भारतीय जनता पक्षासह घटक पक्षांच्या महायुतीचे उमेदवार मुरलीधर मोहोळ यांनी गुरुवारी सकाळी पुणे लोकसभा मतदारसंघातून आपला उमेदवारी अर्ज भरला. याप्रसंगी फडणवीस बोलत होते.

देवेंद्र फडणवीस म्हणाले, पुणेकरांनीच ठरवले असल्याने पुण्यात मोहोळ यांचा विजय सहज होईल. त्यांनी पंतप्रधान नरेंद्रजी मोदी यांच्या अनेक योजना पुण्यात राबवल्या आहेत. भविष्यातही त्यांची दूरदृष्टी पुणेकरांना एक चांगला खासदार निवडल्याची अनुभूती देईल, अशी खात्री वाटते.

‘पुण्यात लोकांचे भाजप आणि महायुतीवर प्रेम आहे. महापौर म्हणून खूप चांगले काम केलेला उमेदवार आम्ही दिला आहे आणि जनता आमच्या पाठीशी आहे. दिवंगत गिरीशभाऊ बापट यांनी पुण्यात कार्यकर्त्यांचा अतिशय चांगला वारसा आम्हाला दिला आहे. त्यामुळे इथे मुरलीधर मोहोळ निवडून येतील याबद्दल आमच्या मनात शंका नाही,’ असेही ते म्हणाले.

‘जे ५४२ जागांमध्ये फक्त १० जागा उभ्या करतात, त्यांच्या जाहीरनाम्याला काय अर्थ आहे,’ अशा शब्दांत त्यांनी राष्ट्रवादी कॉंग्रेस शरदचंद्र पवार यांच्या जाहीरनाम्यावरही टीका केली.

मुरलीधर मोहोळ म्हणाले, पंतप्रधान नरेंद्रजी मोदी यांच्या मार्गदर्शनाखाली आणि माननीय देवेंद्रजी यांच्या प्रेरणेने आज उमेदवारी अर्ज भरला. पुणेकरांची सेवा आजवर करत आलो आहेच. आता थोड्या व्यापक स्वरुपात ही सेवा करण्याची संधी पुणेकर देतील हा विश्वास आजची अलोट गर्दी पाहून निर्माण झाला आहे. त्यामुळे मी पुणेकरांचा उमेदवार आहे, पुणेकरच मला निवडून देतील.

उपमुख्यमंत्री देवेंद्र फडणवीस, केंद्रीय मंत्री रामदास आठवले, राज्याचे उच्च व तंत्रशिक्षण मंत्री चंद्रकांत पाटील, उद्योग मंत्री उदय सामंत, विधान परिषदेच्या उपसभापती डॉ. नीलम गोऱ्हे, खासदार डॉ. मेधा कुलकर्णी, आमदार माधुरी मिसाळ, भीमराव तापकीर, सुनील कांबळे, सिद्धार्थ शिरोळे, चेतन तुपे, सुनील टिंगरे, माजी आमदार योगेश टिळेकर, भाजपचे प्रदेश उपाध्यक्ष राजेश पांडे, सुनील देवधर, शिवसेनेचे सहसंपर्क प्रमुख अजय भोसले, मनसे नेते बाबू वागस्कर, राष्ट्रवादी कॉग्रेसचे शहर अध्यक्ष दीपक मानकर, शिवसेनेचे शहर अध्यक्ष नाना भानगिरे, पिंपरी-चिंचवडचे भाजपा शहराध्यक्ष शंकर जगताप, मनसेचे शहर अध्यक्ष साईनाथ बाबर, आरपीआयचे शहर अध्यक्ष संजय सोनावणे या वेळी उपस्थित होते.

प्रचारसभा सुरू असताना महायुतीचे उमेदवार मुरलीधर मोहोळ हे उमेदवारी अर्ज भरण्यासाठी पुणे लोकसभा निवडणूक निर्णय अधिकारी तथा जिल्हाधिकारी यांच्या कार्यालयाकडे रवाना झाले.

आई-वडिलांचे आशिर्वाद घेऊन प्रारंभ…

अत्यंत उत्साही वातावरणात सकाळी कोथरूड येथील महर्षि कर्वे यांच्या पुतळ्यापासून मोहोळ यांच्या रॅलीला प्रारंभ झाला. तत्पूर्वी मोहोळ यांनी आई-वडिलांचे आशिर्वाद घेतले व ग्रामदेवता कसबा गणपतीला वंदन केले. त्यानंतर छत्रपती शिवाजी महाराजांच्या पुतळ्याला वंदन केले. दिवंगत खासदार गिरीश बापट यांच्या कसब्यातील जनसंपर्क कार्यालयात असलेल्या प्रतिमेसही अभिवादन केले.

मराठा आरक्षणासंदर्भात आज मंत्रीमंडळ उपसमितीची बैठक अखेर संपली आहे. या बैठकीमुळे जालन्यातील घटनेनंतर मराठा आरक्षणाच्या हालचालींना आता वेग आला आहे या बैठकीनंतर मुख्यमंत्री आणि उपमुख्यमंत्री माध्यमांशी बोलत होते. 

लाठीचार्जचे आदेश मंत्रालयातून झाले असा समज लोकांमध्ये निर्माण केला जात आहे.  गोवारी मारले गेले तो आदेश मंत्रालयातून आला होता का? मावळला जो मृत्युमुखी पडले होते तेव्हा ते आदेश तेव्हाच्या मुख्यमंत्री यांनी आदेश दिला होते का? त्यावेळी मग का राजीनामा दिला नाही? असा सवाल फडणवीसांनी केल आहे. सरकार हे करतय हे दाखवण्याचा प्रयत्न होता लोकांना देखील कळतंय हे राजकारण सुरू आहे.2018 साली आपण कायदा केला उच्च न्यायालयाने तो कायदा मान्य केला. देशात फक्त तमिळनाडू आणि महाराष्ट्र सरकारचा कायदा केला. आमचे सरकार बदललं आणि 9 सप्टेंबरला 2020 ला स्थगिती आली. उद्धव ठाकरे एक वर्षे मुख्यमंत्री होते.  2021 पासून उद्धव ठाकरे तुम्ही वटहुकूम का काढला नाही? असा सवाल देखील फडणवीसांनी उपस्थित केला. 

मराठा समाजाला आवाहन करतो की जो बंद चालला आहे एसटी जाळली त्यामुळे राज्याचे नुकसान झाले आहे. या पूर्वी मराठा समाजाची जी आंदोलन झाली त्याचे देशपातळी कौतुक झाले आहे. पण आता गालबोट लावण्याचा प्रयत्न झाला. आज जी बैठक  झाली त्यात सकारात्मक चर्चा झाली. काल मनोज जरांगे पाटील यांच्यासोबत चर्चा झाली. लवकरच तोडगा निघेल, मात्र तोपर्यंत शाांतता राखा, असे आवाहन अजित पवारांनी केले आहे.

चंदगडमध्ये बोलताना ते म्हणाले की, मी पुन्हा येईन म्हटलं की येतोच. मी कसा येतो हे तुम्हाला देखील माहित आहे. आपलं कुलदैवत नरसिंह आपण कुठूनही प्रगती करतो. उपमुख्यमंत्री देवेंद्र फडणवीस यांचे चंदगडमधील निट्टूर गावात हे वक्तव्य केले. सीमाभागात दौऱ्यावर असलेल्या फडणवीस यांनी नरसिंह मंदिराला अचानक भेट दिली.

चंदगड विधानसभा मतदारसंघाचे भाजप नेते शिवाजीराव पाटील यांच्या आग्रहाखातर भगवान श्री नृसिंह जयंतीचे औचित्य साधून फडणवीस चंदगड तालुक्यातील निट्टूर (ता.चंदगड) येथील प्रसिद्ध नृसिंह मंदिरास भेट दिली. यावेळी त्यांनी उपस्थित कार्यकर्त्यांना मार्गदर्शन केले. तसंच निट्टूर येथील नृसिंह मंदिर परिसराच्या विकासासाठी लवकरच आराखडा तयार करुन निधी उपलब्ध करुन देणार अशी घोषणा केली. त्याचबरोबर यावेळी त्यांनी शिवाजीराव पाटील यांच्या कामाचे कौतुक केले. तसेच चंदगडला पुन्हा एकदा येणार असल्याचे सांगितले.

ते मुंबईत भाजपा प्रदेश कार्यालयात पत्रकार परिषदेत बोलत होते. यावेळी माजी प्रदेशाध्यक्ष सुधीर मुनगंटीवार, प्रदेश उपाध्यक्ष आ. राम शिंदे, माधव भांडारी, सुनील कर्जतकर, राज पुरोहित, कृपाशंकरसिंह, प्रदेश मुख्य प्रवक्ते केशव उपाध्ये, आ. बबनराव लोणीकर, आ. सुधीर गाडगीळ, आ. सुनील कांबळे व आ. नारायण कुचे उपस्थित होते.

चंद्रकांत पाटील म्हणाले की, हिंदुत्वाच्या मुद्द्यावरून शिवसेनेच्या आमदारांनी स्पष्ट भूमिका घेतल्यानंतर महाविकास आघाडी सरकारने बहुमत गमावले. त्यानंतर भाजपाने पर्यायी सरकार देण्यासाठी पुढाकार घेतला. हिंदुत्व हा भाजपाचा श्वास आणि ध्यास आहे. त्यामुळे हिंदुत्वासाठी लढणारे शिवसैनिक तसेच शिवसेनाप्रमुख बाळासाहेब ठाकरे आणि धर्मवीर आनंद दिघे यांचे शिष्य एकनाथ शिंदे यांना भाजपाने मुख्यमंत्रिपदासाठी पाठिंबा दिला. भारतीय जनता पार्टीकडे ११३ आमदार असूनही हिंदुत्वासाठी मुख्यमंत्रिपद सोडताना मा. देवेंद्र फडणवीस यांनी मनाचा मोठेपणा दाखविला व त्याग केला. त्यांच्या त्यागाचा भाजपाच्या सर्व कार्यकर्त्यांना अभिमान आहे.

ते म्हणाले की, हिंदुत्वाच्या आधारावर स्थापन झालेल्या भाजपा – शिवसेना युतीला जनतेने २०१९ च्या विधानसभा निवडणुकीत स्पष्ट बहुमत दिले. परंतु, शिवसेनेच्या नेतृत्वाने मुख्यमंत्रिपदाच्या खुर्चीसाठी हिंदुत्वाला सोडून अल्पसंख्यांकांचा अनुनय करणाऱ्या पक्षांसोबत आघाडी केली. त्यांच्या अडीच वर्षांच्या कारकिर्दीत हिंदुत्व संकटात आले आणि विकासकामे ठप्प झाली. अशा स्थितीत अंतर्गत कलहामुळे आघाडी सरकार कोसळल्यानंतर भाजपाने पर्याय देण्यासाठी पुढाकार घेतला.

त्यांनी सांगितले की, मुख्यमंत्री मा. एकनाथ शिंदे व उपमुख्यमंत्री देवेंद्र फडणवीस यांचे नवे सरकार राज्याची विकासकामे गतीने पूर्ण करेल आणि सर्वसामान्य माणसाला अभिमान वाटेल असे काम करेल.

सिंहासन News : सिंगल यूज प्लास्टिक वापरण्यास आजपासून बंदी ; होणार कठोर कारवाई https://www.sinhasannews.com/use-of-single-use-plastics-banned-from-today-strict-action-will-be-taken-12642/

मुंबई : राज्यपालांनी ३० जूनला विशेष अधिवेशन बोलवल असून या अधिवेशनात सरकारला बहुमत चाचणीला सामोरे जावे लागणार आहे. त्यामुळे ठाकरे सरकार राहणार की जाणार हे आता 30 तारखेला गुरुवारी ठरणार आहे. या दिवशी मागील काही दिवसांपासून सुरू असलेल्या सत्ता संघर्षावर निर्णय होणार आहे. गुरुवारी सकाळी ११ वाजता हे विशेष अधिवेशन बोलावण्यात आले आहे. असा मेसेज सोशल मीडिया वर व्हायरल झाला होता. अखेर राजभवन च्या वतीने अशी कोणतीही तारीख जाहीर करण्यात आली नसल्याची माहिती देण्यात आली आहे.

आज रात्री देवेंद्र फडणवीस यांच्याकडून सरकार अल्पमतात असल्याने बहुमत चाचणीचे मागणी राज्यपाल भगतसिंग कोश्यारी यांच्याकडे पत्राद्वारे करण्यात आली आहे.  देवेंद्र फडणवीस यांनी राजभवन येथे राज्यपालांची भेट घेतली असून याबाबत त्यांच्याशी चर्चा केली आहे. तातडीने बहुमत सिद्ध करण्याचे आदेश द्या अशी मागणी देवेंद्र फडणवीस यांनी केली आहे.

आज दिल्लीत फडणवीस यांनी भाजप अध्यक्ष जे पी नड्डा केंद्रीय गृहमंत्री अमित शहा यांच्याशी भेट घेऊन चर्चा केली त्यानंतर फडणवीस मुंबईत दाखल झाले त्याचवेळी आता सत्ता स्थापनेच्या दृष्टीने हालचाली सुरू झाल्याचे चित्र पुढे आले आहे.

फडणवीस यांनी चंद्रकांत पाटील गिरीश महाजन अशा भाजप नेत्यांबरोबर राज्यपालांची भेट घेतली असल्याने सत्ता नाट्याला आता वेग आला आहे.

एकनाथ शिंदे शिवसेना आमदारांना घेऊन बाहेर पडल्यामुळे महाविकास आघाडी सरकार अडचणीत आले असून या सरकारचं भवितव्य आता 30 तारखेला होणाऱ्या बहुमत चाचणीमध्ये ठरणार आहे. सरकार राहणार की जाणार याचा निर्णय आता 30 तारखेला गुरुवारी ठरणार आहे. अशी माहिती समोर आली होती.

पुण्याचे माजी महापौर मुरलीधर मोहोळ यांच्या संस्कृती प्रतिष्ठानच्या वतीने आयोजित १२ व्या कोथरुड सांस्कृतिक महोत्सवाचे उद्घाटन फडणवीस यांच्या हस्ते करण्यात आले. यावेळी यंदाचा संस्कृती कलागौरव पुरस्कार २०२२ शौनक अभिषेकी यांना प्रदान करण्यात आला. तसेच यंदाचा महाराष्ट्र केसरी पृथ्वीराज पाटील याचा बजरंगबलीची मुर्ती,सन्मानचिन्ह व रोख रक्कम ५१ हजार रुपये देऊन सन्मान करण्यात आला.

फडणवीस म्हणाले, कोथरूड सांस्कृतिक महोत्सव हा पुणे शहराचा सांस्कृतिक महोत्सव आहे. गेल्या दोन वर्षांत कोविड मुळे महोत्सव साजरा झाला नाही. मात्र यंदा सर्व निर्बंध हटल्याने सांस्कृतिक राजधानी असलेल्या पुण्यातील नागरिकांची सांस्कृतिक भूक भागविण्याचे काम कोथरूड महोत्सव करीत आहे. महापौर मुरलीधर मोहोळ आणि लोकप्रतिनिधींनी कोविड काळात मोठे काम केले आहे. आणि नागरीकांना सुविधा उपलब्ध करून दिलासा देण्याचा प्रयत्न केला आहे.

यावेळी मिलिंद रथकंठीवार यांनी संपादन केलेल्या मुरलीधर मोहोळ यांच्या कारकिर्दीवरील पुस्तकाचे प्रकाशनही करण्यात आले. यावेळी भाजपचे प्रदेशाध्यक्ष आमदार चंद्रकांत पाटील,
अभिनेता स्वप्नील जोशी, भाजप शहराध्यक्ष जगदीश मुळीक, आमदार भीमराव तापकीर, सिद्धार्थ शिरोळे, सुनील कांबळे, मोनिका मोहोळ, योगेश टिळेकर, गायक संगीतकार डॉ. सलील
कुलकर्णी, लेखक अभिनेते डॉ. नीलेश साबळे, प्रविण बढेकर उपस्थित होते.

पंडित शौनक अभिषेकी म्हणाले, कोथरुड, कर्वेनगरवासीयांनी खूप प्रेम दिले आहे व महापौर मुरलीधर मोहोळे यांनी कोविड काळात एवढे मोठे काम केले आहे. हा घरचा पुरस्कार स्वीकारताना खूप आनंद होत आहे. मी केवळ शास्त्रीय संगीताचा साधक आहे. मला जे संगीताचा प्रचार, प्रसाराचे काम करायचे आहे, त्यासाठी हे पुरस्कार प्रोत्साहन देतात.

मुरलीधर मोहोळ प्रास्ताविकात म्हणाले, “या संधी या माध्यमातून मिळाली.महोत्सवाला पुणेकरांचा उदंड प्रतिसाद महोत्सवाच्या पहिल्या आनंद देणारा आहे. ज्येष्ठ कलाकाराचा, दिवसाचा उत्तरार्ध ‘चला हवा येऊ कुस्तीपटूचा गौरव देवेंद्र फडणवीस द्या’ हा कार्यक्रम रंगला. योगेश देशपांडे यांनी सूत्रसंचालन केले.

पुणे : महापौर मुरलीधर मोहोळ यांच्या 24 तास नागरिकांच्या सेवेत उपलब्ध राहणाऱ्या सुसज्ज जनसंपर्क कार्यालयाचे आज राज्याचे विरोधी पक्षनेते देवेंद्र फडणवीस यांच्या हस्ते उद्घाटन करण्यात आले. यावेळी भाजप प्रदेशाध्यक्ष कोथरूड मतदार संघाचे आमदार चंद्रकांत पाटील यांची प्रमुख उपस्थिती होती.

या प्रसंगी शहराध्यक्ष जगदीश मुळीक, आमदार सिद्धार्थ शिरोळे, भीमराव तापकीर , दिलीप कांबळे, योगेश टिळेकर, गणेश बिडकर, श्रीनाथ भिमाले, बढेकर ग्रूपचे प्रवीण बढेकर, शहरातील भजपाचे माजी नगरसेवक, नगरसेविका व नागरिक मोठ्या संख्येने उपस्थित होते. २४ तास हे कार्यालय नागरिकांच्या सेवेत उपलब्ध राहणार असल्याने फडणवीस यांच्याकडून मोहोळ यांचे यावेळी विशेष कौतुक करण्यात आले.

राजकीय कार्यकर्त्याचे जनसंपर्क कार्यालय जनतेच्या समस्यांना निपटारा करणारे किंवा त्यांना जनतेशी संपर्क साधणारे केंद्र असते. पाच वर्ष शहर पातळीवर काम करीत असल्यामुळे परिपूर्ण जनसंपर्क कार्यालयाचे आवश्यकता आणखी तीव्रतेने जाणवली. नागरिकांशी संवाद साधणे, समस्या सोडवणे व जनतेला 24 तास सेवा उपलब्ध करून देणे यासाठी हे कार्यालय सुरू करण्यात आल्याचे महापौर मुरलीधर मोहोळ यांनी सांगितले.

हे जनसंपर्क कार्यालय तयार झाले तेव्हापासूनच त्याची राजकीय वर्तुळात व नागरिकांमध्ये चर्चा होती. काम सुरू असताना बाहेरूनच कार्यालयाची सुसज्जता जाणवत होती. त्यामुळे २४ तास नागरिकांच्या सेवेत उपलब्ध राहणारे हे कार्यालय सुरू कधी होणार याबाबत सर्वांना उत्सुकता होती. दिमाखदार उद्घाटन सोहळ्यानंतर आजपासून हे महापौर मुरलीधर मोहोळ यांचे जनसंपर्क कार्यालय नागरिकांच्या सेवेत रुजू झाले आहे.

राज्यात भाजपचे सरकार असताना सरकारने महाआयटीमध्ये 25 हजार कोटींचा घोटाळा झाला असल्याचा खळबळजनक आरोप केला आहे. हा गंभीर आरोप करताना राऊत यांनी अमोल काळे आणि विजय ढवंगाळे यांची नावे घेतली आहेत. यांच्या बँक खात्यातून पैसे कुठे कुठे गेले, विना टेंडर कोणाला कंत्राट दिले गेले याची तक्रार आपण करणार असल्याची घोषणा खासदार राऊत यांनी केली आहे.

कितीही धमकावा महाराष्ट्रात ठाकरे सरकार राहणार. हा फक्त ट्रेलर आहे. येणाऱ्या काळात आणखी कागदपत्रं, आणखी व्हिडिओ समोर येणार.उद्यापासून महाराष्ट्रातील जनतेला सर्व कळेल. जसजसे आत घुसू तसतसे भाजपला कळत जाईल, असं संजय राऊत म्हणाले आहेत. ED वाले ऐका , या माझ्या घरी, मी लढणार, जितेंद्र नवलानी कोण आहे ? हे नाव ऐकल्यावर मुंबई आणि दिल्लीतील ED च्या लोकांचा घसा सुकेल. गेले 4 महिने ED च्या नावावर वसुली सुरू आहे, 70 बिल्डरकडून सुरू आहे, हे ED च्या काही अधिकाऱ्यांना माहीत आहे. मी याबाबत मोदी, अमित शाह यांना पत्र लिहिणार आहे. अशा 4 एजंटनी 300 कोटी रुपये वसूल केले आहेत, असे त्यांनी सांगितले.

पीएमसी बँक घोटाळ्याचा सोमय्यांकडून पुन्हा पुन्हा उल्लेख केला त्यातला मुख्य आरोपी राकेश वाधवानशी आमचे संबंध असल्याचे सांगितले. राकेश वाधवानच्या खात्यातून भाजपच्या खात्यात वीस कोटी गेले, पक्ष निधीच्या नावावर. मला सांगा निकॉन इन्फ्रा कंपनी कोणाची आहे? ती किरीट सोमय्यांची आहे. किरीट सोमय्या राकेश वाधवानचे भागीदार आहेत. किरीट समोय्यांनी हजारो कोटींचा प्रकल्प उभारला आहे पीएमसी बँक घोटाळ्यात सोमय्यांनी ब्लॅकमेल करून कॅश आणि दुसऱ्याच्या नावावर जमीन घेतली. वसईत लाडानीच्या नावावर ही चारशे कोटींची जमीन फक्त साडेचार कोटीला घेतली, असा आरोपही राऊतांनी केला.

ठाकरे परिवाराच्या नावावर 19 बंगले आहेत, असा दावा त्या दलालाने केला आहे, मुलुंडच्या दलालाने. माझं त्याला आव्हान आहे, आपण सगळे मिळून बस करून त्या 19 बंगल्यांवर पिकनिकला जाऊ. मी देतो चाव्या. ठाकरेंच्या मालकीचे बंगले आढळले तर मी राजकारण सोडेन, असे राऊतांनी सांगितले.

ज्या ज्या वेळी मी म्हणालो की महाविकास आघाडी सरकार पडणार नाही, त्या त्या वेळी माझ्या नातेवाईकांवर, कुटुंबियांवर धाडी पडल्या. माझ्या मुलांना फोन करून धमक्या दिल्या की तुमच्या वडिलांना उद्या पोलीस घेऊन जातील. इतकं घाणेरडं राजकारण भाजपकडून सुरू आहे, असा आरोप राऊतांनी केला.