सुप्रिया सुळे यांच्यासह राष्ट्रवादी शरद पवार गटाचे आठ खासदार पंतप्रधान मोदी यांची भेट घेणार आहेत. महाराष्ट्रातील सध्याची पाणीटंचाईची परिस्थिती, तसेच विकासाच्या चौकटीतील विविध प्रश्नांवर या भेटीत चर्चा होणार असल्याचे सुळे यांनी सांगितले.

“महाराष्ट्रात सध्या पाण्याचा गंभीर प्रश्न निर्माण झाला आहे. विकासाच्या दृष्टीने आमच्या खासदारांचे अनेक प्रश्न आहेत. या प्रश्नांवर चर्चा करण्यासाठी आम्ही पंतप्रधान नरेंद्र मोदी यांची भेट घेणार आहोत,” अशी माहिती सुप्रिया सुळे यांनी दिली.

मात्र, या भेटीच्या पार्श्वभूमीवर राजकीय चर्चांनाही वेग आला आहे. नुकतेच ठाकरे गटातून शिंदे गटात गेलेल्या खासदारांनीही पंतप्रधान मोदींची भेट घेतली होती. त्यानंतर आता शरद पवार गटाचे आठ खासदार मोदींची भेट घेणार असल्याने या भेटीकडे राजकीयदृष्ट्याही पाहिले जात आहे.

दरम्यान, पत्रकार परिषदेत सुप्रिया सुळे यांनी प्रस्तावित डिलिमिटेशन बिलावरही भाष्य केले. “डिलिमिटेशनचं बिल अद्याप आलेलं नाही. आमची दररोज सकाळी इंडिया अलायन्सची बैठक होते. चर्चा करूनच आम्ही भूमिका घेतो,” असे सुळे यांनी स्पष्ट केले.

त्यामुळे सोमवारी होणारी पंतप्रधान नरेंद्र मोदी आणि राष्ट्रवादी शरद पवार गटाच्या आठ खासदारांची भेट नेमकी कोणत्या दिशेने जाते, याकडे महाराष्ट्राच्या राजकीय वर्तुळाचे लक्ष लागले आहे.

कोथरूड : कोथरूड मध्ये रविवार दिनांक २१ सप्टेंबर २०२५ रोजी भव्य वॉकेथॉनचे आयोजन करण्यात आले असून त्याची तयारी जोरात सुरू आहे. पंतप्रधान नरेंद्र मोदी यांच्या वाढदिवसाच्या निमित्ताने हा वॉकेथॉन घेण्यात येत आहे.

पंतप्रधान नरेंद्र मोदी यांचा ७५ वा वाढदिवस देशात विविध उपक्रमांचे आयोजन करून साजरा केला जात आहे. त्याचाच एक भाग म्हणून भव्य कोथरूड वॉकेथॉनचे आयोजन केले गेले आहे. या उपक्रमात मोठ्या संख्येने कोथरूडकरांनी सहभागी व्हावे असे आवाहन आयोजक अमित तोरडमल व श्वेता अमित तोरडमल यांनी केले आहे.

केंद्रीय नागरी हवाई उड्डाण व सहकार राज्यमंत्री मुरलीधर मोहोळ, उच्च तंत्र शिक्षण मंत्री चंद्रकांत पाटील व आमदार भीमराव तापकीर यांच्या हस्ते हिरवा झेंडा दाखवून या वॉकेथॉनला सुरुवात होणार आहे. या वॉकेथॉनला कोथरूडमधील शांतीबन गणेश मंदिरापासून सकाळी ७ वाजता सुरुवात होणार असून महेश विद्यालय मैदान, कुमार परिसर रोड कोथरूड येथे सांगता होणार आहे.  सर्व सहभागींना टी-शर्ट मेडल्स सर्टिफिकेट्स देण्यात येणार असल्याचे आयोजक अमित तोरडमल यांनी सांगितले.

देशाचे यशस्वी पंतप्रधान नरेंद्रजी मोदी यांच्या ७५ व्या वाढदिवसानिमित्त “सेवा पंधरवडा” उपक्रमांतर्गत
“स्वच्छ कोथरूड – स्वस्थ कोथरूड” हा संकल्प प्रत्यक्षात आणण्यासाठी या भव्य कोथरूड वॉकेथॉन २०२५ स्पर्धेचे आयोजन करण्यात आले आहे. 

आयोजक : श्वेता अमित तोरडमल

पुणे : आयटी हब आणि शिक्षणाचे माहेरघर असलेल्या पुण्याला येणाऱ्या काळात देशातील पहिले कनेक्टिव्हिटी शहर बनवणार असल्याचे पंतप्रधान नरेंद्र मोदी यांनी आज  जाहीर केले.

विधानसभा निवडणुकीच्या पार्श्वभूमीवर देशाचे पंतप्रधान नरेंद्र मोदी यांची आज पुण्यातील स प महाविद्यालयाच्या मैदानावर प्रचार सभा पार पडली. या सभेत मोदी यांनी काँग्रेसच्या धोरणांवर कडाडून टीका केली. यावेळी उपमुख्यमंत्री अजित पवार, केंद्रीय नागरी हवाई उड्डाण मंत्री मुरलीधर मोहोळ, रामदास आठवले, खासदार मेधा कुलकर्णी, प्रकाश जावडेकर, नीलम गोऱ्हे व महायुतीचे पुणे शहर जिल्ह्यातील उमेदवार व्यासपीठावर उपस्थित होते.

छत्रपती शिवाजी महाराजांच्या पुण्यभूमीत औरंगजेबाचे कौतुक केले जाते अशा शब्दात नरेंद्र मोदी यांनी विरोधकांवर निशाणा साधला. यावेळी मोदी यांनी पुणे शहरातील विकास कामाबद्दल भूमिका मांडली.  पुण्याला कनेक्टिव्हिटी शहर बनवणार असल्याचे त्यांनी यावेळी सांगितले.

मोदी म्हणाले, पुणे कायम भाजपचा विचारांचे समर्थन करणारे राहिले आहे. पुण्यातील जनतेचे मी आभार मानतो. येणारी पाच वर्षे हे विकासाच्या दृष्टीने उड्डाण घेणारी असणार आहेत. पुण्यात गुंतवणुकी सोबतच पायाभूत सुविधा, औद्योगीकरण केले जाईल. त्यासाठी आम्ही प्रत्येक गोष्टीवर काम केले असून महाराष्ट्रात परकीय गुंतवणुकीत विक्रमी वाढ झाली आहे. त्यात पुण्यात मोठे गुंतवणूक होत आहे असा विश्वास मोदी यांनी व्यक्त केला.

पुण्यात इलेक्ट्रॉनिक आणि आयटी क्षेत्रात गुंतवणूक झाली आहे. कंपन्यांची संख्या वाढली आहे. या स्टार्टअप चा पुण्यातील युवकांना फायदा झाला असून रोजगाराच्या अनेक संधी उपलब्ध झाल्या आहेत. पुण्यात मेट्रोचा विस्तार केला जात आहे त्यासोबतच रिंग रोडसाठी चाळीस हजार कोटी रुपये खर्च केले जात आहेत  खोपोली खंडाळा मिसिंग लिंक साठी साडे सहा हजार तर बाह्य वर्तुळाकार रस्त्यांसाठी साडेदहा हजार कोटी रुपये खर्च केले जात आहेत. असे मोदी यांनी सांगितले.

इंडिया आघाडीच्या बैठकीसाठी मुंबईत दाखल होताच राहुल गांधी यांनी ग्रँड हयात या हॉटेलमध्ये पत्रकार परिषद घेतली. या पत्रकार परिषदेत राहुल गांधी म्हणाले, जगभरातील वर्तमानपत्रं अदाणी प्रकरणावर जे काही प्रसिद्ध करत आहेत, ते पंतप्रधान नरेंद्र मोदींवर प्रश्न उपस्थित करत आहेत. यावेळी राहुल गाधी यांनी तीन आंतरराष्ट्रीय वर्तमानपत्रांची कात्रणं दाखवली आणि त्यामध्ये केलेले दावे वाचून दाखवले.

राहुल गांधी म्हणाले, अदाणी यांच्या कंपनीच्या माध्यमातून एक बिलियन डॉलर्स भारतातून वेगवेगळ्या देशात गेले आणि ते वेगवेगळ्या मार्गाने परत आले. त्या पैशांचा वापर करून अदाणी यांनी त्यांच्या शेअर्सच्या किंमतीत फेरफार केला. त्यातून त्यांना जो फायदा झाला, त्याच फायद्यातून ते आता देशात विमानतळं, बंदरं खरेदी करत आहेत. देशातल्या पायाभूत सुविधा ते खरेदी करत आहेत. आत्ताच इथे धारावीत त्यांना मोठा प्रकल्प मिळाला आहे.

अदाणी हे त्यांच्या परदेशी भागीदारांबरोबर मिळून देशातल्या संस्था, पायाभूत सुविधा विकत घेत असताना आपले पंतप्रधान नरेंद्र मोदी शांत का बसले आहेत? ते याप्रकरणी काहीच का करत नाहीत? या वर्तमानपत्रांनी पंतप्रधान मोदींवर संशय व्यक्त केला आहे. अदाणींच्या कंपनीत पैसा कोणाचा आहे? तो पैसा अदाणींचा आहे की आणखी कोणाचा आहे? जर तो अदाणींचा नसेल तर मग तो नेमका कोणी गुंतवला आहे? याची उत्तरं मिळाली पाहिजेत.

आपल्या देशातल्या ज्या तपास यंत्रणा आहेत, त्या स्वस्थ का बसल्या आहेत? सीबीआय, ईडीसारख्या संस्था अदाणी प्रकरणाचा तपास का करत नाहीत? या संस्था अदाणी यांची चौकशी का करत नाहीत? असे अनेक प्रश्न राहुल गांधी यांनी यावेळी उपस्थित केले.

राहुल गांधी म्हणाले, या सगळ्या कामात गौतम अदाणी यांचा भाऊ विनोद अदाणी हा मास्टरमाईंड आहे. त्यांचे दोन भागीदार आहेत. यापैकी एक म्हणजे नसमी अली शबान अली आणि दुसरा चांग चुंग लींग हा एक चिनी नागरिक आहे. एकीकडे गौतम अदाणी हे या परदेशी व्यावसायिकाबरोबर मिळून भारतातल्या संस्था, विमानतळं, बंदरं आणि पायाभूत सुविधा विकत घेत आहेत, भारतातल्या शेअर बाजाराची दिशाभूल करत आहेत. दुसऱ्या बाजूला ते चिनी व्यावसायिकाबरोबर भागीदारी करत आहेत. हा राष्ट्रीय सुरक्षेचा विषय आहे. कारण अदाणी यांची कंपनी देशाच्या संरक्षण विभागात, बंदरांच्या क्षेत्रात काम करत आहे.

राहुल गांधी यांनी यावेळी तिसरा आणि महत्त्वाचा प्रश्न उपस्थित केला. राहुल गांधी म्हणाले, मागे सेबीद्वारे गौतम अदाणी यांची चौकशी करण्यात आली आणि नंतर त्यांना क्लीन चिट देण्यात आली. सेबीच्या ज्या अधिकाऱ्याने अदाणी यांना क्लीन चिट दिली, तोच आता गौतम अदाणी यांच्या एनडीटीव्ही या वृत्तवाहिनीचा संचालक झाला आहे. हे सगळं त्यांचं जाळं आहे. हे सगळेजण मिळून देशाची फसवणूक करत आहेत. देशाची संपत्ती विकत घेत आहेत, पंतप्रधान मोदी मात्र यावर गप्प आहेत. ते या प्रकरणी शांत का बसले आहेत? सीबीआय, ईडीसारख्या संस्था स्वस्थ का बसल्या आहेत? अदाणी प्रकरणाचा तपास अथवा त्यांची साधी चौकशीसुद्धा का केली जात नाही?

काँग्रेसचे चव्हाण, भाजपचे देवेंद्र फडणवीस, महाविकास आघाडीचे उध्दव ठाकरे आणि आता एकनाथ शिंदे सरकार या सगळ्यांनीच या अहवालाकडे डोळेझाक केल्याची भावना सामान्य माणूस बोलून दाखवू लागला आहे. विकासाच्या नावाखाली पर्यावरणाचा ऱ्हास होत असल्याचे आणि त्यात सामान्य माणूस, आदिवासी उध्वस्त होऊ लागल्याची व त्यांचे जीव जाऊ लागल्याची ही खंत आहे.

गाडगीळ यांनी पश्चिम घाटातील दऱ्या-खोऱ्यात फिरून तयार केलेला हा अहवाल २०११ मध्ये सरकारला सादर केला. पश्चिम महाराष्ट्र, कोकणातील पर्यावरणद्रुष्ट्या संवेदनशील भागात मानवाने हस्तक्षेप करू नये, अशी अपेक्षा त्यांनी व्यक्त केली आहे. दगड खाणींबाबत आणि रस्ते तयार करण्याबाबत काही सूचना केल्या आहेत. विविध सरकारांनी मात्र या अहवालाकडे पूर्णपणे दुर्लक्ष केले आहे.

पर्यावरण शास्त्रज्ञ माधवराव गाडगीळ म्हणाले की, दरड कोसळण्याच्या घटना महाराष्ट्रापासून केरळपर्यंत घडत आहेत. पर्यावरणातील मानवी हस्तक्षेपामुळे गेल्या दहा वर्षात अशा घटना होण्याचे प्रमाण १०० पटींनी वाढले आहे. दगड खाणी, रस्त्यामुळे अशा घटना वाढत आहेत. अहवालात म्हटल्याप्रमाणे पश्चिम घाटातील संवेदनशील भागात, दुर्मिळ वनस्पती, निसर्गात ढवळाढवळ करणे थांबवावे लागेल.

नाना पटोले यांनी या अहवालाच्या अंमलबाजवणीबाबत सर्व सरकारे याबाबत कमी पडल्याची खंत अधिवेशनात बुधवारी व्यक्त केली. ते म्हणाले, “माधवराव गाडगीळ समितीच्या अहवालाचे गांभीर्य एखादी घटना घडल्यानंतर आपल्याला समजते. त्यांनी अहवालाच्या माध्यमातून दिलेल्या सूचनांचा बोध घेणे आवश्यक आहे. सरकार घटना घडल्यानंतर उपाययोजना करते, मात्र अशा घटना घडूच नये यासाठी गाडगीळांनी दिलेल्या अहवालाची अंमलबाजणी करणे गरजेचे आहे.

उपमुख्यमंत्री देवेंद्र फडणवीस यांनी गाडगीळांनी दिलेल्या सूचनांची राज्यात अंमलबजावणी झाल्याची माहिती दिली. ते म्हणाले, “गाडगीळ समितीने दिलेल्या अहवालानुसार आपल्याला पश्चिम घाटांतील गावांचे मॅपिंग करायचे होते. मुख्यमंत्री होतो त्यावेळी सर्व प्रक्रिया पूर्ण केली. हा अहवाल संपूर्ण पश्चिम घाटासाठी होता. त्यातील राज्यातील शंभर टक्के गावांबाबत प्रक्रिया पूर्ण केली आहे. प्रत्येक गावाचा कोअर आणि बफर झोन निश्चित केला आहे. त्याचा अहवाल आपण केंद्राकडे पाठवला आहे. इतर राज्यात ही प्रक्रिया अद्याप पूर्ण झालेली नाही.”

आज भारतात एक स्थिर सरकार आहे. अनेक वर्षांनी भारतात राजकीय गोंधळ नाही. राष्ट्रहिताचे निर्णय घेणारं आपलं हे सरकार आहे. आपल्या देशातले बदल हे सक्तीने होत नाहीत. तर काळाची गरज आहे म्हणून होत आहेत. करोना काळात मेड इन इंडिया लस तयार झाली. भारताने जगातलं सर्वात मोठी लसीकरण मोहीम राबवली. आपल्या देशाने १५० पेक्षा जास्त देशांना आपण औषधं पोहचवली, लस पोहचवली. भारतातले अनेक देश असे आहेत ज्यांना भारताविषयी कृतज्ञता वाटते. करोना काळात भारताने अभिमानास्पद कामगिरी केली. एक काळ असा होता जेव्हा छोट्या छोट्या गोष्टींसाठी भारतात वाट बघावी लागायची आज टेक्नॉलॉजीच्याबाबतीत आपण स्वयंपूर्ण झालो आहोत हे देखील पंतप्रधान नरेंद्र मोदी यांनी म्हटलं आहे. अनेकांना मी काय म्हणतो आहे ते समजण्यास थोडा वेळ लागेल असा टोलाही पंतप्रधान नरेंद्र मोदी यांनी विरोधकांना लगावला.

आज भारताच्या समृद्धीमध्ये जग आपली समृद्धी पाहतं आहे. निराशेच्या गर्तेत बुडालेले काही लोक आपल्या देशाची प्रगती पाहूच शकत नाहीत सहन करू शकत नाहीत. भारताच्या १४० कोटी लोकांच्या शक्तीमुळेच आज देशाचा डंका जगभरात वाचतो आहे. गेल्या ९ वर्षात ९० हजार स्टार्ट अप्स सुरू झाले आहेत. स्टार्ट अप विश्वात आपण तिसऱ्या क्रमांकावर आहोत. आज भारत जगभरात मोबाइलच्या निर्मितीतला दुसरा देश आहे. डोमेस्टिक विमान प्रवासाच्या बाबतीत आपण तिसऱ्या क्रमांकावर आहोत या सगळ्या बाबी आपल्यासाठी अभिमानास्पद आहेत यात माझ्या मनात काहीही शंका नाही असंही पंतप्रधान नरेंद्र मोदी यांनी म्हटलं आहे. आपल्या देशातल्या प्रत्येक क्षेत्रात मला आशा आणि स्वप्नं दिसत आहेत. आपली स्वप्नं आणि संकल्प घेऊन लोक पुढे जातो आहे. मात्र लोकसभेत काही लोक खूप निराशेत बुडून गेले आहेत. ही निराशा अशीच आलेली नाही. यामागे एक कारण आहे. जनतेने आम्हाला इथे बसवलं आहे एकदा नाही दोनदा बसवलं आहे.

२००४ ते २०१४ या कालावधीत भारतीय अर्थव्यवस्थेचं कंबरडं मोडलं होतं. आता याच लोकांना मळमळ होते आहे, निराशा होते आहे. ज्यांनी बेरोजगारी दूर करण्याची वचनं दिली होती ते काहीही करू शकले नाहीत असंही पंतप्रधान नरेंद्र मोदी यांनी म्हटलं आहे.

तळातील व्यक्तीला आदर दिला तर…

आयआयटी येथे ग्लोबल लिडरशीप समिटचे उद्घाटन गडकरी यांच्या हस्ते झाले. त्यावेळी त्यांनी ही टिप्पणी आणि आयुष्यात कोणत्या गोष्टी महत्त्वाच्या आहेत याबाबत विद्यार्थ्यांना कानमंत्र दिला. त्यावेळी संस्थेचे संचालक शुभाशिष चौधरी उपस्थित होते. कोणत्याही प्रकल्पाचे यश हे माणसांमध्ये निर्माण होणाऱ्या नात्यांवर अवलंबून असते. राजकारण असो किंवा उद्योग जोडलेली माणसे हेच बलस्थान असते. नेत्याचे अगदी तळातील व्यक्तीशी चांगले संबंध असतील, अगदी तळातील व्यक्तीलाही आदर दिला तर कार्यक्षमता वाढते, असा कानमंत्र त्यांनी दिला.

जोडलेली माणसे ही संपत्ती

जोडलेली माणसे ही संपत्ती असते. ती तुम्हाला यशापर्यंत पोहोचवतात. माझ्या माणसांनीच मला कायम यश मिळवून दिले. येत्या निवडणुकीतही मी कुठेही छायाचित्र लावणार नाही, फलक लावणार नाही, कुणाला काही देणार-घेणार नाही तरीही लाखो मतांनी निवडून येईन, असे गडकरी यांनी सांगितले.

तंत्रज्ञान विकसित करताना…

डिग्री सुशिक्षित करते, सुसंस्कृत नाही. तत्वे ही शिक्षणाइतकीच किंबहुना अधिक महत्वाची आहेत, असे सांगून त्यांनी समाजाभिमुख संशोधन करण्याचे आवाहन केले. तुमचे ज्ञान, तंत्रज्ञानाचा प्रभावी वापर यातूनच या देशाचे पुननिर्माण होईल. मात्र, तंत्रज्ञान विकसित करताना ते सामाजिक गरजेनुसार विकसित होणे आवश्यक आहे. कोणत्या भागात काय पिकते, कोणता कच्चा माल मिळू शकतो याचाही विचार उत्पादन करताना होणे गरजेचे आहे. त्याचबरोबर उत्पादन हे किफायतशीर असणेही गरजेचे असते. या सगळय़ाचा विचार करून संशोधन आणि त्यानंतर संशोधन हे उत्पादनापर्यंत पोहोचायला हवे, असे ते म्हणाले.

पंकजा मुंडे म्हणाल्या, “आपण आगामी निवडणुका लढताना काही बदल करुयात. ही निवडणूक पारंपारिक पद्धतीने न लढता वेगळ्या विषयावर निवडणूक लढू. जात-पात, पैसा-अडका, प्रभाव यापलिकडे जाऊयात. पंतप्रधान नरेंद्र मोदींना वंशवादाचं राजकारण संपवायचं आहे. मीही वंशवादाचं प्रतिक आहे, पण मला कुणीही संपवू शकत नाही. मी जनतेच्या मनावर राज्य केलं, तर मोदींनीही मला संपवायचं ठरवलं तरी ते मला संपवू शकत नाही.”

“आपल्याला राजकारणात स्वच्छता आणायची आहे. त्यासाठी आपल्याला राजकारणात बदल करावे लागतील. त्यासाठी प्रत्येकाच्या घरी पैसे छापण्याचं मशीन नाही की, पैसे छापा आणि राजकारणावर खर्च करा. सध्या राजकारण करमणुकीचं साधन व्हायला लागलं आहे. गणेशमंडळ करा, नवरात्री, दांडीया करा, गरबा करा, नाटक बोलवा, तमाशा बोलवा. अरे काय चाललं आहे हे? हे आमचं काम नाही,” असं मत पंकजा मुंडेंनी व्यक्त केलं.

“जयप्रकाश नारायण, अटलबिहारी वाजपेयी यांना हे अपेक्षित नाही. माझं काम संस्कृती जपणं आहे हे मान्य आहे. मात्र, माझं काम देशाला काही तरी देणंही आहे. असाच प्रत्येकाने विचार केला पाहिजे, असं मला वाटतं,” असंही पंकजा मुंडेंनी नमूद केलं.

जगद्गुरू संत तुकाराम महाराजांच्या शिळा मंदिराच्या लोकार्पण सोहळयात ते बोलत होते. पंतप्रधान नरेंद्र मोदी यांनी संत तुकाराम महाराजांना नमन केले. मोदी म्हणाले की, पूर्ण देशात प्रसाद योजनेंतर्गत तीर्थस्थळे आणि पर्यटनस्थळाचा विकास केला जात आहे. डॉ. बाबासाहेब आंबेडकर यांच्या पंचतीर्थांचा विकास झाला आहे. आंबेडकर यांचे जन्मस्थळ असलेले महू असेल किंवा लंडनमधील त्यांच्या घराचे स्मारकात रुपांतर, मुंबईतील चैत्यभूमीचे काम, नागपूरमधील दीक्षाभूमीचे आंतरराष्ट्रीय स्तरावर विकसित करण्याचे काम असो किंवा दिल्लीमधील महापरिनिर्वाण झालेल्या ठिकाणी मेमोरियलचे निर्माण असेल हे पंचतीर्थ नव्या पिढीला बाबासाहेबांची ओळख करुन देत आहेत. संत तुकाराम म्हणायचे की योग्य दिशेने सर्वांचे प्रयत्न असतील तर अशक्य गोष्ट शक्य करुन दाखवता येते. स्वातंत्र्याच्या ७५ व्या वर्षानिमित्त देशाने आपले संकल्प शंभर टक्के पूर्ण करण्याचा संकल्प केला आहे.

स्वातंत्र्यवीर सावरकांना शिक्षा झाली. तेव्हा ते तुरुंगात तुकाराम महाराजांचे अभंग गात असत. वेगवेगळा कालखंड वेगवेगळ्या व्यक्ती आहेत. मात्र या सर्वांसाठी संत तुकाराम यांची वाणी आणि उर्जा सर्वांसाठी प्रेरणादायी ठरलेली आहे. आता आषाढामध्ये पंढरपूरची यात्रा सुरु होणार आहे. चारधाम यात्रा असो, अमरनाथ यात्रा असो या यात्रा आपल्यासाठी एक उर्जास्त्रोत आहेत. याच यात्रांच्या माध्यमातून एक भारत श्रेष्ठ भारताच्या भावनेला जिवंत ठेवलेलं आहे. विविधता असताना भारत हजारो वर्षांपासून एका राष्ट्राच्या रुपात उजूनही उभा आहे. आपल्या राष्ट्रीय एकतेला मजबूत करण्यासाठी आपले काही कर्तव्य आहे. आपण आपली प्राचीन ओळख आणि परंपरा यांना चैतन्यपूर्ण ठेवलं पाहिजे.

आज देश सबका साथ सबका विकास सबका विश्वास सबका प्रयास या मंत्रावर चालतो आहे. सरकारच्या प्रत्येक योजनेचा लाभ कोणताही भेदभाव न करता सर्वांनाच मिळतोय. देशात महिला सबलीकरणासाठी प्रयत्न केला जातोय. पंढरपूरची वारी ही संधीच्या समानतेचं प्रतिक आहे. संत तुकाराम महाराज म्हणायचे की जे का रंजले गांजले त्यासी म्हणे जो आपुले तोची साधू ओळखावा देव तेथेची जाणावा म्हणजेच समाजात शेवटी बसलेल्या व्यक्तीला आपले समजून त्यांचे कल्याण करणे हेच संताचे लक्ष्य आहे. हाच देशासाठी संकल्प आहे. हाच संकल्प घेऊन देश पुढे जातोय. दलित, आदिवासी, मजूर यांचे कल्याण करणे ही प्राथमिकता आहे.

भेदभाव करणे पाप

आज येथे संत चोखामेळा तसेच त्यांच्या परिवाराने रचलेल्या सार्थ अभंगाथेचे माझ्या हस्ते प्रकाशन करण्याचे मला सौभाग्य लाभले. या सार्थ अभंग गाथेमध्ये संत परिवाराच्या ५०० पेक्षा जास्त अभंग रचनांना सोप्या भाषेत अर्थासहित सांगण्यात आल्या आहेत. संत तुकाराम सांगायचे की समाजात उच्च- नीचतेचा भेदभाव करणे पाप आहे. त्यांचा हा उपदेश भक्तीसाठी जेवढा महत्त्वाचा आहे तेवढाच हा उपदेश राष्ट्रभक्ती तसेच समाजासाठी महत्त्वाचा आहे.

संत तुकाराम महाराज यांच्यातील दया, करुणा तसेच सेवा त्यांच्या अभंगांच्या रुपात आजही आपल्यासोबत आहे. या अभंगांनी आपल्या अनेक पिढ्यांना प्रेरणा दिली आहे. ज्याचा भंग होत नाही. जो वेळेनुसार शास्वत आणि प्रासंगिक असतो तोच अभंग असतो. आज देश सांस्कृतिक मूल्यांवर पुढे जात आहे. यावेळी संत तुकाराम यांचे अभंग आपल्याला उर्जा देत आहेत. मार्ग दाखवत आहेत. संत नामदेव, संत एकनाथ, संत सावता महाराज, संत नरहरी महाराज, संत सेना महाराज, संत गोरोबाकाका, संत चोखामेळा यांच्या अभंगांमधून आपल्याला नव्याने प्रेरणा मिळते.

भारत ही संतांची भूमी

देश आपल्या स्वातंत्र्यांचा अमृतमहोत्सव साजरा करत आहे. आपण जगातील प्राचीन संस्कृतीपैकी एक आहोत. याचे श्रेय भारत देशातील संत परंपरा तसेच ऋषींना आहे. भारत ही संतांची भूमी असल्यामुळे हा देश शास्वत आहे. प्रत्येक युगामध्ये आपल्याकडे देश तसेच समाजाला दिशा देण्यासाठी कोणीतरी महान व्यक्ती आलेला आहे. आज देश संत कबीरदास यांची जयंती साजरी करतोय. संत ज्ञानेश्वर महाराज, संत ज्ञानेश्वर महाराजांच्या समाधीचे हे ७२५ वे वर्ष आहे. या महान व्यक्तींनी आपल्या शास्वततेला सुरक्षित केलं. भारताला गतीशील ठेवलं.

आज संत तुकाराम महाराजांच्या मंदिराचे लोकार्पण करण्याचे मला सौभाग्य लाभले. ज्या शिळेवर तुकाराम महाराजांनी १३ दिवसांपर्यंत तपश्चर्य केलेली असेल, जी शिळा तुकाराम महाराजांचे वैराग्याची साक्षीदार झालेली आहे. मी ही शिळा म्हणजे भक्ती आणि ज्ञानाचा आधार असल्याचे मानतो. देहू येथील शिळामंदिर फक्त भक्तीच्या शक्तीचे केंद्र नसून त्यामळे भारताचे सांस्कृतिक भविष्य प्रशस्त होणार आहे. या पवित्र स्थानाचे पुन:निर्माण केल्यामुळे मंदिर समितीचे मी आभार व्यक्त करतो.

पालखी मार्गाचे काम

ज्ञानेश्वर महाराज पालखी मार्गाचे निर्माण पाच टप्प्यात तर संत तुकाराम महाराज पालखी मार्गाचे काम तीन टप्प्यात पूर्ण केले जाणार आहे. या पूर्ण कामात ३५० किलोमीटरपेक्षा जास्त लांबीचा मार्ग तयार केला जाणार आहे. या कामासठी ११ हजार कोटी रुपयांपेक्षा जास्त खर्च येणार आहे.

देशभरात पाच राज्यांच्या निवडणुकांसह 2024 मध्ये असलेल्या लोकसभा निवडणुकीसाठीही अनेक पक्षांकडून आतापासूनच मोर्चेबांधणीला सुरुवात झाली आहे. इतकेच नव्हे तर अनेकांनी लोकसभा निवडणुकीचे अंदाजही वर्तवण्यास सुरुवात केली आहे.
देशवासीयांचा कल जाणून घेतला असता यामध्ये विरोधी पक्षातून पश्चिम बंगालच्या मुख्यमंत्री ममता बॅनर्जी यांना सर्वाधिक मते मिळाली. या सर्वेक्षणात सहभागी झालेल्यांपैकी 17 टक्के लोकांनी ममता बॅनर्जी यांना पंतप्रधान मोदी यांना टफ फाईट देऊ शकतात, असे म्हटले आहे.

नरेंद्र मोदी यांच्याविरोधात पंतप्रधानपदासाठी पश्चिम बंगालच्या मुख्यमंत्री ममता बॅनर्जी चांगली स्पर्धा करू शकतात, असे 17 टक्के लोकांना वाटते. तर ममता बॅनर्जी यांच्यानंतर दिल्लीचे मुख्यमंत्री अरविंद केजरीवाल यांना पंतप्रधान मोदींचे दुसरे मोठे स्पर्धक म्हणून लोकांनी पसंती दिली आहे. या सर्व्हेत अरविंद केजरीवाल यांना 16 टक्के यांना मते मिळाली आहेत. तर काँग्रेसचे नेते आणि खासदार तसेच पंतप्रधानपदाचा चेहरा मानले जात असणारे राहुल गांधी यांना केवळ 11 टक्के लोकांनी पसंती दिली आहे. पंतप्रधानपदाच्या शर्यतीत राहुल गांधी तिसऱ्या क्रमांकावर आहेत.

भाजपमध्ये आताच्या घडीला पंतप्रधान नरेंद्र मोदी यांच्यानंतर कोण, यासंदर्भातही सर्व्हेमध्ये प्रश्न विचारण्यात आले होते. यामध्ये केंद्रीय गृहमंत्री अमित शाह यांना सर्वाधिक मते मिळाली असून, 24 टक्के लोकांनी पसंती दर्शवली आहे. यानंतर उत्तर प्रदेशचे योगी आदित्यनाथ यांना 23 टक्के लोकांनी पसंती दर्शवली आहे. तर, केंद्रीय मंत्री नितीन गडकरी यांना 11 टक्के लोकांनी पंतप्रधान नरेंद्र मोदी यांचे उत्तराधिकारी म्हणून पसंती दिली आहे.