महापालिका आयुक्तांनी निवडणूक आयोगाकडे विनंती करून प्रभाग रचना त्रयस्थ संस्थेकडून करून घ्यावी..
पुणे : पुणे महानगरपालिकेने १४/१२/२०२१ पर्यंत प्रभाग रचनाच पूर्ण केलेली नव्हती. प्रशासनावर असलेला राजकीय दबाव आणि अधिकाऱ्यांची खुशमस्करी वृत्ती व अनावश्यक राजकीय हस्तक्षेप दूर करण्याची नसलेली निर्णय क्षमता यामुळे प्रभाग रचनेचा बट्याबोळ झाला असल्याचा आरोप विरोधी पक्षनेते उज्वल केसकर यांनी केला आहे.
प्रशासनाने तयार केलेले प्रभागाचे नकाशे राजकीय नेत्यामार्फत बाहेर फिरत आहेत त्यामुळे निवडणूक आयोगाने दिलेल्या मार्गदर्शक तत्त्वाचा भंग झालेला असल्याचे केसकर म्हंटले आहे.
पुणे महानगरपालिकेच्या प्रभाग रचनेच्या संदर्भामध्ये अनेक कायदेशीर आणि मार्गदर्शक त्रुटींबाबत आम्ही राज्य निवडणूक आयोगाकडे वेळोवेळी तक्रारी दाखल केल्या होत्या त्याची दखल घेत महाराष्ट्र राज्य निवडणूक आयोगाने 14|12|2021 रोजी आम्हाला पत्र पाठवून याबाबतची एक वस्तुस्थिती समोर मांडली त्या पत्रातून आम्ही वरील अर्थ काढलेला आहे.
त्यामुळे आता आमची अशी मागणी आहे की, पुणे महापालिका आयुक्त यांनी स्वतःहून राज्य निवडणूक आयोगाकडे विनंती करावी कि पुणे महापालिकेची प्रभाग रचना त्यांनी त्रयस्थ संस्थेकडून करून घ्यावी. या संदर्भातील पत्र केसकर यांनी महापालिका आयुक्तांना दिले आहे.