वडगाव बुद्रुक येथे फुलपरी स्वीट मॉल आहे. तिथे सोमवारी दोन तरुण आले आणि त्यांनी एक किलो काजूकतली घेतली. त्यावर दुकानदाराने मालाचे पैसे मागितल्यावर दोघांनी पैसे देण्यास नकार दिला. यावरून वाद झाल्यानंतर आरोपींनी दुकानदारावर गावठी पिस्तूलामधून दोन वेळा गोळी मारण्याचा प्रयत्न केला पण, गोळी काही बाहेर आली नाही.ती गोळी दुकानातच पडली आणि आरोपी घटना स्थळावरून पसार झाले. त्या घटनेची माहिती मिळताच घटनास्थळी जाऊन पाहणी केल्यावर काही तासांतच आरोपी सुरज मुंडे आणि एका अल्पवयीन आरोपी मुलाला ताब्यात घेतले आहे. या दोघा आरोपी विरोधात गुन्हा दाखल करण्यात आला असून अधिक तपास सुरू असल्याचे सिंहगड पोलिसांनी सांगितले.