मागे काही दिवसापूर्वी आभाळ फाटलं आणि शेतकऱ्यांच्या शेतीच मोठ नुकसान झालं, कुटुंब उध्वस्त झाली. या परिस्थितीत एम आय टी कॉलेज ने आपल्या विद्यार्थ्यांना प्रोजेक्ट माणुसकी उपक्रम दिला यात विद्यार्थ्यांनी हिरीरीने भाग घेतला. एम.आय.टी कॉलेज मधील मिशन नेकी ग्रुप च्या माध्यमातून हा उपक्रम राबवला जात असताना संग्राम मानसी अनिल बिडलान या विद्यार्थ्याने स्वतः शेतकऱ्यांसाठी १०१ किट दिले तर इतर मदतीचे किट जमा करण्यात आले.

मिशन नेकी ग्रुप च्या माध्यमातून एकत्र आलेल्या संग्राम बिडलान, पृथ्वीराज शिंदे, प्रथमेश जगदाळे, राम भोंबे ओमकार वासवा व विद्यार्थ्यांनी हे मदतीचे किट सावळेश्वर, हिंगणी, आष्टे, कुरुळ, घोडकेवस्ती, घुंजेगाव, पीर टाकळी, राम हिंगणी, या गावांमधील गरजू  लोकांपर्यंत पोहचवले.

निसर्गानेच आवकृपा केली आणि आभाळ फाटलं, होत्याचं नव्हतं झालं बघितलेल्या परिस्थितीनुसार शेतच्या शेत वाहून गेली, घरं नाहीशी झाली, जो बळीराजा सर्वांना खायला घालत होता त्याच्यावरच आज उपाशी राहायची वेळ आली, अशा वेळेला मनुष्य रूपातूनच देव प्रगट होतो आणि त्याच्याकडून मदत करवतो. हे मदतीचे किट या लोकांपर्यंत पोहचवता आले आणि मला आम्हाला त्यांच्यासाठी काही करता आले याबद्दल मी देवाचा ऋणी आहे अशी भावना एम आय टी चा विद्यार्थी असलेल्या संग्राम बिडलान याने व्यक्त केली.

भोर जवळील करंदी आणि वाढाणे गावांच्या मध्ये असलेल्या येसाजी कंक माध्यमिक विद्यालयात नवलराय ए हिंगोरानी चॅरिटेबल ट्रस्ट, क्रिएटिव्ह फाउंडेशन व कै. विश्वनाथ भेलके प्रतिष्ठान च्या वतीने शालेय साहित्य भेट देण्याचा कार्यक्रम आयोजित केला होता त्यावेळी खर्डेकर यांनी विद्यार्थी विद्यार्थिनींशी संवाद साधला.

यावेळी कै. विश्वनाथ भेलके प्रतिष्ठान चे अध्यक्ष विशाल भेलके, उमेश भेलके, मुख्याध्यापिका भारती खटाटे, शिक्षक सोपान शिंदे, प्रतिष्ठानचे संदीप मोकाटे, किरण उभे, मिलिंद सातपुते, नवनाथ शिंदे, नवनाथ तनपुरे आदी उपस्थित होते. शाळेतील विद्यार्थ्यांना स्वेटर व बुटांची गरज असल्याची माहिती शाळेच्या मुख्याध्यापिका भारती खटाटे व शिक्षक सोपान शिंदे यांनी सांगितले.

ज्यांना खरी गरज आहे अश्यांचा शोध घेऊन त्यांच्या पर्यंत आवश्यक ती मदत पोहोचविण्यासाठी क्रिएटिव्ह फाउंडेशन सतत प्रयत्नशील असते असे संदीप खर्डेकर यांनी सांगितले. येथील शिक्षक ही रोज 25 किमी प्रवास करून शिकवायला येतात याचे महत्व ओळखा आणि आयुष्यात यशस्वी होऊन आपल्या शिक्षकांना गुरुदक्षिणा द्या असे सांगतानाच विद्यार्थ्यांनी वेगळ्या वाटा चोखाळा आणि शिक्षण अर्धवट सोडू नका, तुम्हाला जी मदत लागेल ती नवलराय ए हिंगोरानी चॅरिटेबल ट्रस्ट आणि क्रिएटिव्ह फाउंडेशन नक्कीच करेल असेही संदीप खर्डेकर यांनी जाहीर केले.

कोथरूड नवरात्र उत्सवाच्या वेळी विविध सामाजिक संस्थांना मदत करणार असल्याचे आम्ही जाहीर केले होते त्यानुसार ही मदत देत आहोत असे कै. विश्वनाथ भेलके प्रतिष्ठान चे अध्यक्ष विशाल भेलके म्हणाले. येथील विध्यार्थ्यांना लागणारे स्वेटर व बूट ही लवकरच उपलब्ध करू असे नवलराय ए हिंगोरानी चॅरिटेबल ट्रस्ट चे अध्यक्ष मनोज हिंगोरानी यांनी स्पष्ट केले.

मिळणाऱ्या मानधनातून ग्रामीण भागातील गरजू रुग्णांसाठी मदतीचा विचार त्यांनी केला. त्यानुसार मानधनाची रक्कम कस्तुरबा रुग्णालयासाठी दिली. सेवाग्राम येथील कस्तुरबा रुग्णालय १९४५ मध्ये महात्मा गांधी यांच्या शिष्या डॉ. सुशीला नय्यर यांनी सुरू केले. हे रुग्णालय एक हजार खाटांचे असून रुग्णालयाच्या बाह्यरुग्ण विभागात दरवर्षी हजारो रुग्णांवर उपचार केले जातात. महेश झगडे म्हणाले, ३४ वर्षांच्या सेवेतून निवृत्त होताना त्यानंतर कोणतीही सरकारी जबाबदारी न स्वीकारण्याचा निर्णय घेतला होता.

सर्वोच्च न्यायालयाच्या आदेशावरून नागरिकांच्या मागासवर्गासाठी समर्पित आयोगाच्या सदस्यत्वाची तीन महिन्यांची नियुक्ती स्वीकारली. या नियुक्तीसाठी मानधन न घेण्याचा विचार होता, मात्र तो बदलून मिळणारे मानधन ग्रामीण भागातील रुग्णांच्या उपचारांसाठी देण्याचा निर्णय घेतला. त्यानुसार कस्तुरबा रुग्णालयासाठी धनादेश दिला आहे. भविष्यात ग्रामीण भागातील गरजू रुग्णांच्या उपचारांसाठी सर्वांनीच शक्य तेवढी मदत करावी, असे आवाहनही झगडे यांनी केले.