पुणे शहर
आरटीई ऑनलाईन प्रवेश अर्ज भरण्याकरिता मुदतवाढ, राष्ट्रवादी युवक काँग्रेसच्या मागणीला यश
पुणे : शैक्षणिक वर्ष २०२३-२४ मधील आरटीई मार्फत प्रवेशासाठी ऑनलाइन अर्ज आता २५ मार्च २०२३ पर्यंत स्वीकारले जातील असा आदेश प्राथमिक शिक्षण संचालनालयातर्फे काढण्यात आलेला आहे. ऑनलाइन प्रवेशांमध्ये मुदतवाढ मिळावी यासाठी अनेक पालकांनी मागणी केली होती. या मागणीचा पाठपुरावा करत राष्ट्रवादी युवक काँग्रेसने हा विषय उचलून धरला होता.
या विषयासंदर्भात गिरीश गुरनानी अध्यक्ष राष्ट्रवादी युवक काँग्रेस कोथरूड विधानसभा यांनी शिक्षण उपसंचालक आणि प्राथमिक शिक्षण अधीक्षकांना निवेदन दिले होते. त्यांच्या मागणीला अनुसरून प्राथमिक शिक्षण संचलनालयाने आवश्यक तो बदल करीत अनेक पालकांचा महत्वपूर्ण प्रश्न सोडविला आहे. समाजातील दुर्बल व वंचित घटकांना शिक्षणाचा लाभ घेता यावा यासाठी आरटीई योजना राबविण्यात येते.
