बाजारात कोकणचा राजा अर्थात हापूस आंब्याची देवगड, रत्नागिरी येथून आवक होते. त्याशिवाय कर्नाटकातूनही आंबा येतो. मात्र, दोघांच्या चव आणि सालीमध्ये फरक आहे. कोकणातील हापूस आंबा रसाळ आणि चवीस चांगला असतो. त्यामुळे कोकणातील आंब्यांना सर्वाधिक मागणी असते. म्हणूनच या आंब्याच्या किंमतीही जास्त असतात. याचा फायदा घेत व्यापारी, विक्रेते नागरिकांची फसवणूक करतात. हंगामाच्या सुरवातीला असा प्रकार उघडकीस आला आहे. कृषी उत्पन्न बाजार समिती, पुणेच्या बाजार आवारात 3 व्यापाऱ्यांनी केरळ आंबा हा देवगड आंबा या नावाने लेबल विक्री केल्याचे आढळल्याने हा केरळ आंबा बाजार समितीने जप्त केला आहे.