चौथी ते सातवीच्या विद्यार्थ्यांना मिळणार मोफत शालेय साहित्य; माजी नगरसेवक सनी निम्हण यांच्यातर्फे उपक्रम
पालकमंत्री चंद्रकांत पाटील यांच्या वाढदिवसानिमित्त माजी नगरसेवक सनी निम्हण यांच्यातर्फे उपक्रम
पुणे : माजी नगरसेवक सनी निम्हण यांच्या वतीने ‘सोमेश्वर फाउंडेशन’च्या माध्यमातून पालकमंत्री चंद्रकांत पाटील यांच्या वाढदिवसानिमित्त आयोजित ‘सेवा सप्ताह’ निमित्त चौथी ते सातवीच्या विद्यार्थ्यांसाठी शालेय साहित्य वाटप करण्यात येणार आहे.
याबद्दल माहिती देताना माजी नगरसेवक सनी निम्हण यांनी सांगितले की, “आमचे मार्गदर्शक पालकमंत्री चंद्रकांत पाटील यांच्या वाढदिवसानिमित्त ठिकठिकाणी सेवा सप्ताहाचे आयोजन केले जाते. त्याच निमित्ताने सामाजिक सेवा म्हणून औंध, पाषाण, सोमेश्वरवाडी आणि सुतारवाडी येथिल चौथी ते सातवीच्या विद्यार्थ्यांसाठी शालेय साहित्याचे मोफत वाटप करण्याचा कार्यक्रम हाती घेतला आहे. तरी विद्यार्थ्यांनी १० जून ते १७ जून पर्यंत ८३०८१२३५५५ या नंबरवर नाव नोंदणी करावी असे आवाहन करण्यात आले आहे.
पालकमंत्री चंद्रकांत पाटील म्हणाले, “सनी विनायक निम्हण यांनी नेहमीच विविध नावीन्यपूर्ण उपक्रम राबविले आहेत. रक्तदान शिबिर, पुणेआयडॉल, तसेच विविध सामाजिक कार्यक्रम राबवत समाजातील वेगवेगळ्या घटकांची सेवा कशा पद्धतीने करता येईल हे त्यांच्या उपक्रमाद्वारे साध्य केले जाते. यावेळी शालेय विद्यार्थ्यांसाठी शालोपयोगी साहित्य भेट देण्याचा उपक्रम ते राबवत आहे.
