महामारीच्या काळात परिचारिकांनी रुग्णांची केलेली सेवा कधीही विसरता न येणारी ; सचिन दांगट
वारजेत सचिन दांगट यांच्या वतीने परिचारिकांचा सन्मान
वारजे : गेली अनेक वर्ष सेवा परमो धर्म: हे ब्रीदवाक्य घेऊन सेवा करणाऱ्या वारजे माळवाडी परिसरातील हाॅस्पीटल, क्लिनीक मधील सर्व परिचारिकांचा ” जागतिक परिचारिका दिनाचे औचित्य साधुन भाजप सहकार आघाडीचे शहराध्यक्ष सचिन दांगट यांच्या वतीने सन्मान करण्यात आला.
यावेळी ट्राॅफी , प्रमाणपत्र , बूके देऊन १०० परिचारिकांना त्यांच्या सेवा कार्याबद्दल गौरवण्यात आले. याप्रसंगी सहकार आघाडी खजिनदार सुभाष आगरवाल , अनंत कुलकर्णी , डॉ. मकरंद बोरीकर , डॉ. सुहास सुडोल , डॉ.पारस गंभीर्य , डॉ.जय पवार , व्यंकटेश दांगट , किरण साबळे उपस्थित होते .
गेली दोन वर्षे कोरोना महामारीचे काळात या परिचारिकांनी रुग्णांची केलेली सेवा, दिलेला मानसिक आधार कधीही विसरता न येणारा आहे. या सेवाकार्यात काही परिचारकांना तर आपले जीव गमावावे लागले , रोज मृत्युच्या दाढेत जाऊन काम करत असताना त्यांनी चोख कर्तव्य बजावले. त्यांच्या महामारीच्या काळात व रोजच करत असलेल्या कार्याचे कौतुक करावे तेवढे कमीच आहे.
त्यांच्या अतुलनीय सेवेचा सन्मान कोरोनाच्या काळात मोठ्या प्रमाणात करणे शक्य झाले नव्हते त्यामुळे आज शतायु हाॅस्पीटल , माई मंगेशकर हॅास्पीटल , कवडे नर्सिंग होम , संजीवन हॅास्पीटल , चैतन्य हॅास्पीटल , बोरीकर हॅास्पीटल यांचेसह वारजे माळवाडी परिसरातील सर्व लहानमोठ्या हॅास्पीटल मधील परिचारिकांचा भारतीय जनता पार्टी पुणे शहर वतीने सन्मानपत्र ,पुष्पगुच्छ देऊन सन्मान करण्यात आल्याचे सचिन दांगट यांनी सांगितले.
