पुणे : सह्याद्री कुणबी संघ पुणे शहर आणि महिला आघाडीच्या वतीने आषाढी एकादशीनिमित्त प्रतिपंढरपूर, विठ्ठलवाडी पुणे येथे दरवर्षीप्रमाणे विठ्ठल भक्तांना कुंड्यांसहीत १००० तुळशी रोप वाटप करण्यात आले.

कार्यक्रमाला महाराष्ट्र प्रांत अध्यक्ष विलास घडशी, उपाध्यक्ष विठ्ठल नाईक, प्रविण भोज, सरचिटणीस अजित शिगवण, संघटक नितीन शिगवण, उमेश बुरटे, पुणे शहराध्यक्ष सतिश डाकवे, उपाध्यक्ष प्रविण रामाणे, संजय सुकम, सरचिटणीस छगण (राज) भागणे, चिटणीस संतोष रामाणे, रामभाऊ घडशी, सोशल मिडियाप्रमुख राकेश राजवीर,  माजी सरचिटणीस संजय गावडे, महिला आघाडी कार्याध्यक्षा वैष्णवी भोज, अध्यक्षा अंकिता शिगवण, उपाध्यक्षा शितल मंचेकर, सरचिटणीस प्रज्ञा घडशी, संपर्कप्रमुख अमृता डाकवे, तसेच कमल भागणे, समिक्षा घडशी, मीनाक्षी शिगवण, संचिता सुकम, आरोही ओकटे, पायल रामाणे, शितल सुकम, कोथरूड विभागाचे अविनाश शिंदे, सागर धुलप, जगदीश बडंबे, सुनील भितले, शैलेश धावडे, पर्वती विभागाचे रोशन ओकटे, मनोज होडे, दर्शन बाईत, विशाल खापरे, सह्याद्री शिवकन्या कार्याध्यक्ष रिया घडशी, अध्यक्ष समृद्धी मंचेकर, तसेच तन्मयी घोलप, श्रुती वणगे आदी सर्व पदाधिकारी, कार्यकर्ते, महिला वर्ग, समाजबांधव मोठ्या संख्येने उपस्थित होते..
  

कार्यक्रम भक्तीमय  वातावरणात मोठ्या उत्साहात पार पडला. कार्यक्रमाला मोलाचे सहकार्य चंद्रकांत बडंबे आणि दिनेश कुरतडकर यांचे तसेच  अग्निशामक दलातील सहकारी जवान कर्मचारी  व पोलिस अधिकारी, कर्मचारी यांचेही सहकार्य लाभले. आयोजित कार्यक्रमात विविध भागातून आलेल्या विठ्ठल भक्तांच्या चेहऱ्यावर आनंदाची एक वेगळीच छबी दिसून येत होती. कार्यक्रमाचे आयोजन पुणे शहराच्या वतीने करण्यात आले होते.

पुणे – ” आपल्या पुढच्या तीन पिढ्यांच्या निवाऱ्याची नियोजनबद्ध व्यवस्था करणाऱ्या त्या काळातील आंबेडकरी चळवळीच्या जाणकार कार्यकर्त्यांचे खरोखरच कौतुक करावे लागेल. त्यांचा आदर्श आणि शिकवण कायम स्मरणात ठेवून पुढील पिढ्यांनी स्वतःचा आणि समाजाचा नियोजनबद्ध सर्वांगीण विकास करावा असे मत, ज्येष्ठ विचारवंत व शिवसेना उपनेत्या सुषमा अंधारे यांनी व्यक्त केले.

पुणे शहरातील येरवडा येथील ऐतिहासिक डॉ. बाबासाहेब आंबेडकर हाउसिंग सोसायटीच्या अमृत महोत्सव कार्यक्रमात मार्गदर्शन करताना त्या बोलत होत्या. या कार्यक्रमाला आमदार बापूसाहेब पठारे, ॲम्युनिशन फॅक्टरीचे मुख्य महाव्यवस्थापक संजय हजारी, महाव्यवस्थापक के. के. मौर्या, पुणे जिल्हा सहकारी गृहनिर्माण संस्थेचे अध्यक्ष सुहास पटवर्धन, माजी आमदार जगदीश मुळीक,माजी उपमहापौर डॉ.सिद्धार्थ धेंडे, माजी नगरसेवक अविनाश साळवे,संजय भोसले, माजी नगरसेविका अश्विनी लांडगे, शितलताई सावंत, काँग्रेस कमिटी अनुसूचित विभागाच्या प्रदेश उपाध्यक्ष प्रियंका रणपिसे, खडकी कॅन्टोन्मेंट बोर्डाचे उपाध्यक्ष अभय सावंत, सामाजिक कार्यकर्ते निलेश जठार,मंगेश गोळे,निखिल गायकवाड, रमामाता महिला मंडळाच्या अध्यक्षा सुशीला कदम, सिद्धार्थ मंडळाचे अध्यक्ष संदेश शिंदे तसेच इतर मान्यवर उपस्थित होते.

पुणे शहराच्या लौकिकात भर पाडणाऱ्या ऐतिहासिक डॉ. बाबासाहेब आंबेडकर सोसायटीच्या स्थापनेत कर्मवीर भाऊराव पाटील, दादासाहेब गायकवाड, न्यायमूर्ती आर. आर. भोळे यांच्यासह अनेक मान्यवरांचे योगदान लाभलेले असून सोसायटीतील मान्यवर सभासदांच्या विविध क्षेत्रातील उल्लेखनीय कार्यामुळे आंबेडकरी चळवळीच्या शिरपेचात मानाचा तुरा खोवण्यात आल्याचे सुषमा अंधारे यांनी आवर्जून नमूद केले.

कार्यक्रमाच्या सुरुवातीस महामानवांच्या प्रतिमांना तसेच सोसायटीचे संस्थापक चिफप्रमोटर दलित मित्र एम. ए. जाधव यांना मान्यवरांच्या हस्ते अभिवादन करून करण्यात आली. अमृत महोत्सवी वर्षानिमित्त संपूर्ण सोसायटीला आकर्षक विद्युत रोषणाई करण्यात आली होती तसेच विविध सांस्कृतिक उपक्रम व स्पर्धा घेण्यात आल्या. कार्यक्रमाची प्रस्तावना सोसायटीचे अध्यक्ष अविनाश शिंदे यांनी केली. राज्य शासन तसेच महापालिका प्रशासनाकडील सर्व त्या सोयीसुविधा उपलब्ध करण्यासाठी कायम सहकार्य करू असे आमदार बापूसाहेब पठारे यांनी सांगितले. गृहनिर्माण संस्था विभागाच्या वतीने भविष्यातील योजना राबवण्यासाठी मार्गदर्शन करणार असल्याचे सुहास पटवर्धन यांनी सांगितले. उपस्थित मान्यवरांनी देखील यावेळी शुभेच्छा दिल्या.

सोसायटीचे संस्थापक एम.ए. जाधव यांच्या कुटुंबीयांचा यावेळी मान्यवरांच्या हस्ते विशेष सन्मान करण्यात आला. सूत्रसंचालन प्रकाश नाईक यांनी केले आभार विलास कांबळे यांनी मानले. यावेळी सोसायटीच्या स्थापनेपासूनच्या काळातील महत्त्वपूर्ण अशा घटनांच्या ऐतिहासिक छायाचित्रांचे प्रदर्शन भरविण्यात आले होते. अमृत महोत्सवी कार्यक्रम यशस्वी करण्यासाठी सोसायटी ट्रस्ट संचालक मंडळ, सिद्धार्थ मंडळ व रमामाता महिला मंडळ याचे सर्व पदाधिकारी व सभासद यांनी परिश्रम घेतले.

हा कार्यक्रम डहाणूकर कॉलनीतील गोल सर्कल स्व. वामनराव डहाणूकर उद्यान येथे पार पाडला. कोथरूड मधील स्वच्छता प्रेमी व्यवसायिक धारक, पथारीवाले, हातगाडीवाले, भजी व फळविक्रेते मोठ्या प्रमाणात सहभागी होऊन ” ओला व सुका कचरा वेगळा करणे, उघडयावर व नदी नाल्यात, रिकाम्या फ्लॉट मध्ये कचरा टाकणार नाही, उघड्यावर लघू शंका करणार नाही तसेच सार्वजनिक रस्त्यावर थुंकणार नाही, स्वच्छतेसाठी आठवड्यातून दोन तास देणार अशा प्रकारे नागरिकांनी उत्स्फूर्तपणे स्वच्छतेसाठी  संकल्प करून शपथ घेतली.

हा कार्यक्रम घनकचरा व्यवस्थापन विभाग उपायुक्त संदीप कदम, परिमंडळ कार्यालय क्रं. २ चे उपायुक्त अविनाश सकपाळ महापालिका सहाय्यक आयुक्त विजय नायकल यांच्या मार्गदर्शनाखाली तसेच वरिष्ठ आरोग्य निरिक्षक राम सोनवणे यांच्या नेतृत्वाखाली करण्यात आला. आरोग्य निरिक्षक करण कुंभार, सचिन लोहकरे, गणेश साठे, हनुमंत चाकणकर मोकादम वैजीनाथ गायकवाड, अशोक कांबळे, साईनाथ तेलंगी, गणेश चव्हाण, आण्णा ढावरे प्रशिक्षणार्थी आरोग्य निरिक्षक, साईराज दुबळे, रोहन जाधव, सलीम पठाण, ऋषीकेश भालशंकर तसेच सेवक परेश कुचेकर, कुणाल जाधव, प्रविण कांबळे, सुरेश कंधारे, चंद्रकांत धोत्रे, शरद वावळकर, अभिषेक गायकवाड इत्यादींनी परिश्रम घेतले.

या संकल्प दिनाच्या कार्यक्रमात रोटरी  क्लबचे उपप्रंतपाल किरण इंगळे, सामाजिक कार्यकर्ते बाळू दांडेकर, सौदागर शिंदे व्यवसायिक रवी पाटील, तसेच तेथील व्यापारी संघटनेचे शशिकांत उभे, स्वच्छ संस्थेचे रोहन खिलारे, सेवासहयोगचे युवराज चाबुकस्वार, मंदार जाधव व इतर नागरिकांनी स्वच्छता संकल्पनेची शपथ घेतली.

याचप्रमाणे राज्यातील सर्व समाज विकास महामंडळे एका आयटी प्लॅटफॉर्मवर आणण्याचा निर्णय सुद्धा मुख्यमंत्री देवेंद्र फडणवीस यांनी घेतला. त्यामुळे सर्व विकास महामंडळाच्या सर्व योजना एका ठिकाणी उपलब्ध होणार आहे. यामुळे ‘इज ऑफ लिव्हिंग’चा उद्देश साध्य होणार आहे, शिवाय सर्व समाजघटकांना एकाच ठिकाणी सर्व योजना आणि त्याचे लाभ घेता येणार आहेत. याचे प्रारूप निश्चित करण्यासाठी सुद्धा 4 अधिकाऱ्यांची समिती गठित करण्यात आली आहे. यात नगरविकास-1 चे अतिरिक्त मुख्य सचिव असीम गुप्ता, उच्च शिक्षण विभागाचे प्रधान सचिव विकास रस्तोगी, ग्रामविकास सचिव विजय वाघमारे, पुणे विभागीय आयुक्त चंद्रकांत पुलकुंडवार यांचा समावेश आहे. यांनाही राज्य मंत्रिमंडळाला आपला अहवाल सादर करायचा आहे.

याच बैठकीत ‘ई ऑफिस’च्या धर्तीवर ‘ई-कॅबिनेट’चे सूतोवाच करण्यात आले. राज्य मंत्रिमंडळाचा संपूर्ण मसुदा हा टॅबच्या माध्यमातून हाताळण्यात यावा, यातून कागदाची बचत होऊन पर्यावरण जपले जाईल, ही त्यामागची भावना आहे.

आदरणीय स्व. यशवंतराव चव्हाण यांनी घडविलेल्या संवेदनशील महाराष्ट्रात असं घडणं शोभादायक नाही. या घटनांमुळे त्यांच्या सुरक्षिततेचे प्रश्न निर्माण झाला आहेत. त्यांच्या जीविताला धोका निर्माण झाला आहे. ही अतिशय चिंतेची व गंभीर बाब आहे. सुसंस्कृत व विद्येचे माहेरघर असणाऱ्या पुणे जिल्ह्यात हे अपेक्षित नाही. यामुळे आपणाकडून  रोहित पवार व युगेंद्र पवार यांच्या सुरक्षिततेसाठी योग्य ती खबरदारी घेऊन त्यांना
आवश्यक ती सुरक्षा तातडीने पुरविण्यात यावी अशी विनंती त्यांनी केली आहे.

भिडे वाड्याचे स्मारक आणि महात्मा फुले व सावित्रीबाई फुले स्मारकाचा विस्तार या संदर्भात भुजबळ यांनी आढावा बैठक घेतली. पालिकेचे अतिरिक्त आयुक्त विकास ढाकणे, नगररचना विभागाचे संचालक अविनाश पाटील, सहसंचालक राजेंद्र पवार, उपविभागीय अधिकारी अविनाश सूळ, महानगरपालिकेच्या भवन विभाग प्रमुख हर्षदा शिंदे, कार्यकारी अभियंता सुनील मोहिते आदी उपस्थित होते.

क्रांतिज्योती सावित्रीबाई फुले यांचे भिडेवाडा येथे स्मारक उभारताना ते फुले दाम्पत्याने सुरू केलेल्या मुलींच्या पहिल्या शाळेसारखे वाटायला हवे. तेथे मुलींची शाळा असावी. भविष्यात या मुली मोठ्या अधिकारी बनतील, या दृष्टीने इंग्रजी व अन्य पूरक अभ्यासक्रमही येथे सुरू करावेत, अशी सूचना भुजबळ यांनी केली.

भिडे वाड्याच्या स्मारकासाठी स्पर्धात्मक स्वरूपात नामांकित वास्तुविशारदाकडून वेगवेगळे आराखडे तयार करुन घ्यावेत. आराखड्यात शाळेच्या परिसरात सावित्रीबाई फुले यांचा पुतळा, फर्निचर, क्रीडांगण, दृकश्राव्य साधने, जुन्यापद्धतीचे दर्शनी भाग, काळाची गरज म्हणून उद्वाहक (लिफ्ट) आदी बाबींचा विचार करावा, समितीकडून आराखडा अंतिम झाल्यानंतर तातडीने काम सुरू करावे, असेही भुजबळ यांनी नमूद केले.

भिडे वाडा स्मारकासाठी जवळच वाहनतळाची व्यवस्था करावी. महात्मा फुले व सावित्रीबाई फुले यांचे स्मारक आणि भिडेवाडा यांना जोडणाऱ्या मार्गाच्या आरक्षणाचे काम नगररचना विभागाने लवकरात लवकर पूर्ण करावे. आरक्षण निश्चितीनंतर पुणे महानगरपालिकेने भूसंपादनाची कार्यवाही सुरू करावी. यासाठी लागणाऱ्या निधीची मागणी राज्य शासनाकडे करावी, असेही भुजबळ यांनी सांगितले.

डॉक्टर प्राणदान करण्यासाठी असतात की प्राण घेण्यासाठी यावर गंभीर विचार झाला पाहिजे. डॉक्टरांनी lAB रिपोर्ट्सकडे दुर्लक्ष करून त्यांच्या आजाराचे चुकीचे निदान केले. जवळपास 10 महिने त्यांच्यावर चुकीचे औषधोपचार झाले. यामुळे मूळ आजार बळावून हरिभाऊ अकाली गेले. यामुळे पुरोगामी विचारपर्वाचे कधीही भरून न येणारे नुकसान झाले आहे. हरिभाऊ राष्ट्रीय वैचारिक संपत्ती होते. त्यांचा मृत्यू सदोष मनुष्यवधाचा प्रकार आहे. दोषी डॉक्टर्सवर कायदेशीर कारवाई का होऊ नये?, असे संजय सोनवणी यांनी म्हटले आहे.

यापूर्वी संजय सोनवणी यांनी फेसबुकवर एक पोस्ट केली. ती पुढील प्रमाणे :

प्रतिक्रिया द्यायला माझ्याकडे शब्द नाहीत.

हरीभाऊंचा मला आलेला २२ जून २०२३चा whatsapp संदेश-

“प्रिय भाऊ, नमस्कार
गुजरात जामनगर ला 3 आठवडे ट्रीटमेंट घेऊन
पुण्यात घरी पोचलो आहे. अंगात थोडा ताप आहे. खूप अशक्तपणा आहे. बीपी लो आहे.

आधी हातापायावर खूप सूज होती. शरीरात 20 किलो पाणी ज्यादाचे साठले होते. त्यामुळे किडनी व हार्टवर प्रेशर येऊन श्वास घ्यायला खूप त्रास होत होता.

ट्रीटमेंटमुळे 20 दिवसात 20 किलो पाणी ड्रेन झाले. त्यामुळे श्वास पूर्ण मोकळा झाला.

मात्र बीपी 60 90 असे लो असून विकनेस खूप आहे. लीलावती हॉस्पिटलच्या नामवंत डॉक्टरांच्या निष्काळजीपणे 10 महिने त्रास सहन करावा लागला. शिवाय हार्टफेल व किडनी फेलच्या धोक्याच्या 4 थ्या स्टेजवर आलो होतो.

जास्तीत जास्त 2 महिने लाईफ मिळाले असते.

हार्टफेल व किडनी फेलने मृत्यू निश्चित होता.

लीलावतीमधील नामवंत Cardeologist, pulminologist खूप लॅब रिपोर्ट मागवतात पण ते वाचत नाहीत. त्यामुळे हार्ट नॉर्मल आहे. किडनी नॉर्मल आहे. असे अँजिओग्राफी करून लेखी रिपोर्ट दिलेत त्यांनी. परिणामी फॉलोअपला पुण्याचे डॉ. अभिजित वैद्य, महेंद्र कावेडिया, औरंगाबादचे डॉ. आनंद निकाळजे सगळेच चुकले.

लीलावतीवाले हार्टऐवजी मला नसलेल्या अस्थमावर उपचार करीत राहिले. पण धाप लागणे वाढतच गेले. धोका वाढतच गेला. regards.
[14:29, 22/06/2023] Hari Narke 2: हा लिलावतीचा लॅब रिपोर्ट सांगतो हार्ट फेलचा धोका आठपट आहे .. पण त्यांनी वाचलाच नाही.आणि ऑल ओके असा चुकीचा रिपोर्ट लिहून दिला. तो 10 महिन्यात 21पट झाला होता.
आता बरा होतोय.”

माझा हसता खेळता ज्येष्ठ बंधू गेला. काय म्हणू?

लीलावती रुग्णालयाचे चीफ ऑपरेटिंग ऑफिसर डॉ. रविशंकर यांनी या प्रकरणाची माहिती घेऊन प्रतिक्रिया देतो, असे सांगितले आहे.

सकाळी मुंबईला येत असताना सहा वाजता गाडीत त्यांना दोन वेळा उलट्या झाल्या. त्यानंतर एशियन हार्ट इन्स्टिट्यूटमध्ये दाखल करण्यात आले. परंतु उपचारादरम्यान त्यांनी अखेरचा श्वास घेतला, अशी माहिती हरी नरके यांचे निकटवर्तीय, जवळचे मित्र मंत्री छगन भुजबळ यांनी दिली.

सावित्रीबाई फुले पुणे विद्यापीठातील महात्मा फुले अध्यासनाचे ते अध्यासन प्राध्यापक होते. महाराष्ट्र राज्य मागासवर्ग आयोगाचे सदस्य देखील होते.  तसेच  भांडारकर प्राच्यविद्या संस्थेवर उपाध्यक्ष देखील होते. प्रा. हरी नरके यांची दोन पुस्तके प्रसिद्ध आहेत. महात्मा फुले यांची बदनामी : एक सत्यशोधन आणि  महात्मा फुले – शोधाच्या नव्या वाटा या दोन पुस्तकांचा समावेश आहे. मराठी भाषा ही संस्कृत, कन्नड, तेलुगू यांप्रमाणेच एक अभिजात भारतीय भाषा आहे हे सिद्ध करण्यासाठी नेमलेल्या रंगनाथ पठारे समितीच्या अहवालात प्रमुख समन्वयक म्हणून प्रा. हरी नरके यांनी योगदान दिले आहे.

महात्मा ज्योतिबा फुले आणि सावित्री बाई फुले यांच्याविषयी हरी नरके यांनी समग्र लिखाण केलं. महात्मा फुले साहित्याचा अभ्यास आणि संशोधन करणारे संशोधक म्हणून ते उभ्या महाराष्ट्राला सुपरिचित होते. महात्मा फुले यांचे साहित्य प्रकाशित करण्यात हरी नरके यांचा सिंहाचा वाटा होता. त्यांच्या निधनामुळे संशोधन, सामाजिक क्षेत्रातील अभ्यासू व्यक्तिमत्व हरपल्याची भावना व्यक्त होत आहे.

हरी नरके यांच्या निधनाने समाज एका पुरोगामी चळवळीला मुकला आहे. फुले व आंबेडकर यांच्या विचारांची व कार्याची प्रस्तुतता अधिक चांगल्या प्रकारे अधोरिखित करणे आणि  शासकीय पातळीवर वेगाने  निर्णय घडून आणण्यामध्ये हरी नरके यांचा मोलाचा वाटा आहे. महाराष्ट्र  शासनाने समग्र महात्मा फुले हा एक हजार पानाचा ग्रंथ अद्ययावत करून प्रकाशित केला, त्याचे संपादक हरी नरके होते. डॉ. आंबेडकरांच्या समग्र वाङ्मयाचे राज्य शासनाने  26 खंड प्रकाशित केले, त्यातील सहा खंडांचे संपादन हरी नरके यांनी केले होते. 

समतेच्या चळवळीत काम करताना आमच्या असंख्य आठवणी आहेत. दलित-शोषितांच्या प्रश्नांवर त्यांचा विशेष अभ्यास होता. शोषित समुहाचे प्रश्न तडीस नेण्यासाठी ते आग्रही असायचे. त्यांच्या निधनाने फुल्यांचा विचार मानणाऱ्या समस्त पुरोगामी चळवळीची कधीही भरून न येणारी हानी झाली आहे, अशा भावना मंत्री छगन भुजबळ यांनी व्यक्त केल्या.

याप्रकरणी आरोपी सुफियान जे. चव्हाण (वय 19, रा. फतेहगंज, वडोदरा, गुजरात) याला मध्य प्रदेश येथून ताब्यात घेऊन त्याच्याकडून हा गंभीर स्वरूपाचा गुन्हा उघडकीस आणण्यात चंदननगर पोलिसांना यश मिळाले आहे. या आरोपीकडून पुण्यातील झूम कार ॲपवरील वाहन चोरीचे गुन्हे उघडकीस येण्याची शक्यता पोलिसांनी व्यक्त केली आहे.

वरिष्ठ पोलीस निरीक्षक राजेंद्र लांडगे यांनी दिलेल्या माहितीनुसार, चंदननगर पोलीस स्टेशन हद्दीतून प्राची रोहित पठारे (रा. थिटे वस्ती, खराडी) यांची एमजी हेक्टर ही कार ( एम एच 12 टी के 2847) कंपनीचा विश्वासघात करून फसवणूक करून नेल्याचा गुन्हा नोंदवण्यात आला होता. या गुन्ह्याचा तपास पोलीस उपनिरीक्षक अरविंद कुमरे यांच्यासह पथकाने गोपनीय माहितीवरून तसेच तांत्रिक विश्लेषणावरून केला. आरोपी सुफियान चौहान याला इंदूर (मध्यप्रदेश) येथे सापळा रचून शिताफीने ताब्यात घेतले.

मागील तीन ते चार महिन्यांपासून झूम कार ॲपवरती विविध व्यक्तींची ओळखपत्रे अपलोड करून त्याच्या व त्याच्या साथीदाराच्या बँक अकाउंट वरून पेमेंट करून पुणे व मुंबई येथून गाड्या घेतल्याचे निष्पन्न झाले. गाड्यांची राजस्थान येथे विक्री केल्याचे त्याने सांगितले. राजस्थान येथील पाकिस्तान सीमेजवळ असणाऱ्या बाडमेर जिल्ह्यात जाऊन पुण्यातील चंदननगर पोलीस स्टेशन येथील दाखल गुन्ह्यातील एमजी हेक्टर गाडी ताब्यात घेण्यात आली आहे.

या गुन्ह्याचा तपास करत असताना वाघोली येथील किया सेलटोस क्रमांक (ओडी-2- बी क्यू 7131) तसेच धानोरी येथील टाटा सफारी क्रमांक (एम एच 12 – यु एफ 3846) या दोन कारदेखील झूम कार ॲपवरून फसवणूक करून राजस्थान येथे विक्री केल्याचे निष्पन्न झाले. या तीनही गाड्या चंदननगर पोलिसांनी ताब्यात घेऊन आरोपीला अटक केली आहे.

यापूर्वी आरोपीने मुंबई येथे देखील याच स्वरूपाचे गुन्हे केल्याचे तपासात निष्पन्न झाले आहे. पोलीस आयुक्त रितेश कुमार, सह पोलीस आयुक्त संदीप कर्णिक, अपर पोलीस आयुक्त रंजन कुमार शर्मा, पोलीस उपयुक्त शशिकांत बोराटे, सहाय्यक पोलीस आयुक्त संजय पाटील यांच्या मार्गदर्शनाखाली वरिष्ठ पोलीस निरीक्षक राजेंद्र लांडगे, गुन्हे निरीक्षक मनीषा पाटील, उपनिरीक्षक अरविंद कुमरे, उपनिरीक्षक दिलीप पालवे, पोलीस अंमलदार अविनाश संकपाळ, सचिन रणदिवे,सुहास निगडे, महेश नाणेकर, श्रीकांत शेंडे, नामदेव गडदरे,सुभाष आव्हाड, शेखर शिंदे, श्रीकांत कोद्रे, सुरज जाधव, गणेश हांडगर, विकास कदम यांच्या पथकाने या महत्वपूर्ण गुन्ह्याचा शिताफीने तपास केला आहे.