पुणे : वारजे माळवाडी मध्ये माजी विरोधी पक्षनेत्या दिपाली धुमाळ यांच्या प्रयत्नातून महापालिकेकडून उभारण्यात येत असलेल्या कल्चरल सेंटरचे अजित दादांच्या हस्ते भूमिपूजन करण्यात आले होते. या प्रकल्पाचे काम ८० टक्के पूर्ण झाले असून त्याला स्व.मा. ना. अजितदादा पवार सांस्कृतिक भवन” असे नाव देण्यात यावे अशी मागणी दिपाली धुमाळ व माजी नगरसेवक बाबा धुमाळ यांनी केली आहे.

महाराष्ट्र राज्याचे लोकप्रिय व धडाडीचे उपमुख्यमंत्री व पुणे जिल्ह्याचे पालकमंत्री अजितदादा पवार यांचे दिनांक २८ जानेवारी २०२६ रोजी, विमान अपघातात दुःखद निधन झाले. त्यांच्या अकाली जाण्याने महाराष्ट्राने एक कर्तृत्ववान, विकासाभिमुख व सर्वसामान्यांचा आधार असलेला नेता गमावला आहे. कार्यकर्त्यांच्या पक्षाच्या पदाधिकाऱ्यांच्या मनात दादांच्या आठवणी घर करून आहेत.

कार्यकर्त्यांच्या अनेक कार्यक्रमांना उपस्थित राहत त्यांचा खंबीर आधार बनण्याचे काम दादांनी केले होते. पक्षाच्या लोकप्रतिनिधींच्या माध्यमातून पुणे शहरात उभ्या करण्यात आलेल्या अनेक प्रकल्पांचे भूमिपूजन व उद्घाटने अजित दादांच्या हस्ते झाली होती. दादांनी भूमिपूजन केलेले अनेक प्रकल्प आज पूर्णत्वाकडे जात आहेत. त्यामुळे अशा प्रकल्पाच्या बाबतीत दादांच्या आठवणी जोडल्या गेल्या असल्याने त्याला दादांचे नाव दिले जावे अशी भूमिका कार्यकर्ते, पदाधिकारी घेताना दिसत आहेत.

असाच एक प्रकल्प वारजेत पूर्णत्वास जात आहे. पुणे महानगरपालिका भवन खात्याच्या अंतर्गत व माजी विरोधी पक्षनेत्या दिपाली प्रदिप धुमाळ यांच्या प्रयत्नातून वारजे येथील सर्वे नं ११९ मध्ये कल्चरल सेंटर अंतर्गत कौशल्य विकास केंद्र या प्रकल्पाचे काम सुरु आहे. या प्रकल्पाचे भूमिपूजन तत्कालीन उपमुख्यमंत्री स्व.अजितदादा पवार  यांच्या हस्ते झाले होते. या प्रकप्लाचे काम ८० % पूर्ण झाले असून त्याला “स्व.मा. ना. अजितदादा पवार सांस्कृतिक भवन” असे नाव देण्यात यावे अशी मागणी बाबा धुमाळ यांनी केली असून त्याबाबतचे निवेदन महापालिका आयुक्त नवल किशोर राम यांना दिले आहे. यावेळी माजी महापौर दत्ता धनकुडे, ह.भ.प. धर्मराज महाराज हांडे उपस्थित होते.

बाबा धुमाळ म्हणाले, दादा कायम कार्यकर्त्याच्या पाठीशी उभा राहिले. आमच्या प्रयत्नातून महापालिकेच्या माध्यमातून वारजेत  झालेल्या अनेक प्रकल्पांचे भूमिपूजन व उद्घाटने दादांच्या हस्ते झाली होती. त्यामुळे दादांच्या आठवणी या प्रकल्पांच्या माध्यमातून वारजेकरांबरोबर राहणार आहेत. दादांनीच भूमिपूजन केलेल्या प्रकल्पाला त्यांचे नाव द्यावे लागेल अशी वेळ येईल असे कधी वाटले नव्हते, पण हा प्रसंग मन हेलावून टाकणारा आहे. दादा नसले तरी त्यांच्या आठवणी कायम बरोबर राहणार आहेत. त्यामुळे वारजेत होत असलेल्या कल्चरल सेंटरला “स्व.मा. ना. अजितदादा पवार सांस्कृतिक भवन” असे नाव देण्यात यावे अशी मागणी आम्ही महापालिका आयुक्तांकडे केली आहे.

मनसेच्या उमेदवार भाग्यश्री दांगट शिवणे गावठाण, दांगट पाटीलनगर, एनडीए रोड परिसरात वैयक्तिक गाठीभेटीच्या माध्यमातून  मतदारांशी संवाद साधत आहेत. अनेक ठिकाणी मतदार त्यांना जाणवत असलेल्या समस्या भाग्यश्री दांगट यांच्या समोर मांडत आहेत.

वारजे हायवे चौक ते गणपती माथा पुढे शिवणे उत्तमनगर पर्यंत एनडीए रस्त्यावर रोज होत असलेली वाहतूक कोंडी नागरिकांसाठी मनस्ताप ठरत आहे. २ मिनिटाच्या अंतरासाठी अर्धा पाऊण तास घालवावा लागत आहे. या वाहतूक कोंडीमुळे कामावर जाण्यासाठी नागरिकांना एक ते दीड तास आधीच घरातून निघावे लागत आहे, त्यामुळे त्यांच्या वेळेचाही अपव्यय होत आहे.

खरं तर वारजे माळवाडी परिसराला महापालिकेत जाऊन एवढे वर्ष झाली. पण खरंच आपला भाग महापालिकेत आहे का असा प्रश्न येथील समस्यांकडे बघून येतो. केवळ रिल, व्हिडिओ, पाहणी, बैठका घेऊन प्रश्न सुटणार नाही तर आता ठोस उपाययोजना करण्याची गरज आहे. असे म्हणत त्यांनी वारजे शिवणेकरांना भविष्यासाठी योग्य विचार करण्याचे आवाहन केले आहे, तसेच या भागातील नागरिकांना वाहतूक कोंडीतून मुक्त करणे हेच आमचे प्रथम ध्येय असल्याचे भाग्यश्री दांगट यांनी म्हंटले आहे. यावेळी प्रचार दौऱ्यात नागरिकांकडून त्यांना उत्स्फूर्त प्रतिसाद मिळाला.

कर्वेनगर : राजकीय घडामोडींनी प्रभाग क्रमांक ३० कर्वेनगर हिंगणे होम कॉलनी व ३२ वारजे पॉप्युलरनगर मधील राजकीय वातावरण आज ढवळून निघाले. उमेदवारी अर्ज भरण्याच्या आजच्या शेवटच्या दिवशी अनेक अनपेक्षित राजकीय उपथापालथ पाहायला मिळाली. कुणाची उमेदवारी कापण्यात आली तर कोणी दुसऱ्या पक्षात प्रवेश घेत उमेदवारी मिळवली. तर कोणी वेगळा पॅनल बनवला.  युती, आघाडीच्या गोंधळात राजकीय समीकरणे जुळवत उमेदवारांनी आज उमेदवारी अर्ज दाखल केले. दाखल झालेले उमेदवारी अर्ज पाहता प्रभाग ३० कर्वेनगर हिंगणे होम कॉलनी व ३२ वारजे पॉप्युलरनगर मध्ये तुल्यबळ लढती पाहायला मिळणार आहेत.

प्रभाग 30 कर्वेनगर, हिंगणे होम कॉलनी प्रभागात आज सुरवातच राष्ट्रवादीतून आलेल्या मोठ्या अनपेक्षित बातमीने झाली. या प्रभागात राष्ट्रवादी पक्षाकडून उमेदवारीसाठी महिला गटातून दावेदार असणाऱ्या तेजल दुधाने यांची उमेदवारी कापण्यात आली आणि या बातमीने राजकीय वातावरण ढवळून निघाले. कालपर्यंत उमेदवारी निश्चित मानली जात असताना काल रात्रीत घडलेल्या घडामोडींनी तेजल दुधाने यांच्या उमेदवारीवर गदा आली. त्यामुळे त्यांच्या समर्थकांमध्ये नाराजी पसरली . भाजप शिवसेना युती न झाल्याने शिवसेनेचा ही पॅनल तयार झाला आहे. त्यामुळे भाजप, राष्ट्रवादी काँग्रेस, शिवसेना, काँग्रेस- शिवसेना- मनसे आघाडी असे चार पॅनल या प्रभागात तयार झाले आहेत. भाजपचे विनोद मोहिते यांना शिवसेनेकडून उमेदवारी देण्यात आली आहे तर मनसेचे शैलेश जोशी यांनी राष्ट्रवादी काँग्रेस पक्षाकडून महिला गटात पत्नी निवेदिता जोशी यांच्यासाठी उमेदवारी मिळवली आहे. तर राष्ट्रवादी काँग्रेस (शरदचंद्र पवार) पक्षातून मनिषा विरेश शितोळे यांना उमेदवारी मिळाली आहे.

प्रभाग क्रमांक ३० मध्ये 

भाजप :  गट अ सुशील मेंगडे, गट ब रेश्मा संतोष बराटे, गट क तेजश्री महेश पवळे, गट ड राजाभाऊ बराटे

राष्ट्रवादी काँग्रेस : गट अ  स्वप्निल दुधाने, गट ब संगीता बराटे, क गट निवेदिता शैलेश जोशी, गट ड विजय खळदकर, 

शिवसेना (शिंदे) गट अ विनोद मोहिते, गट ब मानसी गुंड,            गट क प्रतीक्षा जावळकर, गट ड प्रणव थोरात

राष्ट्रवादी काँग्रेस (शरदचंद्र पवार) : क गट मनिषा विरेश शितोळे,

काँग्रेस शिवसेना मनसे : गट अ मोहित बराटे, गट ब सुनिता विष्णू सलगर, गट क वैशाली दिघे,  गट ड सचिन विप्र

प्रभाग क्रमांक ३२ वारजे, पॉप्युलरनगर

या प्रभागात भाजप आणि राष्ट्रवादी काँग्रेस पक्षात सरळ लढत पाहायला मिळणार आहे वर्षं वर्ष राष्ट्रवादीचा बालेकिल्ला म्हणून या प्रभागाकडे पाहिले जाते. ह्या प्रभागाला सुरुंग लावण्याचा प्रयत्न भाजपाकडून करण्यात आला असून राष्ट्रवादी काँग्रेसचे माजी नगरसेवक फोडून भाजपने त्यांना आपल्या पक्षातून उमेदवारी दिली आहे. परंतु हे करत असताना भाजप पक्षाचे काम करणारे कार्यकर्ते व पदाधिकारी यांच्यात नाराजी पसरली आहे. भाजपच्या मतदारांमध्ये ही याबाबत चर्चा आहे. या घडामोडीत भाजपचे किरण बारटक्के यांना राष्ट्रवादी काँग्रेस पक्षातून उमेदवारी जाहीर करण्यात आली आहे. कालच बारटक्के अजित पवार यांची भेट घेतली होती तेव्हाच ते राष्ट्रवादीत येतील असे  बोलले जात होते. काँग्रेसचे सचिन बराटे यांनीही राष्ट्रवादी काँग्रेसमध्ये प्रवेश करत उमेदवारी घेतली आहे. राष्ट्रवादी काँग्रेस पक्षातील माजी नगरसेवक भाजपमध्ये गेल्याने पक्षाचे खडकवासला मतदारसंघाचे अध्यक्ष व माजी नगरसेवक बाबा धुमाळ यांनी चांगला पॅनल बनावट बनवत भाजप समोर आव्हान उभे केले आहे.

राष्ट्रवादी काँग्रेस : अ गट अश्विनी किशोर कांबळे, ब गट किरण बारटक्के, क गट दिपाली धुमाळ, ड गट सचिन बराटे

भाजप : अ गट हर्षदा भोसले, ब गट भारतभूषण बराटे, क गट सायली वांजळे, ड गट सचिन दोडके

मनसे : अ गट अनुसूचित प्रवर्ग केशर सोनवणे, ब गट गणेश धुमाळ, क गट भाग्यश्री दांगट, ड गट रियाज शेख

शिवसेना शिंदे गट : गट अ दीपाली धिवार, ड गट अजय भलशंकर

आप पक्ष :  निलेश वांजळे, क गट सुरेखा भोसले

समाजवादी पक्ष :  ड गट विनायक लांबे

अमोल साबळे

वारजे : वारजे पॉप्युलर नगर प्रभाग क्रमांक ३२ मध्ये राष्ट्रवादी काँग्रेस भाजपला धक्का देण्याच्या तयारीत आहे. या प्रभागात भाजपने राष्ट्रवादी काँग्रेस पक्षाचे माजी नगरसेवकांचा प्रवेश घेत आपल्या पक्षात घेतल्याने पक्षासाठी काम करणाऱ्या पदाधिकाऱ्यांवर अन्याय झाला आहे. या प्रभागातून भाजपकडून इच्छुक असलेले माजी नगरसेवक व भाजप पुणे शहर उपाध्यक्ष किरण बारटक्के यांना डावलण्यात आल्याने भाजप कार्यकर्त्यांना मध्ये नाराजीचा सूर आहे. आज नाराज किरण बारटक्के काय निर्णय घेण्यात याकडे सर्वांच लक्ष लागले आहे. किरण बारटक्के यांनी उपमुख्यमंत्री अजित पवार यांची भेट घेतल्याची माहिती मिळत असून ते राष्ट्रवादी काँग्रेस पक्षात गेल्यास भाजपची डोकेदुखी वाढणार असून राष्ट्रवादी काँग्रेसचा पॅनल मजबूत होणार आहे.

वारजेतील राष्ट्रवादीच्या बालेकिल्ल्याला सुरुंग लावण्याचा प्रयत्न भाजप कडून सुरू आहे. त्यामुळे राष्ट्रवादीचे माजी नगरसेवक सायली वांजळे, तसेच दिलीप बराटे यांचे पुतणे भारतभूषण बराटे यांचा भाजप प्रवेश करून घेतला आहे. त्यांची उमेदवारीही निश्चित झाली आहे. परंतु राष्ट्रवादीच्या बालेकिल्ल्यात भाजप जिवंत ठेवण्याचं काम ज्या कार्यकर्ते पदाधिकारी यांनी केले  त्यांच्यावर भाजपच्या वरिष्ठ नेत्यांकडून अन्याय करण्यात आला असून या प्रकारामुळे भाजप गोटात नाराजीचा सूर आहे.

उमेदवारीसाठी डावलण्यात आल्याने माजी नगरसेवक व भाजपचे पुणे शहर उपाध्यक्ष किरण बारटक्के यांनी उपमुख्यमंत्री अजित पवार यांची आज भेट घेतली आहे. किरण बारटक्के यांचा राष्ट्रवादीचा निर्णय भाजपला धक्का ठरू शकतो. ही वारजेतील भाजपच्या मनसुब्यांना छेद देण्यासाठी राष्ट्रवादीची  मोठी खेळी असणार आहे. किरण बारटक्के या भागातून नगरसेवक राहिलेले आहेत. प्रत्येक भागात त्यांचा दांडगा संपर्क आहे. सातत्याने ते समाजपयोगी उपक्रम राबवत आलेले आहेत. त्याचबरोबर दोन दिवसापूर्वी काँग्रेसचे सचिन बराटे यांनीही राष्ट्रवादीत प्रवेश केलेला आहे. राष्ट्रवादीचे खडकवासला मतदार संघाचे अध्यक्ष बाबा धुमाळ या प्रभागात तगडा पॅनल बनवण्याचा प्रयत्न करत आहेत. ते स्वतः व त्यांच्या पत्नी दीपाली धुमाळ या प्रभागात नगरसेवक राहिलेले आहेत. त्यामुळे एक चांगला पॅनल राष्ट्रवादीचा या ठिकाणी पाहिला मिळू शकतो. 

वारजे साहित्यिक कट्ट्यावर अंतहीन आकाश कादंबरीचे प्रकाशन..

वारजे : कादंबरी हा समाजाचा एक विस्तृत व विशाल असा जीवनपट असतो. कविता व कथेपेक्षा लेखकाला समाजाचे  विविध  प्रश्न मुक्तपणाने मांडता येतात . अंतहीन आकाश  या कादंबरीमध्ये देखील मध्यमवर्गीय समाजाची होणारी ससेहोलपट, त्यांचा विविध प्रश्नांसाठीचा संघर्ष अतिशय मार्मिकपणे व स्पष्टपणे डॉ. रमेश जलतारे यांनी मांडलेला आहे असे मत साहित्यिक व वक्ते वि.दा. पिंगळे यांनी व्यक्त केले.

साहित्यिक कट्टा वारजे व ज्येष्ठ नागरिक सामाजिक प्रतिष्ठान वारजे पुणे आयोजित प्राचार्य डॉ. रमेश जलतारे लिखित अंतहीन आकाश  या कादंबरीचे प्रकाशन साहित्यिक वि.दा. पिंगळे यांच्या हस्ते संपन्न झाले. यावेळी ते बोलत होते. याप्रसंगी महाकवी कालिदास प्रतिष्ठानचे अध्यक्ष वि.ग. सातपुते, उपाध्यक्ष डॉ.महेंद्र ठाकूरदास, वारजे साहित्य कट्ट्याचे अध्यक्ष ,माजी नगरसेवक मा .बाबा उर्फ प्रदीप धुमाळ, पुणे महानगरपालिकेच्या विरोधी पक्षनेत्या सौ. दिपालीताई धुमाळ, वारजे साहित्य कट्ट्याचे सचिव मा.डी. के. जोशी, स्वयंप्रकाशनाचे प्रकाशक मा.शुभानंन चिंचकर ,प्राचार्य नंदकिशोर बोदाई ,एकता मासिकेच्या संपादक रूपालीताई भुसारी असे अनेक मान्यवर उपस्थित होते.

पिंगळे म्हणाले, रमेश जलतारे हे कवी , लेखक आणि समाजचिंतक आहेत .समाजाचे समकालीन मूल्य पकडून त्यावर प्रखळपणे ते भाष्य करतात. या कादंबरीमध्ये देखील त्यांनी व्यवस्थेला अनेक प्रश्न विचारलेले आहेत . रघुनाथराव हे या कादंबरीतले मुख्य पात्र आहेत .मुंबईत एका चाळीत राहणारे ते आपला संसार कसा ओढतात, काय काय संघर्ष त्यांना करावा लागतो आणि  शेवटी हाती काय लागते याचे उत्तम चित्रण या कादंबरीमध्ये आहे. वाचकांना निश्चित ही कादंबरी खेळवून ठेवते हे या कादंबरीचे मोठे यश आहे. खूप दिवसांनी एक चांगली कादंबरी वाचायला मिळाली याचे समाधान देखील वि.दा. पिंगळे यांनी व्यक्त केले.

स्वातंत्र्याचा अमृत महोत्सव होऊन गेला तरी अजूनही सामान्य माणसांचे प्रश्न का सुटत नाहीत ? हा डोळ्यात अंजन घालणारा प्रश्न त्यांनी या कादंबरीतून पुढे आणलेला आहे असे पिंगळे म्हणाले.

आठ वर्षांपूर्वी वारजे भागातील साहित्यिक व कलावंतांना एक हक्काचे व्यासपीठ मिळावे म्हणून वारजे साहित्य कट्ट्याची उभारणी आम्ही महापालिकेच्या माध्यमातून केली. आज पर्यंत असंख्य कार्यक्रम या व्यासपीठावर संपन्न झाले. पुणे महानगरपालिकेतील हा सर्वात आदर्श साहित्यिक कट्टा आहे, याचे विशेष समाधान देखील वाटते असे शिक्षण मंडळाचे माजी अध्यक्ष, माजी नगरसेवक बाबा धुमाळ यांनी आपल्या मनोगतात व्यक्त केले.

डि.के. जोशी यांनी प्रास्ताविक व्यक्त केले . अतुल घटवाई यांनी सूत्रसंचालन केले.  डॉ. रमेश जलतारे यांनी कादंबरी लेखनामागची भूमिका विशद केली. गंगुबाई धुमाळ उद्यान सभागृह वारजे या ठिकाणी हा कार्यक्रम संपन्न झाला.

यावेळी भारतीय संविधान उद्देशिकेचे सामूहिक वाचन करण्यात आले. परिवर्तन विचार मंच अध्यक्ष ललित इंगळे, डॉ. बाबासाहेब आंबेडकर नामकरण समिती व बौद्ध धम्म परिषद खडकवासला यांच्या वतीने संविधान दिनानिमित्त कार्यक्रमाचे आयोजन करण्यात आले होते.

यावेळी माजी उपमहापौर दिलीप भाऊ बराटे, माजी नगरसेवक शिवराम मेंगडे, माजी नगरसेवक, शिक्षण मंडळाचे माजी अध्यक्ष बाबा धुमाळ, माजी नगरसेवक राजाभाऊ बराटे, माजी नगरसेवक सुशील मेंगडे, राष्ट्रवादी काँग्रेस कोथरूड विधानसभा मतदार संघाचे अध्यक्ष स्वप्निल दुधाने, पिडीसीसी बँकचे संचालक प्रवीण शिंदे,
महाराष्ट्र प्रदेश रिपब्लिकन पार्टी ऑफ इंडिया वरिष्ठ उपाध्यक्ष संगीता आठवले, माजी पंचायत समिती सदस्य दिलीप कदम आदी उपस्थित होते.

मित्रमंडळ चौक व पद्मावती येथून सातारा रस्ता मार्गे जाणाऱ्या बस व्होल्गा चौक-मार्केट यार्ड, सातारा रस्ता, पद्मावती, कात्रज चौक, नवले पूल आणि नवीन कात्रज बोगदा या मार्गाने जातील. या मार्गावर मित्रमंडळ चौक व कात्रज सर्पोद्यान फक्त हेच थांबे राहतील.

संगमवाडी पार्किंग येथून अहिल्यानगरकडे जाणाऱ्या बस संगमवाडी, सादलबाबा चौक, आंबेडकर चौक, गोल्फ चौक, शास्त्रीनगर चौक, वाघोली या मार्गाने जातील. या मार्गावर खराडी बायपास आणि वाघेश्वर पार्किंग हे दोन थांबे राहतील.

संगमवाडी पार्किंग येथून नाशिक रोडकडे जाणाऱ्या बस संगमवाडी, सादलबाबा चौक, चंद्रमा चौक, मुळा रस्ता, पोट्री फार्म चौक, हॅरिस पूल, नाशिक रस्ता या मार्गाने जातील. या मार्गावर थांबा नाही.

संगमवाडी येथून मुंबईकडे जाणाऱ्या बस संगमवाडी, सादलबाबा चौक, चंद्रमा चौक, मुळा रस्ता, पोल्ट्री फार्म चौक, हॅरीस पूल, निगडीमार्गे जुना पुणे-मुंबई महामार्गाने जातील.

वारजे जंक्शन येथून अहिल्यानगरकडे जाणाऱ्या बस आंबेडकर चौक, कर्वे रस्ता, पौड फाटा, एसएनडीटी, लॉ कॉलेज, एसबी रोड, पुणे विद्यापीठ चौक, संचेती, इंजिनीअरिंग कॉलेज, संगमवाडी पार्किंग, सादलबाबा चौक, आंबेडकर चौक, गोल्फ चौक, शास्त्रीनगर चौक, वाघोली या मार्गाने जातील.

मुंबई ते अहिल्यानगर रस्त्यावरील बससाठी मार्ग हरिस पूल, जुना मुंबई-पुणे महामार्ग, हायवे पोल्ट्री फार्म चौक, मुळा रस्त्याने आंबेडकर चौक, आळंदी रोड जंक्शन, गोल्फ कल्ब चौक, शास्त्रीनगर चौक-वाघोली. या मार्गावर संगमवाडी, खराडी बायपास, वाघेश्वर पार्किंग हे थांबे राहतील.

मुंबई ते सोलापूर रस्ता जुना मुंबई-पुणे महामार्ग, हॅरिस पूल, पोल्ट्री फार्म चौक, आळंदी रोड जंक्शन, आंबेडकर चौक, गोल्फ क्लब चौक, शास्त्रीनगर चौक, खराडी बायपास, मुंढवा, मगरपट्टा-हडपसर मार्गे सोलापूर रस्ता. या मार्गावर संगमवाडी, खराडी बायपास, शेवाळवाडी हे थांबे राहतील.

मुंबई ते सातारा रस्ता पुणे शहरातून प्रवेश नाही (नो एंट्री); परंतु पुणे-बेंगळुरू बायपासमार्गे बाणेर, चांदणी चौक, वारजे, वडगाव पूल, नवले पूल-नवीन कात्रज बोगद्यातून साताऱ्याकडे.

या दसरा मेळाव्याच्या कार्यक्रमाचे उद्घाटन दीपप्रज्वलनाने करण्यात आले. यावेळी प्रमुख पाहुणे म्हणून माजी नगरसेवक बाबा धुमाळ, माजी विरोधी पक्षनेत्या दिपाली धुमाळ, माजी नगरसेवक सचिन दोडके, माजी नगरसेवक किरण बारटक्के, माजी नगरसेविका सायली वांजळे, सुनीता राजगुरु, माजी सरपंच अतुल दांगट, विकास दांगट, भारत भूषण बराटे, आदी मान्यवर उपस्थित होते.

कार्यक्रमाच्या सुरुवातीला अखिल गुरव समाज ट्रस्ट ह्या नावाने  ज्ञानेश्वर पारखे यांनी तयार केलेल्या फेसबूक पेज चे उद्घाटन करण्यात आले. यावेळी उपस्थित मान्यवरांनी मार्गदर्शनपर मनोगत व्यक्त करत शुभेच्छा दिल्या.

यावेळी  संदीप जावरे व सहकारी यांनी “मन सरगम” नावाने संगीत मैफिल सादर केली. घेण्यात आलेल्या दांडिया व रास गरबा कार्यक्रमात उपस्थित महिलांनी उत्स्फूर्त सहभाग नोंदवला. या मेळाव्यात समाजातील एकी, परस्पर संवाद व भावी योजनांवरही चर्चा झाली. लवकरच समाजाच्या प्रगतीसाठी विविध विधायक उपक्रम राबविण्याचा संकल्प या वेळी करण्यात आला.

कार्यक्रम यशस्वी करण्यासाठी अखिल गुरव समाज ट्रस्टचे अध्यक्ष  अरुण पाटील, सचिव दत्तात्रय गुरव, कार्याध्यक्ष पुरुषोत्तम गवळी, उपाध्यक्ष गंगाधर पाटील, खजिनदार प्रदीप कुमार पाटील, उपाध्यक्ष अनंत पाटील, उप सचिव प्रदीप आलमले, तसेच सक्रिय सभासद  प्रदीप जावरे, संदीप जावरे, संतोष पाटील, सतीश गुरव, सचिन बिराजदार, बळीराम भंडारकुमठे, लक्ष्मण डांगे  या सर्वांनी मेहनत घेतली. कार्यक्रमाचे प्रास्तविक प्रदीप कुमार पाटील यांनी केले. राजश्री पारखे यांनी सूत्रसंचालन तर सपना डांगे यांनी आभार मानले.

याबाबत राष्ट्रवादी काँग्रेस पक्षाचे प्रभाग अध्यक्ष प्रतिक नलावडे यांनी वारजे कर्वेनगर क्षेत्रीय कार्यालयाचे सहाय्यक महापालिका आयुक्त राऊत यांना निवेदन देऊन या प्रकाराकडे गांभीर्याने लक्ष देऊन कार्यवाही करा अन्यथा आंदोलन करण्यात येईल असा इशारा देण्यात आला होता.

प्रतिक नलावडे म्हणाले, कर्वेनगरमध्ये असणाऱ्या महापालिकेच्या कै. धोंडाबाई, रामभाऊ भालेकर उद्यानाबाहेर रस्त्याच्या कडेला पदपथावर प्रचंड मोठ्या प्रमाणावर कचरा पडत असून त्यामुळे परिसरात आरोग्याचा गंभीर प्रश्न निर्माण झाला आहे. या ठिकाणी पडत असलेल्या कचऱ्यामुळे या ठिकाणी महापालिकेच्या स्थानिक आरोग्य निरीक्षकांनी कचरा डेपो केला आहे का असा प्रश्न निर्माण होत आहे. पावसाचे पाणी आणि त्यात पडत असलेला कचरा यामुळे आरोग्याचा धोका वाढला आहे. उद्यानाला लागून हा कचरा पडत असल्याने या ठिकाणी नियमित व्यायामासाठी येणाऱ्या नागरिकांना त्रास सहन करावा लागत आहे. पडणाऱ्या कचऱ्या बरोबरच याठिकाणी पदपथावर स्वच्छ च्या कर्मचाऱ्यांकडून कचरा साठवला जात असून या ठिकाणी कचरा डेपोचे स्वरूप प्राप्त झाले आहे.

या कचऱ्यामुळे उद्यानाच्या भिंतीला घुशी लागून तडे गेले असून ती पडण्याची शक्यता आहे. कचऱ्यामुळे भिंतीला घुशी लागल्या असून उद्यानात व आजूबाजूच्या सोसायट्यांमधील सापांचा वावर वाढला आहे. मुले पार्किंग मध्ये खेळत असताना साप निघत असल्याने भीतीचे वातावरण आहे.  या प्रकारामुळे कोणी दगावल्यास त्याला पालिका अधिकाऱ्यांनाच जबाबदार धरले जाईल असा इशारा प्रतीक नलावडे यांनी दिला आहे. 

या प्रकारामुळे गोल्डन पेटल, लक्ष्मीनारायण पार्क, चिंतामणी, मुक्ताई रेसिडेन्सी, अरवाना या सोसायट्यांमधील आणि मातोश्री कॉलनी परिसरात राहणाऱ्या नागरिकांना प्रचंड मनस्ताप सहन करावा लागत आहे. या संदर्भात आरोग्य निरीक्षक नंदा प्रताप मॅडम यांच्या संपर्क साधूनही त्यांच्याकडून या प्रकाराकडे दुर्लक्ष केले जात असल्याचा आरोप त्यांनी केला आहे.  त्यामुळे महापालिकेच्या वारजे कर्वेनगर क्षेत्रीय कार्यालयाने नागरिकांचे आरोग्य धोक्यात आणण्याचा विडा उचलला आहे का असा प्रश्न निर्माण होत आहे.

निवेदन दिल्यानंतर गणपती नंतर या ठिकाणाची पाहणी करून योग्य कार्यवाही केली जाईल असे आवश्वासन महापालिका सहाय्यक आयुक्त राऊत यांनी दिले होते, मात्र गणपती जाऊन बरेच दिवस झाले तरी त्यांना हा नागरी प्रश्न सोडवण्याबाबत अजून जाग आलेली नाही यावरून सहाय्यक आयुक्तांना नागरिकांच्या आरोग्याशी काळजी नसल्याचा आरोप नलावडे यांनी केला आहे.  या ठिकाणची परिस्थिती गंभीर आहेच पण कॅनॉल रस्ता, डिपी रस्ता याठिकाणी ही तीच परिस्थिती आहे. नागरिक हवालदिल झाले असून त्यांच्यामध्ये असंतोष पसरू लागला आहे. लवकरच स्थानिक नागरिकांच्या रोषाचा सामना वारजे कर्वेनगर क्षेत्रीय कार्यालयातील सहाय्यक आयुक्त व आरोग्य विभागाचे अधिकाऱ्यांना करावा लागेल असा इशारा नलावडे यांनी दिला आहे.