VIDEO : ‘नाळ २’चा टीझर प्रदर्शित; पाहा सिंहासन न्यूजवर

पुणे : नागराज मंजुळेंच्या आगामी ‘नाळ’ या चित्रपटाच्या दुसऱ्या भागाचा टीझर प्रेक्षकांच्या भेटीला आला आहे. या चित्रपटात श्रीनिवास पोकळेने चैत्या, देविका दफ्तरदार यांनी त्याची आई आणि नागराज यांनी चैत्याच्या वडिलांची भूमिका साकारली होती. ‘आई मला खेळायला जायचंय’ या गाण्याने तर प्रेक्षकांवर जादूच केली. त्यामुळे प्रेक्षकांना पुन्हा एकदा ‘चैत्या’च्या त्या निरागस भावविश्वात जाण्यासाठी प्रेक्षक आतुर होते. या चित्रपटाचा शेवट बघता या कथानकामध्ये पुढे काय होईल असा प्रश्न सगळ्या प्रेक्षकांना पडला होता. तर आता ‘नाळ २’च्या टीझरने प्रेक्षकांची उत्सुकता चांगलीच शिगेला पोहोचवली आहे.

‘नाळ २’ या चित्रपटाचा टीझर प्रदर्शित करण्यात आला. या टीचरच्या सुरुवातील चैत्या कुठेतरी चालत जाताना दिसतो. तर नंतर वाटेल त्याला त्याची एक मैत्रीण भेटते आणि ती त्याला तू कुठे जात आहेस? असं विचारते. त्यावर चैत्या म्हणतो, “मी माझ्या खऱ्या आईला भेटायला चाललो.” त्यावर त्याची मैत्रीण त्याला विचारते, “मग तू परत कधी येणार?” त्यावर चैत्या म्हणतो की, “आता मी येतच नाही परत. मी चाललो.” तर टीझरच्या शेवटी चैत्या बसमधून प्रवास करताना दिसतो. या टीझर आता प्रेक्षकांच्या मनात भरला आहे. यावर कमेंट करत नेटकरी त्यांना हा टीझर आवडल्याचं सांगत या चित्रपटाबद्दल उत्सुकता व्यक्त करत आहेत. येत्या दिवाळीत म्हणजेच १० नोव्हेंबर रोजी नागराज मंजुळे दिग्दर्शित हा ‘नाळ २’ प्रदर्शित होणार आहे. त्यामुळे यंदाची दिवाळी प्रेक्षकांसाठी अधिकच धमाकेदार असणार आहे.