पुणे : राज्याचे उच्च तंत्र शिक्षण मंत्री आणि कोथरूडचे स्थानिक आमदार चंद्रकांत पाटील यांनी कोथरुडच्या वैभवात आणखीनच भर घातली असून; कोथरुडकरांचे खऱ्या अर्थाने पालक आहेत, अशी भावना सर्वसामान्य कोथरुडकरांनी आज व्यक्त केली. चंद्रकांत पाटील कोथरुड मधील सर्व मुलींचे पालक झाले आहेत, असे गौरवोद्गार हभप चंद्रकांत महाराज वांजळे यांनी काढले.

मंत्री चंद्रकांत पाटील यांच्या संकल्पनेतून आणि लोकसहभागातून कोथरुडचे ग्राम दैवत श्री म्हातोबा मंदिर परिसरात बॅंक्वेट हॉल उभारण्यात आला असून, त्याचे लोकार्पण पाटील आणि सर्व कोथरुड ग्रामस्थांच्या उपस्थितीत झाले. 

यावेळी कोथरुड देवस्थानचे अध्यक्ष गजानन(नाना) भेलके, उपाध्यक्ष शंकर मोकाटे, सचिव संतोष माथवड, खजिनदार तानाजी गाढवे, सदस्य पंढरीनाथ दुधाने, महादेव वांभिरे, हभप चंद्रकांत महाराज वांजळे, प्रा. अनिरुद्ध देशपांडे, विनय गानू, भाजप कोथरुड मध्य मंडल अध्यक्ष निलेश कोंढाळकर, दक्षिण मंडल अध्यक्ष कुलदीप सावळेकर, उत्तर मंडल अध्यक्ष लहू बालवडकर, भाजप महिला मार्चा मध्य मंडल अध्यक्षा हर्षाली माथवड यांच्यासह सर्व ग्रामस्थ मोठ्या संख्येने उपस्थित होते.

बॅंक्वेट हॅालच्या लोकार्पणप्रसंगी हभप चंद्रकांत महाराज वांजळे म्हणाले की, चंद्रकांतदादा पाटील हे कोथरुड मधील गोरगरीबांच्या अडचणी सोडवण्यासाठी नेहमीच कार्यरत असतात. कोथरुड मधील हजारो मुलींचे पालकत्व घेतलं आहे. त्यासाठी सुकन्या समृद्धी, सुखदा, मानसी, शिष्यवृत्ती, झाल अशा विविध योजना आणि उपक्रमांच्या माध्यमातून कोथरुड मधील लेकींचे पालक झाले आहेत. त्यांचे कर्तृत्व, दातृत्व आणि नेतृत्व हे कोथरुडकरांना नेहमीच भावते. बॅंक्वेट हॉलच्या माध्यमातून गोरगरीब कुटुंबातील मुलींचे लग्न अतिशय थाटामाटात व्हावे; ह्यासाठी ही व्यवस्था उभी करुन गरीब कुटुंबातील मंगल कार्याची तजवीज केली आहे. ही अतिशय आनंदाची बाब आहे , अशी भावना त्यांनी यावेळी व्यक्त केली.

देवस्थानच्या तिजोरीत पैसे कमी पडणार नाहीत- पाटील

हिंदू संस्कृतीत मंदिरातील दान पेटी ही समाजातील गरजूंना मदत करण्यासाठी वापरली जात असते. कोथरुडचे ग्रामदैवत श्री म्हातोबांच्या आशीर्वादाने देवस्थानला समाज कार्यासाठी कधीही पैसे कमी पडले नाहीत, भविष्यात ही पडणार नाहीत. बॅंक्वेट हॉल उभारताना देवस्थान समितीला विनंती केली होती की, हा हॉल गरीब कुटुंबातील मुलींच्या लग्नासाठी अल्पदरात उपलब्ध करुन द्यावा. त्यामुळे हॅालच्या देखभालीसाठी 40 हजार आणि 20 हजार शुल्क घेण्याचा निर्णय घेतला आहे. मात्र, एखाद्या गरजू कुटुंबाला तेवढी रक्कम देणे शक्य होत नसेल, तर ते देतील ती रक्कम देवस्थानने घ्यावी, उर्वरित रक्कम देवस्थान समितीला लोकसहभागातून देण्यासाठी प्रयत्न करु, असे पाटील यांनी यावेळी आश्वास्त केले. तसेच, तीन वर्षे लोकसहभागातून हॅालची देखभाल व्यवस्था करु, अशी ग्वाही ही त्यांनी यावेळी केली

कोथरुड हे अतिशय झपाट्याने विकसित होत असलेले उपनगर म्हणून सर्वत्र परिचित आहे. त्यामुळे सर्वसामान्य कोथरुडकरांना इथल्या सोईसुविधांचा लाभ घेता यावा, यासाठी राज्याचे उच्च व तंत्र शिक्षण मंत्री चंद्रकांत पाटील हे नेहमीच आग्रही असतात. 

कोथरुडमधील कष्टकरी कुटुंबाची दिवाळी गोड व्हावी, यासाठी सातत्याने ‘अल्पदरात दिवाळी फराळ’ उपलब्ध करुन देणे, वस्ती भागातील मुलींच्या व्यक्तीमत्त्व विकासासाठी ‘मानसी’ उपक्रम, विवाह इच्छुक मुलींची सन्माने पाठवणी व्हावी यासाठी ‘झाल’, त्याशिवाय गरिब कुटुंबातील गरोदर महिलांचे बाळंतपण सुरक्षितपणे व्हावे यासाठी ‘सुखदा’, असे एक ना अनेक उपक्रम सातत्याने राबवित असतात.

कोथरुडमधील प्रत्येक मुलीचे लग्न अतिशय थाटामाटात व्हावे. तसेच, त्यांनाही लग्न सोहळ्याचा मनमुराद आनंद लुटता यावा; यासाठी राज्याचे उच्च व तंत्रशिक्षण मंत्री चंद्रकांत पाटील यांच्या पुढकारातून कोथरुड देवस्थानच्या जागेतील गंगाराम सभागृहाच्या टेरेसचा लोकसहभागातून विकास करण्यात आला असून, अत्याधुनिक सोईसुविधांनी युक्त असा बँक्वेट हॉल उभारण्यात आला आहे.

या मध्ये मंगल कार्यासाठी सहा हजार सक्वेअर फुटाचा प्रशस्त बँक्वेट हॉल, ५०० नागरिक एकाचवेळी जेवण करतील असा डॉयनिंग हॉल, वधू-वरांसाठी अत्याधुनिक सोईसुविधांनी युक्त स्वतंत्र कक्ष, प्रशस्त लॉबी, अशा एक ना अनेक सुविधा उभारण्यात आल्या आहेत.   

विशेष म्हणजे, गरिब कुटुंबातील मुलींची लग्ने या सभागृहात व्हावीत, अन् सर्वांनाच मंगल कार्याचा अभिमान वाटले, यासाठी अतिशय नाममात्र दरात हे सभागृह उपलब्ध करुन द्यावे, अशी विनंती पाटील यांनी सर्व विश्वस्त मंडळांना केली होती. त्यांनीही ना. पाटील यांच्या आवाहनाला सकारात्मक प्रतिसाद देत, नाममात्र दरात सभागृह उपलब्ध करुन देण्यास मान्यता दिली आहे. त्यामुळे सर्वसामान्य कोथरुडकरांना अभिमान वाटेल, असा हा बँक्वेट हॉल उपलब्ध झाला आहे. 

दरम्यान, या नव्या बँक्वेट हॉलचे लोकार्पण दिनांक ३ नोव्हेंबर रोजी केंद्रीय राज्यमंत्री मुरलीधर मोहोळ, राज्याचे उच्च व तंत्रशिक्षण मंत्री चंद्रकांतदादा पाटील आणि म्हातोबा देवस्थानचे सर्व विश्वस्त मंडळ आणि कोथरुडकर ग्रामस्थांच्या उपस्थितीत सायं. ०५.०० वा. होणार आहे. तरी सदर कार्यक्रमास सर्वांनी आवर्जून उपस्थित राहावे, असे आवाहन म्हातोबा देवस्थान समितीच्या वतीने करण्यात आले आहे.

पुणे : मुलांना लहान वयात चांगली जीवनसत्त्व मिळणं आवश्यक असून, देशाचे पंतप्रधान माननीय नरेंद्र मोदी अतिशय आग्रही आहेत. त्यामुळे मुलांनी देखील आपल्या घरी नाचणीचे पदार्थासाठी आग्रह धरावा, असा कानमंत्र ना. चंद्रकांतदादा पाटील यांनी दिला. तसेच, कोथरुड मतदारसंघातील मुलांमध्ये पौष्टिक आहाराची गोडी लागावी यासाठी २२००० विद्यार्थ्यांना आठवड्यातून किमान एक दिवस नाचणीची बिस्किटे उपलब्ध करुन देण्याचा संकल्प त्यांनी यावेळी व्यक्त केला.

पंतप्रधान नरेंद्र मोदी यांच्या वाढदिवसानिमित्त देशभरात सेवा पंधरवडा साजरा करण्यात येत आहे. त्याअंतर्गत राज्याचे उच्च व तंत्र शिक्षण मंत्री चंद्रकांत पाटील यांच्या पुढाकारातून कोथरुड मतदारसंघातील शालेय विद्यार्थ्यांना पौष्टिक आहार मिळावा; यासाठी नाचणीची बिस्किटे उपलब्ध करुन देण्यात आली असून, या उपक्रमाचा शुभारंभ आज बाणेर मधील कै. बाबुराव बालवडकर प्राथमिक विद्यालयात झाला. यावेळी पाटील यांनी विद्यार्थ्यांशी मुक्त संवाद साधला.

पाटील म्हणाले की, प्रत्येक व्यक्तीला लहान वयात योग्य पोषक आणि पौष्टिक आहार मिळणे आवश्यक असते. देशाचे पंतप्रधान नरेंद्र मोदी देखील मुलांना लहान वयात चांगली जीवनसत्त्वे मिळावीत यासाठी सदैव आग्रही असतात. त्यामुळे विद्यार्थ्यांनी देखील फास्ट फूड ऐवजी पौष्टिक आहारासाठी पालकांकडे आग्रह धरला पाहिजे. जेणेकरून चांगली जीवनसत्त्वे मिळून शारिरिक विकासासाठी मदत मिळेल. 

या कार्यक्रमाला शाळेच्या शिक्षिका सुजाता वाघमारे, कल्पना बाबर, सुकेशनी मोरे, शोभा घोरपडे, भाजप कोथरुड उत्तर मंडल अध्यक्ष लहू बालवडकर, माजी नगरसेवक अमोल बालवडकर, माजी नगरसेविका ज्योती कळमकर, स्वप्नाली सायकर, भाजप नेते गणेश कळमकर, माजी अध्यक्ष सचिन पाषाणकर, भाजप नेते प्रकाशतात्या बालवडकर, राहुल कोकाटे, सरचिटणीस मोरेश्वर बालवडकर, सचिन दळवी, अस्मिता करंदीकर, अनिकेत चांधेरे, वैदेही बापट, मृणाल गायकवाड, स्मृती जैन, निकीता माथाडे, जागृती विचारे, स्नेहल सुतार यांच्यासह भाजपचे सर्व पदाधिकारी उपस्थित होते.

त्यामुळे मंत्री चंद्रकांत पाटील यांनी पुढाकार घेत; या पायऱ्यांची पुनर्बांधणी केली असून; घडीव दगडी पायऱ्या बांधण्यात आल्या आहेत. त्यामुळे मंदिर परिसराचे वैभव देखील वाढले असून; दर्शनासाठी जाणाऱ्या भाविकांना मोठा दिलासा मिळाला आहे.

चंद्रकांत पाटील म्हणाले की मंदिर हे सामाजिक ऐक्य आणि संस्कारांचं केंद्र आहे. त्यामुळे तिथे होणाऱ्या एकत्रिकरणातून सामाजिक ऐक्य जपले जाते. राज्याचा सार्वजनिक बांधकाम मंत्री असताना; अनेक मार्ग उभारले. पण मी लहानपणापासून ज्या देवस्थानात जायचो; त्या कोल्हापूरमधील तळे माऊली मंदिराकडे जाणारा मार्ग तयार केला.

ते पुढे म्हणाले की, कोथरुड मतदारसंघातील म्हातोबाचे मूळ ठिकाण असलेल्या एआरआय टेकडीवरील मंदिराकडे जाणाऱ्या पायऱ्यांची पुनर्बांधणी करण्याची मागणी सातत्याने होत होती. त्यामुळे हे काम करुन; म्हातोबांच्या चरणी अर्पण करतो. भविष्यात ही या परिसराच्या विकासासाठी एकात्मिक आराखडा तयार करावा; त्यासाठी आमदार निधीतून निधी उपलब्ध करून देऊ, अशी ग्वाही यावेळी दिली. दरम्यान, चंद्रकांत पाटील यांच्या पुढाकाराबद्दल म्हातोबा सेवक संघाच्या वतीने समाधान व्यक्त केले.

पुणे सारख्या महानगरात आज अनेकजण नौकरीच्या निमित्ताने परदेशात स्थाईक झाले आहेत. त्यांच्या आप्त स्वकीयांना एकटेपणामुळे मानसिक तथा दुर्धर आजारांना सामोरे जावे लागते. तर अनेकदा अपघात आणि इतर कारणाने अनेजण रुग्ण अंथरुणाला खिळतात. या रुग्णांची शुश्रूषा करणे बरीच अवघड गोष्ट असते. असे रुग्ण जास्त वेळ अंथरुणाला खिळल्याने ‘बेडसोल’ सारख्या समस्या निर्माण होत असते. त्यामुळे या रुग्णांची सुश्रूषा असते.

राज्याचे उच्च व तंत्रशिक्षण आणि संसदीय कार्य मंत्री चंद्रकांत पाटील यांच्या पुढाकारातून आणि कोथरूड मधील संजीवन हॉस्पिटल आणि एमक्युअर फार्माच्या माध्यमातून संजीवन केअर सेंटर सुरू करण्यात आले आहे. या उपक्रमाअंतर्गत असाध्य आजाराने ग्रस्त रुग्णांची वैयक्तिक स्वच्छता, औषधोपचार, उपचार, आहार, व्यायाम आदींची व्यवस्था करण्यात आली आहे. पहिल्या टप्प्यात ५० बेड्सचे हे केअर सेंटर कार्यान्वित करण्यात आले आहे. ‘ना नफा ना तोटा’ तत्वावर केवळ सेवाभावी वृत्तीने हे केअर सेंटर चालविण्यात येणार आहे.

चंद्रकांत पाटील हे अतिशय संवेदनशील मंत्री आहेत. एखादा विषय मनात आला की, तो पूर्ण करण्यासाठी ते झोकून देऊन काम करतात. दादांनी कोविड काळात कोथरुडकरांना अतिशय मोलाची मदत केली. त्यांच्या सारखे कार्य आजपर्यंत कोणत्याही लोकप्रतिनिधीनी केलेले नाही. सामान्य माणसाशी जोडले गेल्यानेच; समाजाची गरज ओळखून चंद्रकांतदादा आपले उपक्रम राबवित असतात, त्यातून सर्वांनाच प्रेरणा मिळते, अशी भावना महाराष्ट्र टेक्निकल एज्युकेशन सोसायटीचे अध्यक्ष पृथ्वीराजबाबा देशमुख यांनी व्यक्त केली.

एमक्युअरचे राजेश नायर म्हणाले की, समाजातील आंथरुणाला खिळलेल्या रुग्णांची सेवा करण्यासाठी हा उपक्रम सुरु होत आहे. आणि या उपक्रमात जोडलं जाणं हे अतिशय आनंदाचे आहे. संजीवन केअर सेंटरच्या माध्यमातून अशा गरजू रुग्णांची सेवा होईल, असा विश्वास व्यक्त केला.

पुणे : वाचन संस्कृतीच्या संवर्धनासाठी फिरते बालवाचनालयाचा उपक्रम अतिशय स्तुत्य असल्याचे प्रतिपादन प्रसिद्ध गायक डॉ. सलील कुलकर्णी यांनी केले. लहान मुलांमध्ये वाचनाची गोडी निर्माण व्हावी; या उद्देशाने मंत्री चंद्रकांतदादा पाटील यांच्या माध्यमातून कोथरुडमध्ये ‘फिरते मोफत बालवाचनालय’ सुरु करण्यात आले आहे. या उपक्रमाचा शुभारंभ प्रसिद्ध संगीतकार, गायक, लेखक डॉ. सलील कुलकर्णी यांच्या हस्ते अभिनव स्कूल येथे झाला. या कार्यक्रमात ते बोलत होते.

 यावेळी व्यासपीठावर अभिनव शाळेचे मुख्याध्यापक नंदकुमार नगरकर, उपमुख्याध्यापिका आणेकर, दुपार विभागाचे प्रमुख भालेराव सर, सावंत मॅडम, भाजपा पुणे शहर सरचिटणीस पुनीत जोशी, कोथरूड दक्षिण मंडलाचे अध्यक्ष डॉ संदीप बुटाला, कोथरूड उत्तरचे अध्यक्ष सचिन पाषाणकार, सरचिटणीस प्रा. अनुराधा येडके, दिपक पवार, विवेक मेथा, प्रभाग अध्यक्षा अँड. प्राची बगाटे, स्थानिक नगरसेवक माधुरी सहस्त्रबुद्धे, मंजुश्री खर्डेकर, जयंत भावे, दिपक पोटे, अमोल डांगे, दत्ता भगत, कुणाल तोंडे, दिनेश माथवड आदी मान्यवर उपस्थित होते.

यावेळी डॉ सलील कुलकर्णी यांनी उपस्थित विद्यार्थ्यांशी संवाद साधताना लहानपणातील आठवणींना उजाळा दिला. ते म्हणाले की, “बाल वय हे अतिशय संवेदनशील आणि संस्कारक्षम असते. लहान वयातच विद्यार्थ्यांना उत्तम दर्जाचे साहित्य, थोर व्यक्तींचे ग्रंथ, जीवनचरित्र वाचायला मिळाले, तर त्यांच्या जीवनामध्ये अमुलाग्र बदल घडतात. त्यांच्या जीवनाला एक दिशा मिळते. त्यामुळे वाचन संस्कृतीच्या संवर्धनासाठी फिरते बालवाचनालय हा अतिशय स्तुत्य उपक्रम आहे.”

कार्यक्रमाचे प्रास्ताविक करताना भाजपा कोथरुड मंडल दक्षिणचे अध्यक्ष डॉ संदीप बुटाला यांनी चंद्रकांतदादा पाटील यांच्या माध्यमातून कोथरुडमध्ये राबविण्यात येणाऱ्या विविध लोकोपयोगी उपक्रमांची माहिती दिली. सचिन पाषाणकार यांनी उपस्थितांचे आभार मानले. प्रा.अनुराधा येडके यांनी कार्यक्रमाचे सूत्रसंचालन केले.

दरम्यान, यावेळी डॉ. कुलकर्णी यांनी मुलांच्या आग्रहास्तव त्यांनी त्यांची खास गाजलेली गाणी ” अग्गोबाई-धग्गोबाई, दमलेला बाबा, एका माकडाने टाकलंय दुकान’ मुलांसमवेत गायली. या कार्यक्रमानंतर सर्व मुलांना खाऊ वाटप देखील करण्यात आले.

यावेळी भाजपा कोथरुड मंडल दक्षिणचे अध्यक्ष डॉ संदीप बुटाला, उत्तरचे अध्यक्ष सचिन पाषाणकर, प्रदेश चिटणीस ॲड. वर्षा डहाळे, पुणे शहर सरचिटणीस पुनीत जोशी, शहर उपाध्यक्ष शहर चिटणीस कुलदीप सावळेकर, कोथरूड मंडल सरचिटणीस वा महिला आघाडी च्या प्रभारी मंजुश्री खर्डेकर, प्रा. अनुराधा एडके, महिला मोर्चा अध्यक्षा कांचन कुंबरे, शहर उपाध्यक्ष प्रशांत हरसुले, प्रभाग क्रमांक १३ च्या अध्यक्षा ॲड. प्राची बगाटे, मा. नगरसेविका वासंती जाधव, नवनाथ जाधव, गिरीश भेलके, दुष्यंत मोहोळ, अमित तोरडमल यांच्या सह इतर मान्यवर उपस्थित होते. 

पाटील म्हणाले की, माझे वडील मुंबई मध्ये एका मिलमध्ये किटली बॉय होते. तर आई देखील तिथे मजुरी करायची. त्यामुळे आम्हा दोन्ही भावंडांनी गरीबीचे चटके सोसले आहेत. आई वडिलांना अतिशय काटकसर करुन घर चालवायला लागत असल्याने; आम्ही दोघेही बहिण -भाऊ लहानपणापासून कमवा आणि शिका तत्वावर शिक्षण पूर्ण केले. त्यामुळे कष्ट करुन मिळवलेले पैशांचे महत्व मला अधिक आहे. 

ते पुढे म्हणाले की, हिंदवी स्वराज्य संस्थापक छत्रपती शिवाजी महाराज यांनी स्वराज्य उभारणीची शपथ किल्ले रायरेश्वर येथील मंदिरात घेतली‌. या किल्ल्याच्या पायथ्याशी असलेल्या तिटेघर गावाला मी गेल्या काळात दत्तक घेतले होते. या गावातील महिलांनी स्वावलंबी व्हावे यासाठी अनेक उपक्रम राबविले. त्यापैकी काहींनी स्वतः पुढाकार घेऊन गोधडी निर्माण केली. त्यासाठी त्यांना कच्च्या मालासह सर्वतोपरी मदत केली होती. या महिलांनी तयार केलेली गोधडी अतिशय अप्रतिम होती. त्याची परदेशी पर्यटकांनाही भूरळ पडली. त्यामुळे याच्या विक्रीतून तिटेघर मधील महिलांना मोठ्या प्रमाणात आर्थिक लाभ झाला. कोथरुडमधील आर्थिक दृष्ट्या दुर्बल कुटुंबातील महिलांनीही आपल्या कुटुंबाला हातभार लावण्यासाठी जे काही करण्याची इच्छा असेल; ते अवश्य करावे. त्यासाठी सर्वतोपरी मदत करु, अशी ग्वाही दिली 

ते पुढे म्हणाले की, आपल्या देशाची लोकसंख्या १४० कोटींपर्यंत पोहोचली आहे. त्यातील ७० कोटी लोकसंख्येत महिलांचा समावेश आहे. त्यांना नेहमीच स्वावलंबी होण्याची इच्छा असते. मात्र, अनेकीच्या घरच्या आर्थिक परिस्थितीमुळे शक्य होत नाही. अशा महिलांना मदत करुन, जे आशीर्वाद मिळतात. त्यातून वेगळेच समाधान मिळते, अशी ही भावना त्यांनी यावेळी व्यक्त केली.

यावेळी शिलाई मशीन मिळाल्यानंतर सर्वही महिलांनी आनंद व्यक्त केला. चंद्रकांत पाटील यांच्या रुपात कोथरुडकरांना मोठा आधार मिळाला असल्याची भावना यावेळी सर्व ५० महिलांनी व्यक्त केली.‌ कार्यक्रमाचे प्रास्ताविक आणि सूत्रसंचालन नगरसेविका मंजुश्री खर्डेकर यांनी केले. तर भाजपा कोथरुड मंडल महिला मोर्चा अध्यक्षा कांचन कुंबरे यांनी आभार मानले.