फुफ्फुसांच्या आजारामुळे गेल्या पाच दिवसांपासून असरानी यांना आरोग्य निधी रुग्णालयात दाखल करण्यात आलं होतं. अभिनेत्याचे मॅनेजर बाबूभाई थिबा यांनी असरानी यांच्या मृत्यूची बातमी सांगितली आणि म्हणाले की, असरानी अनेक दिवसांपासून आजारी होते आणि त्यांना रुग्णालयात दाखल करण्यात आलं होतं. संध्याकाळी सांताक्रूझमधील शास्त्री नगर येथे त्यांच्या जवळचे लोक आणि कुटुंबातील सदस्यांच्या उपस्थितीत त्यांच्यावर अंत्यसंस्कार करण्यात आले.

असरानी यांच्या अकाली निधनानं चाहते आणि कलाकारांनाही धक्का बसला आहे. त्यांनी त्यांच्या कारकिर्दीत अनेक चित्रपटांमध्ये काम केलंय. असरानी यांचा जन्म १ जानेवारी १९४१ रोजी जयपूर येथे झाला. त्यांनी जयपूरमधील सेंट झेवियर्स स्कूलमध्ये शिक्षण घेतलं आणि नंतर राजस्थान कॉलेजमधून पदवी प्राप्त केली. १९६७ मध्ये ‘हरे कांच की चुडियाँ’ या चित्रपटाद्वारे असरानी यांनी चित्रपटसृष्टीत पदार्पण केलं. यानंतर त्यांनी कधीही मागे वळून पाहिलं नाही. असरानींच्या सर्वात संस्मरणीय भूमिकांपैकी, ‘शोले’ चित्रपटातील जेलरची भूमिका अत्यंत महत्त्वाची आहे. या चित्रपटातील त्यांचा डायलॉग, ‘हम अंग्रेजों के जमाने के जेलर हैं’ खूप प्रसिद्ध झाला आणि दशकांनंतरही लोक अजूनही या डायलॉगसाठी असरानींना ओळखतात. असरानी यांनी ‘धमाल’, ‘ढोल’, ‘बालिका वधू’, ‘हेरा फेरी’, ‘मालामाल विकली’, ‘हेरा फेरी ३’ यांसारख्या सिनेमांमध्ये काम केलं आहे.

१९७३ मध्ये असरानी यांनी मंजू बन्सलशी लग्न केलं. असरानी यांना एक मुलगा असून त्याचं नाव नवीन असरानी आहे. त्यांचा मुलगा अहमदाबादमध्ये डेन्टिस्ट आहे. असरानी यांचे वडील कार्पेटचं दुकान चालवायचे.

जन्म आणि मृत्यू यांच्या दरम्यान घडणारी एक गूढरम्य गोष्ट समसारा हा चित्रपटाच्या केंद्रस्थानी आहे. गूढरम्य गोष्टीला अनुभवी अभिनेत्यांची साथ लाभली आहे. सायली संजीव, ऋषी सक्सेना, डॉ. गिरीश ओक, पुष्कर श्रोत्री यांच्या नेमक्या व्यक्तिरेखा, त्यांना असलेला गूढ इतिहास अत्यंत रंजक असल्याचं ट्रेलरमधून जाणवतं आहे. त्याशिवाय पार्श्वसंगीत, छायांकन, व्हिज्युअल इफेक्ट्सही उत्तम दर्जाचे असल्याचं ट्रेलर मधून जाणवतं आहे. त्यामुळेच चित्रपटाचा ट्रेलर अत्यंत गुंतवणारा, भयाचा आणि रहस्याचा अनुभव देणारा असल्याचंही दिसतं आहे. मराठी चित्रपटांत हॉरर प्रकार फारसा हाताळला गेलेला नसल्यानं “समसारा” एक वेगळा प्रयोग ठरणार आहे यात शंका नाही.

सागर लढे, विश्वेश वैद्य, समीर मानेकर यांच्या कथेवर समीर मानेकर, सागर लढे यांनी चित्रपटाची  पटकथा रचली आहे. तर समीर मानेकर, निहार भावे यांनी संवादलेखन केलं आहे. विश्वेश वैद्य यांनी संगीत, अक्षय राणे छायांकनाची जबाबदारी निभावली आहेत.  कार्यकारी निर्माता म्हणून महेश भारंबे व अन्वय नायकोडी काम पाहिले आहे.”समसारा” चित्रपटाचा अनोखा अनुभव मोठ्या पडद्यावरच घेणे महत्त्वाचे असून, त्यासाठी आता  २० जूनपर्यंत वाट पहावी लागणार आहे.

आजच्या  तरुणाईची कथा सांगणारा, सत्य कथेवर आधारित शातिर -द बिगिनिंग या चित्रपटाची निर्मिती श्रियांश आर्ट्स अँड मोशन पिक्चर्सच्या माध्यमातून रेश्मा वायकर यांनी केली आहे. या चित्रपटा द्वारे सुनील सुशीला दशरथ वायकर यांनी दिग्दर्शन क्षेत्रात पदार्पण केले आहे. आजच्या तरुण पिढीला पडलेला अंमलीपदार्थांचा विळखा, ड्रग्स माफिया आणि पोलीस यंत्रणेच्या संघर्ष, व्यसनाधीनता, गुन्हेगारी यांच्याविरुद्ध महाविद्यालयीन विद्यार्थ्यांनी उभारलेला लढा या चित्रपटात प्रेक्षकांना बघायला मिळणार आहे.

या बद्दल बोलताना दिग्दर्शक सुनील वायकर म्हणाले, शातिर -द बिगिनिंग हा चित्रपट माझा दिग्दर्शक म्हणुन पाहिलाच प्रयत्न आहे. समाजातील अंमली पदार्थाच्या सेवनामुळे होणारी व्यसनाधीनता आणि त्यामुळे वाढणारी गुन्हेगारी त्या विरुद्धचा कॉलेज मधील विद्यार्थ्यांचा लढा या चित्रपटातून दाखवून एक सामाजिक संदेश देण्याचा प्रयत्न केलेला आहे. देशावर परकीय दहशतवादाचे जसे संकट आहे तसेच ड्रग्ज हे अंतर्गत दहशतवाद आहे असे म्हंटले तर वावगे ठरणार नाही.

चित्रपटाच्या निर्मात्या, अभिनेत्री रेश्मा वायकर म्हणाल्या, चित्रपटातील ‘पोरी आम्ही मराठी पोरी’ या गीताला मिळणारा प्रतिसाद आमचा उत्साह वाढवणारा आहे. आज आपल्या समाजात अंमलीपदार्थ सहजतेने मिळत आहेत, ते घेणाऱ्या तरुणाईचे प्रमाण वाढत आहे, विद्येचे माहेरघर, सांस्कृतिक राजधानी असलेले पुणे शहर अशाच प्रकरणामुळे मधल्या काळात चर्चेत होते. या दुष्ट प्रवृत्ती विरुद्ध लढा देणाऱ्या महाविद्यालयीन तरुणाईची ही कथा आहे. अॅक्शन पॅक्ड अशी नायिका साकारणे माझ्यासाठी आव्हानात्मक होते.

शातिर – द बिगिनिंग या चित्रपटात अभिनेत्री रेश्मा वायकर या प्रमुख भूमिकेत असून ज्येष्ठ अभिनेते योगेश सोमण, रमेश परदेशी, अनिल नगरकर, मीर सरोवर, रामेश्वर गीते, रमा नाडगौडा, निशांत सिंग, वेद भालशंकर, अभिमन्यु वायकर यांच्या या चित्रपटात प्रमुख भूमिका आहेत. चित्रपटाला रोहित नागभिडे यांचे संगीत असून वैभव देशमुख गीतकार आहेत. चित्रपटातील गीतांना वैशाली सामंत, मुग्धा कऱ्हाडे, श्याल्मली खोलगडे  यांनी स्वरसाज चढवला आहे.

सत्य घटनेवर आधारित, तरुणाईतील ड्रग्ज, व्यसनाधीनता असा संवेदनशील विषय घेऊन येणारा, सस्पेन्स थ्रीलर असलेला  शातिर – द बिगिनिंग हा मराठी चित्रपट येत्या 13 जून रोजी संपूर्ण महाराष्ट्रात प्रदर्शित होणार आहे.

२० सप्टेंबरपासून ‘नवरा माझा नवसाचा 2’ प्रेक्षकांच्या भेटीला*

महाराष्ट्राचा लाडका गणेशोत्सव अवघ्या काही दिवसांवर येऊन ठेपला आहे. आपल्या सर्वांना परिचित असलेल गणपती बाप्पाचं “डम डम डम डम डमरू वाजे….” हे गाजलेलं गाणं “नवरा माझा नवसाचा 2” या चित्रपटात नव्या ढंगात आपल्या भेटीला येणार असून, सचिन पिळगावंकर आणि आदर्श शिंदे यांनी हे गाणं पहिल्यांदाच एकत्रित गायलं आहे.

सुश्रिया चित्र या निर्मिती संस्थेची निर्मिती  असलेल्या “नवरा माझा नवसाचा 2” या चित्रपटाची निर्मिती,  कथा – पटकथा आणि दिग्दर्शन सचिन पिळगांवकर यांनी केले असून संवाद संतोष पवार यांचे आहेत. अभिनेते सचिन पिळगांवकर, अभिनेत्री सुप्रिया पिळगांवकर, महाराष्ट्र भूषण अशोक सराफ, स्वप्नील जोशी, हेमल इंगळे, निर्मिती सावंत, वैभव मांगले आणि सिद्धार्थ जाधव अशी दमदार स्टारकास्ट आपल्याला या चित्रपटाच्या माध्यमातून आपल्या भेटीस येणार आहे.

“डम डम डम डम डमरू वाजे….” या रिक्रिएट केलेल्या गाण्याचं गीतलेखन प्रवीण दवणे यांनी केले असून संगीत दिग्दर्शन रविराज कोलथरकर या नवोदित संगीत दिग्दर्शकाने केले आहे.

“देवा तुझ्या गाभाऱ्याला….” या गाण्यापासूनच मी आदर्श शिंदेच्या आवाजाचा मी फॅन झालो होतो. मी त्याला माझ्या मुलासारखा मानू लागण्याइतके आम्ही दोघे एकमेकांच्या जवळ येऊ असं मला कधी वाटलं नव्हतं. त्याच्याबरोबर कधी एकत्र गाता येईल हेही माहीत नव्हतं. आदर्शने अत्यंत आपुलकीनं हे गाणं माझ्याबरोबर गायलं आहे. या गाण्यासाठी त्याने खूप मेहनत घेतली आहे, त्याला हवं त्या पद्धतीनं या गाण्यावर काम केलं आहे. त्यामुळे हे गाणं नक्कीच प्रेक्षकांच्या पसंतीला उतरेल. रविराज कोलथरकर या तरुण संगीतकाराचं “नवरा माझा नवसाचा 2” या चित्रपटातून पदार्पण होत आहे. अतिशय गुणी असा हा कलाकार आहे, अशी भावना सचिन पिळगावंकर यांनी व्यक्त केली.

गाण्याविषयी आदर्श शिंदे म्हणाला, की “डम डम डम डम डमरू वाजे….” हे गाणं मी लहानपणापासून ऐकत, गात आलो आहे. आता “नवरा माझा नवसाचा 2” या चित्रपटात सचिन पिळगावंकर यांच्यासह ते मला गायला मिळणं ही खूप आनंदाची बाब आहे. आम्ही दोघांनी एकाचवेळी एकत्र उभे राहून हे गाणं गाण्याचा वेगळा प्रयोग केला. त्यामुळे पूर्वीच्या काळी जसं रेकॉर्डिंग व्हायचं तसं हे गाणं केलं आहे. तो अनुभव खूप कमाल होता. यंदाच्या गणेशोत्सवात हे गाणे नक्कीच गाजेल अशी मला आशा असल्याचे गायक आदर्श शिंदे याने सांगितले. 

दरवर्षी गणेशोत्सवानिमित्त गणपती बाप्पावरची अनेक गाणी येत असतात. मात्र यंदाचा गणेशोत्सव “डम डम डम डम डमरू वाजे….” या गाण्यामुळे अधिकच स्पेशल होणार आहे, प्रत्येक घरात, मंडळात हे गाणं वाजेल यात शंका नाही. “नवरा माझा नवसाचा 2” हा चित्रपट २० सप्टेंबरला प्रेक्षकांच्या भेटीला येणार  आहे.

 सिम्बारिया फिल्म्सतर्फे “नेता गीता” या चित्रपटाची निर्मिती आणि  प्रस्तुती करण्यात येत आहे.  सुधांशू महेश बुडुख यांनी चित्रपटाचं लेखन आणि दिग्दर्शन केलं आहे. शिवानी बावकरसह सुधांशू बुडुख रोहित कोकाटे, अनिल नगरकर, विठ्ठल काले, अजय तापकिर, विराज अवचिते, सुहास जोशी,सुचेत गवई, विक्रांत धिवरे असे उत्तमोत्तम कलाकार या चित्रपटात आहेत. रोशन मारोडकर यांनी छायांकन, निरंजन पेडगावकर यांनी संगीत, सौमित्र धारासूरकर यांनी संकलन, तर संजीर हवालदार, धीरज भालेराव यांनी नृत्य दिग्दर्शनाची जबाबदारी निभावली आहे.

कॉलेज जीवनात तरुणाईचा सळसळता उत्साह असतो. या उत्साहातच कॉलेजच्या निवडणुका लढवल्या जातात. अशाच एका निवडणुकीच्या निमित्ताने घडणारी मनोरंजक गोष्ट “नेता गीता” या चित्रपटातून उलगडणार आहे. भगवद्‌गीता हा प्राचीन भारतीय तत्त्वज्ञानविषयक ग्रंथ आहे जो आपल्या सर्वांना माहीत आहे. या चित्रपटातही याचा काहीसा अनुभव आपल्याला मिळणार असून कॉलेजमधील प्रेमप्रकरण, मैत्रीचे समीकरण, राजकरण यासर्वांसोबतच गीतेचे प्रवचन आपल्याला अनुभवता  येणार आहे.  चित्रपटाच्या पोस्टरवरून कथानकातला ताजेपणा व्यक्त होत आहे. लवकरच हा चित्रपट प्रेक्षकांच्या भेटीला येणार आहे. त्यामुळेच नेता गीता प्रेक्षकांची पसंती मिळवेल यात शंका नाही.

याप्रसंगी बीड जिल्ह्याचे खासदार बजरंग सोनवणे, पीएस आय राजेश पाटील, दिलीप गीते, चित्रपटाचे निर्माते, दिग्दर्शक कलाकार मंडळी आवर्जून उपस्थित होते. १००० वृक्षांची लागवडही याप्रसंगी उपस्थित मंडळींच्या हस्ते करण्यात आली २१ जून रोजी हा चित्रपट महाराष्ट्रात सर्वत्र प्रदर्शित होत आहे. नव्या दमाचे कलाकार, संपूर्णपणे वेगळा विषय हा चित्रपट प्रेक्षकांसमोर घेऊन येत आहे.

योगेश लिलाधर राजपूत यांनी प्रस्तुती केलेल्या झाड या चित्रपटाची निर्मिती द ग्रीन इंडिया फिल्म्स यांनी केली आहे. सचिन बन्सीधर डोईफोडे या चित्रपटाचे निर्माता आहेत. चित्रपटाचं लेखन आणि दिग्दर्शन सचिन बन्सीधर डोईफोडे यांनीच केलं आहे. गणेश मोरे आणि प्रशांत मुरकुटे सहदिग्दर्शक आहेत. सतीश सांडभोर यांनी छायांकन,  शरद ठोंबरे, पी. शंकरम यांनी संगीत दिग्दर्शन केलं आहे. आदर्श शिंदे आणि जान्हवी अरोरा यांनी चित्रपटातील गाणी गायली आहेत.

चित्रपटात डॉ. दिलीप डोईफोडे, प्रकाश धोत्रे, संदीप वायबसे, शिवलिंगआप्पा बेंबळकर,  कैलास मुंडे,  प्रल्हाद उजागरे, प्रशांत मुरकुटे, संजीवकुमार मेसवाल, जोशना नेहरकर, दुर्वास मोरे, दत्तात्रय मुंडे, देवई डोईफोडे, मच्छिंद्र डोईफोडे, प्रियंका नेहरकर, ओमकार डोईफोडे, करण डोईफोडे,  माऊली सानप, काजल डोईफोडे, पंकजा वायबस, जान्हवी कदम, राजवी डोईफोडे, आयन हजारे अशी स्टारकास्ट आहे.   

विकास आणि निसर्ग हे आजच्या काळातील दोन कळीचे मुद्दे आहेत. मात्र विकास साध्य करण्यासाठी निसर्गाची हानी होत असल्याचे दिसून येत आहे. त्यातूनच वन्यजीव आणि मानव असा संघर्ष  निर्माण होत आहे. तापमानवाढीचा सामना करावा लागत आहे. अशा काळात झाडे लावणे, झाडे जपण्याची गोष्ट झाड हा चित्रपट उलगडतो. एका गावात झाडे तोडणारे आणि झाडे वाचवणारे यांच्यातील संघर्ष या चित्रपटात मांडण्यात आल्याचे चित्रपटाच्या ट्रेलरमधून दिसते. त्यामुळे झाडांचं जतन-संगोपन आणि पर्यावरण संवर्धन हा विषय चित्रपटातून मांडण्याचा अनोखा प्रयत्न झाड हा चित्रपट करतो. चित्रपटाच्या टीजरनंतर आता ट्रेलर समोल आला आहे. त्यातून चित्रपटाविषयी उत्सुकता निर्माण झाली आहे. चित्रपट मोठ्या पडद्यावर पाहण्यासाठी आता काही दिवसच प्रतीक्षा करावी लागणार आहे.

पूनम पांडेने स्वत: इन्स्टाग्राम पोस्ट शेअर करत यासंदर्भात माहिती दिली आहे. “मी जिवंत आहे, कर्करोगामुळे माझा मृत्यू झालेला नाही” असं तिने या व्हिडीओद्वारे स्पष्ट केलं आहे. याशिवाय यामध्ये तिने सर्वांची माफी मागितली आहे.

“मी जिवंत आहे…सुदैवाने सरव्हायकल कॅन्सरमुळे माझं निधन झालेलं नाही. पण, आज देशातील हजारो महिलांना या समस्येचा सामना करावा लागत आहे. कित्येक महिलांना या आजारामुळे आपले प्राण गमवावे लागले आहेत. या गंभीर आजाराचा सामना कसा करायचा याबद्दल पुरेशी जनजागृती महिलावर्गात झालेली नाही. पण, तुम्हाला माहितीये का? सरव्हायकल कॅन्सर हा पूर्णपणे बरा होऊ शकतो. यासाठी तुम्हाला वेळच्या वेळी आरोग्य तपासणी व HPV लसीकरण पूर्ण करणं आवश्यक आहे. आपण एकत्र मिळून या आजाराबाबत जनजागृती करुया. तुम्ही माझ्या वेबसाइटला जरुर भेट द्या. ही बातमी पैशांसाठी नव्हे तर जनजागृतीसाठी पसरवली” असं पूनम पांडेने तिच्या व्हिडीओमध्ये सांगितलं आहे.

दरम्यान, स्वत:च्या निधनाची खोटी माहिती शेअर केल्यामुळे सध्या पूनम पांडे विरोधात सोशल मीडियावर संतापाची लाट उसळली आहे. तिच्या पोस्टवर कमेंट करत नेटकरी तिला ट्रोल करत आहेत. याशिवाय मनोरंजनविश्वातील अनेक कलाकारांनी देखील पूनमच्या या पोस्टवर कमेंट्स करत घडल्या प्रकाराबाबत नाराजी व्यक्त केली आहे.

श्रेयस तळपदे दिवसभर शुटींगमध्ये व्यस्त होता. तिथे त्याची प्रकृती ठीक होती. शुटींगमध्ये त्याने अॅक्शन असलेले सीक्वेन्स शूट केले. शूट संपल्यानंतर तो घरी परतला. त्याने पत्नीला सांगितले की, त्याला अस्वस्थ वाटत आहे. तिने त्याला तातडीने हॉस्पिटलमध्ये नेले पण वाटेतच त्याला चक्कर आली.

या प्रकरणी रुग्णालयाने सांगितले की, “श्रेयस तळपदे रुग्णालयात दाखल आहे. त्याला संध्याकाळी उशिरा आणण्यात आले. त्यांची अँजिओप्लास्टी करण्यात आली आहे. तसेच आता अभिनेत्याच्या प्रकृतीत सुधारणा होत आहे.

गोलमाल रिटर्न्स, ओम शांती ओम आणि इतर मधील त्याच्या भूमिकांसाठी लोकप्रिय असलेला श्रेयस तळपसे पुढे वेलकम टू द जंगलमध्ये दिसणार आहे. या कॉमेडी चित्रपटात संजय दत्त, सुनील शेट्टी, अर्शद वारसी, परेश रावल, जॉनी लीव्हर, राजपाल यादव, तुषार कपूर, कृष्णा अभिषेक, किकू शारदा यांच्याही भूमिका आहेत.

अभिनेता जितेंद्र जोशी सध्या ‘नाळ २’ या चित्रपटामुळे चर्चेत आहे. १० नोव्हेंबरला प्रदर्शित झालेला ‘नाळ २’मध्ये त्याने चैत्याच्या खऱ्या वडिलांची भूमिका साकारली आहे. जितेंद्र जोशी ‘झी मराठी’वरील लोकप्रिय कार्यक्रम ‘सारेगमप लिटिल चॅम्प्स’मध्ये सहभागी झाला होता. त्यावेळी त्याने मराठी असण्याची एक साधी व्याख्या सांगितली. याचा व्हिडीओ सध्या सोशल मीडियावर व्हायरल होत आहे.

अभिनेता जितेंद्र जोशींचा हा व्हिडीओ ‘झी मराठी’च्या अधिकृत इन्स्टाग्राम पेजवर शेअर करण्यात आला आहे. ज्यामध्ये सूत्रसंचालिका मृण्मयी देशपांडे सगळ्यांना सांगते की, “आज तुमच्यामध्ये सुद्धा एक असा कलाकार आहे, जो आपल्याला वाटतो या मातीमध्येच, मराठीच्या मांडीवरच बहुतेक हे लेकूर जन्माला आलेलं असणार आहे. इतकी मराठी त्याच्यामध्ये भिनलेली आहे.”

यावर जितेंद्र जोशी म्हणतो की, “मी जन्माने मारवाडी आहे. मी अमराठी नाही मी मराठीच आहे. राजस्थानात जन्माला आलेला मुसलमान राजस्थानी असतो. तसाच महाराष्ट्रात जन्माला आलेला मारवाडी हा मराठी आहे. पण फक्त एक आहे, घरामध्ये मराठी बोललं जात नव्हतं. त्यामुळे घरातली जी भाषा असते ती तुमची भाषा असते खरंतर. कारण तुम्ही जास्तीत त्या लोकांबरोबर बोलत असता. मग मुंबईत आल्यानंतर मला लक्षात आलं की, जर या क्षेत्रात काम करायचं असेल तर भाषा खूप महत्त्वाची आहे. त्याच्यावरून हिणवलं गेलं. मग मी शिकलो.”

त्यानंतर मृण्मयी जितेंद्रला कविता सादर करायला सांगते. अभिनेता त्याच्या मित्राने लिहिलेली आईवरील एक सुंदर कविता सादर करतो. ही कविता सादर केल्यानंतर जितेंद्र मराठीची व्याख्या सांगतो. तो म्हणतो, “आताची मुलं येऊन भेटतात आणि म्हणतात, तुमचं मराठी काय सॉलिड आहे. तर मी म्हणतो, माझी मराठीची समज चांगली आहे. माझं मराठीचं ज्ञान नाहीये. मराठीचं ज्ञान पाहायचं असेल तर खूप माणसं आहेत. माझी समज चांगली आहे, मला मराठी आवडते. ही माझी भाषा आहे. कारण मला असं वाटतं, छत्रपती शिवाजी महाराज की असं म्हटल्यानंतर जो जय म्हणतो. ज्याच्या अंगावर काटा फुलतो तो मराठी. एवढी साधी व्याख्या आहे मराठीपणाची.”

‘नाळ २’ या चित्रपटाचा टीझर प्रदर्शित करण्यात आला. या टीचरच्या सुरुवातील चैत्या कुठेतरी चालत जाताना दिसतो. तर नंतर वाटेल त्याला त्याची एक मैत्रीण भेटते आणि ती त्याला तू कुठे जात आहेस? असं विचारते. त्यावर चैत्या म्हणतो, “मी माझ्या खऱ्या आईला भेटायला चाललो.” त्यावर त्याची मैत्रीण त्याला विचारते, “मग तू परत कधी येणार?” त्यावर चैत्या म्हणतो की, “आता मी येतच नाही परत. मी चाललो.” तर टीझरच्या शेवटी चैत्या बसमधून प्रवास करताना दिसतो. या टीझर आता प्रेक्षकांच्या मनात भरला आहे. यावर कमेंट करत नेटकरी त्यांना हा टीझर आवडल्याचं सांगत या चित्रपटाबद्दल उत्सुकता व्यक्त करत आहेत. येत्या दिवाळीत म्हणजेच १० नोव्हेंबर रोजी नागराज मंजुळे दिग्दर्शित हा ‘नाळ २’ प्रदर्शित होणार आहे. त्यामुळे यंदाची दिवाळी प्रेक्षकांसाठी अधिकच धमाकेदार असणार आहे.