ज्या भूमीत आपण जन्मलो त्या मातीच देणं लागतो याच भावनेतून दिवाळी फराळ साहित्य वाटपाचा उपक्रम.. किरण दगडे पाटील
किरण दगडे पाटील यांच्या माध्यमातून भोर वेल्हा मुळशी परिसरातील ६६ हजार कुटुंबांची दिवाळी गोड
मुळशी : दिवाळीच्या पार्श्वभूमीवर भाजपचे भोर विधानसभा, निवडणुक प्रमुख, माजी नगरसेवक किरण दगडे पाटील यांच्या माध्यमातून नागरिकांची दिवाळी गोड व्हावी यासाठी मोठ्या उत्साहात सुरू दिवाळी फराळ साहित्य वाटप कार्यक्रमाचा सुरू आहेत. आतापर्यंत भोर, वेल्हा, मुळशी परिसरातील ६६ हजार कुटुंबांना दिवाळी फराळ साहित्य वाटप करून त्यांची दिवाळी गोड करण्यात आली आहे.
भोर विधानसभा मतदार संघात ठिकठिकाणी होत असलेल्या या कार्यक्रमांना नागरिक मोठ्या संख्येने प्रतिसाद देत आहेत.
आतापर्यंत या उपक्रमात पहिल्या दिवशी भोर शहर व परिसरात २० हजार कुटुंबांना, दुसऱ्या दिवशी राजगड(वेल्हे)तालुका परिसरात १० हजार कुटुंबांना, तिसऱ्या दिवशी भोर तालुक्यातील हायवे लगतच्या गावांमध्ये १० हजार कुटुंबांना, चौथ्या दिवशी मुळशी तालुक्यातील घोटावडे फाटा येथे २० हजार कुटुंबांना तर पाचव्या दिवशी हिंजवडी माण परिसरात ६ हजार कुटुंबांना दिवाळी फराळ साहित्याचे वाटप करण्यात आले.
या उपक्रमाला प्रचंड गर्दी होत असताना शिस्तबध्द पद्धतीने कुठलाही गोंधळ नाही, गैरप्रकार नाही फक्त सेवाभाव वृत्तीतून पार पडणाऱ्या या उपक्रमावर नागरिकांनी मोठा विश्वास दाखवला आहे. त्यामुळे हे कार्यक्रम यशस्वीपणे पार पडत असून भोर वेल्हा मुळशी परिसरातील हजारो नागरिकांना दिवाळी फराळ साहित्य वाटप करून त्यांची दिवाळी गोड करण्यासाठी हातभार लावण्यात आला आहे.
किरण दगडे पाटील म्हणाले, माझ्यावर प्रेम करणाऱ्या नागरिकांची दिवाळी देखील गोड व्हावी यासाठी मी गेल्या नऊ वर्षांपासून प्रयत्नशील आहे. ह्या वर्षी या कार्यक्रमाचं नियोजन भव्य स्वरूपात केलं आहे. कार्यक्रम कुठलाही असो मी हाक दिली की लोक विश्वास ठेऊन उपस्थित राहतात. ज्या भूमीत आपण जन्मलो त्या मातीच देणं आपण लागतो याच भावनेतून हे सर्व उपक्रम सुरू आहेत.
