पुणे : श्री शिवाजी राजगड स्मारक मंडळ पुणे आयोजित मोडी लिपी प्रशिक्षण उपक्रमाचे आयोजन करण्यात आले आहे. या उपक्रमाचे उद्घाटन न्यू इंग्लिश स्कूल रमणबाग येथे करण्यात आले होते.

हा उपक्रम  मंडळा मार्फत न्यू इंग्लिश स्कूल टिळक रोड, न्यू इंग्लिश स्कूल रमणबाग आणि  माधव सदाशिव गोळवलकर गुरुजी विद्यालयातील इयत्ता ८ वी, ९ वी च्या विद्यार्थ्यासाठी राबवला जात असून यात प्रत्येक शाळेतील ५० विद्यार्थ्यांना सहभागी करून घेण्यात आले आहे.

सदर उपक्रमाचे उद्घाटन आज पार पडले. या कार्यक्रमाला रमणबाग शाळाप्रमुख श्रीमती आशा माने या अध्यक्ष स्थानी होत्या तसेच न्यू इंग्लिश टिळक रोड शाळाप्रमुख राव मॅडम आणि माधव सदाशिव गोळवलकर गुरुजी विद्यालयाच्या शाळाप्रमुख बनकर मॅडम उपस्थित होत्या.मान्यवरांचे स्वागत आणि सत्कार मंडळाचे अध्यक्ष मंगेश राव यांनी केले

माधव जगताप, उपयुक्त पुणे महानगर पालिका हे प्रमुख पाहुणे म्हणून उपस्थित होते त्यांनी मोडी लिपी आणि शिवाजी महाराज यासंदर्भात विद्यार्थांना मार्गदर्शन केले तर दुसरे पाहुणे मोडी लिपी तज्ञ राजेंद्र ढुमे यांनी विद्यार्थ्यांना मोडी लिपीचा इतिहास, त्याचे महत्व समजून सांगितले.

कार्यक्रमाचे प्रास्ताविक श्री शिवाजी राजगड स्मारक मंडळाचे  योगेंद्र भालेराव यांनी तर आभार प्रदर्शन अजिंक्य साठे यांनी केले. या ३ ही शाळेत हा उपक्रम आठवड्यात २ दिवस असे पुढील २ महिने चालणार आहे, याचबरोबर विविध मान्यवरांची व्याख्याने आणि वारसा सहल विद्यार्थ्यांसाठी आयोजित केली जाणार आहे. 

अभिजात दर्जा मिळालेल्या आपल्या मराठी भाषेचे मोडी ही एक वेगळी लिपी आहे आणि त्याचे ऐतिहासिक महत्व खूप आहे, आपला मराठ्यांच्या इतिहास हा या मोडी लिपीतच लिहिला गेलेल्या पत्रसंग्रहातून उलगडला गेला आहे त्यामुळे लहान वयातच विद्यार्थ्यांना या लिपीचा परिचय व्हावा, त्यांना इतिहासात रस निर्माण व्हावा आणि आपल्या इतिहासाचा सखोल अभ्यास व्हावा असा या उपक्रमाचा उद्देश असल्याचे अजिंक्य साठे यांनी नमूद केले.

ग्रामस्थांच्या मागणीची तातडीने दखल घेत चंद्रकांत पाटील यांनी पुणे महापालिकेच्या महापौर मंजुषा नागपुरे आणि स्थायी समितीचे अध्यक्ष श्रीनाथ भिमाले यांच्याशी दूरध्वनीवरून चर्चा केली. सदर रस्ता, ड्रेनेज तसेच पावसाळी पाण्याच्या लाईनची कामे तातडीने सुरू करण्याच्या सूचना त्यांनी केल्या. तसेच संबंधित अधिकाऱ्यांशी समन्वय साधून नागरिकांच्या समस्या प्राधान्याने सोडविण्याचे निर्देश दिले.

म्हाळुंगे गावातील नागरिकांच्या मूलभूत सुविधांशी संबंधित प्रश्न सोडविण्यासाठी प्रशासनाच्या माध्यमातून पाठपुरावा करण्यात येत असून, या कामांना आता गती मिळणार असल्याने ग्रामस्थांनी समाधान व्यक्त केले आहे.

यावेळी भाजप नेते गणेश कळमकर, माजी सरपंच रेखा पाडळे, माजी सरपंच नामदेवराव गोलांडे, उद्योजक सोपानराव पाडळे, सुरेश पाडळे, सचिन पाडळे यांच्यासह ग्रामस्थ उपस्थित होते.

काँग्रेस शहर अध्यक्ष प्रशांत जगताप आणि माजी दीप्ती चौधरी  यांच्या नेतृत्वाखाली हे आंदोलन करण्यात आले. यावेळी पुणे महापालिकेतील काँग्रेस पक्षाचे गटनेते रामचंद्र उर्फ चंदुशेठ कदम आणि पदाधिकारी कार्यकर्ते मोठ्या संख्येने उपस्थित होते.

पुण्यात केंद्रीय गृहमंत्री अमित शाहांच्या दौऱ्यामुळे राजकीय घडामोडींना वेग आला आहे. दिल्लीतील विद्यार्थ्यांवरील लाठीचार्जवरून काँग्रेस आणि वंचित बहुजन आघाडीने केंद्रीय गृहमंत्री अमित शाह यांच्या विरोधात आक्रमक पवित्रा घेतला आहे. अमित शहा यांच्या सभेआधीच काँग्रेस आणि वंचित बहुजन आघाडीने जोरदार आंदोलन केले.

अमित शाह यांच्या विरोधात पोस्टर झळकवत आणि घोषणाबाजी करत कार्यकर्ते आंदोलन करत आहेत. काँग्रेससोबत वंचित बहुजन आघाडीच्या पार्श्वभूमीवर पोलिसांचा मोठा बंदोबस्त पाहायला मिळत आहे.

केंद्रीय गृहमंत्री अमित शहा आज पुणे दौऱ्यावर आहेत. पुण्यात अमित शहा यांच्या हस्ते लोकमान्य टिळक राष्ट्रीय पुरस्काराचे वितरण होणार आहे. राष्ट्रीय सुरक्षा सल्लागार अजित डोवाल यांना लोकमान्य टिळक राष्ट्रीय पुरस्कार वितरीत केला जाणार आहे. परंतु या कार्यक्रमाआधी राजकारण तापलं आहे. पुण्यात अमित शाह यांच्या विरोधात काँग्रेस आणि वंचित बहुजन आघाडीने आक्रमक भूमिका घेतली आहे. दिल्लीत विद्यार्थ्यांवर केलेल्या लाठीचार्जवरून आंदोलक अमित शाह यांच्या राजीनाम्याची मागणी केली जात आहे.

स्पर्धेविषयी अधिक माहिती देताना सोमेश्वर फाउंडेशनचे सदस्य व  नगरसेवक सनी निम्हण यांनी सांगितले की, माजी आमदार विनायक निम्हण हयात असताना आपल्या वाढदिवसानिमित्त खेळाडूंना प्रोत्साहन देण्यासाठी सातत्याने विविध क्रीडा स्पर्धांचे आयोजन करत होते. आता तीच परंपरा यापुढे कायम ठेवत सलग २७ वर्षे माजी आमदार कै. विनायक निम्हण यांच्या जयंती निमित्त विनायकी क्रीडा महोत्सवाचे आयोजन करण्यात येत आहे. या स्पर्धेच्या माध्यमातून राज्यातील गुणवंत खेळाडूंना आपली गुणवत्ता दाखवण्याची संधी मिळावी, या हेतूने या स्पर्धेचे आयोजन करण्यात आले आहे.

दरवर्षीप्रमाणे याही वर्षी आयोजित सर्व क्रीडा स्पर्धांना खेळाडू आणि क्रीडाप्रेमींकडून अतिशय जोरदार आणि सकारात्मक प्रतिसाद मिळत आहे. सर्व स्पर्धांची नावनोंदणी अतिशय उत्साहात होत आहे. या क्रीडा महोत्सवाच्या माध्यमातून परिसरातील गुणवान व उदयोन्मुख खेळाडूंना व्यासपीठ उपलब्ध होणार असून त्यांना पुढील स्पर्धांसाठी प्रोत्साहन मिळणार आहे. विविध क्रीडा प्रकारांमध्ये होणाऱ्या स्पर्धांमुळे तरुणांना आपली कौशल्ये सादर करण्याची संधी मिळणार आहे.   

खुल्या जिल्हास्तरीय रोलर स्केटिंग स्पर्धेचे आयोजन करण्यात आले आहे. पेरी डॉट हॉल, सनीज वर्ल्ड, पाषाण सुस रोड या ठिकाणी ही स्पर्धा २६ जुलै रोजी रंगणार आहे. हि स्पर्धा ६ वर्षावरील ते १८ वर्षांवरील वयोगटात रंगणार आहे. स्पर्धेत आतापर्यंत १०० खेळाडूंनी आपला सहभाग नोंदवला आहे. युवा खेळाडूंना प्रोत्साहन देण्याच्या सनी विनायक निम्हण यांच्या धोरणानुसार होणा-या या स्पर्धेतील विजेत्यांना करंडक, प्रशस्तिपत्रक आणि सहभागी होणाऱ्या प्रत्येक स्पर्धकाला पदके देण्यात येणार आहेत. स्पर्धेत सहभागी होण्याची अंतिम तारीख २६ जुलै २०२६ पर्यंत असून नावनोंदणीकरिता https://forms.gle/xSCetWYaMevZLvmN6 या सांकेतिक स्थळावर अथवा पुष्कर कुलकर्णी(९८२२५६६६०५) यांना संपर्क साधण्याचे आवाहन आयोजकांच्या वतीने करण्यात आले आहे. 

महाराष्ट्र कॅरम असोसिएशन व कॅरम असोसिएशन ऑफ पुणे यांच्या मान्यतेने तसेच सोमेश्वर फॉउंडेशनच्या वतीने तिसऱ्या कै. विनायक निम्हण राज्य मानांकन कॅरम स्पर्धेचे आयोजन करण्यात आले आहे. नगरसेवक सन्माननीय सनी विनायक निम्हण यांच्या पुढाकाराने सलग तिसऱ्या वर्षी हि स्पर्धा सनी स्पोर्ट्स किंग्डम, सनीज वर्ल्ड, पाषाण सुस रोड, पुणे येथे दिनांक ७ ते ९ ऑगस्ट २०२६ दरम्यान रंगणार आहे. पुरुष एकेरी व महिला एकेरी अशा दोन गटात हि स्पर्धा खेळवण्यात येणार असून दोनही गटातील पहिल्या आठ विजेत्यांना मिळून एकंदर १ लाख १० हजारांची रोख पारितोषिके देण्यात येणार आहेत. स्पर्धेचे प्रवेश अर्ज महाराष्ट्र कॅरम असोसिएशनच्या www.maharashtracarromassociation.com या संकेत स्थळावर उपलब्ध आहेत. नावे नोंदविण्याची अंतिम तारीख २२ जुलै, २०२६ असून स्पर्धेत भाग घेण्यासाठी राज्यातील खेळाडूंनी आपापल्या जिल्हा कॅरम संघटनेशी संपर्क साधावा. तसेच अधिक माहितीसाठी भ्रमणध्वनी क्रमांक ९९८७०४५४२९ येथे संपर्क साधावा. 

अखिल भारतीय बुद्धिबळ संघटना व महाराष्ट्र बुद्धिबळ संघटना यांच्या मान्यतेखाली तसेच सोमेश्वर फॉउंडेशनच्या वतीने  आंतरराष्ट्रीय खुल्या रॅपिड रेटिंग बुद्धिबळ स्पर्धेचे आयोजन करण्यात आले आहे. हि स्पर्धा १ व २ ऑगस्ट रोजी  पाषाण सुस रोड येथील पेरी डॉट हॉल,  सनीज वर्ल्ड या ठिकाणी होणार आहे. स्पर्धेत २०० खेळाडूंनी आतापर्यंत आपला सहभाग निश्चित केला आहे. स्पर्धेत फिडे मास्टर आरएस गुप्ता(२१८५), अरेना आंतरराष्ट्रीय मास्टर अलौकिक सिन्हा, अरेना फिडे मास्टर सम्यक कुलकर्णी, नैतिक माने, कॅनडियन प्लेयर विआन कलगटे यांसारखे २५० रेटेड खेळाडू आपले कौशल्य पणाला लावणार आहे. स्पर्धेत सहभागी होण्याची अंतिम तारीख २९ जुलै २०२६ असून नावनोंदणीसाठी  यांच्याशी संपर्क साधण्याचे आवाहन करण्यात आले आहे. स्पर्धेत एकूण २,००,००० रोख पारितोषीकांसह  खेळाडूंना प्रशस्तीपत्र व करंडक देण्यात येणार आहेत.

पुणे मेट्रोपॉलिटन जिल्हा बॅडमिंटन संघटना यांच्या मान्यतेखाली  तसेच सोमेश्वर फॉउंडेशनच्या वतीने  योनेक्स सनराईज सोमेश्वर चषक २०२६ जिल्हास्तरीय बॅडमिंटन स्पर्धेचे आयोजन १ व २ ऑगस्ट रोजी करण्यात आले आहे. द लाईफ स्पोर्टस्, सोमेश्वर वाडी, पाषाण येथे या स्पर्धा १३, १५, १७ वर्षे वयोगटात मुले आणि मुलींच्या गटात, तर वरीष्ठ गटात पुरुष व महिलांसाठी एकेरी व दुहेरीच्या स्पर्धा रंगणार आहेत. स्पर्धेत सहभागी होण्याची अंतिम तारीख २६ जुलै २०२६ असून सर्व सहभागी खेळाडूंना https://poonagame.com/ या संकेत स्थळावर नावनोंदणी करता येणार आहे. तसेच, स्पर्धेतील विजेत्या व उपविजेत्या खेळाडूंना करंडक व रोख रकमेची पारितोषिके प्रदान करण्यात येणार आहे.  

पुणे जिल्हा मल्लखांब संघटनेच्या मान्यतेने  तसेच सोमेश्वर फॉउंडेशनच्या वतीने निमंत्रित जिल्हास्तरीय मल्लखांब स्पर्धेचे आयोजन करण्यात आले असून यामध्ये आतापर्यंत जिल्ह्यांतून ३०० खेळाडूंनी आपला सहभाग नोंदवला आहे. हि स्पर्धा ९ ऑगस्ट २०२६ या दिवशी पेरी डॉट हॉल, सनीज वर्ल्ड, पाषाण सुस रोड  या ठिकाणी होणार आहे. तसेच हि स्पर्धा ८,१०,१२,१४ वर्षांखालील मुले व मुली या गटात रंगणार असून रोख पारितोषिक यांसह  खेळाडूंना प्रशस्तीपत्र व करंडक देण्यात येणार आहेत. स्पर्धेत नावनोंदणी करण्याची अंतिम तारीख २ ऑगस्ट २०२६ रोजी असून सत्यजित शिंदे(९८२२०१५५७०) यांच्याशी संपर्क साधण्याचे आवाहन करण्यात आले आहे.  

पुणे जिल्हा तायक्वांदो संघटनेच्या यांच्या मान्यतेखाली  तसेच सोमेश्वर फॉउंडेशनच्या वतीने  जिल्हास्तरीय खुल्या  तायक्वांदो स्पर्धेचे आयोजन करण्यात आले आहे. हि स्पर्धा फ्रेशर्स, सब ज्युनियर गट, कॅडेट गट, ज्युनियर गट आणि वरिष्ठ गटात होणार असून स्पर्धेत ५०० खेळाडू सहभागी होण्याची अपेक्षा आहे. क्युरोगी आणि पुंगसे या प्रकारात हि स्पर्धा २१ व २२ ऑगस्ट २०२६ या दिवशी सुस रोड येथील पेरी डॉट हॉल,  सनीज वर्ल्ड येथे पार पडणार आहे. स्पर्धेतील विजेत्यांना रोख रकमेची पारितोषिके, प्रशस्तिपत्रक, करंडक, टी शर्ट देखील देण्यात येणार असून बेस्ट फायटर पुरस्कार देखील देण्यात येणार आहे. स्पर्धेत नावनोंदणी करण्याची अंतिम तारीख २० ऑगस्ट २०२६ असून नाव नोंदणीसाठी अमोल तोडणकर(९७६६०००००७)यांच्याशी संपर्क साधण्याचे आवाहन आयजोंकांच्या वतीने करण्यात आले आहे.  

पुणे जिल्हा धनुर्विद्या संघटनेच्या मान्यतेखाली होत असलेल्या  तसेच सोमेश्वर फॉउंडेशनच्या वतीने  जिल्हास्तरीय खुल्या निमंत्रित इनडोअर धनुर्विद्या स्पर्धेचे आयोजन करण्यात आले आहे. हि स्पर्धा ८ व ९ ऑगस्ट २०२६ रोजी पाषाण सुस रोड येथील पेरी डॉट हॉल,  सनीज वर्ल्ड येथे पार पडणार आहे. अशा प्रकारची इनडोअर धनुर्विद्या स्पर्धा प्रथमच पुण्यात होत असून हि स्पर्धा १०, १३, १५, १८, २१ वयोगटात रंगणार आहे.स्पर्धेतील विजेत्यांना रोख रकमेची पारितोषिके, प्रशस्तिपत्रक, करंडक, सर्व सहभागी खेळाडूंना  टी शर्ट व पदके देखील देण्यात येणार आहे. जिल्ह्यातील या स्पर्धेत सहभागी होऊन उस्त्फुर्त प्रतिसाद द्यावा असे आवाहन सनी निम्हण यांनी केले आहे. नावनोंदणी करण्याची अंतिम तारीख ३ ऑगस्ट २०२६ असून नाव नोंदणीसाठी राम शिंदे(९५११२६३५२४) अथवा विशाल डुमणे(९३५६३२३१०७)यांच्याशी संपर्क साधण्याचे आवाहन आयजोंकांच्या वतीने करण्यात आले आहे.

पुणे : यशापयश हा आयुष्याचा अपरिहार्य भाग आहे. कुठल्याही अपयशाला घाबरू नका, मात्र कठोर प्रयत्नांमध्ये कसर सोडू नका. सातत्याने स्वतःची गुणवत्ता वाढवत राहा. ज्या समाजाचा आपण भाग आहोत, त्या समाजाच्या परिवर्तनाचे शिक्षण हे सर्वांत महत्त्वाचे माध्यम आहे आहे, याचे स्मरण ठेवा, असा सल्ला प्रशासकीय अधिकारी व सध्या झारखंड येथे नागरी संरक्षण आयुक्तपदी कार्यरत असणार्या रमेश घोलप यांनी रविवारी येथे विद्यार्थ्यांना दिला. “आपला समाज, देश, शिक्षक, पालक या सर्वांप्रती कृतज्ञता ठेवा. उंच अशोकवृक्षापेक्षा उपयुक्त वटवृक्षाचा आदर्श ठेवा. यशाची पंढरी प्रत्येकाला लाभो”, असेही ते म्हणाले.

केंद्रीय मंत्री आणि पुण्याच्या खासदार मुरलीधर मोहोळ संस्थापक-अध्यक्ष असलेल्या संस्कृती प्रतिष्ठानच्या वतीनं आयोजित गुणवंत विद्यार्थी गौरव समारंभात घोलप मार्गदर्शन करत होते. या गौरव उपक्रमाचे हे सलग २४ वे वर्ष होते. कोथरूड येथील यशवंतराव चव्हाण नाट्यगृहात रविवारी सकाळी हा सोहळा झाला. ७०० हून अधिक विद्यार्थ्यांना यावेळी गौरव करण्यात आला. राज्याचे उच्च व तंत्रशिक्षण तसेच वस्त्रोद्योगमंत्री चंद्रकांत पाटील कार्यक्रमाच्या अध्यक्षस्थानी होते. सावित्रीबाई फुले पुणे विद्यापीठाचे कुलगुरू डॉ. सुरेश गोसावी, प्रसिद्ध लेखक – दिग्दर्शक व अभिनेते प्रवीण तरडे, अभिनेत्री स्नेहल तरडे यांच्यासह नगसेवक नीलेश कोंढाळकर, दिनेश माथवड, वासंती जाधव, ज्योत्स्ना कुलकर्णी, अल्पना वरपे, महेश शिंदे आदी मान्यवरही उपस्थित होते.

प्रतिकूल परिस्थितीतून उच्चशिक्षण प्राप्त केलेले तसेच कठोर परिश्रमांनी महाराष्ट्र लोकसेवा आयोग आणि केंद्रीय लोकसेवा आयोगाच्या आव्हानात्मक परीक्षांमध्ये सर्वोच्च गुणवत्तेने यश संपादन केलेले प्रशासकीय अधिकारी रमेश घोलप यांनी मनोगतातून स्वतःच्या वाटचालीचा प्रवास तर उलगडलाच पण स्वतःमधील गुणवत्तेची नेमकी दिशा ओळखण्याचा सल्ला विद्यार्थ्यांना दिला. “खेडेगावात वाढलेला मी शिक्षणासाठी पुण्यात आलो, पदवीधर झालो, नोकरी पटकन मिळावी म्हणून डीएड झालो, मुक्त विद्यापीठातून पदवी मिळवली, पण स्पर्धा परीक्षेत सुरवातीला अपयश आल्यावर थेट ग्रामपंचायत निवडणुकीत पनेल उतरवले. तिथे सपशेल पराभूत झाल्यावर हे आपले क्षेत्र नाही, हे ओळखले आणि पुन्हा निश्चय करून स्पर्धा परीक्षेत उतरलो, तो राज्यात पहिल्या क्रमांकाचा मानकरी झाल्यावरच गावात गेलो”, असा अनुभव त्यांनी सांगितला.

ते पुढे म्हणाले, ‘यशाची व्याख्या गुणपत्रिकेपुरती नसते. ते फक्त त्या वर्षाचे मूल्यमापन असते. खरी गुणवत्ता आपल्या व्यक्तिमत्त्वामध्ये असावी लागते. त्यासाठी आपली गुणवत्ता नेमकी कशात आहे, हे ओळखणे गरजेचे आहे. यश तुमच्या गुणपत्रिकेत नसते. ते तुमच्या प्रयत्नांमध्ये, सातत्यामध्ये असते. आपल्या अडचणी, समस्या, आव्हाने याकडे नकारात्मक दृष्टीने पाहू नका. तीच प्रेरणा माना कारण संधी तिथेच असते. छत्रपती शिवाजी महाराजांनी कधीच समस्या, अडचणींच्या सबबी केल्या नाहीत. त्यांनी तीच प्रेरणा ठरवली आणि मार्ग शोधले. दुसरी महत्त्वाची गोष्ट म्हणजे फार लांबचे टप्पे पाहू नका. नजिकच्या भविष्याचा अंदाज घ्या, पुढचा टप्पा ओळखा आणि पूर्ण शक्तीनिशी प्रयत्न करा. आपली स्वप्ने आपल्या परिश्रमांच्या भक्कम पायावर उभी करा. तुम्ही नक्की यशस्वी व्हाल”.

संस्कृती प्रतिष्ठानचे संस्थापक अध्यक्ष आणि केंद्रीय राज्यमंत्री मुरलीधर मोहोळ यांनी स्वागतपर प्रास्ताविकात प्रतिष्ठानच्या उद्देशाची माहिती दिली. दहावी आणि बारावी उत्तीर्ण झाल्यानंतर विद्यार्थी वेगवेळ्या टप्प्यांवर जीवनप्रवास सुरू करतात. भावी काळात ते विविध क्षेत्रात यश मिळवतात.  जबाबदार नागरीक म्हणून भूमिका निभावतात. त्यांच्या या प्रवासाच्या सुरवातीच्या टप्प्यावर त्यांचे कौतुक करावे, त्यांना प्रोत्साहन द्यावे, हा प्रतिष्ठानचा हेतू आहे. या प्रवासात पालक आणि शिक्षकांची भूमिकाही महत्त्वपूर्ण असते. अशा वळणावर उत्तम कारकिर्दीचे,  जबाबदार नागरीकत्वाचे आदर्श ज्यांनी निर्माण केले आहेत,  अशांचे मार्गदर्शन मिळावे, हाही उद्देश असल्याचे त्यांनी सांगितले. विकसित भारताचे स्वप्न साकारण्याची जबाबदारी युवा पिढीवर असून, त्यासाठी तरुणाईने योगदान द्यावे, असे आवाहन मोहोळ यांनी केले.

डॉ. सुरेश गोसावी म्हणाले, ‘मार्कलिस्ट तुम्हाला मोठे करत नाही तर माणुसकी मोठे करते, हे लक्षात ठेवा. कृत्रिम बुद्धिमत्तेचे युग असले तरी ते साधन आहे. दिशा आणि मार्ग आपल्याला ठरवायचे आहेत. त्यासाठी विवेकाची आवश्यकता आहे. त्या भक्कम पायावर उच्चशिक्षणाची इमारत उभारायची आहे. हा गौरव समारंभ फक्त कौतुकासाठी नाही तर त्याच्या सोबतीने तुमच्यावरील जबाबदारी आणि अपेक्षाही यात समाविष्ट आहेत. पालकांची भूमिकाही महत्त्वाची आहे. मुलांसाठी संपत्तीपेक्षा संस्कार आणि संस्कृतीचा वारसा ठेवा. ताण, नैराश्य, असुरक्षितता यामुळे विद्यार्थ्यांचे भोवतालाशी नाते तुटते. त्यातून वाचण्यासाठी समतोल शिकवा. यशस्वी माणूस व्हा, पदापेक्षा व्यक्तिमत्त्व मोठे असते, हे जाणून ज्ञान, गुणवत्ता, संस्कार यांच्या आधाराने समाजसेवेचा आविष्कार घडवा’, असे त्यांनी सांगितले.

प्रवीण तरडे म्हणाले, “संस्कृती प्रतिष्ठानच्या सर्व उपक्रमांतील सातत्य उल्लेखनीय आहे. विद्यार्थ्यांनी आपल्या भवितव्याची लेणी स्वतःच्याच छिन्नी, हातोड्याने खोदायची आहेत आणि त्यासाठी इच्छाशक्ती, कठोर मेहनतीला पर्याय नाही. अतिशय वेगाने बदलणार्या युगाचे तुम्ही प्रतिनिधी आहात. त्यामुळे आपले क्षेत्र नेमकेपणाने निवडा”.

चंद्रकांत पाटील यांनी अध्यक्षीय समारोप करताना ‘करिअरच्या वाटा शेकड्याने आहेत. शासनाकडील यादीनुसार ८४२ प्रकारचे अभ्यासक्रम उपलब्ध आहेत. आपली वाट नेमकी कुठली, हे निवडण्याचे भान विद्यार्थ्यांनी व त्यांच्या पालकांनी बाळगावे’, असे आवाहन केले. समाजघटक म्हणून वावरताना, प्रत्यक्ष न दिसणारा पण सतत सोबत असणारा समाज नावाचा एक घटक प्रत्यक्ष – अप्रत्यक्षपणे खूप काही करत असतो, याची जाणीव ठेवा. पालकांनीही मुलांवर देण्याचा संस्कार करणे महत्त्वाचे आहे. मुरलीधर मोहोळ हे संस्कृती प्रतिष्ठानच्या माध्यमातून समाजासाठी असे देण्याचे संस्कार करत आहेत, अशा शब्दांत पाटील यांनी प्रतिष्ठानच्या कार्याचे कौतुक केले.

रेल्वेच्या सिग्नल विभागात कार्यरत असताना स्वतःचा जीव धोक्यात घालून इतरांना वाचवणाऱ्या आशिष वाक्चौरे यांचा आणि अवघ्या सव्वादोन वर्षे वयात हनुमान चालिसा मुखोद्गत असणार्या ध्रुव पवार यांचा विशेष सत्कार यावेळी करण्यात आला. मिलिंद कुलकर्णी यांनी सूत्रसंचालन केले.

संस्कृती प्रतिष्ठान घेणार १०० विद्यार्थ्यांचे पालकत्व !

लोकसेवा आयोगाच्या स्पर्धा परिक्षांमधील मराठी अधिकाऱ्यांचा टक्का वाढावा, या उद्देशाने संस्कृती प्रतिष्ठान आणि ज्ञानदीप ॲकडमीच्या माध्यमातून १०० विद्यार्थ्यांचे पालकत्व स्वीकारले जाणार असून या उमेदवारांच्या निवडीसाठी येत्या ॲागस्ट महिन्यात ॲानलाईन प्रवेश प्रक्रिया केली जाणार आहे. यातील १०० विद्यार्थ्यांना मोफत मार्गदर्शन आणि आवश्यक ती पुस्तके उपलब्ध करून देण्यात येणार आहेत.

ही प्रतिष्ठित स्पर्धा २५ जून ते ३० जून २०२६ या कालावधीत डेहराडून (उत्तराखंड) येथील ‘हिमाद्री आइस रिंक’ येथे आयोजित करण्यात आली असून, यात २१ राज्यांतील ५०० हून अधिक खेळाडू सहभागी झाले आहेत. या स्पर्धेत ‘फिगर स्केटिंग’ आणि ‘शॉर्ट ट्रॅक स्पीड स्केटिंग’ यांसारख्या ऑलिम्पिक-स्तरीय क्रीडा प्रकारांमधील भारतातील सर्वोत्तम खेळाडूंचे कौशल्य पाहायला मिळते.

वेदिकाचे हे यश म्हणजे स्केटिंगमधील तिची गेल्या दशकाहून अधिक काळातील निष्ठा आणि अथक परिश्रमांचे फळ आहे. १० वर्षांहून अधिक काळ रोलर स्केटिंगचा सराव केल्यानंतर आणि त्यामध्ये तीन राष्ट्रीय पदके जिंकल्यानंतर तिने आइस स्केटिंगमध्येही आपली छाप पाडली आहे. 

राष्ट्रीय चॅम्पियनशिपमधील तिचे हे रौप्यपदक तिची अष्टपैलू क्षमता, दृढनिश्चय आणि उत्कृष्टतेप्रती असलेली निष्ठा दर्शवते; यामुळे पुणे आणि महाराष्ट्राचा अभिमान वाढला असून, ती तरुण खेळाडूंना त्यांची क्रीडाविषयक स्वप्ने पूर्ण करण्यासाठी प्रेरणा देत आहे.

येत्या पावसाळ्यात पुणे शहर पूरमुक्त करण्याच्या दृष्टीने राज्य शासनाने पुण्यासाठी तब्बल २०० कोटी रुपयांचा निधी मंजूर केला आहे. त्यापैकी छत्रपती शिवाजीनगर मतदार संघासाठी ३० कोटी रुपयांचा निधी उपलब्ध झाला आहे. या निधीमधून हे काम हाती घेतले आहे, असे आमदार शिरोळे यांनी सांगितले.

या महत्त्वाच्या कामामुळे पावसाळ्यात होणारी पाण्याची समस्या, पूरस्थिती आणि यातून नागरिकांना होणाऱ्या गैरसोयी मोठ्या प्रमाणात कमी होणार आहेत. प्रशासनाच्या समन्वयातून पावसाळ्यापूर्वी कामे पूर्ण करण्याचा निर्धार  आमदार शिरोळे यांनी व्यक्त केला.

आमदार सिद्धार्थ शिरोळे यांनी औंधमधील नाला आणि ओढा यांची पहाणी केली. यावेळी उपमहापौर परशुराम वाडेकर, नगरसेवक सनी निम्हण, नगरसेविका सपना ताई छाजेड, नगरसेविका भक्तीताई गायकवाड, मंडल अध्यक्ष आनंद छाजेड, लताताई धायगुडे, गणेश कलापुरे, अभिजीत गायकवाड, वसंता जुनवणे, चोंदे, सागर मदने, सागर परदेशी आणि महापालिका अधिकारी उपस्थित होते.

आमदार सिद्धार्थ शिरोळे यांनी येथे प्रत्यक्ष भेट देऊन वाहतुकीच्या परिस्थितीचा आढावा घेतला. यावेळी स्थानिक नगरसेवक, भवन, मालमत्ता, रस्ते विभागाचे अधिकारी तसेच भाजपचे पदाधिकारी उपस्थित होते.

या ठिकाणी रस्त्याच्या मधोमध असलेले हेरिटेज स्ट्रक्चर अनेक वर्षांपासून वाहतुकीस अडथळा ठरत होते. विशेषतः औंधकडून ब्रेमन चौकमार्गे राजीव गांधी पुलाकडे जाणाऱ्या वाहनांना मोठ्या प्रमाणात अडचणींचा सामना करावा लागत होता. रस्त्याच्या रुंदीकरणाचा प्रश्न दीर्घकाळ प्रलंबित होता, कारण संबंधित स्ट्रक्चर हलविणे शक्य नव्हते. पोलीस व महानगरपालिका यांच्या समन्वयातून आवश्यक सर्व परवानग्या मिळवून हा अडथळा दूर करण्यात यश आले आहे. येत्या १५ दिवसांत हे स्ट्रक्चर हटविण्याचे काम पूर्ण होईल आणि पुढील महिन्याभरात रस्त्याचे रुंदीकरण करण्यात येईल, असे आमदार सिद्धार्थ शिरोळे यांनी सांगितले.

या कामामुळे परिसरातील वाहतूक सुरळीत होऊन नागरिकांना मोठा दिलासा मिळणार आहे.

सदर मेळाव्यात खोट्या ४९८अ, तसेच डोमेस्टिक व्हायोलन्स आणि पोटगी संदर्भातील प्रकरणे प्रभावीपणे कशी लढायची याबाबत सविस्तर मार्गदर्शन करण्यात आले. तज्ञांकडून कायदेशीर बाबींचे विश्लेषण करत उपस्थितांना त्यांच्या हक्कांबाबत जागरूक करण्यात आले.

या मेळाव्यात जेंडर न्यूट्रल कायदे लागू करण्याची तसेच पुरुष आयोगाची स्थापना व खोट्या केसेस करणाऱ्या महिलांवर गुन्हा दाखल करून कारवाई करण्याची प्रमुख मागणी करण्यात आली. उपस्थितांनी या मागण्यांना जोरदार पाठिंबा दर्शवला.

कार्यक्रमाला फौंडेशनचे अध्यक्ष संकेत दाभाडे, उपाध्यक्ष तुषार भोसले तसेच रोहित नागवंशी, संजय पवार, तुषार चौधरी आणि बालाजी डोरनपल्ले यांची प्रमुख उपस्थिती होती. या कार्यक्रमाचे यशस्वी आयोजन पुणे शहरातील संस्थेचे पदाधिकारी रोहित नागवंशी, अभिजित जगताप, श्रीयश राऊत, अभिषेक साळी, राहुल झापरडे, नीलकंठ वाघमारे, प्रकाश चव्हाण आदींनी केले.

पुणे:  पुणे जिल्हा परिषदेतील भाजपा, शिवसेना (एकनाथजी शिंदे), शिवसेना (उबाठा गट) यांच्या नवनियुक्त जिल्हा परिषद सदस्यांची संयुक्त बैठक आज राज्याचे उच्च व तंत्रशिक्षण मंत्री चंद्रकांत पाटील यांच्या उपस्थितीत  झाली. पुणे जिल्ह्याचा सर्वांगीण विकास हेच आपले सर्वांचे ध्येय असल्याने जिल्ह्याच्या विकासासाठी सर्वांनी समन्वयाने काम करण्याबाबत चर्चा झाली. 

या बैठकीला आमदार राहुल कुल,शरद सोनावणे, बाबाजी काळे, भाजप प्रदेश सरचिटणीस राजेश पांडे, जिल्हाध्यक्ष शेखर वढणे, प्रदीप कंद, माजी मंत्री बाळाभाऊ भेगडे, माजी आमदार संजय जगताप, संग्राम थोपटे यांच्यासह जिल्हा परिषदेचे सर्व नवनियुक्त सदस्य उपस्थित होते.

फेब्रुवारी २०२६ मध्ये झालेल्या निवडणुकीत भाजपचे १०, शिवसेना (शिंदे गट) ४, शिवसेना (उबाठा गट) ६, राष्ट्रवादी कॉंग्रेस (शप) १ सदस्य निवडून आले. ह्या सर्व सदस्यांची बैठक आज संपन्न झाली. यावेळी जिल्ह्यातील विविध समस्यांबाबत चर्चा झाली. तसेच, जिल्ह्याच्या सर्वांगीण विकासासाठी सर्वांनी समन्वयाने काम करण्याचा निर्धार यावेळी सर्वांनी व्यक्त केला.