शिवसेनाप्रमुख स्व. बाळासाहेब ठाकरे यांच्या विचारांनी प्रेरित होऊन गेल्या ४५ वर्षांपासून शिवसेना विचारांशी एकनिष्ठपणे काम करत असल्याचे जगताप यांनी सर्व प्रथम नमूद केले. शिवसेना पक्षप्रमुख उद्धव ठाकरे, शिवसेना नेते आदित्य ठाकरे तसेच महाराष्ट्र राज्य शिक्षक सेनेच्या नेतृत्वाखाली शिक्षकांच्या प्रश्नांसाठी कार्यरत असल्याचे त्यांनी सांगितले. शिक्षक मान्यता, अशैक्षणिक कामे, वरिष्ठ व निवड वेतनश्रेणी, बदली प्रक्रिया, वेतनाचे प्रश्न, पदोन्नतीतील अडथळे, जुनी पेन्शन योजना, DCPS-NPS, स्वायत्तता आणि वाढता प्रशासकीय ताण यांसारख्या विविध प्रश्नांचा त्यांनी आपल्या कार्यात सातत्याने पाठपुरावा केल्याचे सांगितले.

“शिक्षकांच्या प्रश्नांसाठी आवाज उठवायचा असेल तर तो ठाम आणि प्रभावी असला पाहिजे. शिक्षकांचा सन्मान हा केवळ कागदावर नव्हे, तर समाजाच्या मनात निर्माण झाला पाहिजे,” अशी भूमिका त्यांनी यावेळी मांडली.
शिक्षकांची गुणवत्ता वाढविण्यासाठी मार्गदर्शन शिबिरे, कार्यशाळा आणि चर्चा सत्रांचे आयोजन, तसेच विद्यार्थ्यांच्या कलागुणांना वाव देण्यासाठी विविध उपक्रम राबविण्यात आलेले आहेत. नवीन शैक्षणिक धोरण, अध्यापनातील बदल आणि कौशल्य विकासासाठी शिक्षकांना सक्षम करण्यावर भर देण्याचा त्यांचा मानस आहे.

“शिक्षक सक्षम असेल तर देश सक्षम होईल. प्रत्येक शिक्षकाला न्याय मिळवून देण्यासाठी कटिबद्ध आहे. शिक्षकांच्या हक्कांसाठी संघर्ष, सेवा आणि संघटन या माध्यमातून पुढील वाटचाल करणार आहे,” असे सुनीलभाऊ जगताप यांनी स्पष्ट केले. पुणे शिक्षक मतदारसंघातील शिक्षकांच्या प्रश्नांना प्राधान्य देत आगामी काळात व्यापक संपर्क अभियान राबविण्याची तयारी त्यांनी दर्शविली आहे.

माजी आमदार रवींद्र धंगेकर यांनी शिवसेनेच्या इच्छुकांच्या मुलाखती घेतल्या आहेत मात्र भाजपच्या नेत्यांवर आतापर्यंत उघडपणे टीका करणारे महायुतीतील शिवसेना (शिंदे) पक्षाचे महानगरप्रमुख, माजी आमदार रवींद्र धंगेकर यांना पुणे महापालिकेच्या निवडणुकीतील जागा वाटपाच्या चर्चेपासून दूर ठेवण्यात आले आहे.

धंगेकर हे गेल्या अनेक दिवसांपासून मित्रपक्ष भाजपचे केंद्रीय राज्यमंत्री मुरलीधर मोहोळ, राज्याचे उच्च आणि तंत्रशिक्षण मंत्री चंद्रकांत पाटील यांच्यावर सातत्याने टीका करत आहेत. शिवसेनेकडून विधान परिषदेच्या उपसभापती डॉ. नीलम गोऱ्हे, माजी राज्यमंत्री विजय शिवतारे, शहराध्यक्ष नाना भानगिरे आणि अजय भोसले हे जागावाटपाची चर्चा करत आहेत.

माजी आमदार रवींद्र धंगकर यांना बैठकीला का निमंत्रण देण्यात आले नाही, याबाबत माजी राज्यमंत्री विजय शिवतारे यांच्याकडे विचारणा करण्यात आली असता ते म्हणाले, ‘काही गोष्टी टाळाव्या लागतात. समंजसपणे विचाराने काही भूमिका घ्याव्या लागतात. भाजप आणि शिवसेनेत कोणतेही वाद नाहीत.’

बैठकीला भाजपाचे नेते केंद्रीय राज्यमंत्री मुरलीधर मोहोळ, मंत्री चंद्रकांत पाटील, मंत्री चंद्रशेखर बावनकुळे, मंत्री माधुरी मिसाळ, शहर अध्यक्ष धीरज घाटे तसेच शिवसेनेकडून उपसभापती नीलम गोऱ्हे, मंत्री उदय सामंत, आमदार विजय शिवतारे, शहरप्रमुख नाना भानगिरे हे उपस्थित राहणार आहेत.

मागील काही दिवसांपूर्वी भाजपा नेत्यांवर टीका केल्याने तुम्हाला बैठकीला बोलावलं नाही का, या प्रश्नावर रवींद्र धंगेकर म्हणाले, पुणे महानगरपालिकेच्या निवडणुकीच्या पार्श्वंभूमीवर आजपासून इच्छुक उमेदवारांच्या मुलाखती सुरू होणार आहेत. दुपार नंतर पुण्यात शिवसेना आणि भाजपा नेत्यांची बैठक होणार आहे. त्या बैठकीचे मला निमंत्रण आले नाही. बैठकीचा निरोप आला तर मी जाईन, तसेच भाजपाची माझ्यावर नाराजी वाढते की कमी होते ते मला पाहावं लागेल. शिवसेनेला किती जागा मिळाव्यात, या प्रश्नावर ते म्हणाले, जागा वाटपाबाबत पहिली बैठक होत आहे. ही अंतिम बैठक नसून चर्चा होईल. तसेच मी एकनाथ शिंदे यांच्याकडे जागांबाबत म्हणणं मांडणार आहे.

अमोल साबळे

पुणे महापालिकीचा निवडणूक कार्यक्रम येत्या काही दिवसात जाहीर होईल. या निवडणुकीसाठी प्रभाग निहाय आरक्षणे जाहीर झाल्यापासून राजकीय घडामोडींना वेग आला आहे. प्रभागातील इच्छुक उमेदवार कोणत्या गटातून निवडणूक लढवायची आहे याची चाचपणी करून तयारीला लागलेला आहे. कर्वेनगर हिंगणे होम कॉलनी या प्रभाग क्रमांक 30 मध्ये राजकीय डावपेच आखले जात असून पक्षांतर्गत व पक्ष विरोधी प्रतिस्पर्ध्याला कसं नामोहरम करायचं याची रणनीती प्रत्येक जण तयार करताना दिसत आहे. पडद्यामागे अनेक घटना घडत असून त्याची चर्चा रंगताना दिसत आहे. पक्षांतराच्या चर्चा ही जोरात सुरू आहेत. अद्यापपर्यंत युती आघाड्यांचे चित्र स्पष्ट झाले नसले तरी इच्छुक उमेदवार मात्र कोणत्याही परिस्थितीत निवडणूक लढवण्याच्या तयारीत आहे.

आपला पॅनल चांगला व्हावा यासाठी मातब्बर काय खेळी खेळत आहेत आणि कोणाच्या डोक्यात काय सुरू आहे याचा अंदाज लावत उमेदवारीसाठी इच्छुक असणारा कार्यकर्ता वाटचाला करत आहे. प्रभाग या क्रमांक 30 कर्वेनगर मध्ये  अ) OBC,  ब)सर्वसाधारण महिला, क) सर्वसाधारण महिला आणि ड) सर्वसाधारण असं आरक्षण जाहीर झालेलं आहे. 2017 च्या आरक्षणाप्रमाणेच हे आरक्षण पडले आहे. त्यामुळे 2017 ला जे नगरसेवक निवडून आले होते ते पुन्हा त्याच गटातून निवडणूक लढवतील असे वाटत असताना काही माजी नगरसेवकांनी आपले गट वेगळे जाहीर केल्याने पुढे जाऊन निवडणुकीचे चित्र काय असणार आहे हे स्पष्ट होत आहे. 2017 ला झालेल्या निवडणुकीत या प्रभागातून भाजपचे राजाभाऊ बराटे, सुशील मेंगडे, वृषाली चौधरी तर राष्ट्रवादी काँग्रेसच्या लक्ष्मी दुधाने निवडून आल्या होत्या म्हणजे भाजपचे ३ व राष्ट्रवादी काँग्रेसचा एक नगरसेवक असे पक्षीय बलाबाल होते. मोदी लाटेतही आघाडीच्या उमेदवारांना या प्रभागात चांगली मते मिळाली होती.

2017 च्या महापालिका निवडणुकीत कोणाला किती मते मिळाली…
2017 मध्ये झालेल्या निवडणुकीत अ  गटासाठी नागरिकांचा मागास हे आरक्षण होते या गटात भाजपचे सुशील मेंगडे  16 हजार 835 मते मिळवत विजयी झाले होते तर राष्ट्रवादी काँग्रेसचे विनोद मोहिते हे 8 हजार 612 मते मिळवत दुसऱ्या क्रमांकावर होते. तर शिवसेनेचे सचिन थोरात यांना 3916, मते,  महाराष्ट्र नवनिर्माण सेनेचे उमेदवार संजय नांगरे यांना 3713 मते मिळाली होती.

सर्वसाधारण जागेसाठी ब गटातून राष्ट्रवादी काँग्रेस पक्षाच्या लक्ष्मी दुधाने यांना 14,942  मते मिळाली होती. त्या विजयी झाल्या होत्या. भाजपच्या रोहिणी भोसले यांना 14,361 ही दुसऱ्या क्रमांकाची मते मिळाली होती. क गटामधून भाजपच्या  वृषाली चौधरी 15543 मध्ये मिळाली होती. तर राष्ट्रवादी काँग्रेस पक्षाच्या रेश्मा बराटे यांना 10842 मते मिळवत दुसऱ्या क्रमांकावर राहिल्या होत्या. शिवसेनेच्या वैशाली दिघे यांना 3256 तर मनसेच्या सुरेखा मकवान यांना 2737 मते मिळाली होती.

ड गटातून भाजपचे राजाभाऊ बराटे 17060 मते मिळवून विजयी झाले होते तर काँग्रेस पक्षाचे विजय खळदकर यांना 9713 मते मिळवत दुसऱ्या क्रमांकावर राहिले होते. मनसेच्या कैलास दांगट यांना 3541 शिवसेनेच्या मयूर वांजळे यांना 2763 मते मिळाली होती.

2017 च्या महापालिका निवडणुकीत मोदी लाट असतानाही  आघाडीच्या उमेदवारांना मिळालेले मतदान उल्लेखनीय होते. त्यामुळे या प्रभागाला केवळ भाजपचे वर्चस्व असणारा प्रभाग असे म्हणता येणार नाही. या प्रभागाचा भौगोलिक विचार केला तर कर्वेनगर गावठाण, वडार वस्ती, हिंगणे होम कॉलनी, आकाशनगर, इंगळेनगर, मातोश्री कॉलनी, शाहू कॉलनी, कॅनॉल वरील गल्ल्या, मावळेआळी, श्रीमान सोसायटी, वेदांत कॉलनी, कुलश्री सोसायटी, सहवास सोसायटी असा संमिश्र भाग येतो. त्यामुळे भाजपला फॉर असणारा हा प्रभाग आहे असे म्हणता येणार नाही. सोसायट्या, बैठी घरे असलेल्या वसाहती, आणि वस्ती विभाग समाविष्ट असलेल्या या प्रभागात वैयक्तिक जनसंपर्क, केलेली कामे, आणि पक्षाला मानणारा वर्ग यात जमेची बाजू ठरणारे उमेदवार बाजी मारू शकतील.

युती आणि आघाडीचे चित्र अस्पष्ट आहे. राष्ट्रवादी काँग्रेस आणि  शिवसेना यांचे दोन भाग झाले आहे. या निवडणुकीसाठी दोन्ही राष्ट्रवादी काँग्रेस पुन्हा एकत्र येण्याची चर्चा आहे. मनसे आणि उद्धव ठाकरेंची शिवसेना एकत्र निवडणूक लढवण्याबाबत हालचाली सुरू आहेत. यात एकनाथ शिंदेंची शिवसेना आणि भाजप यांची युती होणार का ? आणि काँग्रेस काय भूमिका घेणार या सर्व गोष्टी येणाऱ्या काही दिवसात स्पष्ट होतील. महापालिका निवडणूक महायुती एकत्र लढेल असे मुख्यमंत्री देवेंद्र फडणवीस यांनी नुकतेच म्हंटले असले तरी अधिकृत काही जाहीर झालेले नाही. त्यामुळे या पुढे घडणाऱ्या  राजकीय समीकरणातून पुढील चित्र स्पष्ट होईल.

सध्या मात्र या प्रभागात भाजप आणि राष्ट्रवादी काँग्रेस आणि राष्ट्रवादी काँग्रेस (शरद पवार) पक्ष यांच्या जोरदार राजकीय हालचाली सुरू आहेत. राष्ट्रवादी काँग्रेसचे दोन्ही पक्ष एकत्र झाल्यास या प्रभागात भाजपसमोर मोठे आव्हान उभे असेल. काँग्रेसला मानणारा मतदार ही या प्रभागात आहे. 2017 ला झालेल्या निवडणुकांनंतर आज 2025 पर्यंत म्हणजे साधारण 8 वर्षाच्या कालावधीत बऱ्याच राजकीय, सामाजिक घडामोडी घडलेल्या आहेत. त्या परिणामांचा विचारही करावा लागणार आहे. भाजप पक्षात इतर पक्षातील पदाधिकाऱ्यांच्या प्रवेशाच्या चर्चा आहेत. त्याचबरोबर उमेदवारी नाही मिळाल्यास इच्छुक कार्यकर्ते इतर पक्षाचा पर्याय निवडू शकतात. त्यात दोन्ही शिवसेना, मनसे यांनाही तगडे उमेदवार मिळू शकतात त्यामुळे लढतीचे खरे चित्र उमेदवारी वाटपानंतरच स्पष्ट होईल.

या निवडणुकीसाठी इच्छुक असलेले उमेदवार
भाजप :  राजाभाऊ बराटे, सुशील मेंगडे, विनोद मोहिते, विठ्ठल बराटे, महेश पवळे, वृषाली चौधरी, एकता रामदासी, मानसी गुंड

राष्ट्रवादी काँग्रेस (शरदचंद्र पवार): लक्ष्मी दुधाने, स्वप्नील दुधाने, ॲड. नीता शिंदे, प्रमोद शिंदे, पल्लवी शेडगे, विष्णुपंत सरगर, सुनीता सरगर,

राष्ट्रवादी काँग्रेस अजित पवार : तेजल दुधाने, संगीता बराटे, आनंद तांबे, मोहित बराटे

मनसे : शैलेश जोशी, सचिन विप्र, अशोक कदम, आनंद पाटील

काँग्रेस : शारदा वीर, योगेश नायडू, बालाजी शिंदे

शिवसेना (उद्धव बाळासाहेब ठाकरे) दिनेश बराटे, वैशाली दिघे, नंदू घाटे, अजय भुवड

शिवसेना : सचिन थोरात, प्रतीक्षा जावळकर,

तसेच विजय खळदकर, संतोष बराटे, चेतन भालेकर, विरेश शितोळे यांच्याकडूनही निवडणुकीची तयारी सुरू असून ते कोणत्या पक्षाकडून उमेदवारी घेणार याबाबतची त्यांची भूमिका अजून गुलदस्त्यात आहे.

पुणे : शिवसेनेचे माजी आमदार आणि प्रति शिर्डी शिरगाव चे मुख्य विश्वस्त प्रकाश केशवराव देवळे यांचे अल्पशा आजाराने निधन झाले. ते 77 वर्षांचे होते. त्यांच्या पार्थिवावर आज बुधवार (दि 24 सप्टेंबर) रोजी दुपारी 3 वा. वैकुंठ स्मशानभूमीत अंत्यसंस्कार करण्यात येणार आहेत. त्यांच्यामागे पत्नी, दोन मुली, नातवंडे असा परिवार आहे.

कट्टर शिवसैनिक असलेले प्रकाश देवळे हे शिवसेनेतर्फे 1996 मध्ये विधान परिषदेवर निवडून गेले. शिवसेनेचे पुणे जिल्हाप्रमुख म्हणून त्यांची कारकीर्द गाजली. शिरगाव शिर्डी येथे त्यांनी साईबाबांची प्रतिशिर्डी उभी केली. अन्नछत्र उभारले. अनेक संस्था आणि संघटनांशी त्यांचा जवळचा संबंध होता.

पुणे: आगामी महापालिका निवडणुकीच्या दृष्टिकोनातून उपमुख्यमंत्री एकनाथ शिंदे यांच्या शिवसेनेने रणनीती आखण्यास सुरुवात केली आहे. त्याचाच भाग म्हणून माजी आमदार रवींद्र धंगेकर यांच्याप्रमाणेच एक नवीन युवासेना पुणे महानगरप्रमुख पद निर्माण करून त्यांनी युवासेनेची महत्त्वाची जबाबदारी राजेश पळसकरांवर सोपवली आहे.

राजेश पळसकर हे पुण्यातील शिवसेनेचे आक्रमक नेते म्हणून ओळखले जातात. काही महिन्यांपूर्वी ठाकरेंच्या शिवसेनेला रामराम करीत त्यांनी शिंदेच्या शिवसेनेत प्रवेश केला होता तेव्हापासूनच पळसकरांवर मोठी जबाबदारी दिली जाण्याची शक्यता निर्माण झाली होती.

पुणे शहर आणि जिल्हाच्या अनेक भागांमध्ये पळसकरांचे मोठे नेटवर्क असून अनेक कार्यकर्ते त्यांच्याकडे आहेत. ही बाब लक्षात घेऊन त्यांची युवासेनेच्या पुणे महानगरप्रमुख पदी निवड करुन शिंदेंनी मास्टरस्ट्रोक मारल्याचे बोलले जात आहे.

एकनाथ शिंदे पुण्यात जातीने लक्ष घालत असून पक्ष संघटना मजबूत करण्यासाठी नवनवीन योजना आखत आहेत. आगामी महापालिका निवडणूक युती मधून किंवा वेगळी लढली तरी पुण्यात शिवसेनेचे वेगळे स्थान निर्माण करण्याचा प्रयत्न सध्या सुरू असल्याचे दिसत आहे. पक्ष वाढीसाठी राजेश पळसकरांच्या माध्यमातून शिवसेनेला धडाडीचे नेतृत्व मिळाले असून त्याचा फायदा शिवसेनेला होईल असे बोलले जात आहे.

महानगर प्रमुख म्हणून काय जबाबदारी?
युवासेना पुणे महानगरप्रमुख पद हे शिंदेंच्या शिवसेनेसाठी अत्यंत महत्त्वाचे असणार आहे. महानगर प्रमुखाच्या अंतर्गत संपूर्ण पुणे शहरातील युवासेनेची संघटनात्मक बांधणी, प्रचार, निवडणूक तयारी आणि स्थानिक पातळीवरील नेतृत्व घडवण्याची जबाबदारी या पदावर असलेल्या व्यक्तीवर असणार आहे.

आज राजेश पळसकर यांनी आपल्या पुणे उपशहर प्रमुख पदाचा राजीनामा शिवसेनेचे पक्षप्रमुख उद्धव ठाकरे यांच्याकडे पाठवला असून ते येत्या 16 फेब्रुवारी रोजी एकनाथ शिंदे यांच्या उपस्थितीत शिवसेनेत अनेक शिवसैनिकांसह प्रवेश करण्याची शक्यता आहे. पळसकर यांच्या माध्यमातून एक मोठा पदाधिकारी शिवसेना एकनाथ शिंदे गटाला मिळाल्याने पक्षाची ताकद पुणे शहरात वाढण्यास मदतच मिळणार आहे.

मागील पंधरा दिवसांमध्ये शिवसेनेचे दोन माजी आमदार एकनाथ शिंदे यांच्या शिवसेनेत प्रवेश करणार असल्याची चर्चा होती, त्यामुळे एकनाथ शिंदे यांनी पुणे शहरावर लक्ष केंद्रित केल्याचे बोलले जात होते. उद्धव ठाकरे यांनी पुणे शहराला कायमच दुय्यम वागणूक दिल्याची कार्यकर्ते कायमच तक्रार करत  आले आहेत. त्याचाच फायदा एकनाथ शिंदे घेत असून शिवसेना ठाकरे गटाचे चांगले पदाधिकारी आपल्याकडे खेचण्याचा प्रयत्न शिंदे गटाकडून केला जात असल्याचे दिसत आहे. काही दिवसापूर्वीच शिवसेनेच्या पाच माजी नगरसेवकांनी भारतीय जनता पक्षात प्रवेश केला होता, तर आता शिवसेनेचे इतर पदाधिकारी ही पक्षातून बाहेर पडत असल्याने शिवसेना उद्धव बाळासाहेब ठाकरे पक्ष पुणे शहरात कुमकुवत बनत चालला असल्याचे चित्र आहे.

या संदर्भात राजेश पळसकर यांच्याशी संपर्क साधला असता ते म्हणाले, पक्षावर आलेल्या संकटकाळात देखील निष्ठावंत म्हणून पक्षासोबत राहिलो. परंतू अलीकडच्या काळात राजकीय महत्वकांक्षा मनात ठेऊन काही जन पक्षाची पदे, उमेदवाऱ्या मिळवून कार्यभाग साधून निघून जात आहेत, अशा पक्षाशी निष्ठा नसलेल्यांना मोठ्या पदावर घेण्याचा नवीन पायंडा काही नेत्यांकडून पाडला जात आहे. सध्या संघटनेत ” नव्यांना राम राम आणि निष्ठावंतांना थांब थांब… हि संकल्पना काही नेते राबवीत आहेत, ते माझ्या सारख्या शिवसैनिकाला न पटणारे
आहे. त्यामुळे आज शिवसेना पक्षातील माझ्या उपशहर प्रमुख शिवसेना, पुणे शहर पदाचा राजीनामा दिला आहे. शिवसेना  शिंदे गट प्रवेशावर विचारले असता त्यांनी त्याला दुजोरा दिला आहे.

शिवसेना पुणे उपशहर प्रमुख राजेश पळसकर यांनी राज्याचे शिक्षण आयुक्त सचिंद्र प्रताप सिंह यांची भेट घेतली व आर.टी.ई. ऑनलाइन प्रवेश प्रक्रीयाबाबत अनेक प्रश्न उपस्थित केले. यावेळी युवासेनेचे शहर अधिकारी राम थरकुडे उपस्थित होते.

पळसकर म्हणाले, पुणे शहरात आर.टी.ई. ऑनलाइन प्रवेश प्रक्रीया सुरु झाल्यानंतर दरवर्षीप्रमाणे बोगस टोळ्या शहरात सक्रिय झाल्या आहेत. आम्ही आर.टी.ई. मधुन प्रवेश मिळवुन देतो असे सांगुन लाखो रुपये उकळुन पालकांची फसवणुक करीत आहेत. तसेच आम्ही  शिक्षण मंडळात व जिल्हा परिषद शिक्षण विभागात कामाला असुन अधिकाऱ्यांशी आमची सेटींग असल्याची बतावणी केली जात आहे.  मागील वर्षी देखील असे काही प्रवेश देण्यात आल्याची माहीती आमच्याकडे आली होती. 

या पार्श्वभुमीवर आज राज्याचे शिक्षण आयुक्त  श्री. सचिंद्र प्रताप सिंह यांची भेंट घेतली व  प्रवेशप्रक्रिया पुर्णपणे ॲानलाईन व पारदर्शक होत असल्याचा दावा शासनाकडुन वारंवार  करण्यात येत असतो . परंतु सदर प्रवेशप्रक्रीया खरच पारदर्शक पद्धतीने होते का याबद्दल शंका उपस्थित होत असल्याने या प्रक्रियेत मानवी अथवा कुठल्या अधिकाऱ्यांना हस्तक्षेप करता येतो का ?  याचा खुलासा करणे आवश्यक असल्याने त्वरीत याची दखल घेऊन सदर प्रक्रिया पारदर्शक असल्याचा खुलासा प्रसिद्धी माध्यमांद्वारे  करावा अशी मागणी शिवसेनेच्या वतीने करण्यात आली. त्यावर शिक्षण आयुक्तांनीही मागणी मान्य करीत संबंधित अधिकाऱ्यांना  प्रेसनोट काढुन प्रसिद्धीस देण्याचा आदेश दिला. 

अशाप्रकारे प्रवेश देतो व पैशांची मागणी करित असेल तर आमच्याशी संपर्क साधावा . अशा प्रकारे कोणतेही आर.टी.ई. अतंर्गत प्रवेश होत नाहीत याची नोंद घ्यावी असे आवाहन राजेश पळसकर यांनी केले आहे. तसेच असे प्रवेश झाल्यास त्याचा पर्दाफाश केला जाईल असा इशाराही त्यांनी दिला आहे.

कोथरूड मध्ये भाजपचे उमेदवार चंद्रकांत पाटील यांच्या विरोधात उमेदवार देण्यासाठी शिवसेना वेळ घेत आहे. पाटील यांच्या समोर तगडं आव्हान या मतदार संघात निर्माण करण्यासाठी सर्व राजकीय समीकरणांची चाचपणी सुरू असल्याचे बोलले जात आहे. मागील विधानसभा निवडणुकीत आघाडीने पाठिंबा दिलेल्या मनसेच्या उमेदवाराने चंद्रकांत पाटील यांच्यासमोर मोठा आव्हान उभा केले होते. त्यावेळी शिवसेना महायुतीत होती व त्याचा फायदा पाटील यांना झाला होता,  त्यामुळे महाविकास आघाडीने तुल्यबळ उमेदवार दिल्यास हा मतदार संघ खेचून घेण्यात यश मिळू शकते असा विश्वास वाटत असल्याने उमेदवार जाहीर घेण्यास वेळ घेतला जात असल्याचे दिसत आहे.

माजी आमदार चंद्रकांत मोकाटे व माजी नगरसेवक, शिवसेनेचे गटनेते पृथ्वीराज सुतार उमेदवारीसाठी इच्छुक आहेत. आजच्या यादीत कोथरूड मतदार संघातील उमेदवाराचे नाव जाहीर होईल असे वाटत होते पण तसे झाले नाही. त्यामुळे कोथरूडचा उमेदवार कधी जाहीर होणार हे पाहावे लागणार आहे.

शिवसेना (उध्दव बाळासाहेब ठाकरे)उमेदवारांची यादी

अमोल साबळे

पुणे : पुणे जिल्ह्यातील भोर वेल्हा मुळशी विधानसभा मतदार संघात कशी लढत होणार याबाबत राजकीय वर्तुळात उत्सुकता आहे. ग्रामीण, दुर्गम, निमशहरी भाग या मतदार संघात समाविष्ट आहे.  काँग्रेसचे विद्यमान आमदार संग्राम थोपटे यांच्यासमोर भाजपकडून निवडणूक लढवण्यास इच्छुक असलेले  किरण दगडे पाटील यांनी तगडं आव्हान उभा केल्याचे चित्र सध्या पहायला मिळत आहे.

कोणताही राजकीय वारसा नसताना मतदार संघातील बावधन गावाचे सरपंच, पुणे महानगरपालिकेतील नगरसेवक अशी आपली राजकीय कारकीर्द किरण दगडे पाटील यांनी गाजवलेली आहे.

काँग्रेसचा बालेकिल्ला म्हणून भोर विधानसभा मतदार संघाकडे पाहिले जाते. संग्राम थोपटे हे गेली तीन टर्म या मतदार संघाचे नेतृत्व करत आहेत. या आधी झालेल्या निवडणुकांमध्ये संग्राम थोपटे यांच्यासमोर कोणाचं तगडं आव्हान उभ राहीलं नाही, कारण निवडणुकीच्या काही दिवस आधी समोरचा उमेदवार तयारीला लागत, त्यामुळे विस्ताराने मोठा आणि शहरी, ग्रामीण आणि दुर्गम भाग असलेल्या या मतदार संघात मतदारांपर्यंत पोहचणे त्यांना शक्य होत नसत आणि त्याचाच फायदा संग्राम थोपटे यांना मिळत आला आहे.

किरण दगडे पाटील मात्र मागील दोन वर्ष या मतदार संघात तयारी करत असून ते विविध कार्यक्रमांच्या माध्यमातून घराघरात पोहोचले आहेत. जन आशीर्वाद यात्रेच्या माध्यमातून त्यांनी गावागावात पोहचून आपली भूमिका मांडली आहे. विकासाची संकल्पना ते लोकांना सांगत आहेत.  दोन वेळा पूर्ण ट्रेन बुक करून त्यांनी मतदार संघातील माता भगिनींना, ज्येष्ठांना पवित्र अशी काशी यात्रा घडवली आहे. या यात्रेच्या निमित्ताने किरण दगडे पाटील यांचे नागरिकांशी ऋणानुबंध निर्माण झाले आहेत. या यात्रेमुळे आधुनिक काळातील श्रावण बाळ अशी उपाधी त्यांच्या नावापुढे लागली आहे.  मतदार संघातील विविध भागात महिलांसाठी होम मिनिस्टरचे कार्यक्रम घेणे असो किंवा दिवाळी सरंजाम वाटप कार्यक्रम ते सातत्याने मतदार संघातील नागरिकांच्या संपर्कात आहेत.

नुकत्याच भोर मधील किरण दगडे पाटील यांच्या कार्यक्रमाला झालेली गर्दी विरोधकांना विचारात पाडणारी आहे. कारण याआधी अशा पद्धतीने काँग्रेसच्या संग्राम थोपटे यांच्यासमोर  निवडणुकीची तयारी कोणी केलेली नव्हती. त्यामुळं काँग्रेस समोर किरण दगडे पाटील यांच्या माध्यमातून एक आव्हान उभ राहील असल्याची चर्चा मतदार संघात आहे.

किरण दगडे पाटील संग्राम थोपटे यांच्यासाठी डोकेदुखी ठरण्याची शक्यता वर्तवली जात आहे. मागील अनेक वर्ष या मतदार संघात आमदार म्हणून काम करत असलेले संग्राम थोपटे यांनी केलेल्या विकास कामांवर मतदार राजा किती खुश आहे हे निवडणुकीत कळेलच, पण किरण दगडे यांनी मात्र जोरदार तयारी करून आपले इरादे दाखवून दिले आहेत. संग्राम थोपटे आणि किरण दगडे पाटील यांच्यात सरळ लढत झाल्यास चुरशीची व रंगतदार लढत पहिला मिळेल असे बोलले जात आहे.

भोर विधानसभा मतदार संघात गेल्या वेळी काँग्रेस पक्षाचे संग्राम थोपटे आणि शिवसेनेचे कुलदीप कोंडे यांच्यामध्ये लढत झाली होती. आता शिवसेनेचे दोन गट झाले असून ठाकरे गट महाविकास आघाडीत असून संग्राम थोपटे आमदार असल्याने हि जागा काँगेस पक्षाकडे राहणार आहे. मात्र महायुती मध्ये भाजप आणि शिवसेना हे दोन्ही पक्ष या जागेवर दावा करीत आहेत. मात्र किरण दगडे पाटील यांच्या सारखा तगडा उमेदवार भाजप कडे असल्याने हि जागा भाजप स्वतः कडे ठेवण्यासाठी प्रयत्न करेल असे दिसत आहे.