नाशिकचे शिवसेना जिल्हाप्रमुख अजय दादा बोरस्ते व खासदार हेमंत आप्पा गोडसे, विजय आप्पा करंजकर व उद्योगपती शिवाजी आप्पा चुंबळे व नगरसेवक सुदाम आण्णा ढेमसे, मा. नगरसेवक भगवान नाना तसेच सामाजिक कार्यकर्ते व पिंपळाखांब पंचक्रोशीतील मान्यवर उपस्थित होते.

कर्णिक यांच्या जागी पुण्याचे नवीन सह पोलीस आयुक्त म्हणून कोण येणार याबाबत कमालीची उत्सुकता निर्माण झालेली आहे. मात्र या जागेवर अद्याप कोणाचीही नियुक्ती झालेली नाही. एप्रिल २०२२ मध्ये संदीप कर्णिक पुण्याचे सह पोलीस आयुक्त म्हणून आले होते. तत्कालीन सह पोलीस आयुक्त डॉ. रवींद्र शिसवे यांची राज्य मानवी हक्क आयोग मुंबई या ठिकाणी बदली झाल्यानंतर कर्णिक यांची पुण्यामध्ये बदली झाली होती.

कर्णिक यांनी यापूर्वी पुणे ग्रामीणचे अधीक्षक म्हणून देखील काम केलेले आहे. तर, नाशिकचे विद्यमान पोलीस आयुक्त अंकुश शिंदे यांनी पिंपरी चिंचवडमध्ये पोलीस आयुक्त म्हणून काम केलेले आहे. मात्र शिंदे यांची कारकीर्द पूर्ण होण्याच्या आधीच त्यांची बदली करण्यात आलेली होती. आता कर्णिक यांची नाशिकच्या आयुक्तपदी बदली झाल्यानंतर शिंदे यांची मुंबईला बदली करण्यात आली आहे.

वैविध्यपूर्ण कल्पनेने साकारलेले तसेच आकर्षक आरास व पर्यावरणास समर्पित करणारे देखावे थक्क करणारे होते.
गणेश भक्तांचा उत्साह व गणेशाप्रति अपार श्रद्धा यातुन दिसुन आली. या स्पर्धेचा निकाल जाहीर करण्यात आला आहे.

स्पर्धेचा निकाल पुढीलप्रमाणे :-

1. प्रथम क्रमांक
   प्रदिप पी.तलवारे गोविंद नगर.
   2. द्वितीय क्रमांक
   मधुकर गोविंद वाणी उंटवाडी.
   3. तृतीय क्रमांक
   श्री हर्षल नकुल येवला ईच्छामणी कॉलनी.खोडे मळा.
   4. चतुर्थ क्रमांक
   श्री योगेश जगन्नाथ फुलदेवरे रामल्या सृष्टी, कर्मयोगी नगर.
   5.पाचवा क्रमांक
   अनंत मधुकर धामणे गोविंद नगर.
   स्पर्धा यशस्वी करण्यासाठी मंडळाचे अध्यक्ष निंबा अमृतकर, उपाध्यक्ष शांताराम भदान, सचिव संदीप देव, खजिनदार रवींद्र सोनजे, पाटकर तात्या, सचिन राणे यांनी अथक परिश्रम घेतले.

राज्य महिला आयोगाच्या अध्यक्षा रुपाली चाकणकर (Rupali Chakankar) म्हणाल्या की, आम्ही गेल्या १६ महिन्यांपासून मुंबईतील हरवलेल्या व्यक्तींचा विभागाशी संपर्क साधून बेपत्ता महिलांची संख्या मागवून घेत असतो. त्याच्यावर संबंधित विभागाने काय कारवाई केली, याचाही अहवाल मागवून घेत असतो. सातत्याने आम्ही पाठपुरावाही करत आहोत.

यासाठी आम्ही विभागवार आणि अँटी ह्युमन ट्रॅफेकिंगच्या माध्यमातून जनजागृती मोहिमही राबवत आहोत. नागपूर येथे नुकताच राज्य महिला आयोगाचा हा कार्यक्रम पार पडला. सातत्याने हरवलेल्या मुलींच्या संदर्भात प्रत्येक पोलीस स्टेशनमधील बुकींग सेल कडेही पाठपुरावा केला जातो. ही आकडेवारी अत्यंत गंभीर आहे. राज्याच्या गृहविभागाने यात लक्ष घालणं अत्यंत महत्त्वाचं आहे. तसेच इतक्या मोठ्या प्रमाणात मुली, महिलांचं बेपत्ता होण्याची कारणमीमांसा करणं अत्यंत गरजेचं आहे. गृहविभागाने तातडीने विशेष तपास पथक कार्यरत करावं असंही रुपाली चाकणकर यांनी सांगितलं.

जनजागृती, हेल्पलाईन आवश्यक

मुली महिलांमध्ये याबाबत जनजागृती होण्यासाठी शाळा महाविद्यालयांमध्येही जनजागृतीपर उपक्रम राबवावेत आणि राज्य शासनानेही त्वरीत हेल्पलाईन क्रमांक सुरु करावेत. जेणेकरुन पालकानी तक्रारी कुठे कराव्यात आणि त्याचा पाठपुरावा कसा करावा, याची माहिती मिळेल.

त्यासोबतच मंदिराचे जे काही संवर्धनाचे काम होणार असून ते भारतीय पुरातत्त्व खात्या मार्फत करण्यात येणार आहे, असे देखील मंदिर प्रशासनाकडून सांगण्यात आले आहे. त्यामुळे आता सर्व भाविकांनी याची नोंद घेऊन मंदिर प्रशासनात सहकार्य करावे असे आवाहन देखील त्र्यंबकेश्वर देवस्थान ट्रस्टच्या माध्यमातून करण्यात आले आहे. 

त्र्यंबकेश्वर मंदिरातील अध्याय ज्योतिर्लिंगाची झीज होऊ लागल्याची माहिती काही दिवसांपूर्वी समोर आली होती. यावर उपाययोजना म्हणूनच हा निर्णय घेण्यात आला असल्याचे समजते आहे. तसेच शिवलिंगाच्या एका बाजूचा वज्रलेप निघत असल्याचे दिसून येत असून हा वज्रलेप लावून केवळ आठ वर्षे पूर्ण झाली आहेत. तरी देखील शिवलिंगाची झीज होत असल्याची असल्याने मंदिर प्रशासनाकडून चिंता व्यक्त करण्यात येत आहे. त्याच अनुषंगाने त्रंबकेश्वर येथील ज्योतिर्लिंगाचे संवर्धन आणि मंदिराची देखभाल दुरुस्तीसाठी काही दिवस मंदिर बंद ठेवण्यात येणार आहे.

त्र्यंबकेश्वर येथील शिवलिंगाची रचना इतर स्थानांपेक्षा काहीशी वेगळी आहे. त्यामुळे या ज्योतिर्लिंगाला विशेष महत्त्व प्राप्त आहे. येथील शिवलिंगात ब्रह्म विष्णू महेश असे तीन उंचवटे असून या उंचवट्यावर असलेला कंगोरा ज्याला स्थानिक लोक पाळ असे म्हणतात त्या पाळावरचे कवच देखील निघू लागले आहे. या आधीच ही बाब लक्षात आली होती. त्यामुळे उपाययोजना म्हणून मंदिर बंद करण्याचा निर्णय प्रशासनाने घेतला आहे. त्यानुसार आता दिनांक 5 जानेवारी 2023 ते 12 जानेवारी 2023 पर्यंत मंदिर पूर्णपणे बंद राहणार आहे. या काळात भाविकांना मंदिरात दर्शन घेता येणार नाही अशी माहिती मंदिर प्रशासनाकडून दिली आहे तरी सर्व भाविकांनी मंदिर प्रशासनात सहकार्य करावे अशी माहिती देण्यात आली आहे

शहापूर, इगतपुरी, नाशिक महापालिका, एमआयडीसी, राष्ट्रीय महामार्ग यांची अग्निशमन यंत्रणा घटनास्थळी दाखल झाली आहे. “कंपनीतील एका ठिकाणी अद्यापही तीन लोकं अडकले आहे. बचावकार्यासाठी हेलिकॉप्टरची मदत घेण्यात येत आहे. अडकलेल्या लोकांना बाहेर काढण्यासाठी सर्व प्रकारची मदत केली जाणार आहे. तसेच, आगीवर नियंत्रणासाठी सर्व प्रयत्न करण्यात येत आहे,” असेही मुख्यमंत्री एकनाथ शिंदेंनी म्हटलं.

अपघातात दोन ते तीन जणांचा मृत्यू झाल्याची प्राथमिक माहिती समोर येत असून अपघात झाल्यानंतर काही क्षणातच एसटी बस आगीत भस्मसात झाली. या घटनेची माहिती मिळताच अग्निशामन दल घटनास्थळी दाखल झाले असून आग विझवण्याचे काम सुरू आहे. 

कोरोना प्रादुर्भावामुळे 2020 पासून बंद करण्यात आलेली भुसावळ-नाशिक-पुणे रेल्वे सेवा 10 जुलैपासून दोन वर्षाच्या खंडानंतर सुरु होत आहे. हक्काची नाशिक-पुणे गाडी सुरु होत असल्याने  प्रवाशांमध्ये उत्साहाचे वातावरण आहे. ही गाडी सुरू होत असल्याने नाशिक, जळगाव आणि पुणे जिल्ह्यातील प्रवाशांना लाभ होणार आहे. तसेच रेल्वेस्थानकातील हमाल, रिक्षाचालक व छोटे मोठे व्यावसायिक यांनाही रोजीरोटी मिळणार आहे.

रेल्वेगाड्या पूर्वपदावर आणण्याची मागणी

रेल्वे मंत्रालयाने करोनाच्या संकटामुळे रेल्वेने खबरदारी म्हणून अनेक रेल्वेगाड्या बंद केल्या होत्या. त्यातील काही रेल्वेगाड्या हळूहळू पूर्वपदावर येत आहेत. मात्र, त्या सर्वांना रिझर्व्हेशन सक्तीचे आहे. तिकीटही जास्त असून रिझर्व्हेशनसाठी वेळही जास्त लागत आहे.  प्रवाशांच्या मागणीनंतर पंचवटीसारख्या इंटरसिटी ट्रेनला रिझर्व्हेशन एवजी जनरल करण्यात आले आहे. आणखी काही गाड्या जनरल करण्यास सुरुवात झाली आहे. इगतपुरी-भुसावळ ही पॅसेंजर गाडी मेमू ट्रेनच्या स्वरुपात काही दिवसांपूर्वी सुरु करण्यात आली आहे.  पुण्याला जाताना ही गाडी पहाटे नाशिकला येते. तेथून सुमारे सहा तासांनी पुण्याला पोहोचते. ही गाडी सध्या बंद असल्यामुळे नाशिककरांना बस आणि खासगी वाहनाने पुणे गाठावे लागत आहे. 

रस्त्याने वाहतूक कोंडी आणि महागडा प्रवास

रस्ते प्रवासापेक्षा नाशिक-पुणे रेल्वेगाडी स्वस्त आहे. रेल्वेपेक्षा रस्तामार्गे किमान तिप्पट भाडे लागते. शिवाय स्पेशल चारचाकी गाडी केली तर हा खर्च अनेक पटींनी वाढतो. याशिवाय खासगी वाहनाने जाताना मंचर, चाकणपासून पुणे येईपर्यंत वाहतुक कोंडीला सामोरे जावे लागते. त्यामुळे इंधनही जास्त खर्च होते. पुण्याहून रस्ता मार्गे नाशिकला येताना एक-दोन तास वाहतूक कोंडीतच जातात. 

पर्यायी प्रवास त्रासदायक

काही जण पंचवटी, राज्यराणीसारख्या गाडीने कल्याणला उतरून तेथून पुण्याला जाणारी रेल्वेगाडी पकडतात. परंतु, यामध्ये खूप वेळ जातो.’एसटी’चा आधार

‘एसटी’चा आधार

डिझेलचे दर वाढल्याने ट्रेव्हल कंपन्यांनी सध्या आपल्या खासगी बससेवेचे दर कमालीचे वाढवले आहेत. त्यामुळे प्रवाशांसाठी ‘एसटी’ बसेस हा एकमेव किफायतशीर आधार सध्या उरलेला आहे. भुसावळ, नाशिकहून पुण्याला जाण्यासाठी आणि पुण्याहून नाशिक, भुसावळला येण्यासाठी प्रवाशांचे प्रथम प्राधान्य हे सध्या ‘एसटी’लाच आहे.

हायस्पीड रेल्वे पुणे-नाशिक शहरांसह पुणे, नगर आणि नाशिक या तीन जिल्ह्यांतून जाणार आहे. या तीन जिल्ह्यांतील सुमारे एक हजार ४७० हेक्टर जमीन संपादित करण्यात येणार आहे. या प्रकल्पासाठी सुमारे १६ हजार कोटी रुपये खर्च आहे. हा प्रकल्प महाराष्ट्र राज्य रेल्वे कॉर्पोरेशनने हाती घेतला आहे. त्यापैकी प्रत्येकी वीस टक्के खर्च हा राज्य सरकार आणि केंद्रीय रेल्वे मंत्रालय करणार आहे. उर्वरित ६० टक्के निधी हा कर्ज रूपाने उभारण्यात येईल. तसेच, एप्रिल महिन्यात रेल्वे मंत्रालयात झालेल्या बैठकीत या प्रकल्पाला निती आयोग आणि रेल्वे मंत्रालयाने अंतिम मान्यता दिली, त्यामुळे हा प्रकल्प मार्गी लागण्यात मोठा अडथळा दूर झाला होता.

पुण्याहून तब्बल 150 ई-बस राज्याच्या विविध शहरांत धावणार आहे. त्यामुळे पुणेकरांचा अनेक शहरात होणारा प्रवास सुखद, गारेगार आणि आल्हाददायक होणार आहे. ही बस संपूर्ण वातानुकूलित असून शिवशाहीच्या तुलनेने ‘शिवाई’चे तिकीट दर कमी ठेवण्याचा प्रयत्न करण्यात येणार आहे. त्यामुळे सामान्य प्रवाशांना देखील शिवाईने स्वस्तात प्रवास करणे शक्य होणार आहे. पुण्यातील चार्जिंग स्टेशनमध्ये 30 चार्जर असल्याने एकाच वेळी 30 बसचे चार्जिंग होणार आहे.

राज्यात पहिली एसटी 1 जून 1952 रोजी नगर-पुणे अशी धावली होती. त्याचेच औचित्य साधून एसटी प्रशासनाने 1 जून 2022 रोजी पुणे-नगर अशी ई-एसटी सोडण्याचे नियोजन केले आहे. नगरमध्ये चार्जिंग स्टेशन नसल्याने पुण्याहून नगरसाठी एसटी धावणार आहे. त्यामुळे 70 वर्षांनंतर आता एसटीमध्ये ई-बसच्या रूपाने नवीन अध्याय सुरु होत आहे. पुणे-मुंबई आणि पुणे-अहमदनगर-औरंगाबाद या मार्गावर एसटीच्या वातानुकूलित बससेवेला मोठा प्रतिसाद आहे.

बस चार्ज झाल्यावर सुमारे 300 किलोमीटरपर्यंत धावणार आहे. घोरपडी व गुलटेकडी या सबस्टेशनपासून चार्जिंग स्टेशनला वीज पुरवठा होणार आहे. चार्जिंग स्टेशनसाठी पाच कोटी रुपयांचा खर्च झाला आहे. पुण्यात स्टेशन विभाग नियंत्रक कार्यालयाच्या पाठीमागील मोकळ्या जागेत चार्जिंग स्टेशन उभारण्यात आले आहे.

या शहरांसाठीही ई-एसटी ‘शिवाई’ची गारेगार सेवा

पुण्यासह सोलापूर, कोल्हापूर, नाशिक, औरंगाबाद, नागपूर व नांदेड शहरांत एसटीचे चार्जिंग स्टेशन असतील. तसेच पुणे-सोलापूर, पुणे-नाशिक, पुणे-कोल्हापूर, पुणे-महाबळेश्वर, पुणे-औरंगाबाद या प्रमुख शहरांसाठी पुण्याहून एसटी धावणार आहे.