पुणे महापालिका निवडणुकीसाठी चार सदस्यीय प्रभाग रचनेचे काम सुरू करावे – उज्वल केसकर

पुणे : सर्वोच्च न्यायालयाच्या आदेशानुसार राज्य नगरविकास विभागाने पुणे महापालिकेची चार सदस्यीय प्रभाग रचना तयार करण्याची प्रक्रिया सुरू करावी. अशी मागणी माजी विरोधी पक्षनेते उज्वल केसकर सुहास कुलकर्णी आणि माजी नगरसेवक प्रशांत बधे यांनी मुख्यमंत्री एकनाथ शिंदे यांच्या कडे केली आहे.

केसकर म्हणाले, सुप्रीम कोर्टात  राज्य सरकारने 4/8/22 रोजी केलेल्या अधिसूचनेला आणि विधिमंडळाची परित केलेल्या 4 सदस्य प्रभाग रचना आणि मुंबई साठी पूर्वी इतकी सदस्य संख्या याला आवाहन देणारी याचिका ,याचिकाकर्त्यानी  काल सुप्रीम कोर्टात मागे घेऊन त्याबाबत हायकोर्टात दाद मागण्याचे स्टेटमेंट देऊन याचिका मागे घेतली.     

   त्यामुळे आमची आपणास विनंती आहे की नगरविकास विभागाने 4 सदस्य प्रभाग रचना तयार करण्याची प्रक्रिया सुरू करावी.सुप्रीम कोर्टाने दिलेल्या आदेशात अस्तित्वातील 4 सदस्य प्रभाग रचना अंतिम आहे. त्याची अधिसूचना काढण्याबाबत राज्य निवडणूक आयोगाला योग्य त्या सूचना द्याव्यात,ही विनंती.