श्रीवर्धनमध्ये आढळली संशयित बोट; बोटीत सापडल्या तीन एके-४७ आणि कागदपत्रं!

पुणे : रायगडमध्ये समुद्रकिनारी एक संशयित बोट आढळली आहे. या बोटीमध्ये एके-४७ आढळल्याची प्राथमिक माहिती आहे. रायगड पोलीस गस्त घालत असताना ही बोट आढळली आहे. या बोटीत एकही व्यक्ती सापडला नसून बोटीत तीन एके ४७ आढळल्या आहेत. तसेच अनेक कागदपत्रेही सापडली आहेत. या पार्श्वभूमीवर रायगड जिल्ह्यात हायअलर्ट घोषित करण्यात आला आहे.

या संदर्भात स्थानिक आमदार अनिकेत तटकरे यांनी हा मुद्दा विधानपरिषदेत उपस्थित केला आहे. यासंदर्भात बोलताना ते म्हणाले, ”आज सकाळी ही बोट सापडली असून या बोटीत तीन एके ४७ कागदपत्रे आणि अडीचशे जिवंत काडतुसे सापडली असल्याची माहिती आहे.”