लोणावळ्यात २४ तासात १०० मिलिमीटर पाऊस

पुणे : लोणावळ्यात मागील २४ तासात १०० मिलिमीटर पावसाची नोंद झाल्याने व्यावसायिक आनंदी झाले आहेत. पावसाने पाठ फिरवल्यानंतर पर्यटकांनी देखील लोणावळ्याकडे पाठ फिरवली होती. त्याचा परिणाम व्यावसायिकांवर झाला होता.

शुक्रवारी रात्रीपासून पावसाने तुफान बॅटिंग करत लोणावळाकरांना झोडपून काढलं आहे. गेल्या वर्षी याच काळात ४५८३ मिलिमीटर पावसाची नोंद झाली होती. यावर्षी आत्तापर्यंत ३८०६ मीटर पावसाची नोंद झालेली आहे. पावसाच्या हजेरीमुळे शनिवार आणि रविवार या दिवशी लोणावळ्यात पुन्हा एकदा गर्दी होण्याची शक्यता आहे. त्यामुळे शेतकऱ्यांसोबतच व्यापारीही पावसाने सुखावला असल्याचे दिसून येत आहे.