शिवाजीनगर, कोथरुड, खडकवासला मतदार संघातील पोलीस स्टेशन व पोलीस चौकी यांना प्रथमोपचार पेटीचे सध्या  वाटप करण्यात आले. यावेळी पुणे शिवसंग्राम संघटनेचे शहराध्यक्ष भरत लगड  सामाजिक न्याय विभागाचे उपाध्यक्ष कल्याण आडागळे पुणे शहर महिला अध्यक्ष कालिंदी गोडांबे, पुणे शहराध्यक्ष- सामाजिक न्याय विभाग विनोद शिंदे, पुणे शहर महिला सरचिटणीस सुजाता ढमाले, पुणे शहर महिला चिटणीस अमिता शेट्टी, शिवाजीनगर मतदार संघ अध्यक्ष- पराग निकम शिवाजीनगर मतदार संघ महिला अध्यक्षा- योगिनी परदेशी आदी उपस्थित होते.

कोणाला कामाच्या ठिकाणी दुखापत झाल्यास प्रथमोपचार पेटीच्या माध्यमातून प्रथमोपचार देणे सोपे जाते व योग्य उपचार मिळेपर्यंत संबधित व्यक्तीला दिलासा मिळतो. त्यामुळे शिवसंग्राम संघटनेचे संस्थापक अध्यक्ष आमदार विनायक मेटे यांच्या वाढदिवसानिमित्त शहरातील पोलीस स्टेशन व पोलीस चौकी याठिकाणी प्रथमोपचार पेटी देण्याचा उपक्रम राबवला जात असल्याचे संघटनेचे शहराध्यक्ष भरत लगड यांनी सांगितले.

मेटे यांच्या अध्यक्षतेखाली पुण्यात आज शिवसंग्राम संघटनेची बैठक पार पडली. या बैठकीनंतर मेटे यांनी पत्रकार परिषद घेऊन आपली पुढील भूमिका जाहीर केली. यावेळी शिवसंग्रामचे प्रदेश प्रवक्ते तुषार काकडे, प्रदेश सचिव शेखर पवार, शहराध्यक्ष भरत लगड, नितीन ननावरे, महिला अध्यक्षा कालिंदि गोडांबे, सामाजिक न्याय विभागाचे कल्याणराव अडागळे, शहराध्यक्ष विनोद शिंदे, चेतन भालेकर, अजिंक्य राजपुरे, समीर निकम, नवनाथ पायगुडे, सचिन दरेकर,आदी उपस्थित होते.

मेटे म्हणाले, न्यायालयाच्या बाहेरचे विषय जसे की सारथी, अण्णासाहेब पाटील महामंडळ, वसतिगृह योजना, फी प्रतिपूर्ती योजना, रखडलेल्या उमेदवारांच्या नियुक्त्या इ. निर्णय सरकार एका दिवसात घेऊ शकते. पण मराठा आरक्षणा बाबत तसे होताना दिसत नाही. याचाच अर्थ या सरकारला मराठा समाजाला काहीही द्यायचेच नाही असाच होतो.

कोर्टाच्या निर्णया नंतर मराठा समाजाला EWS चा लाभ देण्यासही हे सरकार तयार नव्हते. शेवटी शिवसंग्रामच्या वतीने उच्च न्यायालयात याचिका दाखल करावी लागली व मुख्यमंत्री, उपमुख्यमंत्री व मुख्य सचिव यांना नोटिसा काढल्यानंतर त्यांना जाग आली व EWS आरक्षण देणे भाग पडले. आम्ही दि.५ जूनला बीड येथे काढलेल्या मोर्चामूळे सरकारचे धाबे दणाणले व तातडीने पंतप्रधानांची भेट घ्यायला धावावे लागले. अर्थात तेथे काय चर्चा केली हेही गुलदस्त्यात आहे.

काल सारथी विषयक झालेल्या बैठकी बाबत व खा. युवराज संभाजीराजे यांच्या आंदोलना बाबत विचारले असता मेटे म्हणाले की, सरकारने सध्या ब्रिटिशांच्या प्रमाणे “तोडा आणि झोडा” नीतीचा वापर चालवला आहे. काही लोकांना गोड गोड बोलून, मोठेपण देऊन समाजाची दिशाभूल करण्याचा हा प्रयत्न आहे. तसेच चळवळीत फूट पडण्याचा हा डाव आहे. बाकी संभाजी राजे यांच्या आंदोलनाचे आम्ही स्वागतच करतो. मराठा समाज आता सरकारच्या भूलथापांना बळी पडणार नाही. आम्ही आमचे आंदोलन थांबवणार नाही हे नक्की !

आंदोलनाची सुरुवात आम्ही बीड येथे भव्य मोर्चा काढून केलेलीच आहे. आता दि.२६ जून म्हणजेच आरक्षणाचे जनक राजर्षी शाहू महाराज जयंतीच्या दिवशी संभाजीनगर (औरंगाबाद) येथे धरणे आंदोलन होणार आहे तसेच दि.२७जून रोजी मुंबई येथे १०,००० (दहा हजार) मोटरसायकल रॅली निघणार आहे. पुढील काळात पुणे विभागीय आयुक्त कार्यालयावर धरणे आंदोलन तसेच मोर्चा व इतर कार्यक्रमांचे नियोजन आहे.

सरकारने त्यांच्या सर्वस्वी हातात असलेले विषय तातडीने सोडवले नाही तर दि.५ जुलैला सुरू होणारे विधिमंडळ अधिवेशनाचे कामकाज कोणत्याही परिस्थितीत होऊ देणार नाही असा इशारा मेटे यांनी सरकारला दिला आहे.