यावर उत्तर देताना मंत्री महोदयांनी पुढील महत्त्वाचे निर्णय व आश्वासने दिली –

पुणे महानगरपालिकेत २४ फेब्रुवारी २०२५ रोजी वाहतूक नियंत्रणासाठी स्वतंत्र तांत्रिक सेल स्थापन करण्यात आला असून त्यात मुख्य अभियंता, अधीक्षक अभियंता, कार्यकारी अभियंता, कनिष्ठ अभियंता व ट्रान्सपोर्ट प्लॅनर यांचा समावेश आहे.

पुणे महानगरपालिकेसाठी ट्रॅफिक प्लॅनरचे पद आकृतीबंधात निर्माण करण्याबाबत सकारात्मक निर्णय घेण्याच्या सूचना देण्यात येतील, तसेच तोपर्यंत तज्ज्ञ ट्रॅफिक प्लॅनर आऊटसोर्स पद्धतीने नेमण्याचे निर्देश दिले जातील.

पुणे महानगरपालिका, पिंपरी–चिंचवड महानगरपालिका व PMRDA या तिन्ही प्राधिकरणांमध्ये समन्वय साधण्यासाठी विभागीय आयुक्त यांच्या अध्यक्षतेखाली स्वतंत्र वाहतूक समन्वय समिती स्थापन करण्यात येईल, आणि त्यामध्ये पुणे शहरातील सर्व आमदारांचा समावेश करण्यात येईल.

मान्य विकास आराखड्यातील रस्त्यांचे भूसंपादन, खर्च व रस्ता-निहाय माहिती तसेच रद्द करण्यात आलेल्या निविदांबाबतची सविस्तर माहिती अधिवेशन संपण्यापूर्वी सभागृहाच्या पटलावर ठेवण्यात येईल, असे आश्वासन मंत्री महोदयांनी दिले.

अतिवृष्टीमुळे सिंहगड रोड परिसरातील एकतानगर, विठ्ठलनगर, निंबज नगर भागात होणाऱ्या पूरस्थिती व त्याचा वाहतुकीवर होणाऱ्या परिणामाबाबतही आमदार तापकीर यांनी लक्ष वेधले. या संदर्भातील ₹३०० कोटींच्या रद्द निविदेबाबतची सविस्तर माहितीही पटलावर मांडण्यात येणार असल्याचे मंत्री महोदयांनी स्पष्ट केले.

पुणे शहर व उपनगरांतील वाहतूक समस्येवर दीर्घकालीन, तांत्रिक आणि समन्वयात्मक उपाययोजना राबविण्याची प्रक्रिया या लक्षवेधीमुळे सुरू झाली असून, हा मुद्दा शासनाने गांभीर्याने घेतल्याचे स्पष्ट झाले आहे, असे आमदार भिमराव तापकीर यांनी यावेळी सांगितले.

अल्पना वरपे यांनी सांगितले की, डावी- उजवी भुसारी कॉलनी, एकलव्य कॉलेज परिसर, गादीया इस्टेट – शास्त्रीनगर तसेच सागर कॉलनी- डी पी रोड परिसरातील रहिवाशांना रोजच 3-6 तासापर्यंतच्या अघोषित लोड शेडिंगचा सामना करावा लागत आहे. या अघोषित लोड शेडिंगमुळे नागरिकांना पाणी प्रश्नापासून इतर अनेक समस्यांना तोंड द्यावे लागत आहे. नियमीत वीज पुरवठा होत नसल्याने मेडिकल संदर्भातील समस्यांना ही नागरिकांना सामोरे जावे लागत आहे. घरात कोणी ऑक्सिजन चा रुग्ण असेल तर त्यांना अडचणीचा सामना करावा लागत आहे. वर्क फ्रॉम होम असलेल्यांच्या नोकरीवर देखील याचा परिणाम झालेला आहे.

ज्या पद्धतीने एखा‌द्या व्यक्तीने वीजबिल वेळेवर भरले नाही तर तत्परतेने त्याच्यावर कारवाई होते. परंतु दैनंदिन जीवनात वीज ही मूलभूत गरज झालेली असून देखील तेवढ्या तत्परतेने वीजे संबंधितल्या तक्रारींचे निवारण होताना दिसत नाही, तसेच  महावितरणच्या कोथरुडच्या कॉल सेंटर व संबंधित अधिकाऱ्यांकडून नागरिकांना अजिबात प्रतिसाद मिळत नसल्याचा आरोप वरपे यांनी केला आहे.

वरील भागातील ट्रान्सफॉर्मर, RMU युनिट्स, भूमिगत व ओवरहेड केबल्स, फिडर पिलर्स अश्या सारख्या वीज पुरवठ्याकरीता महत्वाच्या असणाऱ्या साधनांची दुरुस्ती व मेंटेनन्स वेळोवेळी होत नसल्याचे निदर्शनास येत आहे, ही अतिशय गंभीर बाब असून महावितरण कर्मचाऱ्यांच्या अशा हलगर्जीपणा मुळेच नागरिकांना विजेच्या समस्येला तोंड द्यावे लागत आहे.

वर उल्लेख केलेल्या भागातच ही अघोषित लोड शेडिंग होत असून इतर भागात मात्र सुरळीत वीज पुरवठा चालू असतो. त्यामुळे सदर अघोषित लोड शेंडीग हे आपल्या अधिकारी व कर्मचारी यांच्या हलगर्जीपणामुळे म्हणजे मानवनिर्मित आहे त्यामुळे सदर विषयाचे गांभीर्य लक्षात घेता या भागातील वीज पुरवठा सुरळीत करावा अन्यथा महावितरण कार्यालयात निषेधाचा पहिला टप्पा म्हणून ठिय्या आंदोलन करण्यात येईल असा इशारा वरपे यांनी दिला आहे.

यावेळी महावितरण पुणे परिमंडलचे मुख्यअभियंता सुनील काकडे यांनी या भागातील विद्युत समस्येचे निराकरण लवकरच करण्यात येईल व तसा फरक या भागातील नागरिकांना जाणवेल असे आश्वासन निवेदन देण्यास गेलेल्या शिष्टमंडळाला दिले.

कोथरूड : कोथरूड येथील स्वामी विवेकानंदनगर, हिल व्हिव, वुड्स रॉयल, शांभवी, वंडर फ्युचुरा तसेच वेदभवन मंदिर परिसरातील नागरिकांसाठी उभारण्यात येणाऱ्या पाण्याच्या टाकीच्या कामाचे भूमिपूजन आमदार भिमराव तापकीर यांच्या हस्ते करण्यात आले.

वरील भागातील पाण्याचा प्रश्न सुटावा यासाठी आमदार भिमराव  तापकीर व माजी नगरसेविका अल्पना गणेश वरपे यांच्याकडून प्रयत्न सुरू होते. अखेरीस या ठिकाणी २० लाख लिटर क्षमतेच्या पिण्याच्या पाण्याची टाकी उभारण्यात येणार असून त्या कामाचे भूमिपूजन आज झाले.

या प्रसंगी पुणे महानगरपालिका पाणीपुरवठा विभागाचे मुख्य अभियंता नंदकिशोर जगताप, ॲड. गणेश वरपे माजी नगरसेवक दिलीप वेडेपाटील, माजी नगरसेविका श्रद्धा प्रभुणे व स्थानिक नागरिक मोठ्या संख्येने उपस्थित होते.

यावेळी अल्पना वरपे यांनी प्रास्ताविक केले. तसेच केवळ टाकीचे बांधकाम पूर्ण न करता टाकी पूर्ण झाल्यानंतर लगेचच त्यामधून नागरिकांना पाणीपुरवठा करण्याची व्यवस्था करा अशा सूचना आमदार भिमराव तापकीर यांनी यावेळी अधिकाऱ्यांना केली.

कोथरूड येथील स्वामी विवेकानंदनगर, हिल व्हिव, वुड्स रॉयल, शांभवी, वंडर फ्युचुरा तसेच वेदभवन मंदिर परिसरातील नागरिकांना अपुऱ्या पाणी पुरवठ्यामुळे पाणी समस्येला सामोरे जावे लागत होते. या भागातील नागरिकांचा कायमचा पाणी प्रश्न मिटावा यासाठी माजी नगरसेविका अल्पना वरपे यांच्याकडून महापालिकेत पाठपुरावा सुरू होता. आमदार भीमराव तापकीर यांच्याकडूनही अधिकाऱ्यांशी बोलणे सुरू होते. अखेरीस या प्रयत्नांना यश आले असून आता पाण्याच्या टाकीच्या कामाचा शुभारंभ झाला आहे. 

वर्षभरात पाण्याच्या टाकीचे काम करून त्यानंतर जलवाहिनी टाकण्याचे काम पूर्ण झाले की पाणीपुरवठा सुरू केला जाईल असे पाणी पुरवठा विभागाचे मुख्य अभियंता नंदकिशोर जगताप यांनी यावेळी सांगितले. उल्हास कपूर यांनी स्वागत तर गजेंद्र सुतार यांनी सूत्रसंचालन केले.

पुणे : खडकवासला विधानसभा मतदारसंघाचे आमदार भीमराव तापकीर यांनी आज विधान मंडळात औचित्याचा मुद्दा उपस्थित करत बावधन कोकाटे वस्ती येथे दिनांक 8 डिसेंबर 2024 रोजी झालेल्या ध्वनी प्रदूषण, वृक्षतोड आणि कायद्याच्या सर्रास उल्लंघनाचा तीव्र निषेध केला व सरकारला तातडीने कारवाई करण्याची मागणी केली आहे.

तापकीर यांनी या प्रकरणाचे खालीलप्रमाणे मुद्दे मांडले :

1. ध्वनी प्रदूषणाचा कहर: रात्री 10 वाजल्यानंतर बंदी असतानाही पहाटे 3.30 वाजेपर्यंत कार्यक्रम सुरू, नागरिकांचा मानसिक व शारीरिक त्रास.

2. पोलिस प्रशासन निष्क्रिय: तक्रारी करूनही तत्काळ कारवाई नाही; साउंड सिस्टम जप्तीवर टाळाटाळ.

3. वृक्षतोड व पर्यावरणाचा र्‍हास: बीडीपी आरक्षित जमिनीवर वृक्षतोड, सपाटीकरण आणि उत्खनन; वन्यजीवांना धोका.

4. नागरिकांच्या हक्कांची पायमल्ली: कायद्याचे उल्लंघन आणि प्रशासनाच्या दुर्लक्षामुळे नागरिकांच्या मूलभूत हक्कांचा भंग.

आमदार तापकीर यांनी याप्रकरणी जाणीवपूर्वक दुर्लक्ष करणाऱ्या पोलिस व संबंधीत अधिकाऱ्यांवर तातडीने कारवाई करण्याची मागणी करत आयोजकांवर ध्वनी प्रदूषण व वृक्षतोडीबाबत देखील कठोर कारवाई ची मागणी केली.

भविष्यात अशा घटनांना आळा घालण्यासाठी “कायद्याचे उल्लंघन आणि पर्यावरणाचा नाश कदापि सहन केला जाणार नाही. दोषींवर कठोर कारवाई झाली पाहिजे,” अशी ठाम भूमिका आमदार भीमराव तापकीर यांनी विधानसभेत मांडली.

खडकवासला मतदार संघातील भारतीय जनता पार्टी महायुतीचे उमेदवार भीमराव तापकीर यांच्या प्रचाराला उत्स्फूर्त प्रतिसाद मिळत असून त्यांच्या चौथ्या विजयासाठीचा प्रचार सध्या खडकवासला मतदारसंघात जोमाने सुरू आहे. सलग तीन कार्यकाळ यशस्वीरीत्या पार पाडल्यानंतर, निवडणुकीला सामोरे जात असताना तापकीर यांना नागरिकांचा अभूतपूर्व प्रतिसाद मिळत आहे. ग्रामीण आणि शहरी भागांचा संगम असलेल्या खडकवासला मतदारसंघात तापकीर यांनी विकासाच्या कामांमुळे ठसा उमटवला आहे.  वडगाव बुद्रुक, सिंहगड रोड, वारजे, माळवाडी आणि इतर भागांमध्ये तापकीर यांच्या प्रचार दरम्यान नागरिकांकडून उत्स्फूर्त प्रतिसाद मिळत आहे.

“तापकीर म्हणजे विकास,” अशा घोषणा या सभांमध्ये ऐकायला मिळत असून, त्यांच्या नेतृत्वाखाली परिसराचा झालेला कायापालट नागरिकांच्या मनावर ठसला आहे. मितभाषी स्वभाव आणि सादगीपूर्ण राहणीमान: तापकीर यांचे नागरिकांशी प्रामाणिक आणि साधे वर्तन हे त्यांचे वैशिष्ट्य आहे, ज्यामुळे लोकांमध्ये त्यांच्या विषयी आपुलकीची भावना आहे असे पदाधिकाऱ्यांकडून सांगितले जात आहे. 

तापकीर म्हणाले, मागील तीन कार्यकाळांमध्ये त्यांनी विधानसभेत खडकवासला मतदारसंघाच्या प्रश्नांवर प्रभावी आवाज उठवला. यामध्ये मिळकतकराचा प्रश्न, पाणीपुरवठा, रस्ते सुधारणा आणि नागरी सुविधा यांसारखे मुद्दे उपस्थित केले. गेल्या पाच मतदारसंघात अनेक महत्त्वाकांक्षी प्रकल्प राबवले आहेत ते फक्त कागदावर नसून सत्यात उतरले आहेत.  याशिवाय, स्मार्ट शाळा, सोलर प्रकल्प, आणि मेट्रोचे जाळे यांसारख्या लोकहिताच्या कामांमुळे खडकवासला मतदारसंघाचा विकास वेगाने झाला आहे.

भिमराव तापकीर यांच्या नेतृत्वाखाली खडकवासला मतदारसंघ विकासाच्या नव्या उंचीवर पोहोचेल, असा विश्वास नागरिक व्यक्त करत आहेत. चौथ्या टर्मसाठी यशस्वी होण्यासाठी तापकीर आणि त्यांचे कार्यकर्ते पूर्ण ताकदीने काम करत असून “मतदारांचा विश्वासच माझी ताकद आहे,” असे ठामपणे सांगत तापकीर यांनी मतदारांना मतदानाचा हक्क बजावण्याचे आवाहन केले आहे.

या प्रसंगी महायुतीतील माजी नगरसेवक दिलीप बराटे, शिवसेना जिल्हाप्रमुख रमेश कोंडे, खडकवासला शिवसेना अध्यक्ष सतीश घाटे, माजी नगरसेवक प्रदीप (बाबा) धुमाळ, राजाभाऊ लायगुडे, हरिदास चरवड, बाळासाहेब नवले, राष्ट्रवादी काँग्रेस खडकवासला अध्यक्ष राजेंद्र पवार, भाजपा पुणे शहर उपाध्यक्ष अरूण राजवाडे, खडकवासला भाजपा अध्यक्ष सचिन मोरे, माजी नगरसेविका वर्षा तापकीर, राजश्री नवले, राणी भोसले, अश्विनी भागवत, माजी जिल्हा परिषद सदस्या जयश्री भुमकर, पंचायत समिती सदस्य अनिरुद्ध यादव यांसह महायुतीचे वरिष्ठ पदाधिकारी आणि ग्रामस्थ मोठ्या संख्येने या कार्यक्रमात सहभागी झाले होते.

ग्रामीण भागातून प्रचाराचा शुभारंभ
आमदार भिमराव अण्णा तापकीर यांनी खडकवासला मतदारसंघातील ग्रामीण भागातून प्रचाराची सुरुवात करून ग्रामीण मतदारांचा चौथ्यांदा विश्वास संपादन करण्याचे उद्दिष्ट ठेऊन नागरिकांना महायुतीला पाठिंबा देण्याचे आवाहन केले. मागील निवडणुकीत ग्रामीण भागातून चांगले लीड मिळाले होते.  गेल्या १३ वर्षांत केलेल्या विकास कामांच्या जोरावर मतदारांनी यावेळीही महायुतीसाठी पाठिंबा जाहीर केला असल्याचा विश्र्वास तापकीर यांनी व्यक्त केला.
आमदार तापकीर यांनी सांगितले की, “भाजपा-शिवसेना आणि महायुतीच्या सरकारने राज्याच्या प्रगतीसाठी महत्त्वपूर्ण कामे केली आहेत.

आज ” कोंढणपूर, कल्याण, सिंहगड, रहाटवडे, आर्वी, शिवापुर, खेड शिवापुर, श्रीराम नगर, गाउडदरा, गोगलवाडी यांसारख्या गावांना भेट देऊन तापकीर यांनी मतदारांशी थेट संवाद साधला आणि निवडणुकीत महायुतीला पुन्हा एकदा विजयी करण्यासाठी मतदारांना आवाहन केले.

आमदार भिमराव तापकीर यांच्या नेतृत्वाखाली सुरू झालेल्या या प्रचार मोहिमेला नागरिकांचा अतिशय उदंड प्रतिसाद लाभला. ग्रामीण भागातील नागरिकांचा प्रतिसाद पाहता, खडकवासला मतदारसंघात महायुतीसाठी  सकारात्मक वातावरण असल्याची चर्चा आहे.

खडकवासला विधानसभा मतदार संघात पुण्याच्या शहरी तसेच ग्रामीण भागाचा समावेश आहे. या मतदार संघाची निवडणूक कायमच चर्चेची आणि लक्षवेधक ठरलेली आहे. या मतदार संघात असलेले प्रत्येक पक्षाचे मातब्बर नेते कोणाची साथ देतात यावर येथील राजकीय गणिते अवलंबून राहिलेली आहेत. नेत्यांच्या नाराजीचा फटका उमेदवारांना बसत आलेला आहे.

या मतदार संघात येत असलेल्या शहरी भागात भाजप बहुल मतदार जास्त असून ग्रामीण भागात संमिश्र मतदार आहे त्यामुळे याचा फायदा भाजपच्या उमेदवाराला होत आला आहे. भाजपचे उमेदवार असलेले भीमराव तापकीर या मतदार संघातून तीन वेळा निवडून आले असून शांत व संयमी स्वभाव, सर्वांना बरोबर घेऊन जाण्याच्या वृत्ती अशी त्यांची प्रतिमा असून ती मतदारांना भावत आली आहे. भाजपचा मतदार त्यांच्या पाठीशी आहेच पण मतदार संघातील शहरी व ग्रामीण भागात असलेलं नातंगोतं, वैयक्तिक जनसंपर्क व केलेली विकास कामे ही त्यांच्यासाठी जमेच्या बाजू आहेत.

२०१९ च्या विधानसभा निवडणुकीत राष्ट्रवादीचे सचिन दोडके यांनी भीमराव तापकीर यांना चांगली लढत दिली होती. पण तापकीर यांनी दोडके यांच्यावर मात करत विजय संपादित केला होता. आता सचिन दोडके शरद पवार यांच्या राष्ट्रवादीकडून उमेदवार आहेत. दोडके यांना मागील निवडणुकीचा अनुभव आहे तशी त्यांनी रणनीती आखली असणार आहे. परंतु राष्ट्रवादीत दोन गट झाल्याने अजित पवार यांची राष्ट्रवादी महायुतीत आहे, त्यामुळे त्यांची साथ भाजपला असणार आहे. त्याचा फटका दोडके यांना बसू शकतो. सचिन दोडके मतदार संघात कायम चर्चेत आहेत.  त्याचा त्यांना कसा फायदा होतो हे मतदानातून कळेल.

मनसेचे उमेदवार मयुरेश वांजळे हे खडकवासला मतदार संघाचे मनसेचे दिवंगत आमदार रमेश वांजळे यांचे सुपुत्र आहेत. त्यांनी मतदार संघात चांगले वातावरण निर्माण केले आहे. आधीपासूनच त्यांनी निवडणुकीची जोरदार तयारी केल्याने त्यांचे नाव चांगले चर्चेत आले आहे. तरुण चेहरा म्हणून त्यांच्याकडे पाहिले जात असून त्यांनी निवडणुकीतील रंगत वाढवली आहे. माजी आमदार कै. रमेश वांजळे यांना मानणारा वर्ग खडकवासला मतदार संघात आहे त्याचा फायदा त्यांना निवडणुकीत मिळू शकतो.

एकूणच खडकवासला मतदार संघात तीन वेळा आमदार असलेल्या भाजपच्या भीमराव तापकीर यांची बाजू सरस दिसत आहे. मात्र राष्ट्रवादीचे शरद पवार गटाचे सचिन दोडके व मनसेचे मयुरेश वांजळे त्यांच्या समोर आहेत त्यामुळे निवडणुकीत कोण बाजी मारणार याबाबतची उत्सुकता सर्वांना आहे.

यावेळी माजी नगरसेविका अल्पना वरपे यांनी त्यांच्या प्रभागातील प्रलंबित असलेल्या कामाबाबत विविध मुद्दे उपस्थित केले. एकलव्य काॅलेज ते डावी भुसारी काॅलनीला जोडणार्‍या डीपी रोडचे काम पूर्ण करणे, कोथरूड डेपो येथील मुख्य रस्त्यावरील दोन्ही बाजूला फुटपाथ करणे,
बहुउद्देशिय हाॅल, उद्यान,अग्निशामक केंद्र आदी प्रलंबित कामे पूर्ण करणे, महात्मा सोसायटी येथील टेकडीवरील अनाधिकृत बांधकामे,अतिक्रमणांवर कारवाई करणे,
प्रभागात मागील काहि दिवसापासून कमी दाबाने होणारा पाणीपुरवठा पूर्ववत करणे असे विविध कामांबाबत वरपे यांनी यावेळी प्रश्न उपस्थित केले. यावर तोडगा काढून प्रलंबित विषय मार्गी लावण्याचे आश्वासन आयुक्तांनी यावेळी दिले.

भाजप ओबीसी आघाडीचे सरचिटणीस वासुदेव भोसले यांनी वारजे भागातील प्रश्न या बैठकीत मांडले. वारजे नदीकडे जाताना साचलेला कचरा, वारजे हायवे पासून गणपती माथा या भागतील ट्रॅफिकची समस्या, रस्त्यांची प्रलंबित कामे, यावर यावेळी चर्चा करण्यात आली.

कोंढवे, कोपरे, शिवणे, उत्तमनगर या चार गावातील पाणी प्रश्न या बैठकीत उपस्थित करण्यात आला. यावेळी उपायुक्त राजेंद्र जी बिनवडे, व्ही.जी कुलकर्णी, अनिरुद्ध पावसकर तसेच सचिन मोरे, हरिदास चरवड, अल्पना वरपे, वर्षा तापकीर, राणी भोसले, सुभाष नानेकर, सचिन दांगट, भगवानराव गायकवाड, अभिषेक धावडे, रमेश धावडे, निखिल धावडे, सुनील हागवणे, रुपेश घुले, मयूर तातुस्कर, व मतदार संघातील पदाधिकारी उपस्थित होते..