शाश्वत विकास आणि गावांच्या प्रगतीसाठी कटिबद्ध : भीमराव तापकीर.. गाव भेट दौऱ्याला उत्स्फूर्त प्रतिसाद..
खडकवासला विधानसभा मतदारसंघाचे तीन वेळा आमदार आणि भाजपा-महायुतीचे अधिकृत उमेदवार भिमराव (आण्णा) तापकीर यांच्या गाव भेट दौऱ्याला आणि पदयात्रेला मतदारसंघातील ग्रामस्थांचा भरभरून प्रतिसाद मिळाला. या गाव भेट दौऱ्याची सुरुवात जांभळी येथे पांडुरंगाच्या दर्शनाने करण्यात आली. यावेळी त्यांनी ग्रामस्थांशी संवाद साधला व केलेल्या कामाची, माहिती दिली.
या दौऱ्यात भीमराव तापकीर यांनी जांभळी, बहुली येथे ग्रामस्थांच्या भेटी घेतल्या. त्यानंतर भगतवाडी येथे विठ्ठलसेवा मंडळाच्या कार्यक्रमात सहभाग घेतला. पोटेवाडी येथे ग्रामस्थांचे स्वागत व चर्चा झाली. सांगरुण, मांडवी बुद्रुक, खडकवाडी, अगळंबे या गावांमध्ये जाऊन नागरिकांशी संवाद साधला.
या दौऱ्यात उपमहापौर दिलीप भाऊ बराटे, कृषी उत्पादन बाजार समिती संचालक दत्तभाऊ पायगुडे, उद्योजक गजानन पायगुडे, राजाभाऊ जोरी, संतोष चोरघे, पुणे ग्रामीण उपाध्यक्ष सचिन पायगुडे, तसेच भाजपा ग्रामीण अध्यक्ष नवनाथ तागुंदे, महिला अध्यक्ष दिपाली ताई वाव्हळ आणि महायुतीचे सर्व पदाधिकारी सहभागी झाले होते.
मतदारसंघातील प्रकल्पांसाठी कटिबद्धता:
गाव भेटी दरम्यान आमदार भिमराव तापकीर यांनी त्यांच्या कार्यकाळातील विकास कामांचा आढावा घेतला आणि आगामी काळातही शाश्वत विकास आणि गावांच्या प्रगतीसाठी कटिबद्ध असल्याची ग्वाही नागरिकांना दिली.
