दिपाली धुमाळ यांच्या प्रयत्नातून वारजेत ३५ एकरमध्ये वनोद्यान ; अजित पवार यांच्या हस्ते उद्या होणार भूमिपूजन..

वारजे : वारजे येथे डुक्कर खिंडीजवळ वन विभागाच्या ३५ एकर जागेमध्ये वन विभाग व पुणे महापालिका यांच्या वतीने संजीवन वनोद्यान साकारण्यात येणार असून या उद्यानाचे शुक्रवार दिनांक १३ ऑगस्ट रोजी उपमुख्यमंत्री व पुणे जिल्ह्याचे पालकमंत्री अजित पवार हस्ते भूमिपूजन करण्यात येणार असल्याची माहिती या उद्यानासाठी पाठपुरावा करणाऱ्या पुणे महानगरपालिकेतील विरोधी पक्षनेत्या दिपाली धुमाळ यांनी दिली.

यावेळी माजी नगरसेवक, शिक्षण मंडळाचे माजी अध्यक्ष बाबा धुमाळ , निवृत्ती येनपुरे उपस्थित होते.वारजेतील डुक्कर खिंडीजवळील ३५ एकर जागेत वनोद्यान व्हावे यासाठी दिपाली धुमाळ यांच्याकडून मागील अनेक दिवसांपासून पाठपुरावा करण्यात येत होता. त्याला अखेर यश आले असून महापालिका व वन विभाग यांच्या माध्यमातून हे भव्य उद्यान साकारण्यात येत आहे. उद्या १३ ऑगस्ट रोजी सकाळी उपमुख्यमंत्री अजित पवार यांच्या हस्ते सकाळी ९ वाजता त्याचे उद्घाटन होणार आहे.