महानगरपालिकेकडून कोरोना विषाणू संसर्ग साखळी तोडण्यासाठी ‘ब्रेक द चेन’चे नियम करण्यात आले आहेत. सण, उत्सव साधेपणाने साजरा करण्याबाबत मार्गदर्शक सूचना करण्यात आल्या आहेत. तरीही नागरिकांकडून नियमांचे पालन होत नसल्याने रुग्ण संख्या वाढताना दिसत आहे.

सुधारित मार्गदर्शक सूचनेनुसार सर्व शासकीय, निम-शासकीय व खासगी आणि औद्योगिक आस्थापनांमध्ये मास्कचा वापर बंधनकारक करण्यात आला आहे. दोन डोस घेतलेल्यांना सरकारी कार्यालयात प्रवेश आहे. तसेच कोविड प्रतिबंधात्मक लसीकरण तातडीने पूर्ण करण्याबाबत मार्गदर्शक सूचना करण्यात आल्या आहेत.