केंद्रीय राज्य मंत्री मुरलीधर मोहोळ यांनी घेतली राज ठाकरे यांची भेट
पुणे : पुणे लोकसभा मतदारसंघाचे नवनिर्वाचित खासदार आणि केंद्रीय सहकार आणि नागरी विमान वाहतूक राज्यमंत्री मुरलीधर मोहोळ ह्यांनी मनसे अध्यक्ष राज ठाकरे यांची शिवतीर्थ निवासस्थानी भेट घेऊन आशीर्वाद घेतले व यावेळी राजसाहेब ठाकरे यांनी मुरलीधर मोहोळ यांना पुढील वाटचालीस शुभेच्छा दिल्या.
यावेळी मनसे पक्षाचे मनसे नेते राजेंद्र वागस्कर, सरचिटणीस किशोर शिंदे, पुणे शहराध्यक्ष साईनाथ बाबर, मनसे चित्रपट सेना प्रदेश उपाध्यक्ष अभिनेते रमेश परदेशी उपस्थित होते. लोकसभा निवडणुकीमध्ये मनसे अध्यक्ष राज ठाकरे यांनी भाजप महायुतीला पाठींबा दिला होता. मुरलीधर मोहोळ यांच्या प्रचारासाठी ठाकरे यांनी पुण्यामध्ये सभा घेतली होती.
विजयी झाल्यानंतर मोहोळ यांनी मुंबईत राज ठाकरे यांच्या शिवतीर्थ निवासस्थानी जाऊन भेट घेतली आणि आभार व्यक्त केले. ठाकरे यांनी मोहोळ यांना पुढील राजकीय वाटचालीसाठी शुभेच्छा दिल्या.
