9 डिसेंबर 2024 रोजी मस्साजोगचे सरपंच संतोष देशमुख यांची  क्रूरपणे हत्या करण्यात आली होती. त्यात धनंजय मुंडे यांचे निकटवर्तीय वाल्मिकी कराड पुढे आले होते तेव्हापासून मुंडे  नैतिकतेच्या आधारावर राजीनामा द्यावा अशी मागणी विरोधकांनी लावून धरली होती.  काल समाज माध्यमांवर सीआयडीच्या दोषारोपपत्रा सोबतचे क्रूर हत्येचे फोटो समोर आल्यानंतर राज्यात तीव्र प्रतिक्रिया उमटत आहेत.

आज सकाळपासूनच धनंजय मुंडे यांच्या राजीनामा देणार असल्याची चर्चा सुरू होती. आज सकाळपासून विरोधकांनी राजीनाम्याची मागणी लावून धरली होती.