कोथरूड राष्ट्रवादी युवक तर्फे युवाशक्तीचा सन्मान
पुणे: स्वामी विवेकानंद यांची जयंती म्हणजेच १२ जानेवारी ही दरवर्षी युवा दिन म्हणून साजरी करण्यात येते. याला अनुसरूनच राष्ट्रवादी युवक काँग्रेसच्या वतीने दरवर्षी युवांचा सन्मान करण्यात येतो. हीच प्रथा पुढे घेऊन जात राष्ट्रवादी युवक काँग्रेसच्या कोथरूड विधानसभा अध्यक्ष गिरीश गुरूनानी यांनी कोथरूड मधील विविध क्षेत्रात नाव उंचावणाऱ्या व विशिष्ट कर्तबकारी बजावणाऱ्या युवांचा सन्मान केला.
या प्रसंगी युवांचा मनोबल उंचावण्यासाठी व त्यांना सन्मानचिन्ह प्रदान करण्यासाठी राष्ट्रवादी कोथरूड अध्यक्ष हर्षवर्धन मानकर, राष्ट्रवादी युवक शहर अध्यक्ष किशोर कांबळे, राष्ट्रवादी विद्यार्थी प्रभारी सनी मानकर व विद्यार्थी अध्यक्ष विक्रम जाधव,शुभम माताळे ही मान्यवर मंडळी उपस्थित होती.
इनेबलर चॅरिटेबल ट्रस्ट चे अध्यक्ष अमोल शिनगारे व उपाध्यक्ष अभिजीत शेडगे यांचा यावेळी सन्मान करण्यात आला. शिनगारे व शेडगे हे स्वतः दिव्यांग असून दिव्यांगांसाठी बरेच कार्य करत असतात. दिव्यांगांसाठी व्यवसाय सुरू करणे असो किंवा स्पर्धा भरवणे असो, दिव्यांगांना स्वतंत्र व समर्थ बनवण्याचे कार्य ही मंडळी अतिशय प्रबळतेने करत असते.
दिव्यांग खेळाडू रेखा सचिन पडवळ व सुचित्रा खरवंडीकर यांचाही यावेळी सन्मान करण्यात आला. दिव्यांगत्वावर मात करत या दोन्ही युवतीने कोथरूडचे व पुणे शहराचे नाव देशात उंचावण्याचे काम केलेले आहे. आपल्या कर्तृत्वाच्या बळावर स्वतःची स्वतंत्र ओळख निर्माण करण्याची धमक या युवतीने दाखवली आहे असे गुरनानी म्हणाले…
थ्रो बॉल राष्ट्रीय खेळाडू रिया पासलकर, रोल बॉल महाराष्ट्र राज्याची कॅप्टन अंजली कपूर, परिचारिका प्रीती भास्कर (लोढा हॉस्पिटल) व निर्भीड पत्रकार सागर येवले यांचा ही या वेळी सन्मान करण्यात आला. या सर्व व्यक्तींनी आपापल्या क्षेत्रात कर्तुत्व बजावले आहे तसेच ही मंडळी येत्या काळात देशाचे नाव उंचविण्याचे काम करेल यात तिळमात्र शंका नाही असे गुरनानी म्हणाले..
याबरोबरच पोलीस दलात कार्यरत असलेल्या युवाशक्तीचा ही सन्मान करण्यात आला. पोलीस कॉन्स्टेबल विनायक पाडळे, पोलीस कॉन्स्टेबल अनिल बारट, पोलीस कॉन्स्टेबल अनिकेत जमदाडे, पोलीस कॉन्स्टेबल प्रशांत साखरे, पोलीस कॉन्स्टेबल नवनाथ आटोळे, पोलीस कॉन्स्टेबल विष्णू राठोड, पोलीस कॉन्स्टेबल संजय दहिभाते, पोलीस वैशाली परदेशी, पोलीस नाईक ललिता ओतारी, पोलीस कॉन्स्टेबल साधना समिंदर यांचा सन्मान राष्ट्रवादी युवक कोथरूड अध्यक्ष गिरीश गुरुनानी यांच्या मार्फत करण्यात आला.
या वेळी राष्ट्रवादी काँग्रेसचे नवनाथ खिलारे,धनंजय पायगुडे, अमोल गायकवाड,ऋषिकेश कडू,श्रीकांत भालगरे,रवी गाडे,शशांक काळभोर,आशिष शिंदे,रोहिदास जोरी आदि पदाधिकारी आणि कार्यकर्ते उपस्थित होते…
