CNG दरवाढीविरोधात 8 ऑगस्ट रोजी चक्का जाम आंदोलन

पुणे : सीएनजीच्या दरवाढीविरोधात महाराष्ट्र रिक्षा पंचायतीने ८ ऑगस्ट रोजी ‘चक्का जाम’ची घोषणा केली आहे. महाराष्ट्र रिक्षा पंचायतीचे पुणे शहर अध्यक्ष शफिक पटेल यांनी ही माहिती दिली आहे.

शफिक पटेल म्हणाले की, “8 ऑगस्ट रोजी सकाळी 11 वाजता आरटीओसमोरील महाराष्ट्र नॅचरल गॅस प्रायव्हेट लिमिटेड पेट्रोल पंपावर ‘चक्का जाम’ आंदोलन करण्यात येणार आहे. अंदाजे 50 टक्क्यांनी तीन महिन्यात सीएनजीचे दर वाढले आहेत. आज किंमत 91 रुपये प्रति किलो असताना, आम्हाला भीती आहे की ती लवकरच 100 रुपये पार करेल.”
शिवनेरी ऑटो संघटना आणि आम आदमी रिक्षा संघटना यांसारख्या इतर संघटना आणि युनियनचे सदस्यही या आंदोलनात सहभागी होणार आहेत. दरवाढ केल्याने त्यांचा प्रश्न सुटणार नाही, असा दावा ऑटोरिक्षा चालकांनी केला आहे.