वारजेमध्ये एलअँडटीच्या चुकीच्या कामामुळे दूषित पाणीपुरवठा; कंपनी आणि महापालिका अधिकाऱ्यांच्या विरोधात गुन्हा दाखल करण्याचा दीपाली धुमाळ यांचा इशारा
पुणे : पुणे शहरामध्ये सध्या मोठ्या प्रमाणात रस्ते खोदण्याचे काम सुरू आहे त्यामध्य यामध्ये २४ X 7 या पाणी पुरवठा योजने अंतर्गत एल.ॲन्ड.टी च्या माध्यमातून गेल्या अनेक वर्षापासून पिण्याच्या पाण्याचे लाईनचे काम सुरू आहे. या कामांमध्ये महापालिकेचे संबंधित अधिकारी कुठल्याही प्रकारचे लक्ष देत नाही.शहरातील चांगले चांगले रस्ते त्या ठिकाणी खोदले जातात. या मध्ये पिण्याच्या पाण्याची लाईन, पावसाळी लाईट, ड्रेनजच्या लाईने तोडफोड केली जात आहे. त्यामुळे नागरिकांना दूषित पाणी पुरवठा त्या ठिकाणी होत आहे.अशाप्रकारचे वारजे भागामध्ये एल अँड टी च्या माध्यमातून पाईपलाइन टाकण्याचे काम सुरू आहे. संबंधित अधिकारी व एल अँड टी च्या अधिकारी यांच्याकडे वारंवार तक्रारी करून सुद्धा जाणीवपूर्वक दुर्लक्ष ते करत आहेत. असा आरोप महापालिकेतील विरोधी पक्षनेत्या दीपाली धुमाळ यांनी महापालिका आयक्तांना दिलेल्या निवेदनात केला आहे.
धुमाळ म्हणाल्या, महापालिकेचे संबंधित अधिकारी व एल अँड टी चे कर्मचारी यांच्यामध्ये काय साटेलोटे असल्याचे नागरिकांमध्ये संशय निर्माण होत आहे. आपणास विनंती आहे की वारजे भागामध्ये अनेक ठिकाणी जुन्या पाईपलाइनची तोडफोड करुन दूषित पाणीपुरवठा नागरिकांना होत आहे. हा पाणीपुरवठा लाईन फुटल्यानंतर त्वरित याची दुरुस्ती केली जात नाही. दोन ते चार दिवस पिण्याचे पाणी दूषित होऊन नागरिकांना पुरवठा होत आहे. आम्ही वारंवार तक्रार करून सुद्धा दुरुस्ती होत नाही व याकडे जाणीवपूर्वक दुर्लक्ष होत आहे महापालिकेच्या वरीष्ठ अधिकारी यांच्याकडे वारंवार तक्रारी करुन सुध्दा दुर्लक्ष करीत आहेत .
त्यामुळे एल अँड टी चे अधिकारी व महापालिकेचे संबंधित कर्मचारी व ठेकेदार यांच्यावर पोलीस कारवाई व कायदेशीर कारवाई करावी अन्यथा आम्ही सर्व नागरिकांना आंदोलन करण्या शिवाय गत्यंतर नाही. अन्यथा आम्ही नागरिकांसमवेत एल अँड टी अधिकारी व संबंधित महापालिका कर्मचारी अधिकारी यांच्या विरोधात स्थानिक पोलिस स्टेशनात गुन्हा दाखल करण्यात येईल. तरी याची गांभीर्याने नोंद घ्यावी असा इशारा धुमाळ यांनी दिला आहे.
