पुणेकरांसाठी आनंदाची बातमी,शहरातील पाणी कपात रद्द…

पुणे : पुणे शहराला पाणीपुरवठा करणाऱ्या धरणातील पाणीसाठ्यामध्ये मुबलक प्रमाणात वाढ झाल्याने पालकमंत्री चंद्रकांत पाटील यांच्या सूचनेनुसार प्रशासनाने पाणी कपात रद्द करण्यात आली आहे.शहरात उद्या पासून पाणी पुरवठा नियमित होणार आहे.

आज झालेल्या जिल्हा नियोजन बैठकीत पुणे शहरातील आणि जिल्ह्यातील कामांचा आढावा घेण्यात आला. पुणे शहराला पाणीपुरवठा करणाऱ्या खडकवासला पाणलोट क्षेत्रात गेल्या आठ दिवसांपासून जोरदार पाऊस सुरू असल्याने पानशेत, वरसगाव, टेमघर आणि खडकवासला धरणाच्या पाणी साठ्यात मोठी वाढ झाल्याने पालकमंत्री चंद्रकांत पाटील यांनी पाणी कपात रद्द करण्याची सूचना केली आहे.