नॅन्सी होम ते लेक टाउनशिप होम रस्त्याला माजी नगरसेवक कै. बालाजी तेलकर पथ नामकरण; महापौर मुरलीधर मोहोळ यांच्या हस्ते उद्घाटन
पुणे : पुण्याचे माजी नगरसेवक कै. बालाजी तेलकर यांचे नाव नॅन्सी होम ते लेक टाउनशिप होम या रस्त्याला देण्यात आले आहे. पुण्याचे महापौर मुरलीधर मोहोळ यांच्या हस्ते नामकरण करण्यात आले . या वेळी सर्व पक्षाचे आजी-माजी नगरसेवक उपस्थित होते . प्रामुख्याने राष्ट्रवादी पक्षाचे प्रवक्ते अंकुश काकडे , माजी महापौर दत्ता धनकवडे , माजी उपमहापौर दीपक मानकर , दत्ता सागरे , काँग्रेस पक्षाचे अभय छाजेड , मनसेचे नगरसेवक वसंत मोरे व शिवसेनेचे विशाल धनवडे यांनी आपले मनोगत व्यक्त केले.
माजी उपमहापौर दीपक मानकर यांनी बालाजी यांच्या सोबत असलेल्या मैत्री आणि अनेक आठवणी सांगितल्या . हा रस्ता वळणाचा आणि चढ -उतार चा आहे , बालाजींच्या आयुष्यात ही अनेक चढ – उतार आले त्याला त्याने धीराने तोंड दिले , असे मत त्यांनी व्यक्त केले . नगरसेवक वसंत मोरे यांनी बालाजींच्या अचानक जाण्याने समाजाचे मोठे नुकसान झाले व मित्र गमावल्याचे दुःख व्यक्त केले .
पुण्यात रस्त्यावरील चेंबर मध्ये १५ फूट खोल खड्ड्यात पडला माणूस..
महापौर मोहोळ यांनी महानगर पालिकेतील अनेक आठवणी सांगितल्या तसेच अजून एखादया रस्त्याला किंवा बागेला बालाजीचे नाव देण्याचा भविष्यात विचार करू असे आश्वासन दिले.यावेळी नॅन्सी होम सोसायटी , विष्णुपुरा वाड्यातील रहिवासी , समाज बांधव , मित्र परिवार तसेच जवळ चे नातेवाईक असा प्रचंड जनसमुदाय उपस्थित होता.सर्वाचे आभार जेष्ठ बंधू अविनाश तेलकर यांनी मानले .
