विधानसभा उपाध्यक्ष अण्णा बनसोडे यांच्या अध्यक्षतेखाली राष्ट्रवादी काँग्रेस सामाजिक न्याय विभागाची बैठक संपन्न…

पुणे : राष्ट्रवादी काँग्रेस पक्षाचे अध्यक्ष अजितदादा पवार यांना श्रद्धांजली अर्पण करण्यासाठी राष्ट्रवादी काँग्रेस पक्षाच्या सामाजिक न्याय विभाग सेलकडुन शोकसभेचे आयोजन करण्यात आले होते. विधानसभा उपाध्यक्ष अण्णा बनसोडे यांच्या अध्यक्षतेखाली विधानभवन कार्यालयात शोकसभा पार पडली. या शोकसभेत राज्यभर अजितदादा पवार मागासवर्गीय सक्षमीकरण अभियान राबविण्याबाबत एकमताने निर्धार करण्यात आला आहे.

“समाजातील शेवटच्या घटकापर्यंत न्याय पोहोचवणे हे अजितदादा पवार यांचे ध्येय पुढे नेण्यासाठी मराठवाडा, पश्चिम महाराष्ट्र, उत्तर महाराष्ट्र, विदर्भ, कोकण अशी राज्यात सहा विभागांची आखणी करण्यात येणार आहे. सामाजिक न्याय विभागाची जबाबदारी अत्यंत महत्त्वाची आहे. पुढील काळात उपमुख्यमंत्री तसेच पक्षाच्या नेत्या सुनित्राताई पवार,प्रांत अध्यक्ष सुनील तटकरे, कार्याध्यक्ष प्रफुल्ल पटेल यांच्या मार्गदर्शनाखाली पक्षाला मजबूती देण्याचा विश्वास यावेळी उपाध्यक्ष अण्णा बनसोडे यांनी दिला.

राष्ट्रवादी काँग्रेस पक्षाच्या सामाजिक न्याय विभाग सेल शहर व ग्रामीण जिल्हाध्यक्षांच्या या शोकसभा बैठकीत सामाजिक न्यायाशी संबंधित विविध प्रश्न, आगामी पक्ष संघटनात्मक कार्यक्रम तसेच वंचित, दुर्बल घटकांपर्यंत पक्षाची भूमिका प्रभावीपणे पोहोचवण्याबाबत सखोल चर्चा करण्यात आली. अजितदादा पवार यांच्या शाहू, फुले, आंबेडकर विचारधारेवर पुढील वाटचाल सुरू ठेवण्यासाठी एकजूट ठेवत सामाजिक न्याय विभागाची भूमिका अधिक सक्रिय व जनतेशी जोडलेली असावी, अशी सुचना अण्णा बनसोडे यांनी दिली.

मराठवाडा, पश्चिम महाराष्ट्र, उत्तर महाराष्ट्र, विदर्भ, कोकण अशी राज्यात सहा विभागांची आखणी करत पक्ष बांधणी करण्यात येणार आहे. बैठकी दरम्यान शहर व ग्रामीण जिल्हाध्यक्षांनी आपापल्या कार्यक्षेत्रातील समस्या, उपक्रम व संघटनात्मक कामाचा आढावा सादर करत सूचना व्यक्त केल्या. सामाजिक न्याय विषयक शासनाच्या योजना प्रभावीपणे राबवण्यासाठी पक्ष पातळीवर समन्वय वाढवण्यावर भर देण्यात येईल असा विश्वास विधानसभा उपाध्यक्ष अण्णा बनसोडे यांनी कार्यकर्त्यांना दिला.
यावेळी राष्ट्रवादी काँग्रेस पक्षाच्या सामाजिक न्याय विभाग प्रदेश अध्यक्ष सुनील मगरे, कार्याध्यक्ष बाळासाहेब करडक, शहर तसेच ग्रामीण जिल्हाध्यक्ष, कार्याध्यक्ष व इतर पदाधिकारी उपस्थित होते. यावेळी अजितदादा पवार यांना भावपूर्ण श्रद्धांजली वाहत आगामी काळात जिल्हा व तालुकास्तरावर बैठका, जनजागृती अभियान व सामाजिक उपक्रम राबवण्याचा निर्णय घेण्यात आला.

याठिकाणी उड्डाणपूल अथवा भूमिगत रस्ता करावा अशी मागणी राष्ट्रवादी कॉँग्रेस शरदचंद्र पवार पक्षाचे प्रदेश सरचिटणीस व प्रवक्ते सुनील माने यांनी केंद्रीय मंत्री नितीन गडकरी यांच्याकडे केली होती. त्यांनी राज्य शासनाकडून प्रस्ताव आल्यास केंद्र सरकारच्या सेतुबंधन योजनेतून हा रस्ता करण्याचे आश्वासन दिले होते. आज याबाबत सुनील माने यांनी सार्वजनिक बांधकाम विभागाचे अधीक्षक अभियंता भरतकुमार बाविस्कर यांची भेट घेऊन असा प्रस्ताव शासनाकडे पाठवण्याबाबत पत्र देऊन विनंती केली. त्यावर त्यांनी सार्वजनिक बांधकाम विभागामार्फत लवकरच या रस्त्याची पाहणी करून याबाबतचा प्रस्ताव राज्य सरकार तसेच इतर आवश्यक संस्थांना देण्याचे आश्वासन दिले.

सुनील माने यांनी दिलेल्या पत्रात म्हटले आहे की, औंध रोड, खडकी स्टेशन रस्त्यावर नेहमी वाहनांची वर्दळ असते. हाच रस्ता पुढे खडकी पोलिस स्टेशन जवळून राष्ट्रीय महामार्गाला जोडला जातो. या मार्गावर असलेल्या खडकी पोलिस स्टेशनच्या पाठीमागे रेल्वेचा ब्रिटिशशकालीन पूल आहे. या पुलाच्या खालून रस्ता जाऊन तो राष्ट्रीय महामार्गाला जोडतो. औंध, औंधरोड, बोपोडी, चिखलवाडी, सांगवी येथून पुणे शहरात जाण्यासाठी तसेच खडकी, कोरेगाव पार्क, विमाननगर, येरवडा, नगर रस्ता या भागात जाण्यासाठी दररोज हजारो नागरिक या मार्गाचा वापर करतात. मात्र हा अंडरब्रिज रस्ता अत्यंत अरुंद आहे. त्याचप्रमाणे येथे नेहमी सांडपाणी साठून राहिलेले असते. यामुळे येथे वारंवार वाहतूक कोंडी होत असते.

हा रस्ता मुंबई- पुणे महामार्गाशी खडकी पोलिस स्टेशनसमोर जोडला गेला आहे. त्यामुळे या ठिकाणी उड्डाणपूल अथवा भूमिगत मार्ग होणे अत्यंत गरजचे आहे. नागरिकांची गैरसोय टाळण्यासाठी महामार्गासाठी असलेल्या विशेष तरतुदीतून भुयारी मार्ग अथवा उड्डाणपुलासाठी निधी उपलब्ध करून देण्याची मागणी केंद्रीय रस्ते आणि वाहतूक मंत्री नितीन गडकरी यांच्याकडे माने यांनी या पत्राद्वारे केली होती. त्यावर त्यांनी राज्य सरकार कडून प्रस्ताव आल्यास केंद्र सरकारच्या सेतुबंधन योजनेमधून येथे उड्डाणपूल अथवा भुयारी मार्ग करण्याचे मान्य केले आहे. त्यामुळे राज्य सरकार मार्फत केंद्राच्या रस्ते आणि वाहतूक मंत्रालयाला हा प्रस्ताव जाणे गरजेचे असल्याचे ही माने यांनी या भेटीत श्री. बाविस्कर यांना सांगितले. यावर त्यांनी लवकरच याबाबत पाहणी करून प्रस्ताव तयार करण्याचे तसेच हा प्रस्ताव राज्य शासनासह आवश्यक संस्थाना पाठवण्याचे आश्वासन दिले.
——————————————————

सचिन दांगट हे भारतीय जनता पक्षामध्ये सहकार आघाडीचे पुणे शहराध्यक्ष म्हणून काम बघत होते. तसेच ते पुणे महापालिकेचे माजी स्वीकृत सभासद आहेत. शांत आणि मितभाषी असलेल्या सचिन दांगट यांचा मोठा मित्र परिवार आहे.

पक्षाचे अध्यक्ष अजित पवार आणि प्रदेशाध्यक्ष सुनील तटकरे यांनी दिलेली जबाबदारी पार पाडण्याचा माझा पूर्ण प्रयत्न राहील तसेच पक्ष संघटना वाढीसाठी काम करणार असल्याचे सचिन दांगट यांनी निवडीनंतर म्हंटले आहे.

या प्रसंगी माजी आमदार व पुणे शहर अध्यक्ष सुनील टिंगरे, मुस्लिम बँकेचे उपाध्यक्ष ऍड. आयुब शेख, अजय सावंत यांच्यासह पदाधिकारी कार्यकर्ते उपस्थित होते. पुणे शहरात मागील वीस वर्षांपासून विविध लोकप्रिय दैनिकातून पत्रकार म्हणून त्यांनी काम केलेले आहे. पुणे महापालिकेत डॉ. बाबासाहेब आंबेडकर सोसायटी – शांतीनगर येथून सलग तीन वेळा (1974 ते 1985) विनाप्रचार महापालिकेवर निवडून आलेले त्यांचे काका(चुलते) रिपब्लिकन पक्षाचे निष्ठावंत, ज्येष्ठ नेते माजी नगरसेवक दिवंगत विजयराव गायकवाड यांचा वारसा लाभल्यामुळे त्या माध्यमातून देखील त्यांची समाजात स्वतंत्र ओळख आहे.

फुले -शाहू -आंबेडकरी विचारधारेवर काम करत असताना त्यांनी त्यांच्या निर्भय प्रतिष्ठान ट्रस्टच्या माध्यमातून विविध सामाजिक विधायक उपक्रम तसेच अनेक प्रश्नांवर चांगल्या प्रकारे काम केलेले आहे.
वडगावशेरी विधानसभा मतदारसंघात राष्ट्रवादी काँग्रेस शरदचंद्र पवार पक्षाचे देखील सक्रिय असे काम केले. निखिल गायकवाड यांच्या माध्यमातून समाजाचे विविध प्रश्न सोडविण्यासाठी एक प्रामाणिक,अभ्यासू नेतृत्व म्हणून राष्ट्रवादी काँग्रेस पक्षाच्या सामाजिक न्याय विभाग पुणे शहर कार्याध्यक्ष पदाची जबाबदारी देण्यात आल्याचे यावेळी सांगण्यात आले. त्यांच्या या निवडीबद्दल त्यांचे विविध सामाजिक संस्था संघटना यांच्या वतीने अभिनंदन करण्यात येत आहे.

कर्वेनगर : काँग्रेस पक्षाचे कोथरूड मतदार संघाचे माजी अध्यक्ष व मैत्री प्रतिष्ठानचे अध्यक्ष विजय खळदकर यांनी आज उपमुख्यमंत्री अजित पवार यांच्या उपस्थितीत राष्ट्रवादी काँग्रेस पक्षामध्ये प्रवेश केला. विजय खळदकर यांच्या पक्षातील प्रवेशामुळे राष्ट्रवादी काँग्रेस पक्षाची कर्वेनगर भागातील ताकद वाढली असून होत असलेल्या महापालिका निवडणुकीत त्याचा पक्षाला फायदा होणार असल्याचे दिसत आहे.

विजय खळदकर यांची गेले अनेक दिवसांपासून पक्षांतराची चर्चा सुरू होती, आज अखेर त्यांचा राष्ट्रवादी काँग्रेस पक्षात प्रवेश पार पडला आहे. होऊ घातलेल्या पुणे महापालिका निवडणुकीत कर्वेनगर प्रभाग 30 मध्ये खळदकर यांच्या प्रवेशामुळे राष्ट्रवादी काँग्रेस पक्षाचे बळ वाढले आहे. दोन्ही राष्ट्रवादी काँग्रेस ही निवडणुकीत एकत्र येऊन लढवणार असल्याचे  निश्चित झाले असल्याने या प्रभागात भाजपच्या विरोधात राष्ट्रवादी काँग्रेसचा तगडा पॅनल पाहायला मिळणार आहे.

प्रभागातील नागरिकांचा सर्वांगीण विकास आणि त्यांच्या समस्या प्रभावीपणे सोडवता याव्यात, या उद्देशाने मी राष्ट्रवादी काँग्रेस पक्षामध्ये प्रवेश केला आहे. राष्ट्रवादी काँग्रेस पक्षाने माझ्यावर दाखवलेला विश्वास ही मोठी जबाबदारी असून, तो विश्वास प्रामाणिकपणे, निष्ठेने आणि पूर्ण क्षमतेने पार पाडण्याचा निर्धार केला असून जनतेच्या प्रश्नांसाठी सातत्याने लढत राहून, विकासकामांच्या माध्यमातून पक्षाचा आणि नेतृत्वाचा विश्वास सार्थ ठरवण्यासाठी कटिबद्ध राहीन अशी भावना विजय खळदकर यांनी पक्ष प्रवेशानंतर व्यक्त केली आहे.

राष्ट्रवादीत दोन गट पडल्यानंतर अनेक कार्यकर्त्यांनी राष्ट्रवादी काँग्रेस (शरदचंद्र पवार) पक्षाबरोबर राहण्याचा निर्णय घेतला होता. पक्षाने घेतलेल्या सरकार विरोधात घेतलेल्या अनेक आंदोलनात सहभागी होत या कार्यकर्त्यांनी पक्षाची ताकद वाढवली. राष्ट्रवादीत दोन भाग पडल्यानंतर शरद पवार यांच्या बरोबर राहिलेल्या कार्यकर्त्यांनी निर्माण झालेल्या बिकट परिस्थितीत पक्षाची बाजू खंबीरपणे न डगमगता मांडत संघर्ष केला.

या येऊ घातलेल्या महापालिका निवडणुकीत राष्ट्रवादी काँग्रेस शरदचंद्र पवार पक्षातील कार्यकर्त्यांना निवडणूक लढवण्याची संधी मिळेल असे वाटत असताना आता दोन्ही पक्ष एकत्र येऊन निवडणूक लढवणार असल्याचे जवळपास निश्चित झाले आहे. त्यामुळे पक्षासाठी संघर्ष करणारे कार्यकर्ते निराश झाले असून त्यातून राजीनामा सत्र सुरू झाल्याचे दिसत आहे. 

प्रमोद शिंदे यांनी दिलेले राजीनामा पत्र

कोथरूड :  राष्ट्रवादी काँग्रेस पार्टीचे राष्ट्रीय अध्यक्ष,  उपमुख्यमंत्री तथा पालकमंत्री अजित पवार यांच्या वाढदिवसाचे औचित्य साधत राष्ट्रवादी काँग्रेस पार्टी, कोथरूड विधानसभा मतदारसंघाच्या वतीने घेण्यात आलेल्या  ‘शासन आपल्या दारी’ या लोकोपयोगी उपक्रमास कोथरूडकरांचा उत्स्फूर्त प्रतिसाद मिळाला.

या उपक्रमाचे आयोजन गोकुळ सभागृह, सुतारदरा,कोथरूड येथे करण्यात आले होते. माजी उपमहापौर दीपक मानकर यांच्या प्रमुख उपस्थितीत हा कार्यक्रम संपन्न झाला. या उपक्रमाअंतर्गत विविध शासकीय योजनांचा लाभ कोथरूड भागातील सुतारदरा,जयभवानी नगर, किष्किंधानगर, शिवतीर्थनगर, म्हातोबा नगर तसेच सोसायटी परिसरातील सुमारे ७०० पेक्षा जास्त नागरिकांना करून देण्यात आला.

त्यामध्ये आधारकार्ड दुरुस्ती करणे, रेशनकार्ड दुरुस्ती करणे, ज्येष्ठ नागरिक कार्ड, शहरी गरीब कार्ड, उत्पन्न दाखला, जातीचा दाखला, नॉन क्रिमिलेयर दाखला ही शासकीय कागदपत्रे तसेच राज्य सरकारच्या तरुण,तरुणी, महिलांसाठीच्या विविध योजना यांची माहिती देऊन पूर्तता करण्यात आली. सदर लोकाभिमुख उपक्रमाचे संयोजन कोथरूड विधानसभा मतदारसंघ अध्यक्ष  हर्षवर्धन मानकर, तृप्ती शिंदे, कांता खिलारे यांनी अतिशय नियोजनबद्ध केले होते.

विविध प्रकारचे शासकीय दाखले मिळवण्यासाठी नागरिकांनी मोठ्या संख्येने या उपक्रमाचा लाभ घेतला. सकाळपासूनच नागरिकांनी गोकुळ सभागृहात गर्दी केली होती. उत्तम नियोजनामुळे दाखले काढून घेतना व इतर शासकीय कामांसाठीची कागदपत्रे तयार करताना नागरिकांची गैरसोय झाली नाही, त्यामुळे नागरिकांनी समाधान व्यक्त केले.

पुणे : गंगाधाम मार्केट यार्ड चौक, बिबवेवाडी येथे एका भरधाव ट्रकच्या धडकेत एका महिलेला आपला जीव गमवावा लागल्यानंतर संतापाची लाट निर्माण झाली आहे. या ठिकाणी सातत्याने होत असलेल्या अपघातात जीवितहानी होत असतानाही प्रशासन कोणतीच भूमिका घेत नसल्याने राष्ट्रवादी युवक काँग्रेसच्या वतीने महापालिका आणि पोलीस प्रशासनाच्या हलगर्जीपणा विरोधात तीव्र आंदोलन केले. यावेळी प्रतिकात्मक खेळण्यातील  ट्रॅक भेट देऊन प्रशासनाचा निषेध करण्यात आला.

येथील घटनांसाठी महापालिकेचे रस्त्यावरील दुर्लक्षित नियोजन आणि वाहतूक व्यवस्थेतील पोलीस प्रशासनाची निष्क्रियता जबाबदार असल्याचा आरोप राष्ट्रवादी युवक काँग्रेसचे अध्यक्ष किशोर कांबळे यांनी केला आहे. नागरिकांचे प्राण हे राजकीय हस्तक्षेप, भ्रष्ट प्रशासन आणि निष्क्रिय यंत्रणेमुळे धोक्यात आले आहेत अशी टीकाही राष्ट्रवादी युवक काँग्रेसच्या पदाधिकाऱ्यांनी केली आहे.

यावेळी राष्ट्रवादी युवक काँग्रेस – पुणे शहर यांच्या वतीने मुख्य अभियंता (पथ विभाग), पुणे महानगरपालिका अनिरुद्ध पावसकर यांच्याकडे निवेदन देत तीव्र आंदोलन करण्यात आले.
या आंदोलनावेळी अमोल परदेशी यांनी अंगाला रक्त लावून, डोक्याला पट्ट्या बांधून, जणू अपघातग्रस्त व्यक्तीच्या रूपात स्वतःला सादर करून महापालिकेच्या संवेदनशून्यतेविरोधात तीव्र निषेध व्यक्त करण्यात आला. हे आंदोलन राष्ट्रवादी युवक काँग्रेसचे पुणे शहराध्यक्ष किशोर कांबळे यांच्या नेतृत्वाखाली पार पडले. यावेळी आंदोलनकर्त्यांनी प्रातिनिधिक स्वरूपात “खेळण्यातला ट्रक” मुख्य अभियंत्यांना भेट देऊन प्रशासनाला जागृत करण्याचा प्रयत्न केला. हा ट्रक म्हणजे पुणेकरांच्या जीवाशी चाललेल्या महापालिकेच्या “खेळा”चे प्रतीक होता.

यावेळी अजिंक्य पालकर, रोहन पायगुडे, अमोल परदेशी,प्राजक्त जाधव,लखन वाघमारे,विद्या ताकवले,समीर पवार, अमोल ननावरे, प्राजक्ता जाधव , फारुख शेख, निलेश पवार, विद्या ताकवले, हर्षवर्धन दिघे आदी पदाधिकारी व कार्यकर्ते उपस्थित होते.

या संदर्भात राष्ट्रवादी युवक काँग्रेस पुणे शहर यांनी केलेल्या प्रमुख मागण्या..

अपघातप्रवण रस्त्यांचे तातडीने पुनर्निर्माण,वाहनगती नियंत्रणासाठी यंत्रणा उभारणे, वाहतूक पोलिसांची नियमित उपस्थिती, अपघात पीडित कुटुंबाला त्वरित मदत, महापालिकेच्या निष्क्रिय आणि भ्रष्ट अधिकाऱ्यांवर कारवाई, जर प्रशासनाने यापुढेही दुर्लक्ष केले, तर राष्ट्रवादी युवक काँग्रेस पुणे शहर यांच्यातर्फे आंदोलन अधिक तीव्र करण्यात येईल.

यावेळी राष्ट्रवादी युवक काँग्रेसचे पुणे शहराध्यक्ष किशोर कांबळे, पदाधिकारी रोहन पायगुडे, गिरीश गुरनानी, स्वप्नील खवले, अभिषेक लोहक उपस्थित होते. या प्रसंगी प्रशासनाच्या बेजबाबदार कारभाराचा निषेध कार्यकर्त्यांनी केला.

यशवंतराव चव्हाण नाट्यगृहात घडलेला प्रकार म्हणजे स्वच्छतेच्या दृष्टीनेच नव्हे, तर पुण्याच्या सांस्कृतिक अस्मितेला आणि ‘स्वच्छ भारत – सुंदर पुणे’ मोहिमेला सुद्धा काळिमा फासणारा आहे अशी टीका किशोर कांबळे यांनी यावेळी केली. पुणे शहराची ओळख म्हणजे येथे फुललेली समृद्ध नाट्यपरंपरा, सुसंस्कृत रसिक प्रेक्षक, आणि विविध कला सादर करण्यासाठीचे आदर्श व्यासपीठ. मात्र यशवंतराव चव्हाण नाट्यगृहातील अस्वच्छता, आणि त्याहून गंभीर म्हणजे उंदराच्या हल्ल्यामुळे एका महिलेला झालेली इजा ही घटना अत्यंत लाजिरवाणी व धक्कादायक असल्याच्या भावना यावेळी पदाधिकाऱ्यांनी व्यक्त केल्या.

यावेळी राष्ट्रवादी युवक काँग्रेस – शरदचंद्र पवार पुणे शहर यांच्या वतीने तत्काळ नाट्यगृहात स्वच्छता मोहीम आणि फवारणी हाती घ्यावी, प्रेक्षकांच्या सुरक्षेची पूर्ण काळजी घ्यावी, नाट्यगृहाची दुरुस्ती व व्यवस्थापन सुधारण्यात यावी अशा मागण्या प्रशासनाकडे करण्यात आल्या.

या वेळी कार्याध्यक्ष प्रदीप देशमुख,  सेवादल अध्यक्ष  शशिकला कुंभार, युवती अध्यक्ष पूजा झोळे, विद्यार्थी अध्यक्ष शुभम माताळे, सोशल मिडिया अध्यक्ष शितल मेदने, आयटी सेल अध्यक्ष मोहन मोरे, ज्येष्ठ नागरिक अध्यक्ष चंद्रहास शेट्टी, योगेश वराडे, विधानसभा अध्यक्ष कसबा अजय दराडे, पुणे कॅन्टोन्मेंट अध्यक्ष नरेश जाधव, पुणे कॅन्टोन्मेंट महिला अध्यक्ष  नीता गायकवाड, शहर सरचिटणीस धनंजय पायगुडे, राम पालखे, शितल जौंजाळ, शहर महिला कार्याध्यक्ष गौरी जाधव, उपाध्यक्ष मिलिंद वालवडकर, डिंपल इंगळे, मुश्ताक पटेल, अरुण गवळे , प्रशांत निम्हण, विशाल गद्रे, चिटणीस शाम शेळके, संघटक सचिव ओंकार निम्हण, भारत पंजाबी, महिला  विधानसभा कार्याध्यक्ष राहुल पायगुडे, रामदास गाडे, बाळासाहेब आहेर, संजय पाटील, राहुल गुंड, महिला उपाध्यक्ष मनिषा किराड, उषा नेटके, पद्मिनी ओसवाल, रोशन कुरेशी, संघटक सचिव प्रीती डोंगरे, चिटणीस सुनिता बडेकर, युवक कार्याध्यक्ष सत्यम पासलकर, उपाध्यक्ष गिरीश मानकर, युवती कार्याध्यक्ष लावण्या शिंदे, शिवानी पोतदार, सांस्कृतिक कार्याध्यक्ष अशोक जाधव, सेवादल कार्याध्यक्ष विजय जाधव,युवक अध्यक्ष कसबा गजानन लोंढे, नवनाथ खिलारे, श्रद्धा गायकवाड, प्रतिक नलावडे, सुमित्रा बहादूर, राहुल गुंड, विजय चव्हाण, दिनकर रोडे,आशा दीक्षित, विजय चव्हाण, उमेश वेदपाठक,  रोहिदास सायकर, विवेक मुळे, संजय पवार,  समीर करपे, संतोष गायकवाड, भास्कर नेटके, विधानसभा उपाध्यक्ष संतोष हत्ते यांच्यासह आदी पदाधिकारी उपस्थित होते.