नागरिकांची दिवाळी आनंदी क्षणांनी भरून जावी म्हणून विरेश शितोळे यांच्याकडून १० हजार भेटवस्तूंचे वाटप..
कर्वेनगर : वारजे कर्वेनगर परिसरातील १०,००० कुटुंबाना राजमुद्रा प्रतिष्ठानचे अध्यक्ष विरेश गोरखनाथ शितोळे यांच्या वतीने दिवाळी भेट वस्तू देण्यात आली आहे. कारोना प्रादुर्भाव कमी झाला असल्याने नागरिक ही दिवाळी भयमुक्त साजरी करत आहेत. त्यांच्या या आनंदी क्षणामध्ये आपला सहभाग असावा म्हणून नागरिकांना या भेटवस्तू देण्यात आल्या आहेत.
नागरिकांची ही दिवाळी संस्मरणीय ठरावी यासाठी विरेश शितोळे यांच्याकडून प्रयत्न करण्यात आला आहे. मुलांसाठी भव्य किल्ले स्पर्धा घेण्यात आली असून या स्पर्धेतील विजेत्यांना आकर्षक बक्षिसे देण्यात येणार आहेत. त्याबरोबरच आयोजित करण्यात आलेल्या दिवाळी पहाट कार्यक्रमात सादर झालेल्या सदाबहार गीतांचा आस्वाद श्रोत्यांनी मनमुराद घेतला आहे. आता परिसरातील १०००० हजार कुटुंबांना भेट वस्तू देण्यात येत आहेत.
विरेश शितोळे म्हणाले, दिवाळी हा सण आनंद आणि उत्साहाचा असतो. सर्वजण एकमेकांना शुभेच्छांबरोबर भेटवस्तू, मिठाई देऊन स्नेहभावनेने हा सण साजरा करत असतात, त्यामुळे सर्वांसाठी दिवाळीचे दिवस हे आनंदी क्षणांचे असतात. नागरिकांची दिवाळी आनंदी क्षणांनी भरून जावी म्हणून भेटवस्तू देण्याचा उपक्रम घेण्यात आला आहे.
