विसर्जनासाठी हौद फिरवण्याचे नियोजनही करण्यात आले आहे, त्याचा मार्ग ठरवण्यात आला आहे पण त्या मार्गावर विसर्जनाचा हौद कोणत्या वेळेला येणार त्यावेळा नागरिकांना मिळालेल्या नाहीत. त्यामुळे विसर्जनाची तयारी कशी करावी असा प्रश्न नगरिकांपुढे पडला असल्याचे धुमाळ यांनी सांगितले. नागरिक याबाबत वारंवार फोन करून माहिती विचारत असल्याचे त्यांनी सांगितले. वास्तविक पाहता पहिल्याच दिवशी दिड दिवसाच्या गणपतीचे विसर्जनाचे नियोजन होणे आवश्यक होते पण तसे झालेले दिसत नाही. क्षेत्रीय कार्यालयातील संबंधित लोकांनाही याबाबत अजूनही माहिती मिळाली नसल्याचे त्यांनी सांगितले.
‎
‎याबाबत बोलताना पुणे महापालिकेचे उपायुक्त नितीन उदास म्हणाले,गणेश विसर्जनासाठी महापालिकेच्यावतीने फिरत्या विसर्जन हौदाची व्यवस्था करण्यात आली आहे.त्याचे वेळापत्रक उद्या सकाळी महापालिकेकडून जाहीर करण्यात येणार आहे. गणेश विसर्जनासाठी पालिकेकडून वाटप करण्यात येणाऱ्या पावडरचे प्रत्येक विभागातील आरोग्य कोटी मध्ये पावडर पोहोचवण्यात आली आहे.

आज सकाळपासूनच श्रींच्या आगमनाची तयारी जोरदार सुरु होती. मंडळाच्या व घरच्या गणेशाची प्रतिष्ठापना करण्यासाठी बालचमुपासुन ते मोठ्यापर्यंत सर्वांचीच लगबग सुरु होती. मात्र या सर्वच धावपळीत करोणाचे सावट जाणवत होते.
पुण्यातील मानाच्या कसबा गणपती, तांबडी जोगेश्वरी, गुरुजी तालीम, तुळशीबाग , केसरीवाडा आणि श्रीमंत दगडूशेठ हलवाई,अखिल मंडइ आदी प्रमुख मंडळांनी अत्यंत साध्या पध्दतीने आपल्या लाडक्या गणरायाची प्रतिष्ठापना करण्यात आली.
कोथरुड मधील संयुक्त भेलकेनगर मित्र मंडळ, कर्वे रस्त्यावरील जयदीप मंडळ,  कोथरुड गावातील समस्त गावकरी मंडळ, पौड रस्त्यावरील साई मित्र मंडळ, आझादनगर मित्र मंडळ, संगम मित्र मंडळ, नवभुमी मंडळ हि सर्वच मंडळी वाजत गाजत मिरवणूक काढतात. गणरायाची स्वागत करत असतात मात्र या वेळेस साध्या पद्धतीने विधीवत गणरायाची पूजा करत प्रतिष्ठापना करण्यात आली.

एरंडवण्यातील भैरवनाथ तरुण मंडळ, देशप्रेमी मित्र मंडळ,  राजबाग तरुण मंडळ, कर्वेनगर मधील विकास मित्र मंडळ, विठ्ठल रुक्मिणी मित्र मंडळ वारजेतील श्रीमंत राजयोग मित्र मंडळ यांनी विधीवत पुजा करत श्रींची प्रतिष्ठापना केली. महापालिकेच्या अहवालाला प्रतिसाद देत मंडळांनी मंडप घालने टाळले आहे.

सोशल मीडियावर अभिनेत्री सोनाक्षी सिन्हा हिच्या बाबतीत आक्षपार्ह पोस्ट करणाऱ्या एका तरुणाला मुंबई पोलिसांनी सायबर सेल मदतीने अटक केली आहे. सोनाक्षी हि सोशल मीडियावर अॅक्टीव्ह असते मात्र आता अशा आक्षपार्ह पोस्ट मुळे त्रास होऊ लागल्याने तिने अब बस मी हे सहन नाही करणार अशी मोहीम हाती घेतली असून सर्वांनी याबाबत एकत्र येऊन आवाज उठवण्याचे तीन्हे म्हंटले आहे. ऑनलाईन त्रास देणं हा एक गुन्हा असून अशा माथेफिरू लोकांना धडा शिकवण्याचे तिने ठरवले आहे. तिने घेतलेल्या या निर्णयाचे स्वागत होत असून अशा लोकांना शिक्षा झालीच पाहिजे असे मत व्यक्त केले जात आहे.

गणेशोत्सवात शहरामध्ये आणि ग्रामीण भागामध्ये कोरोना पसरू नये. यासाठी प्रशासनाने योग्य ती खबरदारी घेण्याच्या सूचनाही पवार यांनी दिल्या आहेत.
पवार यांच्या अध्यक्षतेखाली शुक्रवारी प्रशासकीय बैठक पार पडली. त्यावेळी महापौर मुरलीधर मोहोळ विभागीय आयुक्त सौरभ राव जिल्हाधिकारी डॉक्टर रमेश देशमुख जमाबंदी आयुक्त एस चोकलिंगम पुणे महापालिका आयुक्त विक्रमकुमार पिंपरी-चिंचवड महापालिका आयुक्त श्रावण हर्डीकर पोलीस आयुक्त के वेंकटेशम ग्रामीण पोलीस अधीक्षक संदीप पाटील आदी उपस्थित होते

सीबीआयच्या पथकाची वांद्र्याच्या डीसीपीसोबत भेट
सीबीआयच्या विशेष तपास पथकाने वांद्र्याचे डीसीपी अभिषेक त्रिमुखे यांची भेट घेतली. प्रोटोकॉलनुसार सुशांत प्रकरणाच्या तपासाबाबत त्यांची बातचीत झाली. सीबीआयने या प्रकरणाच्या तपासात आतापर्यंतची सर्व माहिती, फॉरेन्सिक पुरावे, शवविच्छेदन अहवाल, नोंदवलेले जबाब ताब्यात घेतले आहेत.

वारजे : वारजे येथील राजयोग सोसायटीतील श्रीमंत राजयोग गणेश मित्र मंडळाने करोना च्या पार्श्वभूमीवर यावर्षी श्री गणेशाची स्थापना मंडपात नव्हे तर मंदिरातच करण्याचा निर्णय घेतला असल्याचे मंडळाचे संस्थापक माजी नगरसेवक व शिक्षण मंडळाचे माजी अध्यक्ष बाबा धुमाळ यांनी सांगितले.

मंडळाच्याच माध्यमातून सामाजिक व राजकीय कारकिर्दीस सुरूवात झाली. त्यांच्यातूनच सर्व मंडळाचे कार्यकर्ते व इतर सहकारी यांच्या सहकार्याने पुणे महानगरपालिकेचा नगरसेवक झालो. त्यानंतर माझी पत्नी नगरसेविका झाल्या. नंतर मी स्वतः पुणे महानगरपालिकेच्या शिक्षण मंडळाचा सदस्य व दोनवेळा अध्यक्ष झालो. आता राष्ट्रवादी काँग्रेस पक्षाने पुन्हा माझी पत्नी सौ. दिपाली धुमाळ यांना नगरसेविका म्हणून काम करताना पुणे महानगरपालिकेच्या विरोधी पक्षनेते पदी बहुमोलाचं मानाचं पद दिलं. हे सर्व मानाची पदे ही मंडळाच्या माध्यमातून केलेल्या कामांची पावती असल्याचे धुमाळ यांनी म्हंटले आहे.

आपण आपली सामाजिक बांधिलकी जपली पाहिजे या मताशी मी नेहमीच ठाम असतो. यावर्षी मंडळाने निर्णय घेतला आहे प्रशासनाला सहकार्य होईल अशा पद्धतीने उत्सव साजरा करायचा. त्याचबरोबर गणेश चतुर्थीला स्थापनेच्या दिवशी व विसर्जना दिवशी कुठलीही मिरवणूक काढायची नाही.तसेच कसलाही डामडौल ठेवायचा नाही असा निर्णय घेण्यात आला आहे. सर्वांनीच यंदाचा गणेशोत्सव साध्या पद्धतीने साजरा करावा. श्री गणेश मुर्ती चे विसर्जन आपआपल्या घरी किंवा मंदिरे किंवा मंडपाच्या जागी करावे सार्वजनिक ठिकाणी गर्दी करू नये. असे आवाहन धुमाळ यांनी केले आहे.

३ सप्टेंबरपासून पीएमपीएमएल बस धावणार

पुणे : अनलॉक मध्ये जनजीवन पूर्ववत होत असताना पुणे आणि पिंपरी-चिंचवड करांसाठी आनंदाची बातमी आहे 3 सप्टेंबर पासून पी एम पी एल ची बस सेवा सुरू करण्यात येणार असल्याची माहिती पुण्याचे महापौर मुरलीधर मोहोळ यांनी दिली आहे.
तब्बल पाच महिन्यानंतर पीएमपीएल रस्त्यावर धावणार आहे.पुणे आणि पिंपरी चिंचवड या दोन्ही शहरातील सार्वजनिक वाहतूक सेवा सुरू करण्याचा निर्णय पीएमपीएल प्रशासनाने घेतला आहे याबाबत पुणे आणि पिंपरी-चिंचवड शहरातील सार्वजनिक वाहतूक सुरू करण्याचे पार्श्वभूमीवर पुणे महापालिकेत बैठक पार पडली.

अशोक चव्हाणांच्या जबाबदारीत वाढ

मुंबई : मराठा आरक्षण मुद्द्यावरुन कॉंग्रेसचे ज्येष्ठ नेते अशोक चव्हाण यांना उपसमितीवरुन हटवण्याची मागणी विरोधकांकडून होतेय. दरम्यान अशोक चव्हाण नाराज असल्याच्या देखील चर्चा होत्या. पण याच पार्श्वभुमीवर त्यांच्या जबाबदारीत वाढ करण्यात आलीय.

मराठा आरक्षणाबरोबर मराठा समाजातील इतर प्रश्न हाताळण्याची जबाबदारी अशोक चव्हाण यांच्या अध्यक्षतेखालील उपसमितीकडे मिळाले आहे.

उपसमितीकडे आतापर्यंत केवळ मराठा आरक्षणाचा विषय होता. मात्र मुख्यमंत्री उद्धव ठाकरे यांनी या समितीकडे मराठा समाजाचे इतर विषय हाताळण्याचीही जबाबदारी दिली आहे.

एकीकडे अशोक चव्हाण यांना मराठा आरक्षण उपसमितीवरून हटवण्याची मागणी मराठा समन्वय समितीचे अध्यक्ष विनायक मेटे यांनी केली असताना मुख्यमंत्र्यांनी अशोक चव्हाण यांच्या जबाबदारीत वाढ केली आहे.

मुंबई : चालू शैक्षणिक वर्षाकरीता सध्या सुरु असलेल्या औद्योगिक प्रशिक्षण संस्थांमधील (आयटीआय) केंद्रीय ऑनलाईन प्रवेश प्रक्रियेस ३१ ऑगस्टपर्यंत मुदतवाढ देण्यात येत असल्याची माहिती कौशल्य विकास मंत्री नवाब मलिक यांनी दिली.
ही मुदत २१ ऑगस्ट रोजी संपणार होती. आयटीआय प्रवेश प्रक्रिया १ ऑगस्टपासून सुरू आहे. राज्यातील ४१७ शासकीय व ५६९ खाजगी औद्योगिक प्रशिक्षण संस्थांमधील ८४ व्यवसाय अभ्यासक्रमांच्या एकूण ६ हजार ८६८ तुकड्यांमधून एकूण १ लाख ४५ हजार ६३२ जागा प्रवेशासाठी उपलब्ध आहेत.
यापैकी अमरावती विभागात १७ हजार ९८४, औरंगाबाद विभागात १९ हजार २४४, मुंबई विभागात १९ हजार ९४८, नागपूर विभागात २८ हजार १३६, नाशिक विभागात २९ हजार ५००, पुणे विभागात ३० हजार ८२० जागा प्रवेशासाठी उपलब्ध आहेत. यासाठी १९ ऑगस्टपर्यंत २ लाख ५५ हजार ८०३ विद्यार्थ्यांनी नोंदणी केली आहे.
त्यापैकी २ लाख २१ हजार ५८५ विद्यार्थ्यांनी शुल्क अदा केले असून त्यापैकी २ लाख ०७ हजार २८५ विद्यार्थ्यांनी प्रवेशासाठीचे विकल्पही भरले आहेत. नोंदणी केलेल्या एकूण विद्यार्थ्यांपैकी ४८ हजार ५१८ विद्यार्थ्यांनी अद्यापही प्रवेश अर्ज भरण्याची कार्यवाही पूर्ण केली नसल्याचे निदर्शनास येत आहे.
ऑनलाईन अर्ज भरण्यासाठी विद्यार्थ्यांना अडचण आल्यास त्यांनी https://admission.dvet.gov.in या संकेतस्थळावर दिलेल्या कॉलसेंटरची मदत घ्यावी. तसेच आवश्यकता भासल्यास नजिकच्या आयटीआय संस्थेशी संपर्क साधून ऑनलाईन प्रवेश अर्ज पूर्ण करण्याचे आवाहन विद्यार्थ्यांना करण्यात आले आहे. कौशल्य विकासाच्या माध्यमातून स्वत:चे जिवनमान उंचावण्यासाठी उपलब्ध संधीचा जास्तीत जास्त विद्यार्थ्यांनी लाभ घ्यावा, असे आवाहन मलिक यांनी केले आहे.