उबेर चषक बॅडमिंटन स्पर्धेत भारताकडून अमेरिका पराभूत, पीव्ही सिंधू उपांत्यपूर्व फेरीत.

मुंबई : बँकॉकमध्ये सुरु असलेल्या थॉमस आणि उबेर चषक बॅडमिंटन स्पर्धेत भारताने अमेरिकेला ४-१ने हरवलं आहे. यामुळे पीव्ही सिंधू आता उबेर कपच्या उपांत्यपूर्व फेरीत दाखल झाली आहे.

जागतिक क्रमवारीत सातव्या क्रमांकावर असलेल्या ड गटातील लढतीत पीव्ही सिंधू विरुद्ध जेनी गाई असा सामना झाला. सिंधूने दोन्ही फेऱ्यात आपलं वर्चस्व राखलं आणि २६ मिनिटे चाललेल्या सामन्यात २१-१०, २१-११ असा विजय मिळवला आहे.

दुसऱ्या लढतीत तनिषा क्रास्टो आणि ट्रीसा जॉली या महिला दुहेरी जोडीने फ्रान्सिस्का कॉर्बेट आणि अॅलिसन ली हीचा २१-१९, २१-१० असा ३४ मिनिटे चालेल्या खेळात पराभव केला आहे. कोरियन आणि भारतीय महिला संघ उबेर कपच्या उपांत्यपूर्व फेरीत पोहोचले आहेत. बुधवारी होणारा सामना अव्वल स्थान निश्चित करेल.