पुणे : राज्य शासनाच्या पुण्यश्लोक अहिल्यादेवी होळकर शेतकरी कर्जमुक्ती योजना–२०२६’ अंतर्गत पात्र शेतकऱ्यांचे आधार प्रमाणीकरण तातडीने पूर्ण करण्याच्या सूचना जिल्हा उपनिबंधक, सहकारी संस्था पुणे ग्रामीण प्रकाश जगताप यांनी सर्व सहाय्यक निबंधकांना दिल्या आहेत. तसेच ज्या शेतकऱ्यांनी अद्यापपर्यंत ॲग्रीस्टॅक काढलेले नाहीत अशा शेतकऱ्यांनी तात्काळ ॲग्रीस्टॅक काढून आधार प्रमाणीकरण करून घ्यावे, असे आवाहनही त्यांनी केले आहे.

जिल्ह्यात अद्याप ८ हजार ७४९ शेतकऱ्यांकडे ॲग्रीस्टॅक नसल्यामुळे आधार प्रमाणीकरण झालेले नाही. यामध्ये दौंड (११२६), इंदापूर (१२३२), भोर (१०३१), खेड (९३१), मावळ (७९५), शिरूर (६४५), जुन्नर (६४१), बारामती (६०८), हवेली (५९९), पुरंदर (५२४), आंबेगाव (२२९), वेल्हे (१७६), मुळशी (१३४) आणि पुणे (७८) याप्रमाणे आहे.

तसेच ॲग्रीस्टॅक असलेल्या मात्र अद्यापही आधार प्रमाणीकरण न झालेल्या शेतकऱ्यांची संख्या ९ हजार ३८२ असून त्यामध्ये दौंड (१,५९७), इंदापूर (१,४६१), बारामती (९२२), भोर (९००), हवेली (८२१), पुरंदर (७५५), खेड (६४०), शिरूर (६१६), जुन्नर (४६४), मावळ (३७३), वेल्हे (३३८), पुणे (२९१), आंबेगाव (१३६) आणि मुळशी (६८) याप्रमाणे आहेत.

तरी सर्व सहाय्यक निबंधकांना त्यांच्या तालुक्यातील संबंधित शेतकऱ्यांचे आधार प्रमाणीकरण युद्धपातळीवर पूर्ण करण्याच्यादृष्टीने शिबिराचे आयोजन करण्याचे निर्देश दिले आहेत. ही बाब शेतकरी कर्जमुक्तीशी संबंधित असल्याने कोणताही पात्र शेतकरी लाभापासून वंचित राहू नये, यासाठी आवश्यक ती कार्यवाही तातडीने करावे, असे आवाहन जगताप यांनी केले आहे.

पुणे : डॉ बाबासाहेब आंबेडकर संशोधन व प्रशिक्षण संस्था (बार्टी) पुणे संस्थेच्या वतीने दरवर्षीप्रमाणे याही वर्षी वारीमध्ये संविधान दिंडी सहभागी झाली होती. या दिंडीचा समारोप नुकताच पंढरपुरात करण्यात आला.
सामाजिक न्याय व विशेष सहाय्य विभागाचे मंत्री संजय शिरसाट, राज्यमंत्री माधुरीताई मिसाळ, प्रधान सचिव डॉ. हर्षदीप कांबळे, बार्टीच्या महासंचालक दीपा मुधोळ -मुंडे, बार्टीच्या निबंधक डॉ. सुचिता शिंदे, विभागप्रमुख डॉ. बबन जोगदंड यांच्या मार्गदर्शनाखाली संत ज्ञानेश्वर महाराज पालखी सोहळ्यात वारकरी बांधवांमध्ये संविधानाचा प्रसार व प्रचार करण्यासाठी संविधान दिंडी च्या माध्यमातून आळंदी ते पंढरपूर पर्यत दि ८ जुलै ते २४ जुलै २०२६ दरम्यान समतादुतांनी वारकरी बांधवांमध्ये संविधानाचा प्रसार करुन जनजागृती केली. संविधान दिंडी पंढरपूर येथे दाखल झाल्यानंतर वारकरी व नागरिकांनी मोठ्या उत्साहाने संविधान दिंडीचे स्वागत केले.

भारतीय राज्यघटनेने नागरिकांना स्वातंत्र्य, समता, बंधुभाव आणि न्याय मिळवून दिला. तसेच मूलभूत अधिकार बहाल केले. त्यामुळेच आज आपण प्रगतीच्या दिशेने वाटचाल करत आहेत. संविधानीक मुल्ये व राज्यघटनेची वारकरी बांधवांना ओळख होऊन त्यांच्यामध्ये महापुरुषांच्या व संतांच्या समतेच्या विचारांचा जागर करण्यात आला. तसेच सामाजिक न्याय व विशेष सहाय्य विभाग आणि बार्टी संस्थेच्या विविध योजनांचा प्रसार करण्यात आला.

डॉ. बाबासाहेब आंबेडकर स्मारक पंढरपूर येथील भारतरत्न डॉ. बाबासाहेब आंबेडकर यांच्या पुर्णाकृती पुतळ्यास मान्यवरांच्या हस्ते पुष्पहार अर्पण करून अभिवादन करण्यात आले. महाराष्ट्राचे ख्यातनाम शाहिर प्रबोधनकार राजेंद्र कांबळे यांनी आपल्या ओजस्वी वाणीतून संविधानाचा तसेच संतांच्या व महापुरुषांच्या समतेच्या विचारांचा जागर करुन प्रबोधन केले.
याप्रसंगी सामुदायिकपणे भारतीय राज्यघटनेच्या प्रास्ताविकेचे वाचन करण्यात आले.

या प्रबोधन कार्यक्रमाला पोलीस निरीक्षक एस. ए. देवकुळे, सोलापूर जिल्हा दक्षता व नियंत्रण समितीचे सदस्य जितेंद्र बनसोडे, माजी नगरसेवक सुनील सर्वगोड, रिपाइंचे अध्यक्ष संतोष पवार, सामाजिक कार्यकर्ते रवी शेवडे, अॕड. किर्तीपाल सर्वगोड, वारकरी रावसाहेब कोमवाड (नांदेड), मिरा भवर (पुणे), बार्टीच्या सहाय्यक प्रकल्प व्यवस्थापक रंजनी वाघमारे, प्रकल्प अधिकारी उषा भिगारे, रामदास लोखंडे, राहुल कवडे, सोलापूरच्या समतादुत प्रकल्प अधिकारी प्रणिता कांबळे, सोलापूर जिल्ह्यातील समतादूत यांच्यासह मोठ्या संख्येने वारकरी बांधव व नागरिक उपस्थित होते. उपस्थित मान्यवरांना संविधान, प्रस्ताविका, जातीव्यवस्थेचे निर्मुलन, आणि सन्मानचिन्ह भेट देऊन सन्मानित करण्यात आले.
उपस्थित मान्यवरांनी बार्टीच्या संविधान दिंडीच्या उपक्रमाचे कौतुक करुन अभिनंदन केले आहे.
समतादुतांनी वारकरी बांधव व नागरिकांना विविध कार्यक्रमांदवारे संविधानाची ओळख करून दिली तसेच सामाजिक न्याय विभाग आणि बार्टीच्या विविध योजनांचा प्रसार व प्रचार केला.

सुत्रसंचलन रामदास लोखंडे यांनी केले. आभार राजर्षी कांबळे यांनी मानले.कार्यक्रम यशस्वी होण्यासाठी सर्व समतादुतांनी मेहनत घेतली.

पुणे : विशेष सखोल पुनरिक्षण कार्यक्रम (SIR)-२०२६ अंतर्गत पुणे जिल्हाधिकारी कार्यालयाच्यावतीने विधानसभा मतदारसंघनिहाय मतदारांसाठी मदत कक्ष स्थापन करण्यात आले आहेत. मतदारांना आवश्यक माहिती, मार्गदर्शन व सहाय्य मिळावे यासाठी १९५० हा हेल्पलाईन क्रमांकही उपलब्ध करून देण्यात आला आहे.

जिल्हाधिकारी कार्यालय, पुणे, पुणे महानगरपालिका तसेच पिंपरी-चिंचवड महानगरपालिका येथे पुणे जिल्ह्यातील विविध विधानसभा मतदारसंघांसाठी मदत कक्ष स्थापन करण्यात आले असून संबंधित संपर्क अधिकारी व त्यांचे मोबाईल क्रमांक पुढीलप्रमाणे आहेत.

मदत कक्ष, जिल्हाधिकारी कार्यालय, पुणे:
विधान सभा मतदार संघ १९५ जुन्नर – श्रीमती वंदना भांगरे – ९४०३६६८२२८, १९६ आंबेगाव – श्रीमती अंजली सालार – ८६६८४९७७९१, १९७ खेड-आळंदी – श्री. अजय उमंदे – ९६८९९३४३३७, १९८ शिरूर – सौरभ नावरकर – ९९२२९७९७८३, १९९ दौंड – नीलेश गाडगे – ८२०००८८९६०, २०० इंदापूर – सचिन सैबी – ९६८९८९५१३०, २०१ बारामती – अशोक सिरसाट – ९६८९९३६०५७, २०२ पुरंदर – राजेश यादव – ९८२३७२८८४८, २०३ भोर – दिलीप छत्री – ९८२२०१४४६०, वेल्हा – ललित कोरोसिया – ९९२१७६९९९७, मुळशी – मनिष खंडागळे – ९०२८७५१९९०, २०४ मावळ – सागर दिलीप शिंदे – ९०२८८२४५५६.

मदत कक्ष, पिंपरी चिंचवड महानगरपालिका:
२०५ चिंचवड – राहुल शेडगे – ९९२२५०१९७७, २०६ पिंपरी – अतुल किर्वे – ९८६०३१०८६६, २०७ भोसरी – पंकज पवार – ९८२२२३५४८०.

मदत कक्ष, पुणे महानगरपालिका:
२०८ वडगाव शेरी – राहुल ताथवडे – ९६८९९१४१८८, २०९ शिवाजीनगर – राहुल भोईर – ९७६२७७२९३३, २१० कोथरूड – सागर पासलकर – ९८२२६१४१६०, २११ खडकवासला – मनोहर जगताप – ९८५०६३१०७१, २१२ पर्वती – अनिल चौधरी – ९९२२५०७०४१, २१३ हडपसर – तुषार राजेंद्र कांबळे – ९८९०५०९१५२, २१४ पुणे कॅन्टोन्मेंट – अमीर मुलाणी – ९६०४७०९९५४, २१५ कसबा पेठ – श्रीमती स्मिता सुश्रुत जोशी – ९८६०५७३०८५ यांचा समावेश असलेला मदत कक्ष स्थापन करण्यात आला आहे. तर जिल्हाधिकारी कार्यालय येथे राखीव मदत कक्ष स्थापन करण्यात आला असून त्यामध्ये दिलीप आंब्रे – ८६९८८४८३२४ यांचा समावेश आहे.

विशेष सखोल पुनरिक्षण कार्यक्रम २०२६ संदर्भात मतदारांनी अधिक माहितीसाठी किंवा अडचणींसाठी संबंधित विधानसभा मतदारसंघाच्या मदत कक्षाशी अथवा १९५० या हेल्पलाईन क्रमांकावर संपर्क साधावा, असे आवाहन जिल्हाधिकारी कार्यालयाच्यावतीने करण्यात आले आहे.

पुणे – जेजुरीच्या माजी नगराध्यक्षा अमृता संदीप घोणे यांनी सावित्रीबाई फुले पुणे विद्यापीठाच्या वाणिज्य शाखेमार्फत बँकिंग आणि वित्त या अभ्यास मंडळातून ‘विद्यावाचस्पती (Ph.D.)’ पदवी संपादन केली आहे. “पुणे जिल्हा मध्यवर्ती सहकारी बँकेची वित्तीय कामगिरी आणि समस्यांचा चिकित्सक अभ्यास” या विषयावर त्यांनी आपले संशोधन यशस्वीरीत्या पूर्ण केले.

हे संशोधन एम.एम.सी.सी. कॉलेजचे प्राचार्य डॉ. किशोर निकम यांच्या मार्गदर्शनाखाली डॉ. डी. वाय. पाटील कला वाणिज्य व विज्ञान महाविद्यालय, पुणे या संशोधन केंद्रातून पूर्ण करण्यात आले. तसेच संशोधन कार्यादरम्यान त्यांनी आपल्या विषयाशी संबंधित ९ संशोधन पत्रे राज्यस्तरीय तसेच आंतरराष्ट्रीय स्तरावर सादर करून प्रसिद्ध केली आहेत.

सौ. अमृता संदिप घोणे या जेजुरीच्या माजी नगराध्यक्ष असून राष्ट्रवादी काँग्रेस पक्षाच्या प्रदेश संघटक सचिव म्हणून कार्यरत आहेत. तसेच, कोल्हापूर जिल्ह्याच्या निरीक्षक म्हणूनही त्या जबाबदारी पार पाडत आहेत. त्याच बरोबरीने आपल्या उत्कृष्ट वकृत्व शैलीसाठी सुद्धा त्या ओळखल्या जातात. राजकीय क्षेत्रातील जबाबदाऱ्या प्रभावीपणे सांभाळत असतानाही त्यांनी शिक्षणाची ओढ जपली. लग्नानंतर त्यांनी एम. कॉम. पदवी, पहिल्याच प्रयत्नात SET परीक्षा उत्तीर्ण, जीडीसी अँड ए आणि आता विद्यावाचस्पती ही पदवी संपादन करून उल्लेखनीय शैक्षणिक यश मिळवले आहे.

राजकीय आणि शैक्षणिक क्षेत्रात एकाच वेळी उत्तुंग यश संपादन करणे ही अत्यंत उल्लेखनीय बाब असून त्या इतर महिलांसाठी प्रेरणादायी आदर्श ठरत आहेत. यामुळे समाजातून त्यांचे कौतुक होत आहे.

या यशस्वी प्रेरणेमागे शाहु, फुले आंबेडकर यांची विचारधारा मार्गदर्शक ठरली, असे त्यांनी सांगितले. शिकण्याची आवड निर्माण करणारे आपले वडील श्री. अनिल ज्ञानेश्वर कांबळे यांचे त्यांनी ऋण व्यक्त केले. तसेच या यशस्वी शैक्षणिक व राजकीय प्रवासात त्यांना त्यांचे पती श्री. संदीप अशोक घोणे (माजी अध्यक्ष, खंडोबा देवस्थान ट्रस्ट, जेजुरी) यांचा मोलाचा पाठिंबा व प्रोत्साहन व सतत मिळणारा आधार हेच त्यांच्या यशामागील महत्त्वाचे बळ असल्याचे त्यांनी नमूद केले. याबद्दल त्यांनी मनःपूर्वक कृतज्ञता व्यक्त केली. तसेच त्यांचा परिवार आणि सहकार्य करणाऱ्या सर्व हितचितंकांचे त्यांनी आभार मानले.

यावेळी बोलताना मंत्री चंद्रकांत पाटील म्हणाले की, देशाचे लोकप्रिय पंतप्रधान माननीय नरेंद्र मोदीजी यांच्या विकासकामांच्या झंझावातामुळे आज संपूर्ण देश माननीय मोदीजींवर प्रचंड प्रेम करत आहेत. त्याशिवाय राज्याचे यशस्वी मुख्यमंत्री माननीय देवेंद्रजी फडणवीस यांच्या गतिमान सरकार मुळे आज महाराष्ट्रात भाजपाला भरभरुन प्रतिसाद आणि आशीर्वाद मिळत आहे.

ते पुढे म्हणाले की, भारतीय जनता पक्ष हा कार्यकर्त्यांचा पक्ष आहे. त्यामुळे पक्षातील प्रत्येक कार्यकर्त्याचा नेहमीच योग्य सन्मान राखला जातो. आमदार राजेंद्र गावडे यांनाही पक्षात योग्य सन्मान मिळेल, अशी ग्वाही त्यांनी यावेळी दिली.

यावेळी बालकल्याण समितीच्या सभापती सुनीता गावडे यांनी भाजपमध्ये पक्ष प्रवेशाबाबत भूमिका व्यक्त केली. राष्ट्रवादी कॉंग्रेस पक्ष वाढवण्यासाठी गावडे कुटुंबांनी अतिशय कठोर परिश्रम घेतले. मात्र पक्ष नेतृत्वाने नेहमीच साप्त्न वागणूक दिली. त्यामुळे भाजपाचा विकासाचा अजेंडा आणि कार्यकर्त्यांना मिळणारा सन्मान यामुळे आम्ही भाजपमध्ये प्रवेश केला असल्याची भावना त्यांनी यावेळी व्यक्त केली.

या संदर्भात सभागृहात पुढील दोन महत्त्वाच्या मागण्या मांडण्यात आल्या:

1. गुंजवणी, पानशेत आणि वरसगाव या धरणांच्या पाणलोट क्षेत्रात सध्या अनधिकृतपणे उभी असलेल्या हॉटेल्स, रिसॉर्ट्स व व्यावसायिक बांधकामांची सविस्तर यादी व अहवाल सादर करण्यात यावा.
2. अशा अतिक्रमणधारकांची नावे, मालकीचा प्रकार, संबंधित भूखंडाची स्थिती व त्यांच्या विरोधात करण्यात आलेल्या अथवा प्रलंबित कारवायांची माहिती शासनाने जाहीर करावी.

“एकाच पाणलोट क्षेत्रात गरिबांच्या घरांवर कारवाई करत, श्रीमंत व्यावसायिक घटकांना वाचवण्याचा प्रयत्न प्रशासन करत असेल, तर ती शासनव्यवस्थेची मोठी तातडीने दखल घेण्याची गरज असलेली अन्यायकारक बाब आहे,” असे मत आमदार तापकीर यांनी मांडले. शासनाने या प्रकरणात निष्पक्ष व एकसमान कार्यवाही करावी, अशी जोरदार मागणी त्यांनी विधानसभेत केली.

यावेळी सर्वानुमते एकविचारांनी अखिल भारतीय ब्राह्मण महासंघाची पुणे जिल्ह्यातील शाखा क्रमांक 21 घोषित करून त्याचा शुभारंभ करण्यात आला. यावेळी झालेल्या बैठकीत दौंड शहरातील 600 ब्राह्मण कुटुंबापर्यंत संपर्क करुन दौंड शाखेशी जोडून घेण्याबाबत नियोजन करण्यात आले.

या बैठकीत पुणे जिल्हाध्यक्ष मंदार रेडे यांनी महासंघाच्या कार्याची माहिती दिली व दौंड शाखा स्थापन करण्याच्या प्रक्रियेची माहिती सांगितली, जिल्हा सरचिटणीस राहुल जोशी यांनी उपक्रमांची माहिती दिली. दौंड येथील ब्राह्मण समाज एकत्र करण्यासाठी कुटुंब व कुटुंबातील सदस्य नोंदणी अभियान राबवण्याचे यावेळी  ठरले.

या बैठकीला अर्चना साने, दीपक गटणे, मंगेश वैद्य, बी.जी. नगरकर, योगेश खंगे गुरुजी, आनंद भालचंद्र नगरकर, श्रीमती खंगे , प्रभाकर जोगळेकर उपस्थित होते.

पवार म्हणाले, जिल्ह्यातील लोकप्रतिनिंधी विकास कामांची माहिती 15 मे पर्यंत प्रशासनाकडे सादर करावी. सर्व संबंधित यंत्रणांनी 31 मे अखेर प्रशासकीय मान्यता घेवून पुढील कार्यवाही डिसेंबरअखेर पूर्ण करावी. जिल्हा नियोजन समितीमध्ये मंजूर कामाचा आढावा घेतला जाणार असून संबंधित विभागाच्या अधिकाऱ्यांनी विकासकामे वेळेत, दर्जेदार, गुणवत्तापूर्वक होईल याकडे लक्ष द्यावे.  गडकिल्ले, पर्यटनस्थळे आदी ठिकाणे पर्यटकांना सुरक्षित वाटली पाहिजे, याकरीता आवश्यक त्या उपाययोजना कराव्यात.

जिल्ह्यात पुणे मॉडेल स्कूल अर्थात आदर्श शाळांचा उपक्रम राबविण्याचे निर्देश देण्यात आले असून त्या अंतर्गत प्रत्येक तालुक्यातील केंद्र शाळा स्तरावर एका मोठ्या शाळेचा भौतिक तसेच दर्जात्मक विकास करण्यात येणार आहे. भौतिक सुविधांसोबतच शिक्षणाचा दर्जा कसा वाढेल याकडे लक्ष द्यावे.

नागरिकांना शुद्ध पिण्याचे पाणी उपलब्ध करुन द्यावे. लोकप्रतिनिधी सूचित केलेल्या सूचना, तक्रारीचे दखल घेत त्यांना विश्वासात घेवून त्या निकाली काढाव्यात. जिल्ह्यातील सर्व तालुक्यात एकसारखा निधी दिला जाईल, याबाबत दक्षता घ्यावी. रुग्णालयात विविध आजाराकरीता उपचारासाठीची लागणारी पुरेशी औषधे उपलब्ध ठेवावीत. धर्मादाय रुग्णालयांनी रुग्णांकडून अनामत रक्कम घेऊ नये असा निर्णय घेण्यात आला आहे.  या नियमांचे उल्लघंन करणाऱ्या रुग्णालयांवर कठोर कारवाई करण्यात येईल, याकामी जिल्हाप्रशासन, महानगरपालिका आयुक्त आणि स्थानिक लोकप्रतिनिधींनी लक्ष घालावे,असेही श्री. पवार म्हणाले.

यावेळी मंत्री चंद्रकांत पाटील, मंत्री दत्तात्रय भरणे, राज्यमंत्री माधुरी मिसाळ, नीलम गोऱ्हे यांच्यासह आमदार यांनी विविध सूचना केल्या.

यावेळी जिल्ह्यासाठी सन २०२५- २६ च्या सर्वसाधारण योजनेसाठी १ हजार ३७९ कोटी रुपये, अनुसूचित जाती उपयोजनेसाठी १४५ कोटी रुपये आणि आदिवासी घटक कार्यक्रमासाठी ६५ कोटी ४६ लाख रुपये या प्रमाणे एकूण १ हजार ५८९ कोटी ४६ लाख रुपयांच्या जिल्हा वार्षिक योजना आराखड्यास राज्य शासनाने मान्यता दिली असल्याचे माहिती जिल्हाधिकारी डूडी यांनी दिली.

जिल्हा परिषदेचे मुख्य कार्यकारी अधिकारी गजानन पाटील यांनीही प्रस्तावित योजना व तरतुदींच्या अनुषंगाने सादरीकरण केले.

यावेळी उपमुख्यमंत्री पवार यांच्या उपस्थितीत पुणे जिल्हा परिषद आणि आयुका संस्थेत जिल्हा परिषद शाळेच्या विद्यार्थ्यांना आयुका, नासा व इस्त्रो या संस्थेस भेटीबाबत मदत करण्यासोबतच तेथील कामकाजाबाबत माहिती व शास्त्रज्ञाच्या भेटीबाबत सामंजस्य करार करण्यात आला.  तसेच  पिंपरी-चिंचवड महानगरपालिका व युनिसेफ यांच्या संयुक्त विद्यमाने तयार करण्यात आलेल्या ‘वॉर्ड हेल्थ ॲक्शन प्लॅन’चे प्रकाशन करण्यात आले.

बैठकीत सन २०२४-२५ च्या जिल्हा वार्षिक योजनेअंतर्गत झालेल्या खर्चास मान्यता देण्यात आली. बैठकीस जिल्हा नियोजन समितीचे सदस्य, विविध कार्यान्वयन यंत्रणांचे प्रमुख अधिकारी उपस्थित होते.

कोरेगाव भीमा : छत्रपती संभाजी महाराज यांचा अंत्यविधी करणारे शूरयोद्धा गोविंद गणपत गायकवाड यांचे वढु बुद्रुक (ता शिरूर जि. पुणे) येथील समाधीस्थळ उपेक्षित आहे. या समाधीस्थळी भव्य स्मारक उभारण्यात यावे, अशी आंबेडकरी समाजाची गेल्या अनेक वर्षापासूनची मागणी आहे. छत्रपती संभाजी महाराज यांचे समाधी स्थळ तुळापूर, वढु बुद्रुक येथील विकासासाठी महाराष्ट्र सरकारच्या वतीने ३०२ कोटी रुपयांचा विकास आराखडा मंजूर करण्यात आला आहे. या विकास आराखड्याचे काम सुरू असून या विकास आराखड्यात शूर योद्धा गोविंद गोपाळ गायकवाड यांच्या समाधी स्थळाचा समाविष्ट करण्यात यावा, असे निर्देश विधानसभेचे उपाध्यक्ष आमदार अण्णा बनसोडे यांनी प्रशासनातील वरिष्ठ अधिकाऱ्यांना दिले आहेत.

विधानसभेच्या उपाध्यक्षपदी निवड झाल्यानंतर आमदार अण्णा बनसोडे यांनी दिनांक ३१ मार्च रोजी छत्रपती संभाजी महाराज यांचे समाधी स्थळ असलेल्या तुळापूर, वढु बुद्रुक येथील समाधीस्थळी विनम्र अभिवादन केले. यावेळी त्यांचा तुळापूरच्या सरपंच अॕड. गुंपा इंगळे, वढुचे सरपंच ज्ञानेश्वर भंडारे यांनी सन्मान केला. तसेच त्यांनी शूरयोध्दा गोविंद गोपाळ गायकवाड यांच्या समाधीस्थळी भेट देऊन विनम्र अभिवादन केले.
१ जानेवारी शौर्यदीनी भीमा कोरेगाव विजयस्तंभास मानवंदना देण्यासाठी देशभरातून लाखो भीम अनुयायी येत असतात ते अनुयायी वढु बुद्रुक येथील छत्रपती संभाजी राजे तसेच शुरयोध्दा गोविंद गोपाळ गायकवाड यांच्या समाधीस्थळी अभिवादन करतात.

शौर्यदिनी गोविंद गोपाळ गायकवाड यांच्या समाधीस्थळी महाराष्ट्र शासनाच्या वतीने फुलाची सजावट करुन अभिवादनचे नियोजन करण्यात येते. तसेच अनुयायांना पिण्याचे पाणी, शौचालयाची व्यवस्था, पार्किंगची सोय, आरोग्य सेवा आदी उपलब्ध करून देण्यात येत असल्याची माहिती रामदास लोखंडे यांनी दिली.

गोविंद गोपाळ गायकवाड यांची समाधी उपेक्षित असून समाधी स्थळाचा विकास करण्यात यावा, अशी मागणी आंबेडकरी समाजाची आहे. छत्रपती संभाजी महाराज समाधी स्थळ विकास आराखड्यात गोविंद गोपाळ गायकवाड यांच्या समाधी स्थळाचा समावेश करण्याचे निर्देश विधानसभेच्या उपाध्यक्षांनी प्रशासनातील वरिष्ठ अधिकाऱ्यांना दिले. सामाजिक न्याय मंत्री  संजय शिरसाठ यांच्याशी चर्चा करणार असल्याचे त्यांनी यावेळी सांगितले. तसेच त्यांनी विकास आराखडा बार्टीने तयार करून शासनास सादर करावा, असे निर्देश दिले.

पांडुरंग गायकवाड यांच्या निवासस्थानी त्यांनी भेट देऊन गायकवाड कुटुंबियांची विचारपूस केली. गायकवाड कुटुंबीयांच्या वतीने उपाध्यक्षपदी अण्णा बनसोडे यांची निवड झाल्याबद्दल त्यांचा सन्मान करण्यात आला. यावेळी पांडुरंग गायकवाड, कोरेगाव भीमाचे सरपंच श्री संदिप ढेंरगे, माजी सरपंच विजय गव्हाणे, राजाभाऊ गवदे, रामदास लोखंडे यांच्यासह वढु व कोरेगाव भीमा ग्रामस्थ तसेच आंबेडकरी चळवळीतील कार्यकर्ते उपस्थित होते.

आरोपी दोन दिवस उसाच्या शेतात लपून बसला होता. पण त्याला जेवायला मिळत नव्हतं. भूकेनं व्याकूळ झाल्यानंतर आरोपी पाणी पिण्यासाठी दोन दिवस रात्री त्याच्या नातेवाईकांकडे येऊन गेला होता अशी गुप्त माहिती पोलिसांना मिळाल्यानंतर पोलिसांनी ड्रोन आणि श्वान पथकाच्या सहाय्याने उसाच्या शेतात शोध घेतला.

रात्री एक वाजता तो कॅनॉलजवळ झोपलेला असताना शोधमोहीम राबवणाऱ्या पोलिसांना हालचाल दिसली आणि स्वारगेट पोलिसांच्या तपास पथकातील कर्मचारी शंकर संपते, सागर केकान, नाना भांदुर्गे, कुंदन शिंदे आणि सुजय पवार या पोलीस कर्मचाऱ्यांनी त्याला शिताफीने पकडले. त्यानंतर तातडीने त्याला ताब्यात घेऊन पुण्याला रवाना करण्यात आले आहे. सध्या त्याला लष्कर पोलिस ठाण्याच्या लॉकअपमध्ये ठेवण्यात आले आहे.

पुढील चौकशीसाठी त्याला पुण्यात हलवण्यात आले असून, तूर्तास एवढेच सांगता येईल, अशी माहिती डीसीपी निखिल पिंगळे यांनी दिली.

रात्री एक वाजता, तो कॅनॉलजवळ झोपलेला असताना पोलिसांच्या नजरेस पडला. पोलिसांनी दबक्या पावलांनी त्याच्या दिशेने वाट काढली. काही क्षणातच त्याला ताब्यात घेतलं. ७० तासांच्या शोध मोहिमेला पोलिसांना अखेर यश मिळालं आणि आरोपीच्या मुसक्या आवळल्या. बलात्कार करून घरी आलेल्या आरोपीनं दुपारपर्यंत घरी आराम केला आणि संध्याकाळी कीर्तनातही सहभाग घेतला.

रात्री बाराच्या सुमारास गावातील नातेवाईकाच्या घरी पाणी पिण्यासाठी आला होता. त्याला भूक लागली होती. तिथं दत्तात्रय गाडेनं जे काय केलं, त्याचा पश्चाताप झाल्याचं म्हटलं. याशिवाय गाडेनं प्रचंड भूक लागली असून काही तरी खायला द्या असं सांगितलं. नातेवाईकांनी काही खायला न देता फक्त पाण्याची बाटली दिली. त्यानंतर गाडे त्या घरातून निघून गेला. यानंतर नातेवाईकांनी यासगळ्या घटनाक्रमाची माहिती पोलिसांनी दिली. पोलिसांची पूर्ण टीम अॅक्टिव्ह झाली, डॉग स्कॉड आलं, 13 टीम तैनात झाल्या. दत्तात्रय गाडे दोन दिवस उसाच्या शेतात लपून बसला होता. उसात जाऊन पोलिसांनी गाडेला अटक केली आहे. सध्या आरोपी दत्तात्रय गाडे स्वारगेट पोलिसांच्या ताब्यात आहे. यानंतर तपासाची पुढील प्रक्रिया सुरु करण्यात आलेली आहे.

दत्तात्रय गाडे तीन दिवस शिरूरमधील गुनाटमध्येच

मंगळवारी पहाटे दत्तात्रय गाडे यानं स्वारगेट बसस्थानकात एका तरुणीवर बलात्कार केला होता. त्यानंतर दत्तात्रय गाडे शिरुर तालुक्यातील गुनाट या गावी गेला होता अशी माहिती आहे. पुणे पोलीस उपायुक्त निखिल पिंगळे यांनी या अटकेच्या कारवाईत गुनाट गावच्या नागरिकांनी यांनी देखील प्रचंड मेहनत घेतली असल्याचं सांगितलं. पुणे पोलिसांनी दत्तात्रय गाडेला जिथून अटक केली तिथं काही कपडे आणि गोधडी देखील आढळून आल्याची माहिती आहे.

दरम्यान, दत्तात्रय गाडे याला अटक केल्यानंतर स्वारगेट पोलीस स्टेशनला त्याचा जबाब नोंदवून घेतला जात होता. त्यानंतर त्याला ससून रुग्णालयात वैद्यकीय तपासणीसाठी नेण्यात आलं होतं. दत्तात्रय गाडेची वैद्यकीय तपासणी पूर्ण झाली असून त्याला सकाळी 11 वाजता शिवाजीनगर कोर्टात हजर केलं जाईल.