पुणे : भारतीय जनता पक्षाच्या कोथरूड मध्य मंडल अध्यक्षपदी निलेश कोंढाळकर यांची निवड करण्यात आली आहे. तर दक्षिण मंडल अध्यक्षपदी कुलदीप सावळेकर आणि कोथरूड उत्तर मंडल अध्यक्षपदी लहू बालवडकर यांची निवड करण्यात आली आहे.
भारतीय जनता पक्षामध्ये गेल्या काही दिवसांपासून पक्षांतर्गत निवडणुका सुरू आहेत. याचाच भाग म्हणून राज्यात दोन दिवसांपूर्वी मतदार संघांसाठी मंडल अध्यक्षपद निवडीसाठी मतदान प्रक्रिया पार पडली.
या निवडणूक प्रक्रियेत निलेश कोंढाळकर, लहू बालवडकर, कुलदीप साळवेकर यांना मंडल अध्यक्ष म्हणून पदाधिकाऱ्यांनी पसंती दिल्याने त्यांची निवड आज जाहीर करण्यात आली.
कोथरूड मतदारसंघात यावेळी दोन ऐवजी तीन मंडल अध्यक्षांची निवड करण्यात आली आहे. यामध्ये कोथरूड मंडल अध्यक्ष पदी निलेश कोंढाळकर यांची निवड करण्यात आली. तर कोथरूड दक्षिण मंडल अध्यक्षपदी कुलदीप सावळेकर आणि कोथरूड उत्तर मंडल अध्यक्षपदी लहू बालवडकर यांची निवड करण्यात आली आहे.
आज झालेल्या पक्षाच्या मेळाव्यात उच्च तंत्र शिक्षण मंत्री चंद्रकांत पाटील, भाजप शहराध्यक्ष धीरज घाटे, यांनी नवनियुक्त मंडल अध्यक्ष निलेश कोंढाळकर, लहू बालवडकर, कुलदीप साळवेकर यांचे अभिनंदन करुन त्यांना भावी वाटचालीसाठी शुभेच्छा दिल्या.
