढविणे, या मागण्या आम्ही केल्या असल्याचे मानकर यांनी सांगितले. या विषयाकडे प्रशासनाने तातडीने लक्ष देऊन योग्य ती कार्यवाही करावी, अन्यथा पालकांमध्ये व्यापक नाराजी निर्माण होण्याची शक्यता असल्याची स्पष्ट भूमिका त्यांनी शिक्षण अधिकाऱ्यांसमोर  मांडली आहे.

पुणे : समाजातील दिव्यांग बांधवांना स्वावलंबी बनवण्यासाठी आणि त्यांच्या जीवनात नवी उमेद निर्माण करण्यासाठी राज्याचे उच्च व तंत्र शिक्षण मंत्री चंद्रकांत पाटील यांच्या पुढाकारातून आणि तर्क फाऊंडेशन, भारत विकास परिषद, फ्युप्रो, मिशेलिन आणि समुत्कर्ष सोशल फाऊंडेशन यांच्या संयुक्त विद्यमाने दिनांक २० फेब्रुवारी रोजी मोफत कृत्रिम अवयव वितरण सोहळ्याचे आयोजन करण्यात येणार आहे. 

नोव्हेंबर २०२५ मध्ये राबवण्यात आलेल्या तपासणी शिबिरातून निवड झालेल्या पुण्यातील लाभार्थ्यांना या सोहळ्यात प्रत्यक्ष अवयवांचे वाटप केले जाणार आहे. या उपक्रमाचा मुख्य उद्देश दिव्यांग व्यक्तींची गतिशीलता वाढवणे आणि त्यांना आत्मसन्मानाने जगण्यास मदत करणे हा आहे.

केंद्रीय राज्यमंत्री मुरलीधर मोहोळ, राज्याचे उच्च व तंत्र शिक्षण मंत्री चंद्रकांत पाटील, खासदार मेधा कुलकर्णी आणि पुणे महापालिका आयुक्त नवल किशोर राम यांच्या प्रमुख उपस्थितीत दिनांक २० फेब्रुवारी २०२६ रोजी दुपारी ०४.३० वाजता कोथरुड मधील थरकुडे दवाखाना येथे हा अवयव प्रदान सोहळा संपन्न होणार आहे.