या बैठकीला उप प्रादेशिक परिवहन अधिकारी संजीव भोर सहाय्यक प्रादेशिक परिवहन अधिकारी अमर देसाई राष्ट्रवादी काँग्रेस औद्योगिक विभाग अध्यक्ष संतोष कपटकर, मोटार ड्रायव्हिंग स्कूल असोसिएशन अध्यक्ष एकनाथ ढोले, मोटार ड्रायव्हिंग स्कूल ओनर्स असोसिएशन महाराष्ट्र राज्य राजू घाटोळे व पुणे शहरातील ड्रायव्हिंग स्कूल संचालक उपस्थित होते.

या संदर्भात सर्व तांत्रिक बाबींचा विचार करून बॅच काढण्यासाठी येणाऱ्या उमेदवारांना त्यांचे काम सुकरपणे होईल तसेच उद्भवलेल्या परिस्थितीतून मार्ग निघेल. या बाबत पोलीस आयुक्त कार्यालय पुणे शहर यांच्याशी संपर्क साधून योग्य तो मार्ग काढू असे आश्वासन डॉ अजित शिंदे यांनी यावेळी दिले.

सार्वजनिक वाहतूक व्यवस्था करण्यासाठी आवश्यक असलेल्या रिक्षा टॅक्सी व बस बॅच पुणे कार्यालयात उद्भवलेल्या प्रश्न बाबत सर्वसामान्य उमेदवारांच्या पाठीशी मी उभा आहे या प्रश्नावर त्वरित योग्य तो मार्ग काढावा म्हणून मी अजित शिंदे प्रादेशिक परिवहन अधिकारी पुणे यांची लवकर प्रत्यक्ष भेट घेऊन या प्रश्नावर मार्ग काढणार आहे असे काँग्रेसचे ज्येष्ठ नेते माजी आमदार मोहन जोशी यांनी सांगितले.

या प्रश्नावर व मराठी माणसांना न्याय मिळावा यासाठी मनसेचे नेते माननीय बाळा शेडगे यांनी दूरध्वनीवरून संजीव भोर उपप्रादेशिक परिवहन अधिकारी पुणे यांच्याशी चर्चा केली व सदर बॅचच्या या प्रश्नावर मराठी माणसाच्या हितासाठी चर्चा केली व तातडीने मार्ग काढण्याची मागणी केली.

राष्ट्रवादी काँग्रेस औद्योगिक विभाग अध्यक्ष संतोष कपटकर यांनी प्रत्यक्ष अजित शिंदे यांच्या बरोबर झालेल्या बैठकीत सहभागी झाले होते. कपटकर म्हणाले, मराठी उद्योजकांना स्वयंरोजगारासाठी स्वतःच्या पायावर उभा राहण्यासाठी व सार्वजनिक वाहतूक सक्षम करण्यासाठी रिक्षा टॅक्सी बस बॅच अत्यंत आवश्यक आहे व या न्याय मागणीसाठी राष्ट्रवादी काँग्रेस औद्योगिक विभाग नेहमीच मराठी उद्योजकांच्या पाठीशी कायम उभे राहील. बेरोजगारीवर मात करण्यासाठी सर्वतोपरी प्रयत्न म्हणून मी या उमेदवारांच्या पाठीशी उभा आहे.

सदर बैठकीला सचिन गुंड भरत गायकवाड सुरज देवकर संदीप ढेरंगे आशिष पवार निलेश कैलास गिरी आदी उपस्थित होते.