कर्वेनगर : कर्वेनगर मधील वडार वस्ती श्रमिक वसाहतीमध्ये दोन दिवसापूर्वी अचानक पोलीस फौज फाट्यासह एसआरए, अधिकारी आणि विकासाचे कर्मचारी यांनी सर्वे सुरू केल्याने तणाव निर्माण झाला होता. तसेच रहिवाशांमध्ये भीतीचे वातावरण निर्माण झाले होते.  नागरिकांच्या रोषणानंतर त्या दिवशी सर्व्हे थांबवण्यात आला. याच पार्श्वभूमीवर राष्ट्रवादी काँग्रेस (श.प.)कोथरूड मतदार संघाचे अध्यक्ष स्वप्निल दुधाने यांनी अधिकाऱ्यांशी भेट घेऊन चर्चा केली आहे.

या संदर्भात आज स्वप्नील दुधाने यांनी झोपडपट्टी पुनर्वसन प्राधिकरण-पुणे क्षेत्राचे मुख्य कार्यकारी अधिकारी सतीशकुमार खडके आणि त्यांच्या अखत्यारीत कार्यरत असणाऱ्या उपजिल्हाधिकारी तथा सक्षम प्राधिकारी अधिकारी क्र. २ मा. अर्चना यादव यांची भेट घेतली आणि या प्रश्नावर सविस्तर चर्चा केली.

नागरिक सदर ठिकाणी गेल्या अनेक वर्षांपासून वास्तव्यास असून त्यांचा सदर उपक्रमास विरोध आहे. यामुळे नागरिकांचे हक्क आणि भविष्य सुरक्षित राखण्यासाठी नागरिकांच्या संपूर्ण संमतीविना कोणतीही कार्यवाही केली जाऊ नये, अशी मागणी  स्वप्नील दुधाने यांनी अधिकाऱ्यांकडे केली तसेच यावर सकारात्मक विचार न झाल्यास प्रशासनाला नागरिकांच्या रोषास सामोरे जावे लागेल, असा इशारा ही त्यांनी दिला.

याप्रसंगी अधिकारी वर्गानेही सकारात्मक प्रतिसाद दिला असून  नागरिकांच्या या लढाईत आम्ही त्यांच्यासोबत असून त्यांच्या हक्कांसाठी सदैव कटिबद्ध आहोत असे स्वप्नील दुधाने यांनी म्हंटले आहे.

यावेळी पथ विभागाचे कार्यकारी अभियंता पुरुषोत्तम भूतडा,  प्रकल्प विभागाचे श्रीकांत गायकवाड,  पथ विभागाचे उपअभियंता केदार वझे, पथ विभागाचे कनिष्ठ अभियंता पियुष भोंडे यांनी प्रत्यक्ष जागेवर मातोश्री वृद्धाश्रम चौक परिसराची पाहणी केली या प्रसंगी माजी नगरसेविका लक्ष्मी दुधाने आणि राष्ट्रवादी काँग्रेस (शरदचंद्र पवार) कोथरूड विधानसभा मतदारसंघाचे अध्यक्ष स्वप्निल दुधाने यांनी वाहतूक कोंडीमुळे निर्माण होणाऱ्या परिस्थीचे गांभीर्य अधिकारी वर्गाच्या लक्षात आणून दिले.

स्वप्नील दुधाने म्हणाले,  मातोश्री वृद्धाश्रमाच्या समोरील राजाराम पूल चौकात गेल्या अनेक महिन्यांपासून वाहतूक कोंडीचे चित्र दिसून येत असून यामुळे जनजीवन विस्कळीत होत आहे. येथे होणारी वाहतूक कोंडी नागरिकांसाठी मनस्ताप ठरत आहे. सिंहगड रस्त्याने येणारी अनेक वाहने शहरात जाण्यासाठी राजाराम पुलावरून या चौकात येऊन डीपी रस्त्याने म्हात्रे पुलाकडे जात असतात. तर वारजे कर्वेनगर मधील वाहने स्वारगेट तसेच सिंहगड रस्ता परिसरात जाण्यासाठी या चौकात येतात.  या चौकात दोन्ही बाजूंनी वाहतूक सुरू असणारे चार मुख्य रस्ते एकत्र येत असून सकाळ आणि सायंकाळच्या वेळी या ठिकाणी गर्दीचा महापूर अनुभवायला मिळत आहे. राजाराम पूल सकाळ व सायंकाळी वाहनांनी जाम झालेला असतो.  विठ्ठल मंदिराकडून येणारा रस्ता डिपी रस्त्याला जिथे मिळतो त्या ठिकाणीही वाहतुकीचा बोजवार उडालेला असतो. आतापर्यंत या समस्येवर तात्पुरती उपाययोजना करण्याचा प्रशासनाने  केलेला प्रयत्न केला निष्फळ ठरला आहे.  

दुधाने म्हणाले,  आम्ही लोकप्रतिनिधी या नात्याने कर्वेनगर आणि परिसरातील नागरिकांशी संवाद साधत सदर विषयावर सविस्तर चर्चा केली. नागरिकांशी चर्चा आणि विकास आराखड्याचा अभ्यास केला असता दुधाने लॉन्स, महालक्ष्मी लॉन्सकडून येणारा १०० फुटी डीपी रस्ता म्हात्रे पुलाकडे जाताना मातोश्री वृद्धाश्रमाच्या समोरील राजाराम पूल चौकात वाहतूक कोंडी होऊ नये तसेच ही वाहतूक सुरळीतपणे म्हात्रे पुलाकडे जाण्याकरिता उड्डाणपूल करण्याची आवश्यकता भासत आहे. याचसह कर्वेनगर ते सनसिटी सिंहगड रोड या दोन उपनगरांना जोडणाऱ्या मुठा नदीवरील उड्डाणपुलाचे काम सद्यस्थितीला ७०% पूर्ण झाले असून सदर रस्त्यावरील वाहतूक याच १०० फुटी डीपी रोडने अर्थात राजाराम पुलाकडे जाणार आहे. यामुळे उड्डाणपुलाचे काम पूर्णत्वास जाण्याआधी सदर १०० फुटी डीपी रोडचे काम पूर्ण होणे, आवश्यक आहे.

परिणामी वाहनांची संख्या भविष्यात आणखी वाढणार असून सदर मातोश्री वृद्धाश्रम चौकामध्ये वाहतूक कोंडीचा ताण वाढतच जाणार आहे. भविष्यातील हा ताण आणि यामुळे नागरिकांची होणारी गैरसोय दूर करण्यासाठी महालक्ष्मी लॉन्स समोरुन जाणाऱ्या या १००फुटी डीपी रस्त्यावरून म्हात्रे पुलाकडे जाण्याकरिता उड्डाणपूलाची आवश्यकता आहे. महालक्ष्मी लॉन्स ते गिरिजा हॉटेलच्या काही अंतर पुढे उड्डाण पूल करण्याची मागणी आम्ही केली आहे.  याबाबत मनपाचे आयुक्त नवलकिशोर राम यांची भेट घेतली असून त्यांना  निवेदन दिले आहे.  आयुक्तांनी पथ विभागाचे मुख्य अधिकारी अनिरुद्ध पावसकर यांना सूचना दिल्यानंतर त्या अनुषंगाने आज पाहणी झाली आहे. पथविभाग, प्रकल्प विभाग या पुणे महानगरपालिकेच्या कार्यकारी अभियंता, उपअभियंता, कनिष्ठ अभियंता व वाहतूक विभागाचे पोलीस अधिकारी यांच्या सोबत प्रत्यक्ष मातोश्री वृद्धाश्रम येथे पाहणी करून याबाबत चर्चा करण्यात आली आहे.

याबाबत निवेदन आणि उड्डाण पूल कसा होऊ शकतो याचा नकाशा  देत याबाबत पत्रव्यवहार करण्यात आला आहे अधिकारी वर्गानेही यावर सकारात्मक प्रतिसाद देत लवकरच यावर विचारविनिमय केला जाईल, असे आश्वासन दिले असल्याचे स्वप्नील दुधाने यांनी सांगितले.

या कार्यक्रमाला  राष्ट्रवादी काँग्रेस शरदचंद्र पवार पक्षाचे शहराध्यक्ष प्रशांत जगताप, संकुलाच्या उभारणीसाठी प्रेरणा देणाऱ्या माजी नगरसेविका लक्ष्मी दुधाने, संकुलाच्या उभारणीसाठी सातत्यपूर्ण पाठपुरावा करणारे राष्ट्रवादी काँग्रेस (शरदचंद्र पवार) पक्षाचे कोथरूड विधानसभा मतदारसंघाचे अध्यक्ष स्वप्निल दुधाने तसेच माजी नगरसेवक सचिन दोडके, जयेश मुरकुटे, महापालिकेचे पुणे महापालिका भवन विभागाचे मुख्य अभियंता रोहिदास गव्हाणे, कार्यकारी अभियंता प्रवीण शेंडे, क्षेत्रीय अधिकारी सोमनाथ आढाव यांच्यासह अनेक मान्यवर उपस्थित होते.

विविधता हे भारताचे वैशिष्ट्य आहे आणि बलस्थानही आहे. जाती धर्माच्या नावाखाली समाजात तेढ उत्पन्न करणे घटनेच्या विरोधात आहे. ही तेढ नष्ट करून एकी कायम ठेवण्यासाठी अपप्रवृत्तीच्या विरोधात संपूर्ण समाजाने संघर्ष करणे आवश्यक आहे. मग त्यासाठी कोणतीही किंमत मोजावी लागली तरी चालेल, असे सुप्रिया सुळे यांनी नमूद केले.

महाराष्ट्र राज्य मोठ्या आर्थिक संकटात आहे. शिव भोजन थाळी चे पैसे तब्बल आठ महिन्यांपासून दिले गेलेले नाहीत. त्यामुळे शिवभोजन थाळी पुरविणाऱ्या महिलांनी आत्महत्या करण्याचा इशारा दिला आहे. मुख्यमंत्री लाडकी बहीण योजनेतून तब्बल 25 लाख महिलांना वगळण्यात आले आहे. गुंतवणूक आणि औद्योगिक प्रगतीमध्ये महाराष्ट्र आघाडीवर राहिलेला नाही. उलट भ्रष्टाचारात मात्र महाराष्ट्राने आघाडी घेतली आहे. ही आकडेवारी खुद्द केंद्रा सरकारने दिलेली आहे, असा दावाही सुळे यांनी केला.

सध्या मुख्यमंत्री देवेंद्र फडणवीस यांचे पुणे दौरे वाढलेले आहेत. केवळ महापालिका निवडणुकीला प्राधान्य न देता मुख्यमंत्र्यांनी सर्व वरिष्ठ अधिकाऱ्यांबरोबर सातत्याने बैठका आयोजित करून पुण्याचे वाहतूक, पाणीपुरवठा, कचरा व्यवस्थापन आणि कायदा सुव्यवस्था हे प्रश्न सोडवण्यालाही प्राधान्य द्यावे, असे आवाहन सुळे यांनी केले. सातत्याने प्रक्षोभक वक्तव्य करणाऱ्या वाचाळ वीरांना आवरण्याचे आवाहन देखील त्यांनी मुख्यमंत्र्यांना केले.

सरकारला विरोधासाठी विरोध करण्याची आपली भूमिका नाही. सरकार बरोबर आपले मतभेद असले तरी मनभेद नाही, असे सांगताना सुळे यांनी केंद्रीय क्रीडा मंत्री किरेन रिजीजू यांनी सुरू केलेल्या खेलो इंडिया, या योजनेमुळे अनेक खेळाडू तयार झाल्याचे नमूद केले. मागील चार वर्षात महापालिका निवडणुका न झाल्यामुळे कोणतेही पद नसताना देखील आपल्या प्रभागात कामांचा धडाका सुरू ठेवणाऱ्या माजी नगरसेविका लक्ष्मी दुधाने आणि राष्ट्रवादी काँग्रेस (शरदचंद्र पवार) पक्षाचे कोथरूड विधानसभा मतदारसंघाचे अध्यक्ष स्वप्निल दुधाने यांचे सुळे यांनी कौतुक केले.

सध्याच्या काळात सर्व स्तरांवर भारतीय जनता पक्षाची सत्ता आहे.  महागाई, बेरोजगारी या समस्या वाढतच आहेत. त्यामुळे आगामी निवडणुकीत केवळ घोषणाबाजी करणाऱ्यांना मते न देता नागरिकांनी खरे काम करणाऱ्या कार्यकर्त्यांना निवडून आणावे, असे आवाहन प्रशांत जगताप यांनी यावेळी केले.

स्वप्निल दुधाने यांनी नियोजित धनुर्विद्या क्रीडा संकुलाच्या तयारीसाठीचा चार वर्षापासूनचा प्रवास प्रास्ताविकात कथन केला. गरीब वर्गातील मुलांमध्ये देखील मोठ्या प्रमाणावर गुणवत्ता आहे. त्याचे चीज व्हावे यासाठी महापालिकेच्या माध्यमातून खेळाडूंना सुविधा मिळणे आवश्यक आहे, असेही त्यांनी नमूद केले. या प्रकल्पासाठी खासदार सुप्रिया सुळे आणि महापालिका अधिकाऱ्यांकडून मोठ्या प्रमाणावर सहकार्य मिळाल्याचेही ते म्हणाले.

कार्यक्रमाचे सूत्रसंचालन शोभा कुलकर्णी यांनी केले तर किशोर शेंडगे यांनी आभार मानले.

कर्वेनगर : कर्वेनगरमध्ये  रविवारची सकाळ लहानांपासून ते ज्येष्ठांपर्यंत सर्वांचेच हात गुंतले ते विश्वाला साकारणाऱ्या बाप्पाला साकारण्यात..ही सकाळ सर्वांसाठीच संस्मरणीय ठरली कारण गणेश मूर्ती साकारण्यात सर्वच जण तनमानाने एकाग्र होऊन मग्न झाले होते. निमित्त होते ओंकार चॅरिटेबल ट्रस्ट आयोजित पर्यावरण पूरक गणेश मूर्ती साकारण्याच्या प्रशिक्षण शिबिराचे. सन २०२१ पासून सलग चार वर्षे हे शिबिर आयोजित करण्यात येत आहे. तब्बल ४५० नागरिकांसह चिमुकल्यांनी या उपक्रमात सहभाग नोंदवला.

कर्वेनगर मधील  भारतरत्न डॉ. ए. पी. जे. अब्दुल कलाम ई लर्निंग स्कूलच्या प्रांगणात ओंकार चॅरिटेबल ट्रस्टचे सचिव व राष्ट्रवादी काँग्रेस (शरदचंद्र पवार) पक्षाचे कोथरूड मतदार संघाचे अध्यक्ष स्वप्नील दुधाने यांच्या वतीने या शिबिराचे आयोजन करण्यात आले होते. या कार्यक्रमात ऑनलाइन पद्धतीने आपल्या नावाची नोंदणी करत अनेक चिमुकल्यांनी आपल्या पालकांसह वेळेपूर्वी उपस्थिती दर्शवली. चिमुकल्यांच्या किलबिलाटाने भरून गेलेल्या या सोहळ्यात गणरायाला साकारण्यासाठी आवश्यक ती सामुग्री मोफत उपलब्ध करण्यात आली होती. ज्यामध्ये आसन व्यवस्था, माती, पॅड, टूथपीक तसेच अन्य सामुग्री यांचा समावेश होता.

यावेळी लहान मुलांसोबत या उपक्रमात सहभागी होऊन आम्हीही लहान झालो. गणेश मूर्ती साकारताना मन भारावून गेले स्वप्निल दुधाने यांनी ही संधी आम्हाला उपलब्ध करून दिल्याने मनापासून त्यांचे धन्यवाद अशा भावना ज्येष्ठांनी व्यक्त केल्या तर  गणेश मूर्ती बनवण्याची खूप उत्सुकता होती आणि आज आपल्या हाताने ती साकारली त्यामुळे मनाला आनंद मिळत आहे. गणेश मूर्ती बनवताना खूप मज्जा आली अशा भावना लहान मुले व्यक्त करत होती.

स्वप्नील दुधाने म्हणाले, चिमुकल्यांच्या सोबतीने अनेक पालक आणि ज्येष्ठ नागरिक या उपक्रमात सहभागी झाले आणि पुन्हा एकदा आपले बालपण अनुभवू शकले. विश्वाचा साकार करणाऱ्या गणरायाला साकारण्याचा हा उपक्रम आबालवृध्दांना भुरळ पाडणारा होता.  असे उद्गार अनेक नागरिकांच्या तोंडून ऐकायला मिळत असल्याने  मनाला  समाधान मिळाले. नि:संकोच आणि आनंदाने सहभागी होणाऱ्या लहान मुलांसह ज्येष्ठ नागरिकांच्या चेहऱ्यावरील आनंद निव्वळ अवर्णनीय होता, ज्यामुळे ट्रस्टच्या सभासदांनी घेतलेल्या परिश्रमांचे खऱ्या अर्थाने चीज झाले.

याप्रसंगी सूत्रसंचालक यांनी गणपतीचा आवडता पदार्थ विचारता मुलांनी एकमुखाने मोठ्या आवाजात दिलेले मोदक हे उत्तर आणि त्यांनंतर शेवटी सर्वांना दिलेले उकडीचे मोदक हा कार्यक्रमाचा शेवट सर्वांचेच तोंड गोड करणारा ठरला.

कर्वेनगर : Pune Karvenagar ओंकार चॅरिटेबल ट्रस्टच्या वतीने आयोजित करण्यात आलेला इयत्ता दहावी आणि बारावीच्या परीक्षेत यश संपादन केलेल्या विद्यार्थ्यांचा सत्कार समारंभ, करिअर मार्गदर्शन शिबिर आणि शिष्यवृत्ती प्रदान सोहळा उत्साहात संपन्न झाला.

यावेळी महाराष्ट्र राज्य मराठी भाषा मंडळाचे संचालक आणि ज्येष्ठ साहित्यिक डॉ. केशव देशमुख,  सुप्रसिद्ध साहित्यिक वि. दा. पिंगळे, क्रिकेट खेळाचे प्रशिक्षक श्याम ओक, माजी नगरसेविका लक्ष्मी दुधाने आदी उपस्थित होते. ओंकार चॅरिटेबल ट्रस्टचे सचिव, राष्ट्रवादी काँग्रेस (शरदचंद्र पवार) कोथरूड मतदार संघाचे अध्यक्ष स्वप्नील दुधाने यांनी या कार्यक्रमाचे संयोजन केले होते.

यावेळी ओंकार चॅरिटेबल ट्रस्टच्या वतीने इयत्ता बारावीच्या ओजस देशपांडे, तेजल गव्हाणे, सार्थक भास्कर, हर्षदा शेलार आणि ऋतुजा भांडवलकर या पाच विद्यार्थ्यांना तर इयत्ता दहावीच्या गुरुराज धोंगडे, सई धडपळे, मिहीर आपटे, आदर्श सातपुते आणि भार्गव मराठे या पाच विद्यार्थ्यांना सन्मानचिन्ह आणि आर्थिक शिष्यवृत्ती प्रदान करण्यात आली.

याप्रसंगी तब्बल पाचशे ते साडेपाचशे विद्यार्थ्यांनी आपल्या पालकांसह उपस्थिती दर्शवली असून आपल्या प्रभागातील पलक निलेश वरपे या महाराष्ट्र राज्याकडून क्रिकेट खेळणाऱ्या विद्यार्थिनीने इयत्ता दहावीच्या परीक्षेत ८३% गुण प्राप्त केल्याबद्दल विशेष सत्कार करण्यात आला. अभ्यासासह आपला छंद जोपासत खेळाला प्राधान्य दिले आणि पलकने उत्तम गुण प्राप्त केले असून तिच्या या मेहनतीत तिच्या पालकांनीही साथ दिल्याबद्दल त्यांचेही अभिनंदन करत सत्कार करण्यात आला.

यावेळी बोलताना स्वप्नील दुधाने यांनी पुस्तकांचे महत्व, अभ्यासाबद्दल दृष्टिकोन आणि गेल्या १४ वर्षांत ओंकार चॅरिटेबल ट्रस्टच्या वतीने करण्यात आलेले कार्य आदी गोष्टींवर प्रकाश टाकला. समाजात वावरत असताना आपण समाजासाठी काही देणे लागतो, याची जाणीव ठेवत आपण कायम लोकोपयोगी उपक्रम राबवले आणि त्याला कायम जनतेने प्रतिसाद दिला. आपल्या समाजातील विद्यार्थी वर्गाला यथायोग्य मार्गदर्शन लाभणे आवश्यक असून त्या हेतूने या शिबिराचे आयोजन केल्याने पालक आणि विद्यार्थी वर्गातून समाधान व्यक्त केले जात आहे. त्यांचे हे शब्द हीच आमच्या परिश्रमांची पोहोच पावती असून भविष्यातही असेच अधिकाधिक उपक्रम राबवण्याचा आमचा मानस असेल असे दुधाने म्हणाले.

यावेळी प्रमोद शिंदे, दीपक चांदगुडे, किशोर शेडगे,  विष्णू सरगर, विनायक देशमुख तसेच ओंकार चॅरिटेबल ट्रस्टचे पदाधिकारी उपस्थित होते. यावेळी उपस्थित प्रत्येक विद्यार्थ्याला ॲडव्हान्स डॉक्युमेंट फोल्डर प्रदान करण्यात आल्याने त्यांच्या चेहऱ्यावरील आनंद होता. कार्यक्रमाचे सूत्रसंचालन रत्ना  दहीवळकर यांनी केले.

गेल्या आठ वर्षांपासून अनेक खेळाडूंनी या ठिकाणी सराव करत पुणे शहराचा नावलौकिक वाढवला आहे. आज खेळाडूंच्याच शुभहस्ते नूतनीकरण सोहळा संपन्न होत असताना अनेक खेळाडू, क्रीडाप्रेमी आणि पालक वर्ग मोठ्या संख्येने उपस्थित होता. गेल्या तब्बल चार दशकांपासून टेनिस खेळाडूंना प्रशिक्षण देणारे दत्तात्रय शिंदे आणि अनेक वर्षांपासून त्यांचा वारसा जपत खेळाडू या क्रिडा संकुलात घडवणारे प्रशिक्षक रोहित शिंदे उपस्थित होते.

यावेळी सर्व क्रीडाप्रेमी आणि पालक वर्गाला आपल्या पाल्याला खेळातही प्राविण्य प्राप्त करण्याची संधी उपलब्ध करून देत पुणे शहराला नवी ओळख निर्माण करून देण्यात योगदान द्यावे, अशी विनंती स्वप्नील दुधाने यांनी यावेळी केली.

या प्रसंगी  माजी नगरसेवक सचिन दोडके, खडकवासला विधानसभा मतदारसंघाचे अध्यक्ष काका चव्हाण, कार्याध्यक्ष त्रिंबक मोकाशी, पुणे शहर महिला अध्यक्ष स्वाती पोकळे, पुणे शहर युवक अध्यक्ष किशोर कांबळे, कोथरूड विधानसभा कार्याध्यक्ष जयेश मुरकुटे, कोथरूड विधानसभा युवक अध्यक्ष  गिरीश गुरनानी, माजी कोथरूड युवा अध्यक्ष प्रमोद शिंदे, खडकवासला विधानसभा अर्बन सेल अध्यक्ष मीनल धनवटे, विनोद हनवते, सुरज शिंदे, प्रभाग अध्यक्ष किशोर शेडगे उपस्थित होते.

महाविकास आघाडीचे सरकार आल्यास दोन महिन्यात स्थानिक स्वराज्य संस्थांच्या निवडणूका : सुप्रिया सुळे
गेल्या तीन वर्षांपासून पुणे मनपामध्ये सार्वत्रिक निवडणूक न झाल्याने प्रशासक कार्यरत आहेत, ज्यामुळे नागरिकांच्या मूलभूत अडचणींचेही निराकारण करणे दुरापास्त होत आहे. यामुळे आगामी काळात महाविकास आघाडीचे सरकार आल्यास त्वरित दोन महिन्यात स्थानिक स्वराज्य संस्थांच्या निवडणूक घेत नागरिकांचे लोकशाहीने दिलेले अधिकार अबाधित राखले जातील, असे आश्वासन खासदार सुप्रिया सुळे यांनी यावेळी दिले.

पुणे : pune metro पुणे मेट्रो मार्गावरील सर्व स्टेशनवर प्रवाशांसाठी पार्किंगची व्यवस्था असणे अत्यंत गरजेचे असले तरी ही व्यवस्था कोणी करायची याबाबत प्रश्न निर्माण झाला आहे.    ही व्यवस्था करण्याबाबत मेट्रो प्रशासनाने हात झटकले आहेत. Pune urban cell पुणे अर्बन सेलच्या पार्किंगच्या मागणी नंतर सदर जबाबदारी मेट्रो प्रशासनाची नसून पुणे मनपाची असल्याचे सांगत मेट्रो प्रशासनाने मनपाची आणखी एक जबाबदारी प्रकाशात आणली आहे.

पुणे महामेट्रोचे कार्यकारी संचालक हेमंत सोनवणे यांची पुणे अर्बन सेलचे शहराध्यक्ष स्वप्नील दुधाने यांच्या नेतृत्वाखालील शिष्टमंडळाने भेट घेऊन नागरिकांकरिता आवश्यक असणाऱ्या मागण्या पुणे अर्बन असेल वतीने निवेदनाद्वारे केल्या. तसेच अनेक मुद्द्यांकडे मेट्रो प्रशासनाचे लक्ष वेधण्यात आले.

मेट्रो स्टेशनवर मेट्रो पार्किंगमध्ये प्रवाशांसाठी २५% सवलत असून सदर सवलत ५०% करण्यात यावी, अशी मागणी पुणे अर्बन सेलचे सभासद मदन वाणी यांच्या हस्ते देण्यात आलेल्या निवेदनात करण्यात आली यावेळी  अर्बन सेलमधील युसूफ शेख, कसबा विधानसभा अर्बन सेल अध्यक्ष आप्पासाहेब जाधव, कोथरूड अर्बन सेल अध्यक्ष सचिन यादव आदी उपस्थित होते.

अनेक नागरिकांची घरे आणि मेट्रो स्टेशन यातील अंतर अधिक असल्याने सार्वजनिक वाहतूक व्यवस्थेची आवश्यकता असून याचसह पार्किंग सुविधा कमी खर्चात उपलब्ध असणेही आवश्यक आहे. पार्किंगचा मेट्रो विभागाने ठरविलेला ७.५० रुपये प्रतितास खर्चाचा मेळ घातला असता प्रतिव्यक्ती नागरिंकाचा कामाचा ८ तास गृहीत धरल्यास ६० रुपये खर्च येतो. पार्किंग शुल्क अधिक मेट्रो तीकिट आणि खाजगी वाहनांचा खर्च यातील फरकामधे वाहनांचा खर्च नगण्य असल्याने नागरिकांकडून याचा वापर होणे शक्य नाही,  ही बाब यावेळी मेट्रो प्रशासनाच्या लक्षात आणून देण्यात आल्याचे स्वप्नील दुधाने यांनी सांगितले.

पुणे शहरात मेट्रोचा विकास होत असताना मेट्रो स्टेशनवर पार्किंग व्यवस्था उपलब्ध असणे, क्रमप्राप्त आहे. काल सिव्हिल कोर्ट मेट्रो स्टेशनमध्ये पार्किंग करिता दुचाकीसाठी प्रति तासासाठी १५ रुपये, तर चार चाकी वाहनांसाठी प्रति तासासाठी ३५ रुपये आकार घेतला जात होता. ही नागरिकांची लूट महामेट्रोने वेळीच थांबवली असली तरी पार्किंगच्या शुल्काचा प्रश्न मोठा असून त्यावर तोडगा निघणे आवश्यक आहे.

मेट्रो स्टेशनला पार्किंगची व्यवस्था करणे ही जबाबदारी पुणे मनपाची असल्याचे नागरिकांना माहिती नसून मनपाकडूनही यावर सकारात्मक कार्यवाही करण्यात आलेली दिसत नाही. पुणे महापालिकेने मेट्रोच्या स्टेशनला जाण्यासाठी सार्वजनिक वाहतूक आणि मेट्रो स्टेशनवर पार्किंग व्यवस्था यावर अधिक लक्ष केंद्रित करणे काळाची गरज असून त्या अनुषंगाने काम करावे अशी मागणी पुणे अर्बन सेल द्वारे करण्यत आली आहे.

पुणे : नागरिकांमध्ये कर्करोगाचे प्रमाण वाढत असताना पश्चिम महाराष्ट्रासह पुणे येथे एकही शासकीय कर्करोग रुग्णालय उपलब्ध नाही.  पुणे शहरातील मंगळवार पेठ येथे स्वतःची सव्वादोन एकर जागा सार्वजनिक बांधकाम विभागाने राज्य रस्ते विकास महामंडळाला हस्तांतरीत केली आहे. याच जागेवर शासकीय कर्करोग रुग्णालय उभारण्याच्या दृष्टीने शासनाच्या हालचाली सुरू होत्या. मात्र आता ही जागा राज्य रस्ते विकास महामंडळ अर्थात MSRDC च्या वतीने खाजगी विकसकाला कवडीमोल भावात ९० वर्षांच्या भाडेतत्वावर देण्याची निविदा काढल्याची माहिती पुढे आली आहे. या प्रकाराला अर्बन सेल च्या वतीने विरोध करण्यात आला आहे.

अर्बन सेलचे पुणे शहराचे अध्यक्ष स्वप्नील दुधाने म्हणाले की, आजमितीस पुणे शहरातील शासकीय रुग्णालयात ICU उपलब्ध होत नसताना पश्चिम महाराष्ट्रातील पहिलेवहिले साकारले जाणारे कर्करोग रुग्णालय अशा पद्धतीने सत्यात न उतरणे, नक्कीच चिंतनीय आहे. वर्ल्ड हेल्थ ऑर्गनायजेशन अर्थात WHO च्या अंदाजानुसार भविष्यात भारतातील कर्करोगग्रस्त नागरिकांची संख्या प्रचंड प्रमाणात वाढण्याची शक्यता असताना हे प्रमाण १० पैकी १ व्यक्त बाधित होण्यापर्यंत वाढू शकते. या धर्तीवर शासनाला सदर घटनेचे गांभीर्य लक्षात आणून देणे, या नात्याने अर्बन सेलचे कर्तव्य आहे.

या अनुषंगाने राज्याचे मुख्यमंत्री एकनाथ शिंदे आणि  उपमुख्यमंत्री यांना ईमेलद्वारे निवेदन पाठवत सदर जागेवर कर्करोग हॉस्पिटलची उभारणी करण्यात यावी आणि राज्य रस्ते विकास महामंडळ यांनी खाजगी विकासकाला जमीन देण्याचा घातलेला घाट रद्दबातल करावा, अशी ठाम मागणी करण्यात आली असल्याचे त्यांनी सांगितले.

वाढते आरोग्यविषयक संकट लक्षात घेता तसेच कर्क रोग रुग्णालयाची गरज शहराला आवश्यक असल्याने या मंगळवार पेठ जागेवर कर्क रोग रुग्णालय उभारण्यात यावे अन्यथा MSRDC विरोधात पुणे अर्बन सेल तर्फे जन आंदोलन उभारुन योग्य ती सर्व कायदेशीर प्रक्रिय आम्ही करु. याबाबत जन भावनेचा आदर करुन सकारात्मक निर्णय घ्यावा आहे मागणी स्वप्नील दुधाने यांनी अर्बन सेलच्या माध्यमातून मुख्यमंत्री एकनाथ शिंदे यांच्या कडे केली आहे.

कोथरूड विधानसभा मतदारसंघात या महत्वाच्या रस्त्यांची अवस्था दयनीय झाली असून ठिकठिकाणी खड्ड्यांचे साम्राज्य निर्माण झाले आहे. तसेच या मुख्य रस्त्यांवर सकाळ व सायंकाळच्या सुमारास वाहतुकीची समस्या नित्याची झाली असून नागरिकांना मनस्ताप होऊ लागला आहे.

आज मतदारसंघातील अशा रस्त्यांची एक यादी तयार करून राष्ट्रवादी काँग्रेस (शरदचंद्र पवार) पक्षाकडून ती मनपाच्या पथ विभागाला सुपूर्द करण्यात आली. रस्त्यांची कामे त्वरित पूर्णत्वास नेणे आवश्यक असून लवकरात लवकर मनपा प्रशासनाने यावर कार्यवाही करावी, अशी मागणी यावेळी कोथरूड विधानसभा मतदारसंघ राष्ट्रवादी काँग्रेस शरदचंद्र पवार पक्षाच्या वतीने करण्यात आली.

याप्रसंगी स्वप्नील दुधाने यांच्या समवेत कार्यध्यक्ष जयेश मुरकुटे, युवक अध्यक्ष गिरीश गुरनानी उपस्थित होते. या कामास लवकरात लवकर पूर्ण न केल्यास राष्ट्रवादी काँग्रेस शरदचंद्र पवार पक्षाच्या वतीने जनआंदोलन उभारण्यात येईल, असा ईशाराही यावेळी देण्यात आला.

अनिरुद्ध पावसकर यांनी सकारात्मक प्रतिसाद दिला असून लवकरच रस्त्यांचे प्रश्न निवारीत करण्याचा शब्द दिला आहे.  त्यामुळे नागरिकांची समस्या दूर होईल अशी अपेक्षा आहे. मात्र याकडे दुर्लक्ष केल्यास आम्ही आंदोलनाच्या पवित्र्यात आहोत असे स्वप्नील दुधाने यांनी सांगितले.