पुणे शहरात एकूण १४ नाट्यगृह असून शहरात फक्त ३ नाट्यगृहच सुरू आहेत. तर काही श्रेयवादावरून राजकारण सुरू असल्याने नाट्यगृह बंद आहे. असाच प्रकार या बालगंधर्व नाट्यगृह मंदिराबाबत होणार आहे आणि अजूनही यासारखी वास्तू कुठेही नाही. त्यामुळे ही वास्तू पाडू नये, असं म्हणत काही कलाकार तसेच सामान्य नागरिकांनी मतं व्यक्त केली आहेत.

सध्याचे बालगंधर्व रंगमंदिर साडेबावीस हजार चौरस फूट जागेवर असून मूळ वास्तू पाडून साडेतीन लाख चौरस फुटांचे रंगमंदिर बांधण्यात येणार आहे. नव्या वास्तूत ८०० ते ९०० दुचाकी आणि ३५० चारचाकी वाहनांची पार्पिंग व्यवस्था असेल. एक हजार, पाचशे आणि तीनशे अशा आसनक्षमतेची तीन नाट्य़गृहे असणार आहे.

पुण्याचं वैभव असलेल्या बालगंधर्व रंगमंदिराला मोठा सांस्कृतिक वारसा आहे. ५४ वर्षांपूर्वी पु. ल. देशपांडे यांच्या संकल्पनेतून हे रंगमंदिर उभे राहिले. २०१८ साली मुरलीधर मोहोळ स्थायी समिती अध्यक्ष असताना त्यांनी बालगंधर्व रंगमंदिराच्या पुनर्विकासाची संकल्पना मांडली आणि अंदाजपत्रकात त्यासाठी तरतूदही केली. मात्र, कोरोनामुळे दोन वर्षांच्या कालावधीत हा विषय बाजूला राहिला होता. रंगमंदिर पाडण्यास काहींनी विरोध दर्शविला होता. त्यामुळे पुनर्विकासासाठी महापालिका स्तरावर समिती स्थापन करण्यात आली आणि अखेर बालगंधर्व पाडण्यावर शिक्कामोर्तब करण्यात आले. आता याला कलाकारांनी तीव्र विरोध दर्शविला आहे.

दिपाली धुमाळ यांच्या मार्गदर्शनाखाली, विजय पटवर्धन फाऊंडेशन व राष्ट्रवादी चित्रपट सांस्कृतिक विभागाच्या विद्यमाने पुणे महानगरपालिकेच्या उपायुक्त रुबल अग्रवाल यांना पुणे शहरातील सर्व कलाकारांसाठी महानगरपालिकेच्या वतीने मोफत कोरोना लसीकरण केंद्र सुरु करावे.या मागणीचे निवेदन देण्यात आले. यावेळी अग्रवाल यांनी या मागणीचा विचार करून आठवड्यातुन दोन दिवस कमला नेहरू हाॅस्पिटल मध्ये पुणे शहरातील सर्व कलाकारांसाठी मोफत लसीकरण केंद्र सुरू करण्यात येईल असे सांगितले आहे. यावेळी अभिनेते विजय पटवर्धन , राष्ट्रवादी सांस्कृतिक विभागाचे प्रदेशाध्यक्ष बाबासाहेब पाटील , माजी नगरसेवक बाबा धुमाळ,अभिनेते राजू बावडेकर ,अभिनेते योगेश सुपेकर , प्रसाद कुलकर्णी , गणेश गायकवाड उपस्थित होते

पुणे शहर सांस्कृतिक माहेरघर आहे. या पुणे शहरातील कलेच्या विविध घटकातील कलाकार आज कोरोनाच्या महामारीमुळे हतबल झाले आहे. नाटयगृह व सांस्कृतिक कार्यक्रम बंद असल्याने कलेवरती पोट असणाऱ्या कलाकारांना उपासमारीची वेळ आली आहे. पडद्यामागील कलाकार ही सध्या अडचणीत आहेत. कलाकारांचे महानगरपालिकेच्या माध्यमातुन कोविड लसीकरण झाल्यास त्यांना लहान स्वरूपाचे कार्यक्रम करणे सोयिस्कर होईल नाट्यगृह लवकरात लवकर खुली होतील व त्यांना बाहेरच्या कार्यक्रमास बोलवले जाईल त्यांचा रोजगाराचा प्रश्न मार्गी लागेल व त्यांच्या कुटुंबियांना मोठ्या प्रमाणात दिलासा मिळेल. त्यामुळे पुणे शहरामधील कलाकारांसाठी स्वतंत्र लसीकरण केंद्र तातडीने चालू करण्याची मागणी आम्ही केली होती व ती मागणी मान्य झाली असून लवकरच कमला नेहरू रुग्णालयात कलाकारांसाठी आठवड्यातुन दोन दिवस लसीकरण केंद्र सुरू करण्यात येणार असल्याचे दिपाली धुमाळ यांनी सांगितले.