विश्रांतवाडी पोलिसांनी दिलेल्या माहितीनुसार, पीडित महिला ही त्यांच्या नातेवाईकांकडे विश्रांतवाडी चौकातून कळस या ठिकाणी चालली होती. कळस माळवाडी येथून पायी चालत असताना चौकात दुचाकीवर बसलेल्या काही तरुणांनी महिलेची छेडछाड करण्यास सुरुवात केली. यामध्ये आरोपी संकेत सावंत म्हणाला,”मी इथला भाई आहे, तू माझ्यासोबत चल” तर त्याच्यासोबत असणाऱ्या इतर दोघांनी “तू खूप दिसायला चांगली आहे, तुझे रात्रीचे पैसे असतील ते आम्ही देतो.” असे म्हणत लज्जा उत्पन्न होईल असे वक्तव्य करून त्यांचा विनयभंग केला. संकेत सावंत इथला भाई आहे असे म्हणत इतरांनी विवाहितेला घाबरवण्याचा प्रयत्न केला.

या घटनेनंतर पीडित महिला तातडीने विश्रांतवाडी पोलीस स्टेशन येथे जाऊन आरोपी विरुद्ध दिलेल्या तक्रारीवरून विनयभंगाचा गुन्हा दाखल करण्यात आला आहे. पुणे शहरासह उपनगरातील अनेक चौकांमध्ये तसेच भर मध्यवस्तीत महिला तसेच मुलींची छेडछाड करण्याचे प्रकार दिवसेंदिवस वाढत आहेत. वस्तीतील “भाई” म्हणवणाऱ्या गुंडांकडून अशाप्रकारे महिलांची भर वस्तीत छेडछाड होणे ही अत्यंत गंभीर बाब असून अशा प्रवृत्तीच्या व्यक्तींवर तातडीने कठोर कायदेशीर कारवाईची मागणी करण्यात येत आहे. पुढील तपास विश्रांतवाडी पोलीस करीत आहे.

महापालिकेची प्रभाग रचना जाहीर झाल्यानंतर सत्ताधारी भाजपला पहिला धक्का बसला आहे. विभागीय आयुक्त कार्यालय येथे सावंत यांनी कार्यकर्त्यांसह पक्ष प्रवेश केला. यावेळी आमदार सुनिल टिंगरे उपस्थित होते. राज्यसभेचे माजी खासदार संजय काकडे यांचे समर्थक म्हणून सावंत यांची ओळख होती. मागील महापालिका निवडणुकीत सावंत यांनी काँग्रेस मधून भाजपमध्ये प्रवेश केला होता.

मागील आठवड्यात प्रभाग रचना जाहीर झाल्यावर भाजपचे 16 नगरसेवक राष्ट्रवादीच्या संपर्कात असल्याचा दावा राष्ट्रवादी कॉंग्रेसने केला होता. नगरसेविका सावंत यांच्या नगरसेविका पदाच्या राजीनाम्याची तांत्रिक प्रक्रिया झाली नसल्याने त्यांचा प्रवेश लांबला असून पुढील आठवड्यात त्याही राष्ट्रवादीत प्रवेश करतील असे सूत्रांकडून सांगण्यात येत आहे.