उद्या 31 मे रोजी सकाळी 11 वाजता गणेश कला क्रीडा मंच, नेहरू स्टेडियम जवळ स्वारगेट येथे आरक्षणाची सोडत काढण्यात येणार आहे. प्रशासनाच्या वतीने याची संपुर्ण तयारी करण्यात आली आहे. त्यामूळे पुणे महापालिका निवडणुकीत कोणत्या प्रभागात किती पुरुष आणि किती महिला उमेदवार असणार हे स्पष्ट होणार आहे.

दोन पुरुष की दोन महिला चित्र होणार स्पष्ट

उद्या होणाऱ्या आरक्षण निश्चिती नंतर इच्छूक उमेदवारांना निवडणूकीसाठी रणनीती निश्चित करता येणार आहे. तीन सदस्यीय प्रभाग रचनेमुळे अनेक प्रभागात दोन महिला एक पुरुष अशी विभागणी होणार आहे. त्यामुळे आपल्या प्रभागात दोन पुरुष आणि एक महिला असे आरक्षण व्हावे. यासाठी इच्छूक उमेदवार देवाकडे प्रार्थना करीत आहेत.

अनेक प्रभागात होणार काटे की टक्कर

ज्या प्रभागांमध्ये एक महिला आणि दोन पुरुष अशी आरक्षणाची विभागणी होईल. एका प्रभागातील विरोधातील दिग्गज उमेदवार मोक्याच्या क्षणी एकमेकांच्या समोर न येता दुसऱ्या गटात जाऊन निवडणूक लढवितात कारण दोन पुरुष गटाचा फायदा घेता येतो. मात्र एक महिला आणि दोन पुरुष असे गट झाल्यास  विरोधातील दोन्ही तगड्या उमेदवारांना या प्रभागात समोरासमोर उभे राहावे लागणार असल्याने अनेक प्रभागात काटे कि टक्कर पाहायला मिळणार आहे.

ओबीसी आरक्षणाशिवाय निवडणुका होऊ नयेत अशी भूमिका सर्वच राजकीय पक्षांची आहे. या आरक्षणाशिवाय निवडणुका होणार नाहीत हा प्रस्ताव विधिमंडळात एकमताने मंजूर करून वॉर्ड रचनांचे अधिकार सरकारने स्वतःकडे घेतले आहेत. त्यामुळे फेररचनाचे काम करा असे पत्र निवडणूक आयोगाने राज्य सरकारला दिले असल्याची माहिती मिळत आहे. या नव्या रचनांना मान्यता मिळाल्यानंतर प्रलंबित निवडणुका होण्याची शक्यता नाकारता येत नाही.

निवडणुका वेळेत घ्याव्यात यासाठी दाखल करण्यात आलेल्या याचिकेवर ७ तारखेला सर्वोच्च न्यायालयात सुनावणी आहे. या सुनावणीत न्यायालय काय निर्णय देणार याकडेही सर्व राजकीय पक्षांचे लक्ष लागलेले आहे. त्यातच निवडणुका आयोगाने सरकारला वार्डच्या फेररचना कराव्यात यासाठी पाठवलेले पत्राने नवीन खळबळ उडवली आहे.

पुणे : महाविकास आघाडी सरकारच्या ढिलाईमुळे व बेफिकीरमुळेच ओबीसी राजकीय आरक्षण गमावले असल्याचे सर्वोच्च न्यायालयाच्या गुरुवारच्या आदेशामुळे स्पष्ट झाले आहे. ओबीसींच्या आरक्षणाशिवाय राज्यात स्थानिक स्वराज्य संस्थांच्या निवडणुका घेऊ नयेत, अशी भारतीय जनता पार्टीची स्पष्ट भूमिका आहे, असे प्रतिपादन प्रदेशाध्यक्ष चंद्रकांत पाटील यांनी गुरुवारी केले.

ते म्हणाले की, शिवसेना – काँग्रेस – राष्ट्रवादी काँग्रेसच्या महाविकास आघाडी सरकारने ओबीसी राजकीय आरक्षणाबाबत सुरुवातीपासून बेपर्वाई व ढिलाई केली. मार्च २०२१ मध्ये सर्वोच्च न्यायालयाने हे आरक्षण रद्द करणारा निकाल दिल्यानंतरही हे सरकार जागे झाले नाही. त्यानंतर जरी तातडीने सर्वोच्च न्यायालयाच्या सूचनेनुसार कारवाई केली असती व एंपिरिकल डेटा गोळा केला असता तर ओबीसींना आतापर्यंत स्थानिक स्वराज्य संस्थांमध्ये राजकीय आरक्षण परत मिळाले असते. महाविकास आघाडी सरकार सदैव टाळाटाळ करत राहिले. आताही सर्वोच्च न्यायालयात दाद मागताना सादर केलेला अहवाल कच्चा असल्याचे स्पष्ट झाले आहे.

त्यांनी सांगितले की, ओबीसींना राजकीय आरक्षण मिळूच नये या पद्धतीने महाविकास आघाडी सरकार ढिलाई आणि वेळकाढूपणा करत राहिले आहे. भाजपा हे मान्य करणार नाही. आघाडी सरकारने तातडीने सर्वोच्च न्यायालयाच्या सूचनांनुसार कारवाई करून ओबीसींना राजकीय आरक्षण मिळवून दिले पाहिजे. हे आरक्षण पुन्हा मिळेपर्यंत स्थानिक स्वराज्य संस्थांच्या निवडणुका घेऊ नयेत.

विद्यमान नगरसेवकांनी मोर्चेबांधणी सुरू केली असून गाठीभेटी घ्यायलाही सुरुवात केली आहे. आरक्षण कसे पडेल त्यानुसार पॅनल कसा तयार करायचा याची रणनीती ही त्यांच्याकडून सुरू आहे, त्यानुसार गुप्त बैठका पार पडत आहेत व त्याची चर्चाही राजकीय वर्तुळात उमटत आहे. विद्यमान नगरसेवकांच्या या हालचाली सुरू असताना यात सर्वसामान्य कार्यकर्ता ही मागे नसून तो त्याच्या पातळीवर राजकीय समीकरणे जुळवण्याचा प्रयत्न करत आहे.

कार्यकर्त्यांनी बंड केले तर नगरसेवकांसमोर मोठा पेच निर्माण होणार आहे. पक्षाच्या नेत्यांना निवडून देण्यासाठी आणखी किती वर्ष खस्ता खायच्या अशी तीव्र भावना कार्यकर्त्यांमध्ये दिसत आहे. नागरिकांच्या अडचणींना धावून जाणे, समस्यांवर उपाययोजना करण्यासाठी अधिकाऱ्यांकडे पाठपुरावा करणे, विविध समाज हिताचे उपक्रम राबवणे अशा प्रकारची अनेक कामे सामान्य कार्यकर्त्या सातत्याने करत असतो. एवढे करूनही शेवटपर्यंत पक्षाकडून विचार होईल की नाही सांगता येत नाही. पक्ष आपल्याला संधी देईल का अशा विवंचनेत सध्या हे कार्यकर्ते असून ही निवडणूक काही झाले तरी लढवायची असा चंग बांधून सर्व पक्षातील कार्यकर्ते मोर्चेबांधणी करताना दिसत आहेत.

अनेक जणांकडून सोयीच्या राजकारणासाठी निवडणुकीच्या तोंडावर पक्षांतर केले जाते किंवा पक्षाकडून आयात उमेदवार लादले जातात. आयात होऊन आलेल्या उमेदवारांमुळे पक्षातील कार्यकर्त्यांवर अन्याय होत असतो. अशा वेळेस त्या कार्यकर्त्यांची नाराजी दूर करताना पक्षश्रेष्ठींना तारेवरची कसरत करावी लागणार आहे. सध्या नेत्यांच्या हालचालीचा अंदाज घेऊन कार्यकर्ता आपली राजकीय गणिते तयार करू लागला आहे.

पक्षाची उमेदवारी ऐनवेळेस दुसऱ्याला जाण्याचा अनुभव कार्यकर्त्यांना काही नवा राहिलेला नाही त्यामुळे कार्यकर्ता सावधानता बाळगून आपले पत्ते वापरत आहे. कामाला लागा असे प्रत्येकाला जरी सांगितले गेले असले तरी उमेदवारीची माळ गळ्यात कोणाच्या पडणार याबाबत शंका कार्यकर्त्यांच्या मनात अर्ज भरण्याच्या शेवटच्या क्षणापर्यंत असते कारण शेवटच्या क्षणीही काही धोका होऊ शकतो याची त्याला कल्पना त्याला असते. निवडणुकांचे काम करत असताना असे प्रकार त्यांनी अनेकवेळा पाहिले आहेत. अनेक कार्यकर्त्यांसाठी ही निवडणूक म्हणजे शेवटची संधी असणार आहे त्यामुळे थांबण्याच्या मनस्थितीत कार्यकर्ते नसल्याचे दिसत आहे.

अमोल साबळे
Editor- सिंहासन News

पुणे जिल्ह्यातील करोना स्थितीचा आढावा घेण्यासाठी झालेल्या बैठकीनंतर त्यांनी ही माहिती दिली. या बैठकीत कोविड सेंटरच्या अनुषंगानं होत असलेल्या आरोपांवरही चर्चा झाली. अजित पवार यांनी अधिकाऱ्यांकडून संपूर्ण माहिती घेतली. त्यानंतर त्यांनी माध्यमांकडे भूमिका मांडली. जम्बो कोविड सेंटरच्या उभारणीत कुठलाही गैरव्यवहार झालेला नाही. सगळी कामे पारदर्शक पद्धतीनं झाली आहेत, असं अजित पवार यांनी सांगितलं. पुणे महापालिकेत भाजपच्या कार्यकर्त्यांनी किरीट सोमय्या यांचा सत्कार केल्याबाबत त्यांनी काहीही बोलण्यास नकार दिला. वाईन विक्रीच्या राज्य सरकारच्या निर्णयाविरोधात अण्णा हजारे यांच्या बेमुदत उपोषणाचा इशारा पत्राची सरकारनं दखल घेतली असून प्रधान सचिव वल्सा नायर या अण्णांना भेटणार आहेत, असं अजित पवार यांनी सांगितले.

पुणे : पुणे महानगरपालिका भारतीय जनता पार्टीकडून ताब्यात घेण्याचे स्वप्न राष्ट्रवादी काँग्रेस पाहत असली तरी त्या पक्षाच्या स्वप्नाचा चक्काचूर होईल आणि भाजपा पुणे महानगरपालिका निवडणुकीत पूर्ण बहुमत मिळवेल, असे प्रतिपादन भाजपा प्रदेशाध्यक्ष चंद्रकांत पाटील यांनी पुण्याजवळ मांजरी येथे पत्रकारांशी बोलताना केले.

पुणे महानगरपालिकेत नव्याने समाविष्ट गावांना चंद्रकांत पाटील यांनी मंगळवारी भेट दिली. त्यावेळी ते पत्रकारांशी बोलत होते.

ते म्हणाले की, राष्ट्रवादी काँग्रेसने पुणे महानगरपालिका निवडणूक जिंकण्यासाठी सत्तेचा वापर करून महानगरपालिकेत नव्याने काही गावांचा समावेश केला. तथापी, पंतप्रधान नरेंद्र मोदी यांच्या विविध कल्याणकारी योजनांचा लाभ झालेले मतदार गावांमध्ये मोठ्या प्रमाणात असल्याने तेथे भाजपालाच मते मिळतील. तसेच पुण्यात प्रभाग रचना करताना मोठ्या प्रमाणात मोडतोड केली असली तरी भाजपाचा मतदार सर्वत्र कायमच आहे. त्यामुळे आगामी महानगरपालिका निवडणूक भाजपा पूर्ण बहुमताने जिंकेल आणि पुणे महानगरपालिका ताब्यात घेण्याच्या राष्ट्रवादी काँग्रेसच्या स्वप्नाचा चक्काचूर होईल.

ते म्हणाले की, भाजपाने पाच वर्षांच्या सत्तेच्या काळात पुणे महानगरपालिका क्षेत्रात भरघोस कामगिरी केली आहे. मेट्रो, रुग्णालय, रस्ते, बस वाहतूक अशा विविध क्षेत्रात भाजपाने प्रभावी काम केले आहे. आगामी काळात पुणे महानगरपालिकेचे वैद्यकीय महाविद्यालयही होईल. भाजपा आपल्या कामांची यादी घेऊन मतदारांसमोर जाईल आणि त्यापूर्वी पन्नास वर्षांच्या काँग्रेस किंवा राष्ट्रवादी काँग्रेसच्या कारभाराशी तुलना करण्याचे आवाहन करेल.

धुमाळ यांनी म्हंटले आहे की, भारतीय जनता पार्टीने गेल्या पाच वर्षात महानगरपालिकेत केलेला भ्रष्ट कारभार, जलपर्णी काढण्यासाठी 23 कोटींचा खर्च, नदी प्रदूषण, वाहतूक समस्या, रस्त्यांची दुरावस्था, अशा अनेक समस्या व घोटाळे बघता पुणे महानगरपालिकेतील भाजपच्या सत्तेचा शेवट जवळ आला आहे. 

राष्ट्रवादी स्वबळावर लढली तरी महापौर राष्ट्रवादीचाच असेल असा विश्वास वाटत असून प्रभाग रचना जाहीर झाल्यानंतर भाजपच्या गोटात खळबळ उडाल्याचे दिसून येत आहे. भाजपच्या नगरसेवकांना प्रभागातील नागरिकांचे मूलभूत प्रश्न देखील सोडवता आले नसल्याने जनता त्यांना घरचा रस्ता दाखवणार हे नक्की असल्याचे धुमाळ यांनी म्हंटले आहे.

http://सिंहासन News कोथरूड, कर्वेनगर, वारजे, एरंडवणे आणि बावधन भागातील अशा आहेत प्रभागरचना; या काही प्रभागात येतील हरकती… https://www.sinhasannews.com/there-are-ward-structures-in-kothrud-karvenagar-warje-erandwane-and-bavdhan-areas-8653/

काल 31 जानेवारी रोजी प्रभाग रचना ची नावे पुढे आल्यानंतर एकंदरीतच प्रभाग कसे होतील याचा अंदाज आला होता पण प्रत्यक्ष प्रभागांची रचना आज जाहीर झाल्यानंतर अनेकांना धक्के बसले आहेत. त्यामुळे प्रभाग क्रमांक ३५ रामनगर, उत्तमनगर, शिवणे, प्रभाग क्रमांक ३३ बावधन खुर्द – महात्मा सोसायटी, प्रभाग ३२ भुसारी कॉलनी – सुतारदरा या प्रभागात हरकती घेण्याची तयारी राजकीय पदाधिकाऱ्यांकडून सुरू करण्यात आली आहे.

असे आहेत प्रभाग

प्रभाग क्रमांक ३६ कर्वेनगर
मतदार संख्या ६७२६०
प्रभाग क्रमांक 36 कर्वेनगर हा आंबेडकर चौक येथील वारजे जलशुद्धीकरण केंद्रापासून सुरु होऊन पुढे हिंगणे होम कॉलनी वडार वस्ती मिलेनियम स्कूल वनदेवी मंदिर समोरून कामना वसाहत पुणे कॅनल रोडने मीनल कॉर्नर श्रीमान सोसायटी पानंद रोड दाते मंडवाले पासून नदीकडे व मध्ये कडेच्या रस्त्याने कॉलनी दुधानेनगर भालेकर वस्ती इंगळेनगर तपोधाम असा या प्रभगाचा भाग आहे. 2017 च्या प्रभाग क्रमांक 31 मधून या प्रभागाची निर्मिती करण्यात आली असून जुन्या प्रभागातील बराचसा भाग या नवीन प्रभाग क्रमांक 36 मध्ये आलेला आहे.

प्रभाग क्रमांक ३४ वारजे – कोंढवे धावडे
मतदार संख्या ६४९१९
पुणे-बंगळूर राष्ट्रीय महामार्गावरील डुक्कर खिंडी पासून वारजे कडे येताना महामार्गाला लागून असलेल्या डाव्या बाजूच्या सोसायट्या, उरीटनगर, सिप्ला फाऊंडेशन, माई मंगेशकर, वारजे पोलीस स्टेशन एनडीए रस्त्याने संजीवन हॉस्पिटल, कोंढवे धावडे रस्त्याची उजवी बाजू , माळवाडी, अतुलनगर, पॉप्युलरनगर, असा हा भाग या प्रभागात आहे.

प्रभाग ३५
रामनगर उत्तमनगर, शिवणे
मतदार संख्या ६७४२२
प्रभाग क्रमांक ३५ रामनगर उत्तमनगर, शिवणे हा प्रभाग डॉ बाबासाहेब आंबेडकर चौक तिरुपतीनगर आकशनगर, सिध्देश्वर नगर, सिप्ला फाऊंडेशन वारजे पोलीस स्टेशन, वारजेगाव, खान वस्ती, अहिरे गाव, दांगट पाटील नगर, शिवणे, उत्तमनगर कडे जाताना एनडीए रस्त्याची डावी बाजू या प्रभागात समाविष्ट करण्यात आली आहे.

प्रभाग क्रमांक ३३
बावधन खुर्द , महात्मा
मतदार संख्या ६६२१६
प्रभाग ३३ बावधन खुर्द, डहाणूकर कॉलनी या प्रभागात बावधन व कोथरुड मधील महात्मा सोसायटी, डहाणूकर कॉलनी, आयडीएल सोसायटीचा भाग घेऊन तयार करण्यात आला आहे. हा प्रभाग बावधन मधील एचडीएफसी बँक बावधन वृद्ध पाटील नगर प्लॅनेट नाईन बिस्त्रो भुसारी कॉलनीतील लोहिया जैन आयटी पार्क सोसायटी सोसायटी सहजानंद डहाणूकर कॉलनी, आयडीएल व मयूर कॉलनीचा काही भाग कर्वेनगर मधील गोसावी वस्ती, हॅप्पी कॉलनी या भागांचा या प्रभागात समाविष्ट करण्यात आला आहे.

प्रभाग क्रमांक १६ -एरंडवणे
मतदार संख्या – ६७१०३
महालक्ष्मी मंगल कार्यालय राजाराम पूल ते संभाजी उद्यान डेक्कन , बालगंधर्व चौक- घोले रस्ता मार्गे ज्ञानेश्वर पादुका चौक  फर्ग्युसन कॉलेज – बालभारती – लॉ कॉलेज रस्ता मार्गे नळस्टॉप कर्वे रस्ता मार्गे एसएनडीटी चौक- कॅनल रस्त्याची डावी बाजू पांडुरंग कॉलनी -करिष्मा चौक, अलंकार पोलीस चौकी , ताथवडे उद्यान कर्वेनगर हा भाग या प्रभागात घेण्यात आला आहे.

प्रभाग क्रमांक ३१
कोथरुड गावठाण – शिवतीर्थावर
मतदार संख्या ६११५
कर्वे पुतळा चौक, जलसंपदा भवन, नाल्याची लाईन गणंजय सोसायटी, गांधी भवन, कुमार परिसर डीपी रोड उजवी बाजू, आशिष गार्डन चौक, कोथरूड पोलीस स्टेशन, सह्याद्री हॉस्पिटल किनारा हॉटेल पासून आत जीत ग्राउंड वरती परमहंसनगर रस्ता उजवी बाजू, पेठकर साम्राज्य, शिवतीर्थनगर ते पौड रस्ता डावी बाजू, प्रतिक नगर कॅनॉल थोरात उद्यान असा हा प्रभाग आहे. यामध्ये गुजरात कॉलनी शिवतीर्थनगर, कोथरूड गावठाण, राहुलनगर श्रीराम पार्क, शिवतारा सोसायटी, मंत्री पार्क तेजसनगर असा भाग या प्रभागात समाविष्ट करण्यात आला आहे.

प्रभाग क्रमांक -३०
जयभवानीनगर – केळेवाडी
मतदार संख्या- ६०२३७
एआरआय  टेकडी- हनुमान नगर -केळेवाडी,रामबाग कॉलनी एम आय टी कॉलेज रोड,लीला पार्क- सुनिता पार्क -शिवतीर्थ नगर गणपती मंदिर -रोहन कॉर्नर एलआयसी कॉलनी जय भवानी नगर शीला विहार कॉलनी- अद्वैत नगर ,भीम नगर, टिळेकर प्लॉट- कासल पेट्रोल पंप देशपांडे पूरम- मेगासिटी

प्रभाग क्रमांक १४
पाषाण बावधन बुद्रुक
मतदार संख्या ५८५१५
प्रभाग क्रमांक १४ पाषाण बावधन बुद्रुक या प्रभागात  बावधान बुद्रुक गाव पूर्ण व बावधान खुर्द चा काही भाग,
बाणेर पाषाण लिंक रोडचा काही भाग, सोमेश्वरवाडी, लमान तांडा, सुतारवाडी पूर्ण, रामनगर, एआरडीइची हद्द, असा भाग या प्रभागात समाविष्ट करण्यात आला आहे.

प्रभाग क्रमांक -३२
भुसारी कॉलनी  – सुतारदरा
मतदार संख्या- ६७१२७
भुसारी कॉलनी -लोहिया जैनआयटी पार्क, भीमसेन जोशी उद्यान, काशीकापडी पुरम, रुणवाल, शिवनगरी जवळून आशिष गार्डन चौक -शास्त्रीनगर पोलीस चौकी ,किनारा हॉटेल चौक, जित ग्राऊंडच्या अलीकडील बाजू परमहंस नगर – म्हातोबा नगर लोकमान्य वस्ती – सुतारदरा

अतिरिक्‍त आयुक्‍त रवींद्र बिनवडे आणि निवडणूक विभाग प्रमुख अजित देशमुख यांनी मुंबईत राज्य निवडणूक आयोगाकडे हा दुरुस्ती बदलांसह प्रारूप आराखडा सादर केला आहे.

आयोगाकडून दोन दिवसापूर्वीच निवडणुकांसाठी करोना प्रतिबंधात्मक नियमावली जाहीर केली होती. त्यामुळे निवडणूक प्रक्रियेला वेग येणार असल्याचे संकेत मिळत आहेत. त्यातच आता आयोगाकडे आराखडा सादर झाल्याने लवकरच निवडणूक प्रक्रियाही जाहीर होण्याची शक्यता आहे.

मात्र ही प्रभाग रचना निवडणूक आयोगाने तयार केलेली नसून
माजी विरोधी पक्षनेते उज्ज्वल केसकर आणि सुहास कुलकर्णी यांनी तयार केलेले आहे.याबाबत इच्छुक उमेदवार विविध पत्रकारांना फोन करून या प्रभाग रचनेविषयी खातरजमा करण्याचा प्रयत्न करीत आहेत. पण अद्याप निवडणूक आयोगाने कोणतीही प्रभाग रचना जाहीर केलेली नाही.

उज्वल केसकर म्हणाले, आम्ही जाहीर केले होते,प्रभाग रचना हा फार अवघड विषय नाही प्रशासन वेळ काढत होते,मागत होते तेव्हा ठरविले की आपण मार्गदर्शक सूचनेनुसार काही करू आणि केला हा प्रयोग आहे,आमचा दावा नाही की असेच प्रभाग होतील,अथवा केले पाहिजे अशी मागणी ही नाही,मनपा कडे असणारी यंत्रणा आमच्या कडे नसताना केले आहे, मनपा आयुक्त आणि इतर अधिकारी यांनी ठरवले असते तर 3 सदस्य प्रभाग रचना करण्याचा आदेश आल्यावर करता आला असता.