पुण्यात झालेली कृषीपर्यटन कार्यशाळा शेतकऱ्यांसाठी ठरली मार्गदर्शक
महाराष्ट्र राज्य कृषी व ग्रामीण पर्यटन सहकारी महासंघाच्या वतीने कार्यशाळेचे आयोजन
पुणे : महाराष्ट्र राज्य कृषी व ग्रामीण पर्यटन सहकारी महासंघ, मार्टच्या वतीने आयोजित करण्यात आलेली शेतकऱ्यांची कृषीपर्यटन कार्यशाळा पुण्यात संपन्न झाली. राज्यातील विदर्भ, मराठवाडा कोकण,पश्चिम महाराष्ट्र विविध भागातील शेतकरी, ग्रामीण भागतील युवक, पदवीधर, कृषी व ग्रामीण पर्यटनातील अभ्यासक आदींनी या कार्यशाळेत सहभाग घेतला. कृषी पर्यटन विषयातील विविध मुद्द्यांवर चर्चा, मार्गदर्शन झाल्याने ही कार्यशाळा शेतकऱ्यांसाठी फायद्याची ठरली.
पर्यटन संचालनालयाच्या उपसंचालिका सुप्रिया दातार करमरकर आणि मार्टचे अध्यक्ष बाळासाहेब बराटे यांच्या हस्ते दीपप्रज्वलन करून या कार्यशाळेचे उद्घाटन करण्यात आले. याप्रसंगी मार्टचे संचालक सचिव ॲड. विजयराव झोळ, अविनाश चव्हाण, संचालक विठ्ठल धनवडे, इंटेलकच्युअल फोरम ऑफ इंडियाचे सतीश देशमुख उपस्थित होते.
पर्यटन संचालनालय च्या उपसंचालिका सुप्रिया दातार यांनी कृषी पर्यटन २०२० नुसार कृषी पर्यटन केंद्राच्या नोंदणी प्रक्रिया व नियमावली याबाबत शेतकऱ्यांना मार्गदर्शन केले.
मार्टचे अध्यक्ष बाळासाहेब बराटे म्हणाले, २०११ मध्ये कृषी आणि ग्रामीण पर्यटनाला चालना देणारे सकारात्मक धोरण मसुदा मार्टने राज्य सरकारला सादर केला वेगवेगळ्या स्तरावर कृषी पर्यटन धोरण मंजुरीसाठी सातत्याने पाठपुरावा केला. पर्यटन विभागामार्फत पर्यटन केंद्रांच्या मार्केटिंग साठी भविष्यात मार्ट प्रयत्न करणार आहे, तसेच या व्यवसायाला इंटरेस्ट सबसिडी स्वरूपात अनुदान मिळण्यासाठी मार्ट प्रयत्न करत असल्याचे त्यांनी सांगितले.
मार्टच्या संचालिका सौ सोनाली जाधव यांनी कृषी पर्यटनातील आदरातिथ्य विषयाची मांडणी करताना प्रत्यक्ष कृषी पर्यटन केंद्राची फेरी करून आणली. कृषी पर्यटनातील लँडस्केप व आराखडा हा विषय अतिशय हसत खेळत, विनोद करत सांगताना योगेश आपटे यांनी शेतकऱ्यांना मूळ कृषी संस्कृतीची ओळख करून दिली.
कृषी पर्यटनाची यशोगाथा सादर करताना गप्पांगण कृषी पर्यटन केंद्रचे संचालक ॲड.ओंकार देशपांडे यांनी शेतकऱ्यांना कृषी पर्यटनातील अनेक गुपिते खुले केली.
शेतकऱ्यांना शेतकऱ्यांच्या रांगड्या भाषेमध्ये कृषी पर्यटनाचे महत्त्व योगाचार्य अनंतराव झांबरे यांनी विशद केले.
कृषी पर्यटनाच्या अभ्यासक शितल गुगळे यांनीही उपस्थित शेतकऱ्यांना कृषी पर्यटनाविषयी मार्गदर्शन केले. दिवसभराचा आढावा घेत संचालक सचिव ॲड. विजयराव झोळ यांनी कार्यक्रमात सर्वांचे आभार मानले. कृषी पर्यटन कार्यशाळेतील शेतकऱ्यांच्या एकंदरीत मार्टकडून भविष्यात फार मोठ्या अपेक्षा आहेत. मार्टने मागील १४ वर्षात विधायक कार्य, संघटन आणि सत्यासाठी संघर्ष करीत कृषी पर्यटनाला एक वेगळी उंची प्राप्त करून दिली आहे..