राष्ट्रीय सुरक्षा दिनाचे औचित्य साधून राष्ट्रीय सुरक्षा आरोग्य, पर्यावरण, राजनैतिक, मातृभूमी, आर्थिक, सांस्कृतिक, सामाजिक, विज्ञान, औद्योगिक, सायबर, संसाधन, परमाणु जैव व अंतरिक्ष सुरक्षा विकसित करण्यासाठी आणि सुरक्षेसंबंधी औद्योगिक व सेवा क्षेत्रातील तंत्रज्ञ, वैज्ञानिक, अधिकारी, कर्मचारी व सफाई कामगार तसेच जनतेच्या जनमाणसात जनजागृती व्हावी आणि आपला भारत देश व समाज  सुरक्षित राहाण्यासाठी मोहिम राबवण्यात आली.
        
“पुणे महानगरपालिकेच्या सर्व खात्यातील कर्मचारी अधिकारी व विशेषतः सफाई कर्मचाऱ्यांनी आपली स्वच्छता, विद्युत, डांबरीकरण, ड्रेनेज, स्वच्छतागृह सफाई तसेच भूकंप, महापूर अशा नैसर्गिक आपत्तीत मदत कार्य करत असताना सुरक्षा साधनांचा वापर करून आपण स्वतः व आपले कुंटूंबाची सुरक्षा करावी” असे आवाहन वरिष्ठ आरोग्य निरीक्षक राम सोनवणे यांनी केली.

         
“आम्ही आजच्या राष्ट्रीय सुरक्षितता दिनी अशी प्रतिज्ञा करतो की, आम्ही सुरक्षितता उद्दिष्टांकरिता वाहून घेऊ. त्यावर श्रद्धा, निष्ठा ठेवू व सुरक्षितता नियमांचे व सूचनांचे काटेकोरपणे पालन करू तसेच संस्थेच्या, समाजाच्या व देशाच्या हितासाठी अपघात न होण्यासाठी सदैव प्रयत्नशील राहू.” अशा प्रकारची राष्ट्रीय सुरक्षिततेची शपथ घेण्यात आली. सदर कार्यक्रम घनकचरा व्यवस्थापन उपआयुक्त अविनाश सकपाळ, परिमंडळ कार्यालय क्रमांक २ चे उपआयुक्त संतोष वारूळे, महापालिका सहाय्यक आयुक्त सुहास जाधव यांच्या मार्गदर्शनाखाली तसेच आरोग्य निरीक्षक राम सोनवणे, गणेश खिरिड यांच्या नेतृत्वाखाली घेण्यात आला. 

या उपक्रमात आरोग्य निरीक्षक करण कुंभार,गणेश साठे, किरण जाधव, दत्तात्रय दळवी, प्रमोद चव्हाण, मोकादम वैजीनाथ गायकवाड, आण्णा ढावरे, परेश कुचेकर, कुणाल जाधव, प्रविण कांबळे इत्यादींनी परिश्रम घेतले. सदर मोहिमेत कमिन्सचे संपत खैरे, रमेश डुंबरे, अनिल घोडेकर, दिगंबर पोकळे, सेवा सहयोगचे युवराज चाबुकस्वार, हेमंत भराडे, डहाणूकर कॉलनीतील जेष्ठ नागरिक सौदागर शिंदे सेवानिवृत्त प्राचार्य श्री.नरसिंह शिंदे,श्री. शिरिष गोवर्धन व इतर व्यावसायिक नागरिक सहभागी झाले.

प्रभागात वाढलेल्या अतिक्रमणांमुळे नागरिकांना मोठ्या प्रमाणावर त्रास सहन करावा लागत आहे तसेच स्वच्छतेचा प्रश्न ही आहे. स्वच्छता कर्मचारी व त्यांच्याकडून करण्यात येत असलेल्या कामाचा आढावा यावेळी घेण्यात आला.

सिंहासन न्यूजशी बोलताना नगरसेवक किरण दगडे पाटील म्हणाले, रस्त्यावर झालेल्या अतिक्रमणांमुळे नागरिकांना त्रासाला सामोरे जावे लागत आहे. पदपथावर स्टॉल लावले जात असून नागरिकांना रस्त्यावरून चालावे लागत आहे. मात्र त्याकडे अतिक्रमण विभागाच्या अधिकाऱ्यांकडून जाणीवपूर्वक दुर्लक्ष केले जात आहे. तसेच स्वच्छतेचे विषयासंदर्भात स्वच्छता कर्मचारी किती व प्रत्यक्षात कामावर किती येतात हाही मोठा प्रश्न आहे, त्यामुळे या सर्व प्रश्नांकडे आम्ही बारकाईने आता लक्ष देणार आहे. प्रशासकीय राजवटीत सुरू असलेला अनागोंदी कारभार आता चालू देणार नाही. स्वच्छ आणि सुंदर प्रभाग करणे ही आमची जबाबदारी आहे.  आज आम्ही उपस्थित केलेल्या अतिक्रमण आणि स्वच्छता या विषयावर तातडीने उपाययोजना नाही झाल्यास त्याचे परिणाम अधिकाऱ्यांना भोगावे लागतील. रस्त्यावर आणि पदपथावर असलेल्या टपऱ्यांवर कारवाई नाही झाल्यास आम्ही सहाय्यक आयुक्त कार्यालयाबाहेर टपऱ्या आणून लावू असा इशारा ही अधिकाऱ्यांना दिला असल्याचे किरण दगडे पाटील यांनी सांगितले.

नगरसेवक दिलीप वेडे पाटील म्हणाले, प्रभागातील विविध विषयांवर आजच्या बैठकीत चर्चा झाली त्यातील अतिक्रमण आणि स्वच्छता ही विषय महत्वाचे होते. या दोन मुद्द्यांवर अधिकाऱ्यांना काही सूचना दिल्या आहेत. नागरी प्रश्न सोडवण्याकडे आम्ही प्राधान्याने लक्ष देत आहोत.

नगरसेविका अल्पना वरपे म्हणाल्या समस्या मुक्त प्रभाग करणे ही आमची पहिली जबाबदारी आहे आणि त्यासाठीच आज अधिकाऱ्यांबरोबर बैठक घेतली आहे. या बैठकीत वाढलेली अतिक्रमणे आणि स्वच्छता या विषयाकडे अधिकाऱ्यांचे लक्ष वेधले आहे. तसेच या प्रश्नावर तातडीने उपाययोजना करण्यासंदर्भात सूचना देण्यात आल्या आहेत. अधिकाऱ्यांचे नागरी प्रश्नांकडे होणारे दुर्लक्ष आता खपवून घेतले जाणार नाही. या आधी लोकप्रतिनिधी नव्हते त्यामुळे अधिकारी बिनधास्त होते पण आता लोकांचे प्रश्न मांडण्यासाठी आणि ते सोडवण्यासाठी लोकप्रतिनिधी आहेत हे अधिकाऱ्यांनी लक्षात घ्यावे.

नगरसेविका रुपाली पवार यांनीही स्वच्छता हा विषय आरोग्याशी संबंधित असून अधिकाऱ्यांनी त्या कामात कुचराई करू नये तसेच जबाबदारीने काम करावे असे म्हंटले आहे.

या संदर्भात महापालिका सहाय्यक आयुक्त सुहास जाधव यांना संपर्क साधला असता त्यांनी सांगितले की, प्रभाग १० मधील अतिक्रमणांच्या बाबतीत सर्वे आणि पाहणीचे काम हाती घेण्यात येणार असून त्यानंतर पुढील कार्यवाही करण्यात येणार आहे अंदाजे साधारण १५ दिवसांमध्ये हे काम केले जाईल. अशी बैठकीत चर्चा झाली तसेच स्वच्छतेच्या संदर्भातही नियोजनबद्ध काम सुरू आहे. एक एक रस्ता घेऊन आम्ही स्वच्छता करत आहोत. अपुरा स्टाफ असल्यामुळे काही अडचणी येत आहेत. त्याबाबत रिपोर्ट करून संबंधित विभागाच्या वरिष्ठांकडे पाठवला जाणार आहे. आणखी स्टाफ मिळाला तर अजून चांगले काम करता येईल. आता आहे त्याच स्टाफ मध्ये रोटेशन पद्धतीने वेगवेगळ्या भागात काम केले जात आहे. स्वच्छतेचा प्रश्न योग्य पद्धतीने मार्गी लावला जाणार आहे.

कोथरूड : श्री गणेश जयंती निमित्ताने नवनिर्वाचित नगरसेवक हर्षवर्धन दीपक मानकर यांनी  प्रभाग क्रमांक ११ रामबाग कॉलनी – शिवतीर्थनगर मधील हनुमाननगर, केळेवाडी, राऊतवाडी, सुतारदरा, किष्किंधानगर, जयभवानीनगर, म्हातोबानगर परिसरातील विविध सार्वजनिक गणेश मंडळांना भेटी देत गणरायाचे दर्शन घेतले. यावेळी गणेश मंडळांचे पदाधिकारी, कार्यकर्ते व नागरिकांशी संवाद साधत त्यांनी सर्वांना गणेश जयंतीच्या शुभेच्छा दिल्या.

प्रभागातील विविध गणेश मंडळांमध्ये नगरसेवक हर्षवर्धन मानकर यांचे उत्साहात स्वागत करण्यात आले. गणेश मंडळांच्या माध्यमातून सामाजिक उपक्रम, स्वच्छता, पर्यावरण संवर्धन तसेच सांस्कृतिक कार्यक्रम राबवले जात असल्याबद्दल हर्षवर्धन मानकर यांनी समाधान व्यक्त केले. प्रभागाच्या सर्वांगीण विकासासाठी नागरिकांचे सहकार्य व सहभाग अत्यंत महत्त्वाचा असल्याचे त्यांनी यावेळी सांगितले.

मानकर म्हणाले, गणेश जयंती हा दिवस गणेश भक्तांसाठी अतिशय महत्त्वाचा आणि भावनिक दिवस आहे. आज हा दिवस विविध उपक्रमाच्या माध्यमातून साजरा केला जात असल्याने सर्वत्र भक्तिमय वातावरण आहे. सर्व नागरिकांना सुख समृद्धी आणि निरोगी आरोग्य मिळावे अशी मी आजच्या मंगलदिनी गणरायाचरणी प्रार्थना करतो.

या प्रभागातील भाजपचे उमेदवार असणारे अल्पना वरपे, किरण दगडे पाटील, दिलीप वेडे पाटील यांनी मागील कार्यकाळात प्रभागातील मूलभूत प्रश्न सोडवण्याबरोबरच अनेक वर्षांपासून प्रलंबित असलेल्या रस्त्यांची कामे ही मार्गी लावलेली आहेत. अनेक प्रकल्प त्यांनी प्रभागात केलेले आहेत त्यामुळे आम्हा चारही जणांना नागरिकांचा प्रतिसाद मिळत असून आमचा विजय नक्की आहे असा विश्वास रूपाली पवार यांनी व्यक्त केला आहे.

भाजपच्या उमेदवारांचा प्रभागात प्रचारकाचा धडाका सुरू असून  भाजपाचे उमेदवार किरण दगडे पाटील, अल्पना गणेश वरपे, रुपाली सचिन पवार, दिलीप वेडेपाटील हे केलेली विकास कामे आणि सुरू असलेले लोकोपयोगी प्रोजेक्टचे मुद्दे घेऊन जनतेसमोर जात आहेत.

उमेदवारांनी महात्मा सोसायटी, सारथी शिल्प, मंगलधाम सोसायटी, वृंदावन, रोहन गार्डन, हरिप्लाझा, कुंबरे पार्क, हील व्हिव, जिजाई नगरी, मौर्य विहार आदी परिसरातील सोसायट्यांना भेटी देत  नागरिकांशी थेट संवाद साधला. या भेटी दरम्यान नागरिकांच्या मनातील अपेक्षित विकासावर चर्चा करून नागरिकांचे म्हणणे उमेदवारांनी ऐकूण घेतले.

या दौऱ्यात अनेक वर्षापासून डिपी रस्त्यावरील रखडलेल्या एकलव्य कॉलेज जवळील रस्ता, मौर्य विहार रस्ता, हायवे ते महात्मा सोसायटी जोडणारा रस्ता, आशिष गार्डन ते शांतीबन चौक या रस्त्यांच्या प्रश्न मार्गी लावल्याने नागरिकांनी यावेळी समाधान व्यक्त केले.  आगामी काळात नागरिकांना आवश्यक प्रकल्प राबवण्यासाठी आम्ही कटिबद्ध आहोत तसेच नागरी सुविधा नियोजनपूर्वक पुरवण्यावर आमचा भर राहिल असा विश्वास उमेदवारांनी व्यक्त केला.

कोथरूड : भुसारी कॉलनी–बावधन परिसरात कार्यरत असलेल्या हास्यकलब व योगा ग्रुपच्या सदस्यांची भेट घेऊन भाजप उमेदवारांनी प्रभाग क्रमांक १० मध्ये प्रचाराला गती दिली आहे. यावेळी नागरिकांशी थेट संवाद साधत विकासकामांचा आढावा घेण्यात आला तसेच पुढील काळातील प्राधान्यक्रम स्पष्ट करण्यात आले.

हास्यकलब व योगा ग्रुपच्या माध्यमातून परिसरातील नागरिक शारीरिक व मानसिक आरोग्यासाठी नियमितपणे एकत्र येतात. या भेटीत उमेदवारांनी या उपक्रमांचे कौतुक करत, आरोग्य, स्वच्छता, उद्याने, पादचारी मार्ग, ज्येष्ठ नागरिकांसाठी सुविधा आणि महिलांच्या सुरक्षेसाठी ठोस उपाययोजनांची माहिती दिली. नागरिकांनीही विकास कामांबाबत आपल्या अपेक्षा मांडल्या.

या प्रचार भेटीत भाजप उमेदवार किरण दगडे पाटील, रुपाली सचिन पवार, अल्पना गणेश वरपे आणि दिलीप वेडेपाटील यांनी सक्रिय सहभाग घेतला. त्यांनी घरोघरी संपर्क साधत नागरिकांशी संवाद वाढवला आणि पक्षाच्या विकासात्मक धोरणांची माहिती दिली.

प्रभाग १० मध्ये सर्वसमावेशक विकास, नागरिकांचा सहभाग आणि पारदर्शक कारभार यावर भर देण्यात येईल, असा विश्वास उमेदवारांनी व्यक्त केला. या भेटीमुळे परिसरात सकारात्मक वातावरण निर्माण झाले असून आगामी निवडणुकीसाठी भाजपच्या प्रचाराला बळ मिळाल्याचे चित्र आहे.

अल्पना वरपे यांनी सांगितले की, डावी- उजवी भुसारी कॉलनी, एकलव्य कॉलेज परिसर, गादीया इस्टेट – शास्त्रीनगर तसेच सागर कॉलनी- डी पी रोड परिसरातील रहिवाशांना रोजच 3-6 तासापर्यंतच्या अघोषित लोड शेडिंगचा सामना करावा लागत आहे. या अघोषित लोड शेडिंगमुळे नागरिकांना पाणी प्रश्नापासून इतर अनेक समस्यांना तोंड द्यावे लागत आहे. नियमीत वीज पुरवठा होत नसल्याने मेडिकल संदर्भातील समस्यांना ही नागरिकांना सामोरे जावे लागत आहे. घरात कोणी ऑक्सिजन चा रुग्ण असेल तर त्यांना अडचणीचा सामना करावा लागत आहे. वर्क फ्रॉम होम असलेल्यांच्या नोकरीवर देखील याचा परिणाम झालेला आहे.

ज्या पद्धतीने एखा‌द्या व्यक्तीने वीजबिल वेळेवर भरले नाही तर तत्परतेने त्याच्यावर कारवाई होते. परंतु दैनंदिन जीवनात वीज ही मूलभूत गरज झालेली असून देखील तेवढ्या तत्परतेने वीजे संबंधितल्या तक्रारींचे निवारण होताना दिसत नाही, तसेच  महावितरणच्या कोथरुडच्या कॉल सेंटर व संबंधित अधिकाऱ्यांकडून नागरिकांना अजिबात प्रतिसाद मिळत नसल्याचा आरोप वरपे यांनी केला आहे.

वरील भागातील ट्रान्सफॉर्मर, RMU युनिट्स, भूमिगत व ओवरहेड केबल्स, फिडर पिलर्स अश्या सारख्या वीज पुरवठ्याकरीता महत्वाच्या असणाऱ्या साधनांची दुरुस्ती व मेंटेनन्स वेळोवेळी होत नसल्याचे निदर्शनास येत आहे, ही अतिशय गंभीर बाब असून महावितरण कर्मचाऱ्यांच्या अशा हलगर्जीपणा मुळेच नागरिकांना विजेच्या समस्येला तोंड द्यावे लागत आहे.

वर उल्लेख केलेल्या भागातच ही अघोषित लोड शेडिंग होत असून इतर भागात मात्र सुरळीत वीज पुरवठा चालू असतो. त्यामुळे सदर अघोषित लोड शेंडीग हे आपल्या अधिकारी व कर्मचारी यांच्या हलगर्जीपणामुळे म्हणजे मानवनिर्मित आहे त्यामुळे सदर विषयाचे गांभीर्य लक्षात घेता या भागातील वीज पुरवठा सुरळीत करावा अन्यथा महावितरण कार्यालयात निषेधाचा पहिला टप्पा म्हणून ठिय्या आंदोलन करण्यात येईल असा इशारा वरपे यांनी दिला आहे.

यावेळी महावितरण पुणे परिमंडलचे मुख्यअभियंता सुनील काकडे यांनी या भागातील विद्युत समस्येचे निराकरण लवकरच करण्यात येईल व तसा फरक या भागातील नागरिकांना जाणवेल असे आश्वासन निवेदन देण्यास गेलेल्या शिष्टमंडळाला दिले.

कोथरूड : पंतप्रधान नरेंद्र मोदी व आमदार भिमराव तापकीर यांच्या वाढदिवसानिमित्त “सेवा पंधरवडा” अंतर्गत प्रभागातील  १० वी व १२ वी परीक्षेत यश मिळविलेल्या गुणवंत विद्यार्थी तसेच प्रभागातील विविध क्षेत्रातील कर्तुत्ववान व्यक्तींचा सन्मान सोहळा कोथरूड मधील भुसारी कॉलनीतील शुभेच्छा कार्यालय संपन्न झाला. माजी नगरसेविका अल्पना गणेश वरपे व भाजपा प्रभाग क्र १० च्या वतीने या कार्यक्रमाचे आयोजन करण्यात आले होते.  

खडकवासला मतदारसंघाचे आमदार भिमराव तापकीर यांच्या हस्ते दिवाणी न्यायाधीश कनिष्ठ स्तर प्रथम व न्यायदंडाधिकारी प्रथम वर्ग पूजा ढमाले , पोलिस उपअधिक्षक सीआयडी प्रियांका अवधूत, सागर शेडगे, एव्हरेस्टवीर किशोर धनकुडे , एव्हरेस्टवीर भगवान चवले , मोटोक्राॅस चॅम्पियन ऋगवेद बारगुजे ,सीए प्रज्वल वायकर आदि विविध क्षेत्रातील मान्यवरांचा व गुणवंत विद्यार्थ्यांचा सन्मान करण्यात आला. यावेळी सागर शेडगे यांनी विद्यार्थ्यांना करिअर बाबत सहज सोप्या भाषेत मार्गदर्शन केले.

यावेळी माजी नगरसेवक दिलीप वेडेपाटील, माजी नगरसेवक किरण दगडे पाटील, माजी नगरसेविका डाॅ.श्रद्धा प्रभूणे, तसेच प्रभागातील  पदाधिकारी, कार्यकर्ते, नागरिक मोठ्या संख्येने उपस्थित होते.

कार्यक्रमाचे प्रास्ताविक नगरसेविका अल्पना गणेश वरपे यांनी तर सूत्रसंचालन वैभव मुरकुटे व आभार प्रभाग अध्यक्ष सुरेंद्र कंधारे, प्रदीप जोरी यांनी मानले.

भारताचे पंतप्रधान नरेंद्र मोदी यांच्या ७५ व्या वाढदिवसानिमित्त श्वेता अमित तोरडमल आणि अमित शरद तोरडमल यांच्या माध्यमातून या कोथरूड वॉकेथाॅनचे आयोजन करण्यात आले होते. उच्च व तंत्र शिक्षण मंत्री आणि कोथरूडचे आमदार चंद्रकांत पाटील यावेळी उपस्थित होते. या वॉकेथाॅनमध्ये सहभागी झालेल्यांना मेडल, टी शर्ट आणि सर्टिफिकेट देण्यात आले. यावेळी मंत्री चंद्रकांत पाटील यांनी ‘स्वच्छ कोथरूड, स्वस्थ कोथरूड’ हा संकल्प घेऊन कोथरूड वॉकेथाॅनचे उत्तम रित्या नियोजन केल्याने आयोजक श्वेता तोरडमल व अमित तोरडमल यांचे कौतुक केले.

सकाळी ७ वाजता वॉकेथाॅनची सुरुवात शांतीबन गणेश मंदिरापासून झाली. एकलव्य चौक, महात्मा सोसायटी, सहजानंद चौक या मार्गाने जाऊन कुमार परिसरातील डीपी रस्त्यावर या वॉकेथाॅनची सांगता झाली. १००० हून जास्त नागरिकांनी या ठिकाणी सहभाग नोंदवला.   निरोगी आयुष्यासाठी व्यायाम हा खूपच महत्त्वाचा असतो हा संदेश जनमानसांत रूजवण्यासाठी तसेच “स्वच्छ कोथरूड स्वस्थ कोथरूड” हा संकल्प घेऊन या वॅाकेथॅान चे नियोजन करण्यात आल्याचे श्वेता अमित तोरडमल व अमित तोरडमल यांनी सांगितले.

यावेळी कोथरूड मध्य मंडलाचे अध्यक्ष निलेश कोंढाळकर, खडकवासला पश्चिम मंडलाचे अध्यक्ष गणेश वरपे, डॉ. संदीप बुटाला, विठ्ठल बराटे, अनुराधा एडके, स्वप्निल राजीवाडे, सचिन मोकाटे,  राम धुमाळ, तसेच मंडलाचे सर्व पदाधिकारी व मान्यवर उपस्थित होते.

कोथरूड : कोथरूड मध्ये रविवार दिनांक २१ सप्टेंबर २०२५ रोजी भव्य वॉकेथॉनचे आयोजन करण्यात आले असून त्याची तयारी जोरात सुरू आहे. पंतप्रधान नरेंद्र मोदी यांच्या वाढदिवसाच्या निमित्ताने हा वॉकेथॉन घेण्यात येत आहे.

पंतप्रधान नरेंद्र मोदी यांचा ७५ वा वाढदिवस देशात विविध उपक्रमांचे आयोजन करून साजरा केला जात आहे. त्याचाच एक भाग म्हणून भव्य कोथरूड वॉकेथॉनचे आयोजन केले गेले आहे. या उपक्रमात मोठ्या संख्येने कोथरूडकरांनी सहभागी व्हावे असे आवाहन आयोजक अमित तोरडमल व श्वेता अमित तोरडमल यांनी केले आहे.

केंद्रीय नागरी हवाई उड्डाण व सहकार राज्यमंत्री मुरलीधर मोहोळ, उच्च तंत्र शिक्षण मंत्री चंद्रकांत पाटील व आमदार भीमराव तापकीर यांच्या हस्ते हिरवा झेंडा दाखवून या वॉकेथॉनला सुरुवात होणार आहे. या वॉकेथॉनला कोथरूडमधील शांतीबन गणेश मंदिरापासून सकाळी ७ वाजता सुरुवात होणार असून महेश विद्यालय मैदान, कुमार परिसर रोड कोथरूड येथे सांगता होणार आहे.  सर्व सहभागींना टी-शर्ट मेडल्स सर्टिफिकेट्स देण्यात येणार असल्याचे आयोजक अमित तोरडमल यांनी सांगितले.

देशाचे यशस्वी पंतप्रधान नरेंद्रजी मोदी यांच्या ७५ व्या वाढदिवसानिमित्त “सेवा पंधरवडा” उपक्रमांतर्गत
“स्वच्छ कोथरूड – स्वस्थ कोथरूड” हा संकल्प प्रत्यक्षात आणण्यासाठी या भव्य कोथरूड वॉकेथॉन २०२५ स्पर्धेचे आयोजन करण्यात आले आहे. 

आयोजक : श्वेता अमित तोरडमल