वारजे : वारजे साहित्यिक कट्टा आयोजित चंद्र्शेखर धर्माधिकारी लिखित “गावाकडच्या वल्ली” या कथा संग्रहाचे प्रकाशन प्रसिद्ध साहित्यिक प्रा.विश्वास वसेकर यांच्या हस्ते करण्यात आले. महाराष्ट्र साहित्य परिषद पुणेच्या माजी कार्याध्यक्षा डॉ माधवी वैद्य यांच्या अध्यक्षतेखाली प्रकाशन सोहळा संपन्न झाला.

कथा हा एक वाचनप्रिय साहित्य प्रकार आहे.अनेकत्वातून एकत्व व्यक्त करणे हा जीवनाप्रमाणे सर्वच कथांचा धर्म आहे.कथेला विशिष्ठ कालप्रमाणे घडलेल्या घटनांचे कथानक असते. एका विशिष्ठ स्थळकाळी पागांच्या परस्पर संबंधातून घडलेल्या घटनांचे एका दृष्टीकोनातून केलेले चित्रण म्हणजे लघुकथा असे मत प्रा.विश्वास वसेकर यांनी यावेळी  व्यक्त केले.

वि.दा.पिंगळे म्हणाले , दलित व ग्रामीण साहित्याने एकूण साहित्याचा केंद्रबिंदू हालवला . खेड्यापाड्यात शिक्षण पोहचले आणि मोठी क्रांती झाली. शिकलेल्या पोरांनी आपल्या कष्टकरी बापाच्या कथा लिहायला सुरुवात केली. ग्रामीण साहित्यमुळे शेतकरी , शेतमजूर , बाराबलुतेदार हे साहित्याचे नायक होऊ शकले , त्यांचे व्याकूळ जीवनाचे चित्रण समोर आले. ग्रामीण लेखक व कवींनी मुक्त साहित्यास शस्त्र दिले.

कार्यक्रमाचे आयोजक बाबासाहेब धुमाळ यांनी प्रास्ताविक केले. विरोधी पक्षनेत्या  दिपाली धुमाळ यांनी स्वागत केले. पुस्तकाचे लेखक यांनी कथा लिहिण्यामागची प्रेरणा , अनुभव , कथन केले. या प्रसंगी डी.के.जोशी, प्राचार्य नंदकिशोर बोधाई , साधना कुलकर्णी, महेश कुलकर्णी, जयंत मोहिते, अदिती गोडबोले,  प्रकाशक सुमित सातपुते उपस्थित होते. अतुल घटवाई यांनी सूत्रसंचालन केले. तर वैभव धर्माधिकारी यांनी आभार व्यक्त केले. कार्यक्रम  यशस्वी करण्यासाठी जेष्ठ नागरिक सामाजिक प्रतिष्ठानचे सर्व सभासद उपस्थित होते.

अण्णाभाऊंनी एकूण 35 कादंबऱ्यांचे लेखन केले त्यापैकी जवळपास 16 कादंबऱ्या ह्या स्त्रीप्रधान कादंबऱ्या आहेत. अण्णाभाऊंनी कथा ,कादंबऱ्या, लोकनाट्य , लावण्या, पोवाडे , प्रवास वर्णन अशी जवळपास 84 पुस्तकांचे लेखन केले. त्यांच्या कादंबऱ्यातील आणि कथेतील नायिका ह्या आपले चारित्र्य व शील सांभाळण्यासाठी धाडसाने लढणाऱ्या आहेत. अण्णाभाऊ नेहमी असं म्हणायचे वडील किंवा पुरुष जर आकाश असेल तर आई किंवा स्त्री ही धरणी आहे आणि धरणीचे मोल मान्य केल्याशिवाय आकाशाला महत्त्व प्राप्त होणार नाही. स्त्रीचा सन्मान करायला हवा.  अण्णा भाऊ  हे सामाजिक तळमळ असलेले साहित्यिक होते.

अण्णा भाऊंनी कधीही स्वतःचे लेखकपण मिरवण्यासाठी, पुरस्कारासाठी लेखन केले नाही, तर माझा लेखणीतून व माझ्या शाहिरीतून समाजाचे दैन्य आणि दुःख कमी व्हावं , समाजातल्या विषमतेवर प्रखरपणे त्यांनी प्रहार केला. अवघे 49 वर्षांचे आयुष्य अण्णाभाऊंना  मिळाले पण आपले सर्व आयुष्य समाज परिवर्तन आणि प्रबोधनासाठी आणि संयुक्त महाराष्ट्राच्या चळवळीसाठी त्यांनी खर्च केले. साहित्य, चित्रपट व  राजकीय क्षेत्रातील बड्या व्यक्तींशी त्यांचा स्नेह होता पण त्यांनी कधीही त्या व्यक्तींकडे स्वतःसाठी पद किंवा आर्थिक मागणी कधीच केली नाही. 

चिरागनगरच्या झोपडीत आयुष्यभर आपल्या प्रतिभेचा चिराग सांभाळत राहिले. कंदीलाच्या उजेडात समाजातला अंधार दूर व्हावा म्हणून शब्दांची ज्योत प्रज्वलित ठेवत राहिले. अण्णा भाऊ साठे हे जागतिक दर्जाचे साहित्यिक होते, पण त्या काळामध्ये समीक्षकांनी त्यांच्या साहित्याची दखल घेतलीच नाही. अण्णाभाऊंचे साहित्य मानवतेचा संदेश देणारे  होते,असे वि.दा .पिंगळे यांनी आपल्या भाषणातून विचार व्यक्त केलेत.

कार्यक्रमाचे आयोजन माजी नगरसेवक प्रदीप उर्फ बाबा धुमाळ, पुणे महानगरपालिकेच्या माजी विरोधी पक्षनेत्या दिपाली धुमाळ यांनी केले होते.  कर्वेनगर भागातील ज्येष्ठ सामाजिक कार्यकर्ते के.डी  पवार व  इतरही मान्यवर उपस्थित होते. प्रदीप धुमाळ यांनी कार्यक्रमाचे प्रास्ताविक केले ,कार्यक्रमाचे सूत्रसंचालन अतुल घटवाई यांनी केले तर आभार जयंत जतकर यांनी मानले.   याप्रसंगी वि.दा. पिंगळे यांनी लोकमान्य टिळक यांचा कर्तुत्वाचा देखील आढावा घेतला.