अतिवृष्टीमध्ये बाणेर, बालेवाडी, पाषाण, सुस, म्हाळुंगे, कोथरुड विधानसभा भागात नागरिकांसाठी अमोल बालवडकर यांची स्वतंत्र यंत्रणा तयार…

बालेवाडी : अती पावसामुळे बाणेर, बालेवाडी, पाषाण, सुतारवाडी, सोमेश्वरवाडी, सुस, म्हाळुंगे, कोथरुड भागात अनेक ठिकाणी पाणी साचत आहे. त्यामुळे लोकांना विविध समस्यांना सामोरे जावे लागू शकते. यासाठी माजी नगरसेवक अमोल बालवडकर यांच्या वतीने वतीने नागरिकांना सर्वतोपरी मदत केली जात आहे. स्वतः अमोल बालवडकर देखील प्रत्येक्ष बाहेर पडून नागरीकांच्या अडचणी सोडविण्यासाठी प्रयत्न करत आहे. या करिता त्यांनी प्रशासनाच्या भरोशावर न थांबता स्वतःची एक यंत्रणा उभी केली आहे. ज्यामुळे नागरिकांच्या अडचणी दूर होण्यास मदत होणार आहे.

याबद्दल माहिती देताना अमोल बालवडकर यांनी सांगितले की, अतिवृष्टीमुळे आपल्या परिसरामध्ये नागरिकांना अनेक अडचणींना सामोरे जावे लागत आहे नागरिकांना या अडचणीतून दिलासा मिळावा म्हणून ज्या नागरिकांना  जनरेटर, ॲम्बुलन्स, पाणी टँकर, जेसीबी, मड पंप, अँब्युलन्स व इतर कोणतीही मदत हवी असेल तर त्यासाठी माझ्या जनसंपर्क कार्यालयाशी संपर्क साधावा अशी सर्वांना विनंती. मी स्वतः देखील बाहेर पडून सर्व गोष्टींकडे लक्ष ठेऊन आहे. तरी नागरिकांनी स्वतःची व आपल्या कुटुंबाची काळजी घ्यावी व आपल्या परिसरात काही अडचण निर्माण झाल्यास आमच्याशी संपर्क साधावा.

नागरिकांना पावसामुळे समस्या निर्माण झाल्या असल्यास मदत हवी असेल तर अमोल बालवडकर जनसंपर्क कार्यालयात 9028790999 या नंबर वर संपर्क साधावा.