पुणे : विजय चौधरी हे सध्या नवी मुंबई पोलीस आयुक्तालयात सहाय्यक पोलीस आयुक्त (ACP) म्हणून कार्यरत असून, प्रतिष्ठेच्या ५२ व्या हिंदकेसरी कुस्ती स्पर्धेत महाराष्ट्राचे प्रतिनिधित्व करण्यासाठी सज्ज झाले आहेत. ही मानाची स्पर्धा १४ ते १७ मे २०२६ दरम्यान सातारा जिल्ह्यात रंगणार आहे.

वयाच्या ३९ व्या वर्षीही विजय चौधरी यांनी पोलीस सेवेची जबाबदारी आणि तब्बल २४ वर्षांची दमदार कुस्ती कारकीर्द यांचा उत्कृष्ट समतोल साधला आहे. पूर्णवेळ पोलीस अधिकारी म्हणून कार्यरत असतानाही ते दररोज कठोर सराव करत असून, कुस्तीप्रती त्यांची निष्ठा आणि जिद्द आजही कायम असल्याचे दिसून येते.

२०१४, २०१५ आणि २०१६ या सलग तीन वर्षांत महाराष्ट्र केसरी किताब पटकावत विजय चौधरी यांनी इतिहास रचला होता. ट्रिपल महाराष्ट्र केसरीचा मान मिळवणाऱ्या मोजक्या मल्लांमध्ये त्यांची गणना केली जाते. राज्यातील बलाढ्य मल्लांना पराभूत करत त्यांनी महाराष्ट्राच्या कुस्ती क्षेत्रात स्वतःचे वेगळे स्थान निर्माण केले आहे.

राष्ट्रीय स्तरावरील यशानंतर त्यांनी आंतरराष्ट्रीय पातळीवरही भारताचा झेंडा उंचावला. २०२३ मध्ये झालेल्या वर्ल्ड पोलीस अँड फायर गेम्समध्ये स्पर्धेत भारतीय पोलीस दलाचे प्रतिनिधित्व करत त्यांनी सुवर्णपदक जिंकून जागतिक विजेतेपदावर नाव कोरले.

स्पर्धेच्या तयारीसाठी त्यांना हिंदकेसरी रोहित पटेल यांचे विशेष मार्गदर्शन लाभत आहे. त्यांच्या देखरेखीखाली विजय चौधरी यांचा तांत्रिक, शारीरिक आणि रणनीतीपूर्ण सराव अंतिम टप्प्यात सुरू असून, यंदाच्या हिंदकेसरी स्पर्धेत दमदार कामगिरी करण्याचा त्यांचा निर्धार दिसून येत आहे.

पोलीस सेवेपासून राष्ट्रीय आणि आंतरराष्ट्रीय कुस्ती मैदानापर्यंतचा विजय चौधरी यांचा प्रेरणादायी प्रवास आजच्या युवा पिढीसाठी आदर्श ठरत आहे. महाराष्ट्राच्या कुस्ती परंपरेचा गौरव वाढवत ५२ व्या हिंदकेसरी स्पर्धेत आणखी एक ऐतिहासिक कामगिरी करण्यासाठी ते सज्ज झाले आहेत.

स्पर्धेमध्ये परिमंडळ-4 मधील एकूण 16 संघानी सहभाग नोदवला. त्यामध्ये परिमंडळ 4 मधील विमानतळ, खराडी, वाघोली, येरवडा, विश्रांतवाडी, खडकी, बाणेर पोलीस स्टेशनच्या संघांसोबतच “अखिल पत्रकार महासंघ संघ पुणे” यांनी देखील सहभाग घेतला होता. विमाननगर परिसरातील स्थानिक 8 नामवंत क्रिकेट संघांनी देखील या स्पर्धेमध्ये सहभाग नोंदवला. या स्पर्धेमध्ये प्रथम क्रमांक -लोहगाव इलेव्हन, द्वितीय क्रमांक- जे बॉईज क्रिकेट संघ,रामवाडी, तृतीय क्रमांक- विमानतळ पोलीस स्टेशन क्रिकेट संघ यांनी पटकावला.विजेत्या संघांना अनुक्रमे रुपये 21हजार, ,11हजार,7 हजार व चषक पारितोषिक पोलीस आयुक्तांच्या हस्ते प्रदान करण्यात आले. मालिकावीर म्हणून विमानतळ पोलीस स्टेशन संघाचे कर्णधार सपोनी विजय चंदन, उत्कृष्ट फलंदाज गणेश इथापे ,उत्कृष्ट गोलंदाज अरविंद ठाकूर (जे.बॉईज संघ) यांना गौरविण्यात आले.

या क्रिकेट स्पर्धांच्या बक्षीस वितरण पोलीस आयुक्त अमितेश कुमार यांच्या हस्ते वितरण करण्यात आले. पोलीस आयुक्तांनी यावेळी स्पर्धेत सहभागी खेळाडू व नागरिक यांच्याशी संवाद साधून मनोगत व्यक्त केले. पोलीस उपायुक्त हिम्मत जाधव, सहाय्यक पोलीस आयुक्त विठ्ठल दबडे, वरिष्ठ पोलीस निरीक्षक विमानतळ पोलिस स्टेशन अजय संकेश्वरी, वरिष्ठ पोलीस निरीक्षक येरवडा पोलीस रवींद्र शेळके, वरिष्ठ पोलीस निरीक्षक खराडी संजय चव्हाण, वरिष्ठ पोलीस निरीक्षक चंदननगर श्रीमती सिमा ढाकणे मॅडम, पोलीस निरीक्षक गुन्हे विमानतळ श्रीमती आशालता खापरे यांच्या सह हर्षवर्धन गाडे व विमान नगर परिसरातील प्रतिष्ठित नागरिक कार्यक्रमासाठी उपस्थित होते. पोलीस उपायुक्त हिम्मत जाधव यांच्या मार्गदर्शनाखाली या स्पर्धेचे आयोजन करण्यात आलेले होते.

पुणे – पुण्याच्या खडकी येथील सेंट जोसेफ मुलींच्या शाळेतील सहा विद्यार्थिनींची हॉकी खेळासाठी शालेय राष्ट्रीय स्तरावर निवड झाली आहे. ऑल इंडिया साप्रस मिनी मॅरेथॉन यांच्या वतीने या विद्यार्थिनी त्यांचे पालक तसेच त्यांचे मार्गदर्शक क्रीडा शिक्षक यांचा शाळेत नुकताच विशेष सन्मान करण्यात आला.

खडकी कॅन्टोन्मेंट बोर्डाचे उपाध्यक्ष अभय सावंत यांच्या मार्गदर्शनाखाली शाळेच्या मुख्याध्यापिका सिस्टर शीला सायमन, सिस्टर स्टेफी, सामाजिक कार्यकर्ते निखिल गायकवाड यांच्या प्रमुख उपस्थितीत ऑल इंडिया साप्रस मिनी मॅरेथॉनचे मुख्य संयोजक दीपक बिडकर, अभिषेक बटेल्लू , सुकेश जाधव, अनिकेत सूर्यवंशी, राकेश बट्टेलू, आकाश बद्दप, स्वप्निल ढेरे ,आदेश रावतू , सचिन आहेर, विल्सन शेलार यांनी हा कार्यक्रम आयोजित केला होता. या “विशेष सन्मान सोहळ्या”त शाळेच्या मुख्याध्यापिका सिस्टर शीला सायमन यांच्यासह क्रीडाशिक्षक राणी गाडेकर, प्रशिक्षक कोच भूषण गणेश ढेरे तसेच शालेय राष्ट्रीय स्तरावर हॉकी खेळात निवड झालेल्या स्वरा गजरमल, जानवी चव्हाण स्वानंदी कदम, पर्वणी कणसे , अलिझा पठाण ,मिस्कत मुकदम यांचा तसेच त्यांच्या पालकांचा देखील सन्मान करण्यात आला.

खडकी परिसराची आंतरराष्ट्रीय स्तरावर क्रीडा नगरी म्हणून ओळख असून अनेक नामवंत खेळाडू या भागातून निर्माण झालेले आहेत. प्रशालेतील गुणवंत विद्यार्थिनींच्या माध्यमातून देशाला चांगले खेळाडू मिळावेत यासाठी ऑल इंडिया साप्रस मिनी मॅरेथॉनच्या वतीने विद्यार्थिनींना सर्वतोपरी मदत व सहकार्य करण्यात येईल अशी माहिती मुख्य संयोजक दीपक बिडकर यांनी यावेळी दिली. यामध्ये विद्यार्थिनींसह त्यांचे मार्गदर्शक क्रीडा शिक्षक, प्रशिक्षक तसेच प्रशालेच्या मुख्याध्यापिका व त्यांचे पालक यांचा फार मोठा वाटा असल्यामुळे त्यांचे ते देखील कौतुक करावे या उद्देशातून हा उपक्रम राबविण्यात आल्याचे सुकेश जाधव यांनी सांगितले.

प्रतिकूल परिस्थितीवर मात करीत विद्यार्थिनींनी मिळवलेले यश हे कौतुकास्पद असून योग्य मार्गदर्शन व सहकार्य आणखी चांगले गुणवंत खेळाडू आपल्या प्रशालेच्या माध्यमातून निर्माण होतील असे मत निखिल गायकवाड यांनी व्यक्त केले. पालक इलियास पठाण, फिरोज शेख ,नासिर मुकादम यांनी देखील मनोगत व्यक्त केले. प्रतिनिधी मुख्याध्यापिका सिस्टर शीला यांनी या विशेष सन्मान उपक्रमाबद्दल साप्रस मिनी मॅरेथॉन व संयोजकांचे आभार व्यक्त केले. सूत्रसंचालन सुकेश जाधव यांनी केले आभार राणी गाडेकर यांनी मानले.

स्पर्धेतील द्वितीय पारितोषिक 31 हजार रुपये व विजेता कप परभणीच्या डॉ.शंकर वंजारी यांच्या महाराष्ट्र किंग्जने पटकावले , तृतीय पारितोषिक 21 हजार रुपये व विजेता कप डॉ.विकास स्वामी यांच्या सोलापूर डॉक्टर्स वॉरियर्स या संघाने मिळवले.

महिला विभागामध्ये प्रथम क्रमांक पुण्याच्या डॉ. स्वप्ना दंगमाळी यांच्या गेम चेंजर,पिंपरी चिंचवड या संघाने रोख रक्कम 21000 व विजेता कप पटकावला ,द्वितीय क्रमांक सोलापूरच्या डॉ. शर्वरी आयाचित यांच्या निमा संघाने रोख रक्कम 11000 व विजेता कप मिळवला तर अकलूजच्या डॉ.अर्चना गवळी यांच्या अकलूज वॉरियर्स या संघाला तिसऱ्या क्रमांकावर समाधान मानावे लागले.

पुरुषांच्या सामन्यामध्ये  बेस्ट बॅट्समन, प्लेयर ऑफ द सिरीज व बेस्ट फिल्डरचा बहुमान पुण्याच्या डॉ.अविनाश गावडे यांना मिळाला, बेस्ट बॉलर डॉ.दिनेश चौगुले ठरला तर बेस्ट कॅचचा मान अकलूजच्या डॉ. अनिश शेख यांनी पटकावला.

महिला विभागात बेस्ट फिल्डर डॉ.अश्विनी देगावकार,बेस्ट बॅट्समन डॉ . स्नेहल जोशी, बेस्ट बॉलर डॉ. श्वेता बोबडे ,बेस्ट कॅच डॉ. छाया दगडे हे मानकरी ठरले.

स्पर्धेचे पारितोषिक वितरण भाजपा वैद्यकीय आघाडीचे प्रदेशाध्यक्ष डॉ. बाळासाहेब हरपळे, भाजपा भटक्या विमुक्त जातीच्या महाराष्ट्र प्रदेशाध्यक्ष डॉ.उज्वला हाके ,मनसे वैद्यकीय आघाडीचे प्रदेशाध्यक्ष डॉ.अजय तायडे, महाराष्ट्र कौन्सिल ऑफ होमिओपॅथीचे उपाध्यक्ष डॉ.बाळकृष्ण गायकवाड, एमसीआयएमचे सदस्य डॉ.तानाजीराव कदम, शिवसेना युवा नेते वीरेंद्र वाघमारे, माळशिरस तालुका काँग्रेस आय कमिटीचे तालुकाध्यक्ष सतीश पालकर , अपेक्स हॉस्पिटलचे संचालक डॉ.नितीन राणे, डॉ.रेवती राणे, डॉ.श्रीकांत देवडीकर, हृदयरोग तज्ञ डॉ.सौरभ गांधी, माळशिरस तालुका केमिस्ट अँड ड्रगिस्ट असोसिएशनचे अध्यक्ष विठ्ठलराव गायकवाड , माळशिरस होमिओपॅथिक डॉक्टर्स संघटनेचे अध्यक्ष डॉ.अभिजीत राजे भोसले, अकलूजचे होमिओपॅथी तज्ञ डॉ.आनंद देशमुख , आनंदनगरचे उपसरपंच वसंतराव गायकवाड, द्वारकाधीश सेवाभावी संस्थेचे अध्यक्ष ऋषिकेश गायकवाड यांच्या प्रमुख उपस्थितीत झाला.

अंतिम सामन्याची सुरुवात शिक्षण प्रसारक मंडळाचे अध्यक्ष संग्रामसिंह जयसिंह मोहिते पाटील यांच्या हस्ते मैदानाचे पूजन व नाणेफेक करून करण्यात आली.

प्रास्ताविकात डॉ बाळकृष्ण गायकवाड यांनी महाराष्ट्र डॉक्टर्स प्रीमियर लीगचे तिसरे वर्ष असून राज्यभरातून मोठ्या संख्येने डॉक्टर्स यात सहभागी झालेले आहेत. पारदर्शक, खेळाडूंना सर्व प्रकारच्या अत्याधुनिक सोई, राहण्याची, जेवणाची व्यवस्था यामुळे बाहेर गावचे पुरुषासह महीला डॉक्टरांचे संघ यामध्ये सहभागी होत आहेत. मिशन आयुर्वेद व सोलापूर जिल्हा होमिओपॅथिक डॉक्टर्स संघटनेचे पदाधिकारी झोकुन देऊन स्पर्धा यशस्वी करण्यासाठी मेहनत घेत असतात, त्यामुळे कमी काळात या स्पर्धेला मागणी वाढत असल्याचे सांगितले. माळशिरस तालुक्यातील प्रतिष्ठीत डॉक्टर्स या स्पर्धा उत्तमरित्या व्हाव्यात यासाठी आपापल्या परीने योगदान देत असतात, अशा सर्वांचे व वेळात वेळ काढून आलेल्या सर्व खेळाडूंचे आभार मानले.

भाजपा वैद्यकीय आघाडीचे प्रदेशाध्यक्ष डॉ.बाळासाहेब हरपळे यांनी व्याधीमुक्त जीवन जगण्यासाठी शारीरिक आरोग्य तंदुरुस्त असणे गरजेचे असून धकाधकीच्या जीवनामध्ये वैद्यकीय व्यावसायिकांना व्याधीमुक्त होण्यासाठी व्यायामाची गरज असून त्यांनी एखादा खेळ खेळला तर आपोआपच व्यायाम होईल ,त्यामुळे प्रत्येकाने खेळाची आवड जोपासली पाहिजे असे सांगितले .

भाजपा भटक्याविमुक्त आघाडीच्या प्रदेशाध्यक्षा डॉ.उज्वला हाके यांनी पुरुषांच्या बरोबर महिलाही कमी नसून त्यांनी सुद्धा चूल मूल व फक्त प्रॅक्टिस न पाहता मैदानावर येऊन शारीरिक आरोग्य जपले पाहिजे व यासाठी खेळ हा महत्त्वाचा असून संघटित रित्या मैदानी खेळ खेळल्यास व्याधीमुक्त जीवन जगू शकतात असे सांगून मिशन आयुर्वेद व सोलापूर जिल्हा होमिओपॅथिक डॉक्टर्स संघटना यांनी भरवलेल्या स्पर्धेचे कौतुक केले.

मनसे वैद्यकीय आघाडीचे प्रदेशाध्यक्ष डॉ.अजय तायडे यांनी प्रत्येक डॉक्टराने छंद जोपासणे गरजेचे असून प्रत्येक छंदाबरोबर कुठल्याही खेळाची आवड जोपासली तर मानसिक ताण कमी होतो व रक्तदाब,मधुमेह या आजारापासून दूर राहतो .त्यामुळे प्रत्येकाने सकाळी उठून व्यायामाबरोबर योगासने, ध्यानधारणा करणे गरजेचे असल्याचे मत व्यक्त केले.

कार्यक्रम यशस्वी करण्यासाठी मिशन आयुर्वेदचे संस्थापक अध्यक्ष डॉ.हर्षवर्धन गायकवाड, आयोजन समितीचे अध्यक्ष डॉ.अनिल बळते, सचिव डॉ.नागनाथ दगडे पाटील, उपाध्यक्ष डॉ.प्रशांत निंबाळकर, खजिनदार डॉ.तानाजीराव देवकाते , सदस्य डॉ.अनिस शेख, डॉ.नितीन कुबेर, डॉ. ऋषिकेश पाटील , डॉ.फैज सय्यद, डॉ.शिवाजीराव पणासे पाटील , डॉ.महावीर पाटील , डॉ अभिजीत मगर, डॉ वैभव कवीतके, महिला विभाग प्रमुख डॉ.छाया दगडे , सचिव डॉ.अर्चना गवळी यांनी कठोर मेहनत घेतली.

स्पर्धेमध्ये डॉ.प्रताप सोमवंशी, डॉ.शंकर वंजारी, डॉ.चेतन देवकाते, डॉ.प्रताप येडगे, डॉ.सयाजी देशमुख, डॉ.प्रद्युम्न सातव, डॉ.धनंजय सोडमिसे, डॉ.विशाल गायकवाड, डॉ.मनोज शिंदे, डॉ.उदय जाधव, डॉ.अनिस शेख, डॉ.स्वप्ना दंगमाळी, डॉ.शर्वरी आयाचीत, डॉ.उमा जोशी, डॉ.अर्चना गवळी यांच्यासह मुंबई , पुणे, कोल्हापूर, गोवा, रत्नागिरी , बारामती, फलटण, इंदापूर, दौड, सिंधुदुर्ग, जळगाव, परभणी, अहमदनगर, सोलापूर, लातूर ,बीड जळगाव , छत्रपती संभाजीनगर, अमरावती , नागपूर येथील खेळाडूंनी सहभाग घेतला होता. स्पर्धेतील सर्व खेळाडूंची राहण्याची, जेवणाची सोय संघटनेच्या वतीने करण्यात आली होती.

सीसीएमपी उत्तीर्ण डॉ.नितीन कुबेर,डॉ.चंद्रशेखर कोळेकर,डॉ.सचिन केमकर.डॉ.प्रभाकर शिंदे,डॉ.आयेशा मुजावर यांचा सत्कार मान्यवारांचे हस्ते करण्यात आला.

सूत्रसंचालन मिशन आयुर्वेदचे सचिव डॉ.मधुराव यांनी केले तर आभार उपाध्यक्ष डॉ.प्रशांत निंबाळकर यांनी मानले.

पुणे : महिला गटाच्या अंतिम फेरीत केनिया संघाने इजिप्त संघाला  पराभूत करताना सहाव्या विश्व करंडक स्पर्धेचे विजेतेपद पटकावले. पुरुष गटातून भारत व केनिया संघांनी उपांत्य फेरीत प्रवेश केला आहे.

म्हाळुंगे बालेवाडी येथील श्री शिवछत्रपती स्टेडीयम येथे सुरु असलेल्या स्पर्धेच्या अंतिम लढतीत केनिया संघाने इजिप्तला ५-० असे परभूत केले. मध्यंतराला केनिया संघाने २-० अशी आघाडी घेतली होती. ही आघाडी कायम ठेवताना केनिया संघाने विजय साकारला. केनिया संघाकडून व्ही साटीया  (३९.१० व ४३.४५) व कैथीन्जी (०.३२ व २५.२४) यांनी प्रत्येकी २ व रोप ज्युडिथने १ (१.३२) गोल केला. इजिप्त संघाला लढतीमध्ये एकाही गोल करता आला नाही.     

महिला गटाचे विजेत्यांचे पुरस्कार वितरण उच्च व तंत्रशिक्षण मंत्री तथा पुणे जिल्ह्याचे पालकमंत्री चंद्रकांत पाटील यांच्या हस्ते करण्यात आले. यावेळी पर्वती मतदारसंघाच्या आमदार माधुरी मिसाळ, भारतीय ऑलिम्पिक संघटनेचे उपाध्यक्ष अमिताभ शर्मा, भारतीय रोलबॉल संघटनेचे अध्यक्ष मनोहर कांत, आशियाई रोलबॉल संघटनेचे अध्यक्ष एस. एस. रॉय, भारतीय रोलबॉल संघटनेचे उपाध्यक्ष मनोज यादव, युगांडा रोलबॉल फेडरेशनच्या अध्यक्षा पेनिना काबेंगे, बेलारूस रोलबॉल संघटनेचे अध्यक्ष अलेक्सी खाटीलेव्ह, क्रीडा भारतीचे राष्ट्रीय अध्यक्ष राज चौधरी, महाराष्ट्र रोलबॉल संघटनेचे अध्यक्ष व विश्वचषकाचे संयोजक संदीप खर्डेकर, रोलबॉलचे जनक राजू दाभाडे, भारतीय रोलबॉल संघटनेचे सचिव चेतन भांडवलकर, माजी नगरसेवक किरण दगडे पाटील, आर पी आय चे मंदार जोशी, लहू बालवडकर, सचिव अमोल काजळे पाटील, सतीश कोंडाळकर आदी मान्यवर यावेळी उपस्थित होते.

देशात खेळाला प्रोत्साहन देण्यात येत असून त्याअंतर्गत रोलबॉलच्या ६ व्या विश्वकरंडक स्पर्धेचे २१ एप्रिलपासून पुण्यात आयोजन करण्यात आले. राजू दाभाडे यांनी हा खेळ पुण्यात विकसित केला असून  हा खेळ सुमारे ५० पेक्षा जास्त देशात खेळला जात असल्याचा आम्हाला अभिमान आहे. आज झालेल्या महिला गटातील अंतिम सामन्यात केनिया संघाने इजिप्त संघाला पराभूत करुन विजेतेपद पटकावले. त्याबद्दल केनिया संघाचे अभिनंदन सहाव्या रोलबॉल विश्वकरंडक स्पर्धेच्या आयोजन समितीचे अध्यक्ष चंद्रकांत पाटील म्हणाले.

तिसऱ्या स्थानासाठी झालेल्या लढतीमध्ये भारताने पोलंड संघावर १२-१ अशी एकतर्फी मात केली. मध्यंतराला भारतीय संघाने ७-० अशी आघाडी घेतली होती. भारताकडून इशिका शर्माने ७ (०.३४, १५.२५, ३३.२५,३४.४९, ३५.२५, ३७.९० व ४६.२१) गोल केले. सुहानी सिंग (२३.१७ व २४.५१) व पूजा चौधरी (१०.३३ व ११.१२) यांनी प्रत्येकी २ तर श्रुती भगतने (२१.२१) एक गोल केला. पोलंड संघाकडून सायनोविक मारियाने (४४.५०) एक गोल केला.  

तत्पूर्वी, महिला गटाच्या पहिल्या उपांत्य लढतीमध्ये केनिया संघाने पोलंड संघाला २-१ असे पराभूत करताना स्पर्धेच्या अंतिम फेरीत प्रवेश केला. मध्यंतराला पोलंड संघाने १-० अशी आघाडी घेतली होती. मध्यंतरानंतर मात्र, केनिया संघाच्या सटीया मारियाने सलग दोन (३२.४० व ३३.३०) गोल करताना संघाला आघाडी मिळवून दिली. पोलंड संघाकडून नायाचेविझ मलास्काने (३.००) एक गोल केला.

महिला गटाच्या दुसऱ्या उपांत्य फेरीच्या लढतीमध्ये इजिप्त संघाने भारताला ४-३ असे पराभूत करताना स्पर्धेची अंतिम फेरी गाठली. या अतितटीच्या लढतीत मध्यंतराला दोन्ही संघ गोलशून्य बरोबरीत होते. त्यानंतर मात्र दोन्ही संघांनी जोरदार आक्रमण केले. इजिप्त संघाकडून हबीब केंझी अहमदने २ (४२.२१ व ४६.४९), एल्डेक्कर नेजर (४९.२१) व मुस्तफा रितीज (३३.२८) यांनी प्रत्येकी एक गोल केला. भारताकडून इशिका शर्माने २ (४४.१८, ४६.१९) तर पूजा चौधरीने १ (३६.४८) गोल केला. अंतिम लढत ही केनिया व इजिप्त दरम्यान होणार आहे.    

पुरुष गटाच्या उपांत्यपूर्व फेरीत भारताने इराण संघाला अतिरिक्त वेळेत ७-५ असे पराभूत करताना स्पर्धेच्या उपांत्य फेरीत प्रवेश केला. मध्यंतराला भारताने ३-२ अशी आघाडी घेतली होती. त्यानंतर मात्र इराणने जोरदार प्रतिआक्रमण करताना जोरदार खेळ केला. त्यामुळे लढत वेळेत दोन्ही संघांनी ५-५ अशी बरोबरी साधली. अतिरिक्त वेळेत भारतीय खेळाडूंनी जोरदार खेळ करताना सलग २ गोल करताना संघाला विजय मिळवून दिला. भारताकडून आदित्य सुतार (००.४५, ४३.३९ व ५५.२३) व हर्षल घुगे (१७.५०, ३६.३६ व ५२.२९) यांनी प्रत्येकी ३ तर सचिन सैनीने १ (२४.००) गोल केला. इराण संघाकडून ओमीद डावरीने ३ (१०.५०, १६.१० व ४१.००) तर साईद मोहसीन (३५.१०) व यासीन खरगरअजीदाबी (३९.१०) यांनी प्रत्येकी १ गोल केला.

पुरुष गटाच्या उपांत्यपूर्व फेरीत केनिया संघाने इजिप्त संघाला ७-४ असे पराभूत करताना उपांत्य फेरीत प्रवेश केला. पहिल्यापासून केनिया संघाने आक्रमक खेळ करताना मध्यंतराला ५-२ अशी आघाडी घेतली होती. केनिया संघाकडून ग्रीफ्फिन एसने ४ (४.३०, १३.०५, २२.४२, २७.३७) तर बोनफेसने २ (११.०१, २३.५०) तर केविन मोझेसने १ (४४.३२) गोल केला. इजिप्त संघाकडून हसन अहमद (५.०१, ४९.१३) व ए एम हसन (२.१३, ४७.५३)  यांनी प्रत्येकी २ गोल केले.

महाराष्ट्र क्रीडा क्षेत्रात देशातील महत्त्वाचे राज्य आहे. गेल्या ५ वर्षात राष्ट्रीय क्रीडा स्पर्धांमध्ये महाराष्ट्राने चांगल्या कामगिरीत सातत्य ठेवत नेत्रदीपक यश मिळविले आहे. १९९४ मध्ये बालेवाडीच्या शिवछत्रपती क्रीडानगरीत राष्ट्रीय स्पर्धेच्या आयोजनप्रसंगी भारतरत्न लता मंगेशकर यांचे ‘कदम कदम पे नक्श है, विजय हमारा लक्ष है..’ हे स्वर जणू राज्याच्या क्रीडा क्षेत्राची वाटचाल दर्शविणारे होते. त्याच क्रीडा नगरीने अनेक राष्ट्रीय-आंतरराष्ट्रीय खेळाडू घडविले. ती परंपरा पुढे नेण्याच्यादृष्टीने महाराष्ट्र ऑलिम्पिक स्पर्धा महत्त्वाची आहे.

खो-खो, कबड्डी, कुस्ती सारख्या देशी खेळात आपला पूर्वीपासून दबदबा आहे. मात्र शासनाने क्रीडा सुविधांचा विकास आणि प्रशिक्षणावर विशेष लक्ष दिल्याने इतर खेळातही आपले खेळाडू आंतररराष्ट्रीय पातळीवर यश संपादन करताना दिसत आहेत. राज्याच्या क्रीडा विकासाला चालना देण्यासाठी तसेच खेळ व खेळाडूंना प्रतिष्ठा मिळवून देण्यासाठी २००१ मध्ये राज्याचे क्रीडा धोरण आखण्यात आले. असे धोरण आखणारे महाराष्ट्र हे देशातील पहिले राज्य ठरले.

राज्याच्या क्रीडा लौकीकात भर घालण्यासाठी आणि या क्षेत्रातील आपली कामगिरी उंचावण्यासाठी क्रीडा विभागामार्फत ‘ऑलिम्पिक व्हिजन’ तयार करण्यात आले आहे. राज्याच्या प्रत्येक भागात उत्तम क्रीडा सुविधा उपलब्ध करून देण्याचा शासनाचा प्रयत्न आहे. आंतरराष्ट्रीय स्पर्धेत सहभागी होण्यासाठी खेळाडूंना प्रशिक्षण आणि आर्थिक साहाय्य केले जात आहे. त्यासोबतच शालेय आणि स्थानिक स्पर्धांनाही आवश्यक सुविधा पुरविण्यात येत आहेत. महाराष्ट्र ऑलिम्पिक स्पर्धेसाठीदेखील शासनाने १९ कोटींचा निधी उपलब्ध करून दिला आहे.

नुकतेच बालेवाडी येथे खेलो इंडिया स्पर्धेचे यशस्वी आयोजन करण्यात आले. त्यानंतरची ही दुसरी मोठी स्पर्धा असेल. अशा स्पर्धांच्या माध्यमातून राज्यात क्रीडा संस्कृती रुजविण्यासोबत क्रीडा क्षेत्रातील गुणवत्तेचा शोध घेता येतो. आंतरराष्ट्रीय पातळीवर यश मिळविण्याची क्षमता असलेले गुणवंत खेळाडू अशा स्पर्धांमधून पुढे येतात. त्यांना आपला खेळ दाखविण्याची संधी मिळावी आणि त्यासोबत नव्या दमाच्या खेळाडूंना प्रेरणा मिळावी यासाठी अशा स्पर्धांना महत्त्व आहे.

बालेवाडी-म्हाळुंगे येथील १५३ एकराच्या परिसरात उभारण्यात आलेली श्री शिवछत्रपती क्रीडानगरी हे देशाचे क्रीडावैभव आहे. सर्व प्रकारचे ऑलिम्पिक खेळ असणारे हे देशातील पहिले क्रीडासंकुल आहे. इथल्या अत्याधुनिक सुविधा लक्षात घेता या क्रीडानगरीत येऊन खेळ दाखविण्याचे स्वप्न राज्यातील प्रत्येक खेळाडूच्या मनात असते. राज्यभरातील ३ हजार ८५७ पुरुष व ३ हजार ५८७ महिला खेळाडू असे एकूण ७ हजार ४४४ खेळाडूंना या स्पर्धेच्या निमित्ताने ही संधी मिळणार आहे. स्पर्धेत खेळाडू, क्रीडा मार्गदर्शक, व्यवस्थापक, पंच, स्वयंसेवक, तांत्रिक अधिकारी यांच्यासह एकूण १० हजार ४५६ जणांचा सहभाग असणार आहे.

क्रीडा मंत्री गिरीष महाजन यांच्या मार्गदर्शनाखाली आणि महाराष्ट्र राज्य ऑलिम्पिक असोसिएशनच्या सहकार्याने होणाऱ्या या स्पर्धेची तयारी करण्यात आली आहे. खेळाडूंना उत्तम सुविधा मिळाव्यात असा क्रीडा विभागाचा प्रयत्न आहे. ऑलिम्पिक असोसिएशनदेखील स्पर्धा यशस्वी करण्यासाठी प्रयत्नशील आहे.

मिनी ऑलिम्पिक म्हणून ओळखली जाणारी ही स्पर्धा देशाच्या क्रीडा क्षेत्रासाठी मार्गदर्शक ठरणार आहे. खेळाडूंना उत्तम संधी आणि योग्य मैदान मिळाले तर त्यांच्यातील प्रतिभा उंचावते, अशी संधी देणारी ही स्पर्धा आहे. यातून पुढे येणारे खेळाडू देशाचे नेतृत्व करतील आणि येणाऱ्या ऑलिम्पिक स्पर्धांमध्येदेखील यश मिळवतील अशी अपेक्षा व्यक्त केली जात आहे.

राज्यातील आठ विभागीय मुख्यालयातून क्रीडा ज्योत स्पर्धास्थळी आणली जाणार असल्याने राज्यभरात क्रीडा संस्कृतीला पोषक वातावरण निर्माण होण्यास मदत होणार आहे. मुख्य क्रीडा ज्योत रायगडावर प्रज्वलित करण्यात येऊन ५ जानेवारीला मिरवणूकीने ती क्रीडानगरीत येणार आहे. क्रीडा क्षेत्रातही करिअर करण्याची संधी आहे, प्रतिष्ठा आहे हा संदेश यानिमित्ताने शाळा-महाविद्यालयातील विद्यार्थ्यांपर्यंत जावा आणि त्यांच्या क्रीडा कौशल्याला चालना मिळावी हाच यामागचा उद्देश आहे.

स्पर्धांची ठिकाणे

१. पुणे- ॲथलेटिक्स, फुटबॉल, जिम्नॅस्टिक्स, हॉकी, ज्युदो, लॉन टेनिस, मॉडर्न पँन्टाथलॉन, शुटींग, रग्बी, जलतरण-वॉटरपोलो, टेबल टेनिस, तायक्वांदो, ट्रायथलॉन, वेटलिफ्टिंग, कुस्ती, वुशू, सायकलींग, स्क्वॅश, बॉक्सिंग, व्हॉलीबॉल, रोलर स्केटींग, गोल्फ, सॉफ्ट टेनिस

२. नागपूर- बॅडमिंटन, नेटबॉल, हॅण्डबॉल, सेपक टकरा
३. जळगांव – खो-खो, सॉफ्टबॉल, मल्लखांब, शुटींगबॉल
४. नाशिक- रोईंग, योगासन
५. मुंबई- याटींग, बास्केटबॉल
६. बारामती- कबड्डी
७. अमरावती- आर्चरी,
८. औरंगाबाद- तलवारबाजी
९. सांगली- कनाईंग-कयाकिंग
अशा ठिकाणी खेळाच्या स्पर्धा होणार आहेत. स्पर्धा आयोजनासाठी आवश्यक तयारी करण्यात आली आहे.

-जिल्हा माहिती कार्यालय, पुणे

पेले या नावाने प्रसिद्ध असलेले एडसन अरांतेस डो नासिमेंटो यांचा जन्म २३ ऑक्टोबर १९४० रोजी ब्राझीलच्या मिनास गेराइस राज्यातील ट्रेस कोराकोस येथे झाला. १९५८ मध्ये ब्राझीलच्या पहिल्या फिफा विश्वचषक विजयात महत्त्वाची भूमिका बजावली. तसेच किशोरवयीन असलेल्या पेले यांनी फ्रान्सविरुद्धच्या उपांत्य फेरीत हॅट्ट्रिक केली होती.

पेले यांच्या निधनाची बातमी त्यांच्या कुटुंबीयांनी रात्री त्यांच्या इन्स्टाग्राम अकाउंटवर पेले यांचा फोटो शेअर करत दिली. प्रेम आणि प्रेरणा हीच पेले यांची खासियत होती,असं त्यांच्या कुटुंबीयांनी म्हटलं आहे. महान फुटबॉलपटूच्या निधनाचे वृत्त समजताच जगभरातील क्रीडाप्रेमींवर शोककळा पसरली.

या स्पर्धेचा बक्षीस वितरण माजी सभागृह नेते धीरज घाटे माजी नगरसेवक दिनेश धाडवे, हरिदास चरवड यांच्या हस्ते पार पडला यावेळी अर्जुन पुरस्कार विजेते शांताराम जाधव पुणे जिल्हा कबड्डी असो. कार्यवाह राजेंद्र आंदेकर, पुणे जिल्हा कबड्डी असो. सहकार्यवाह दत्ताञय कळमकर, राष्ट्रीय खेळाडू तानाजी शिंदे, प्रवीण नेवाळे, सुधीर कुरुमकर, संयोजक राजाभाऊ पासलकर, पुणे महापालिका शिक्षण विभागाचे क्रिडा अधिकारी महेश तिमोणे, संजय पासलकर उपस्थित होते.

१९ वर्षे, मुलांचा अंतिम निकाल..
अंतिम सामना कलावती बधे ज्युनियर काॅलेज विरुध्द एच. वी. देसाई काॅलेज असा झाला.
गुण फलक : ३९ वि ८ प्रथम क्रमांकासाठी ३१ गुणांनी मात करत कलावती बधे ज्यु काॅलेज ने विजय मिळवला.

नु.म.वी. ज्युनियर काॅलेज विरुध्द बाल शिक्षण मंदीर इंग्रजी माध्यम विद्यालय यांच्या अटीतटीचा सामना झाला.
गुण फलक : ३४ वि ३३ , १ गुणांनी नु.म.वी.ज्यु. काॅलेज विजयी ,

१४/१७/१९ वर्षे मुला मुलींचे शालेय निवड सामने दि. २/१२/२०२२ ते १५/१२/२०२२ दरम्यान नेहरु स्टेडियम क्रिडांगणावर आयोजित करण्यात आले होते. या सामन्यांसाठी ६७८ संघांनी सहभाग नोंदवला.

“बीसीसीआयने भेदभाव दूर करण्याच्या हेतूने पहिलं पाऊल टाकल्याची घोषणा करण्यात मला आनंद होत आहे. बीसीसीआयशी करारबद्ध असणाऱ्या महिला खेळाडूंसाठी आम्ही समान मानधन धोरणाची अमलबजावणी करत आहोत. भारतीय क्रिकेटमधील स्त्री-पुरुष समानतेच्या नव्या युगात आपण प्रवेश करत आहोत. महिला आणि पुरुष खेळाडूंची मॅच फी यापुढे समान असेल,” असं जय शाह यांनी सांगितलं आहे.

जय शाह यांनी ट्वीटमध्ये महिला खेळाडूंना किती मानधन मिळणार याचीही माहिती दिली आहे. “पुरुष खेळाडूंप्रमाणेच महिला खेळाडूंना समान मानधन दिलं जाईल. त्यानुसार कसोटी सामन्यासाठी १५ लाख, एकदिवसीय सामन्यासाठी सहा लाख आणि टी-२० साठी तीन लाख मानधन असेल,” अशी माहिती जय शाह यांनी दिली आहे.

“महिला क्रिकेटर्सना समान मानधन देण्यास मी बांधील होतो आणि त्यासाठी पाठिंबा दिल्याबद्दल मी आभार मानतो. जय हिंद”, असंही जय शाह म्हणाले आहेत.

दुर्गा लगड ही नांदेड सिटी सिंहगड रोड येथील ओम अकॅडमीमध्ये प्रशिक्षक मोहिते सर,शेडगे सर, आशिष खरात सर यांच्याकड़े तायक्वोंदोचे प्रशिक्षण घेत आहे. २०१९ मध्ये झालेल्या नॅशनल स्कूल गेम्स मध्येही १४ वर्षा खालील गटात दुर्गाने सुवर्णपदक पटकावले होते. आतापर्यंत विविध स्तरावर झालेल्या तायक्वोंदो स्पर्धेत तीने प्रतिस्पर्ध्यावर मात करत विजय संपादन केलेला आहे.

लहानपणापासूनच दुर्गाला तायक्वोंदो खेळाची आवड निर्माण झाल्याने तिच्या कुटुंबीयांनी या क्रीडा प्रकारात तिने पुढे जावे यासाठी प्रोत्साहन दिले व त्यावर मेहनत घेतली. तिने देशाचे प्रतिनिधीत्व करून देशासाठी मेडल मिळवावे अशी अपेक्षा तिचे वडील भरत लगड यांनी व्यक्त केली आहे. घरच्या पाठिंब्यामुळे व प्रशिक्षकांच्या प्रशिक्षणामुळे आपण हे यश संपादन केल्याची भावना दुर्गा लगड हीने व्यक्त केली आहे.